دمى متحركه - الفصل الثامن - مكتملة | روايتك

*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵دمى متحركة* *❴🔢❵الـــبـــــــــــ❴الثامن❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب ||روايات|| منوعة📚: #الجزء العاشر: @rwayate سامي: سلام نزل سامي فورا و انا فتت على البيت و قعدت مع امي و حكتلا كل شي و المسا اجا فؤاد و جايب معو اغراض للبيت ،قعد شوي و راح و تاني يوم الصبح نزلنا على مركز الشرطة و قدمنا بلاغ بأبي و اعطيتن اسماء الشباب يلي كتبت كتابي علين ،كنت خايفة كتير اتحمل مسؤولية و اتحاسب على هالشي بس لانو كنت قاصر ساعدني هالشي ، ،رجعنا على البيت انا و امي و اخي يلي عطل عن المدرسة لانو خفنا ابي يلاحقو و يعرف محلنا ، تاني يوم اجا عنا فؤاد و خبرنا انو ابي صار بالتحقيق ليال : يعني هلأ فينا ننزل على شغلنا نحن و مرتاحين ؟ الا احتمال يطلعوه بعد يومين فؤاد : لا ما رح يطلعو ، رح يستدعو الشباب و الشيوخ يلي كتبو الكتاب و طول فترة التحقيق بيبقى بالسجن و اكيد التهمة رح تثبت عليه و بحولو للمحكمة فورا بس انت ما تنزلي على الشغل هلأ بس لنرتاح من هاالقصة ليال:بس انا بدي جدد عقد البيت و ادفع اجارو فؤاد:رح جددو على اسمي انا هلأ ،المهم هلأ انا سألت شيخ كرمال ناديا و قلي انو لازم اول شاب كتبو كتابو عليها هو يلي يطلقا و الباقي كلو باطل ناديا :اه طيب انا حافظة اسمو ،اسمو رامي بس هو حمصي ،كيف بدنا نتواصل معو فؤاد:اعطيني اسمو و كنيتو و انا بجيب رقمو و بخليه يطلقك شفويا على الموبايل ليال:بلكي ما قبل حتى نرجعلو يلي اخدناه منو فؤاد:ما تخافي برجعلو اياهن ليال:فؤاد انت عم تخجلنا ب لطفك و يلي عم تعملو معنا ما بعرف كيف بدي ردلك اياه فؤاد:بيجي وقتو و بترديه بعد اسبوع اطلقت من رامي و بعد شهر انحكم على ابي سنتين سجن بتهمة نصب و احتيال ، و بعد شهرين اتطلقت امي منو بمساعدة فؤاد يلي ما تركنا ابدا و بعد 4شهور امي تزوجت من فؤاد و سلمنا البيت و طلعنا منو و انتقلنا على بيت فؤاد ، كان عندو 4 شباب و بنت ، شابين عم يدرسو بالمانيا و البنت متزوجة بالامارات و الشابين عم يشتغلو بالفرع التاني للشركة بالشام ، كان بيت فؤاد قصر بالنسبة للبيوت يلي كنا نقعد فيا ،حتى فؤاد كان بالنسبة الي متل الاب يلي كنت بحلم طول حياتي يكون ابي متلو ، كان يعاملنا منيح كتير انا و اخي فايز وما كان يقبل الا ناديلو بابا و شجعني كملت دراستي يلي ابي طلعني منا ليستغلني ، لهيك بعد زواج امي ب 3شهور سجلت معاهد و بلشت ادرس بكالوريا و بلشت ارسم خطوط لمستقبلي الجديد ، لليوم يلي اجا فيه رائد ابنو لفؤاد ،كان جاي زيارة عند ابوه ليشوفو و يحكو بالشغل ، كانو قاعدين بالمكتب وقت فتت لعندن لضيفن قهوة فؤاد:تفضلي ناديا ناديا:مرحبا رائد:..اهلين كيفك ناديا :لحمدلله تفضل رائد:يسلم ايديكي ناديا :الله يسلمك بدك شي بابا؟ فؤاد:لا حبيبتي روحي على دراستك و ما تلتهي ،بدي مجموع مرتب رائد: شو عم تدرسي ؟ ناديا:بدي قدم بكالويا هالسنة انشالله رائد: بالتوفيق الله ينجحك ،شو حابة تكملي بالجامعة ؟ ناديا : حابة كمل ادارة اعمال ، يلا عن اذنكن رائد: لحظة ، ابي نحن ناقصنا موظفة بفرعنا ،ليش ما منوظف ناديا و هالشي لصالحها لانو بتاخد خبرة بسرعة فؤاد:ناديا عم تدرس هلأ رائد:بعرف ، قصدي بس تقدم بكالوريا و تنجح انشالله ،تجي تدرس الفرع عنا بجامعة الشام ناديا: اي موافقة فؤاد:كيف بدك تلحقي بين جامعتك و الوظيفة ؟ و وين بدك تسكني ؟ رائد: موضوع السكن ما تاكل همو ،بتقعد بالبيت التابع للشركة و كمان قريب على جامعتا ناديا : ايه بلحق ما تاكل همي ، عرض ما بينرفض فؤاد: طيب طلعت من مكتب ابي فؤاد،و انا مبسوطة كتير لانو رح انتقل للشام يعني رح ارجع شوف سامي يلي كنت حابة اسال ابي فؤاد عليه بس كنت اخجل و غير رأيي ، كثفت دراستي و قدمت البكالوريا و نجحت ، و اول ما طلعت المفاضلة ذكرتو لابي بالعرض يلي عرضو علي رائد ،عارضت امي اول الشي و بس شافتني مصرة وافقت و ضبيت تيابي و سافرت على الشام ، اول ما وصلت اجا رائد استقبلني و وصلني على البيت يلي بدي اقعد فيه ناديا:اي حلو رائد:صغير على قدك ناديا:الشركة قريبة من هون يعني رائد:ايه قلت بتحطي تيابك و بعدين باخدك مشوار لهنيك و بعرفك على الشغل و الموظفين ناديا:اي فكرة حلوة فوتت شنتايتي على غرفة النوم و نزلنا من البيت و رحنا على الشركة ، طلعنا على الطابق التالت ،صدفنا باسم اخوه لرائد ، اطلع علي من تحت لفوق و سلم علي بفوقية و راح ،حسيتو بيكرهني كتير مع انو انا ما بعرفو و هاي اول مرة بشوفو ، تابعنا مشي بالممر رائد:لحظة قبل ما اخدك على مكتبي بدي عرفك على هالنهفة ناديا: مين؟ دق رائد الباب و فات رائد: يلا فوتي ...ابن عمتي كيفو اليوم؟ وقفت جامدة بارضي ،كان الشخص يلي بدو يعرفني عليه هو سامي ، كان قاعد ورا المكتب و اول ما شافني ،تفاجأ و وقف شغل سامي:انت شو جابك لهون ؟ ناديا : اناااا رائد:بتعرفو بعض من قبل ؟ ناديا:انا كنت... سامي:ما كنتي شي ، رائد خدا و اطلعو لبرا خليني كمل شغل رائد:شبك ...ما طالع ..من وين بتعرفو بعض؟ ناديا : خلينا نطلع هلأ و بقلك بعدين طلعنا من مكتب سامي و خبرتو انو انا كنت خطيبتو لسامي من زمان بس ما صار نصيب ، تابعنا على مكتب رائد يلي كان جنب غرفة مكتب سامي شربنا قهوة و بعدين اخدني على المحل يلي بدي اشتغل فيه