الفصل السادس
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵لمسة*
*❴🔢❵الـــبـــــــــــ❴السادس❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
👸 #لمسة 👸
#الجزء_السادس
تاني يوم فقت بكير وحبيت اعمل شي حلو لأسامة
نزلت على مهلي ورحت على غرفة شذى وصرت فيقها
واتغالظ عليها
شذى : شو انعديتي من أسامة
لمسة :هههههه يلا قومي حاجتك نوم
شذى :أديش الساعة..... بكير
لمسة :معلش قومي بدي ياكي تساعديني بالمطبخ
شذى :روحي لعند( كلارا )اسم الفلبينية
لمسة :مابدي...انا بدي ياكي انتي
يلا حاجة كسلنة
شذى :طيب شو بدنا نساوي
لمسة :بدي اعمل شوية معجنات وهيك شغلات حابة اعمل فطور
مميز لأسامة
شذى :ياسلام عل الحب
طيب جاية
فتنا سوا عل المطبخ وصرنا نضحك ونخبص بالطحين وبالعجين
ههههههه وبعد أكتر من ساعة وقت قربنا نخلص نزلت لعنا لجين :صباح الخير
_صباح النور
_شو عم تعملوا من الصبح
شذى :لمسة حبت تعمل فطور مميز لأسامة
لجين :ايه والله بيستاهل بعد كل الدلال يلي عم يدللك ياه
شذى :ليش حمزة مابدللك ...لسه من كم يوم كنتو مسافرين سوا
ولا تنسي انهن عرسان لسه
لجين : لا حبيبتي المكتوب ببين من عنوانه
وبعدين هل السفرة المزعجة حاسبتيها علي
اول شي ماطلعنا من البلد اطلعنا على غير منطقة
وتانيا كل نهاري بالفندق والمسا يضحك علي بروحة مطعم أو نزلة مول
شذى :هو رايح بشغل وانتي يلي علقتي فيه شوبدك يعملك أكتر من هيك
لجين :خلص مشان الله انتي أخته شو بدك تحكي يعني
هاتوا دوقوني شو عامليين
أمم طيبين كتير
انا راجعة كمل نومتي لاتفيقوني
لمسة : هنن اديش صرلهن متزوجين
شذى :من تلت سنين
لمسة :وليش ماعندهن ولاد
شذى :مابعرف بس يمكن حمزة مابدو مالك شايفتيهن على طول بيتخانقوا
لمسة :.........
فاتت مرت عمو أم أسامة
ياسلام شو هل الروايح الطيبة
حكينالها كل شي
أم اسامة :طيب روحي غيري تيابك وانا حكمل وخلي كلارا تظبطلكن الأكل بالحديقة
الجو اليوم حلو وبتفطروا لحالكن
لمسة :لا مافي داعي بناكل كلنا سوا
ام اسامة :أبو اسامة نزل وحمزة مابيفطر وست الحسن نايمة
خلص خدوا راحتكن هلاء انتو عرسان
اطلعت على غرفتي غيرت تيابي وشفت جوال أسامة مطفي جنبه
فيقته سألني عن الساعة
خبرته وقلتله انو فطورنا بالحديقة اليوم
كان مبين عم يفكر بشي
أسامة :خلص اسبقيني لاحقك
نزلت وكملت تحضير الطاولة وبالفعل كان الجو كتير حلو
حسيت على أسامة نزل ابتسمتله
قرب من الطاولة
_روزا بالمطار عم تنتظرني واتأخرت عليها
_والفطور يلي عملته
_مستعجل كتير وهلاء بتزعل
مشي بسرعة وتركني واقفة عم شوف خطواته المستعجلة
ليركب سيارته وينطلق لعند حبيبته
في مية سؤال كان جواتي عم يصرخ
أنا شو عم ساوي هون
ليش هيك عم يعاملني مع اني مالي ذنب
نصيب ...معقول اقتنع بنصيبي
بس كان إلي الاختيار أو الأحرى انجبرت على هل الخيار
بس في شي جواتي ماعم يسمحلي أكرهه لأسامة
مابعرف شو هو ؟؟؟؟؟
حطيت راسي عل الطاولة وخبيتو بأيدي وصرت أبكي كنت حاسة بحزن كبير معبى بقلبي
حسيت على خطوات قريبة مني وصوت خفيف لمسه ..لمسه
رفعت راسي وكان حمزة لابس وحاملة شنتة بأيده ومبين رايح عل الششغل
_ليش عم تبكي
_أنا لاء ماعم ابكي
_وين أسامة هاد الفطور لألو
_ايه .....
بس كان مستعجل
حملت صحنين بأيدي وانا ملبكة وكنت بدي بلش ضب الأكل
_طيب استني خلينا نفطر سوا
_لا انا مالي نفس
_طيب حطي الصحون خليني دوق
هدول شغلك
_ايه انا وشذى عملناهن
_بس كتير طيبين راح عليه لأسامة فطور بيجنن
_شكرا ...انا عن اذنك بدي اطلع على غرفتي
مرق النهار بسلام
رجع أسامة بالليل مبسوط وعم يدندن
كنت ماشية مسكني من ايدي وشدني
_لمسة انا جوعان بدي من فطور الصبح كان شكله بشهي
_خلص راح عليك
_ياخسارة. ....
لمسة ساويلي منه مرة تانية
_أسفة ...خلص فاتك الفرصة
_من جد معد تعيديه مشاني
_لاء ..انا كنت حابة اشكرك لأني سهرتك معي وقت كان بطني عم يجعني
بس انت قابلت شكري بطريقة فظة كتير مشان هيك خلص معت عيدوا بحياتي
_من جد عم تحكي ولا مزح
_ههههه ليش متوقع اني عم امزح
عن اذنك
تركته ورجعت كملت سهرتي مع اهله بالصالون
وهو كان عم يمشي يمين ...يسار
بالصالون
ابو اسامة : شبك لك ابني والله زغى نظري منك
اسامة :لا مافي شي أنا رايح نام
ام اسامة :تصبح على خير امي
اسامة :أنا طالع عل الغرفة
وهو عم يتطلع فيني
عملت حالي مو منتبهتلوا
مشي شو ورجع
اسامة :لمسة مابدك تنامي
لمسة : لا بكير بدي كمل الفيلم
اسامة :فيلم شو
لمسة :😈 رعب
أسامة :تصبحوا على خير
شذى :خلص بقا كل شوي تصبحوا على خير وانت من اهلو
روح عم تقطعلي سلسلة افكاري
مشي اسامة وضليت لخلص الفيلم واطلعت لنام بغرفتي
اول مافتحت الباب كان مطفي الإضاءة وفكرته نايم
سكرت الباب وعم اكبس زر الاضاءة
مالقيت غير حدا حملني وزتني عل التخت وقعد جنبي
اسامة :فهميني انتي زعلانة مني
لمسة:ليش لحتى ازعل
اسامة :أكيد
لمسة :ايه أكيد
بعدته بطرف ايدي بعد هيك اذا بتريد بدي قوم غير تيابي
فتتعل الحمام غيرت تيابي وعملت دوش سريع وكان عندي لوشن للجسم بحبوا كتير بريحة الليمون بيعطي شعور بالاسترخاء
ولبست معه بجامه من لون الكناري الأصفر
سرحت شعري وطلعت بدي نام
كان أسامة مو بالغرفة
دورت عليه بعيوني لمحتله بالبلكون مشيت لشوف شو عم يعمل
سمعتوا عم يحكي عل الموبايل
بيبي روز ....I'm Sorry
I'm Sorry
وفهمت من حكيه عم يعتذر لأنوا تركها بكير وماسهر معها
دمعة عيني ورجعت عل التخت من غير ماينتبه علي
اتمددت على جنبي وضميت ايدي تحت راسي غطيت حالي
"أحقا ماأراه وحق هو ماأسمع أوتدري مابي وقد حطمت باعتذاراتك كل أوهامي
أوهاما بنيتو من دخان أمل
حسبي ربي في محنة منها ينجيني "
أسامة كان متعلق كتير ب (روز) وكنت حسو محتار كيف يراضيها
وبيوم صديقة حماتي عازمتنا على جمعة عندها
البست فستان وسشورنا شعرنا انا وشذى وكنت عم حط اللمسات الأخيرة على مكياجي وقت فات أسامة
واو شو هل الحلو ولوين رايحة ياحلوة
لمسة :رايحة مع مرت عمو عند صديقتها
اسامة :بدك تتركيني انا ماعندي مشواير اليوم
وقفت بس أنا عندي مشوار اليوم
أسفة
اسامة :خلص حبابة خليكي معي بنتفرج على فيلم سوا
وصار ينكتلي بشعراتي وينزعلي ياهن
_بس اسااااامة .....أسامة
هيك نزعتلي شعري
أسامة :خليكي معي هلاء بنتسلى سوا
اتأملت شعري بالمراية
(كنت حس اسامة عم يعاملني متل رفيقه صديقه ومو حاسس اني زوجة بحس وبغار ومستحيل سلم انو لمرة غيري )
التفت عليه :طيب وافقت بس بشرط تطلبي بيتزا
اسامة:ذكريني اطلبلكن تنتين
مانسيت وقت أكلتيلي فطوري
لمسة :هههههه لساها ببالك
اسامة :ماأنا نازي ارجع سافر على ماليزيا لأرجع دوقها بس
لمسة :...... ..
دقت مرت عمو الباب علينا مشان تستعجلني
اسامة :خلص امي روحوا انتو لمسة بقيانة معي
مين حيوصلكن
ام اسامة :اخوك حمزة
كانت لجين نازلة عل الدرج
_شفتي مرت عمو لو انا طالبة منو يوصلني عند حدا من رفقاتي ماكان قبل
بس وقت انتي حكيتي دغري وافق
ام اسامة :لا حول ولا قوة الا بالله
روح امي وديروا بالكن عل حالكن
بدك شي
اسامة :لاء الله معكن
راحوا وطلبنا البيتزا وفتحنا اللاب توب وكان منزل أسامة فيلم رعب جديد
لمسة :استنى قبل ماتبلش
بدي اطفي الاضاءة مشان يزبط الجو
أسامة :ههههههه
لمسة :ليش عم تضحك
اسامة :يلي بشوفك بفكرك قوية
لمسة :ليش أنا ضعيفة
اسامة :لاء مو هيك قصدت اني رقيقة طيبة مو ضعيفة
بلش الفيلم وكانت بدايته مرعبة كتير
ونحنا مندمجين برن موبايلو وبنرتعب وبنضحك كيف ارتعبنا
بيحمل جواله وبيرد وبيكون اتصال من روزا
شغل الضو وبلش يلبس تياب الطلعة
لمسة :أسامة لوين رايح
اسامة :روزا بالسوق مع رفقاتها ومحتاجة مصاري ولازم روح لعندها بسرعة
لمسة :لك .....لك انت شو
انا قعدت بالبيت مشانك
اسامة :هلاء مستعجل مابقدر اتأخر
مسكتوا من قميصوا ....لوين رايح انت مو حاسس انها عم تستغلك لك مو حاسس انها شريرة لك كيف قدران تحبها
اسامة : ومين قلك بس الطيبين بينحبو
نزل بسرعة وعيوني ماوقف الدمع فيهن ضليت ابكي وابكي لحتى انسيت الوقت
باب غرفتي كان عم يندق بقوة
لمسة :ميين
_ماما ....بابا ارض
فتحت الباب وكانت كلارا
_بابا حمزة .... ..ارض
فهمت منها انو حمزة بالأرض
البست غطا قريب وركضت معها
كان حمزة قدام باب البيت من جوا مغمي عليه
وجه شاحب كتير طلبت من كلارا تجيب مي وصرت رشه ماصحي معي
احترت شو اعمل واتلبكت كتير اتصلت بأسامة مارد علي
اتصلت بام اسامة وخبرتها بيلي صار
أم اسامة ارتعبت وقالتلي يمكن صار معه هبوط سكر
ولازم أعطيه شي حلو بسرعة
لمسة :انا خايفة مابعرف اتصرف
انتو تعوا بسرعة
ام اسامة :بسرعة لازم ياخد دواه وياكل شي حلو
وانا حاتصل بعمك يجي يجبني بس الله يرضا عليكي بسرعة عطيه شي حلو