دمى متحركه - الفصل الخامس - مكتملة | روايتك

*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵دمى متحركة* *❴🔢❵الـــبـــــــــــ❴الخامس❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب ||روايات|| منوعة📚: #الجزء الخامس: @rwayate سامي: رح بلغ و زتكن بالحبس بس بالاول بدي المليون و بعدين بطلقك ، ااااه ولا ما سئلانة انت على الطلاق ما انت كل 3شهور على ذمة واحد جديد يعني داخلة الحرام من اوسع ابوابو ناديا:قلتلك انا ما الي علاقة بكل هالشي ابي بفصل و انا بلبس سامي :اييه لنشوف ابوكي بيرجع المليون الا لا بس يسمع بنتو بخطر قعد على الكرسي و بدل شرايح الموبايل و حط الموبايل على دانو ناديا: بمين عم تتصل ؟ عم تتصل فيه؟ سامي:..هس ولا كلمة بس قلك احكي بتحكي ....الو عمي ابو فايز كيفك ....اكيد ما عرفتني ....انا صهرك ...خطيب بنتك ....لا ما فؤاد ...معك سامي ....صهرك رقم ستة....عمي النصاب الي معك مليون ليرة رجعلي اياهن لرجعلك بنتك ،ليكا عندي ..خود اسمع صوتا اذا ما مصدق ناديا(تبكي ):باباا هادا سامي ... سامي:خلص اخرسي و ارجعي لورا ...ايييه عم الدببة ....ما الي دخل ....دبرن من وين ما كان ...متل ما اخدتن بدك ترجعن ... بس تأمنن دقلي و منتفق على موعد التسليم بس اوعى تخبر الشرطة لانو رح توقع انت اول واحد لانو في اعتراف مسجل لبنتك عليك و على نصبك من كتير شباب الله يلعنك سلام سكر الخط و اطلع فيني سامي: بس حتى لو رجعلي اياهن رح بلغ عليكي و عليه حتى ما يجي واحد حمار تاني و يوقع بنفس الجورة يلي وقعت فيها انا و رح تخو بالحبس ناديا(تبكي):قلتلك ما الي علاقة انا سامي:ليش ما خبرتيني انو ابوكي هيك بدو يعمل ما كنت اتصرفت فورا بس انت الك رغبة بهالشي و سايرتيني و ضحكتي علي و فرجيتيني انك حبيتيني ناديا:....طيب متل ما بدك و اذا ابي ما رجعلك المليون شو رح تعمل فيني ؟ سامي:شغلات كتير ناديا:ما فارقة معي اعمل يلي بدك اياه ،ما في اكتر من الشي يلي عملو ابي فيني سامي:لااا في ،فيني طلع المليون ليرة منك بطريقتي ناديا:شو قصدك؟ سامي:قصدي واضح ،ابوكي ما اشطر مني بس انا اجرئ منو ناديا(تبكي):..لاا..ما بتعملا.. سامي:لا بعملا ناديا:بدك المليون انا برجعلك اياهن ،عم اشتغل هلأ بشركة و برجعلك اياهن بالتقسيط سامي:هههههههههه شركة فؤاد يلي كان على اساس يجي يخطبك بس عجبتو امك اكتررر ،لهيك صرف النظر عنك و ركز مع امك ناديا:...مين قلك هالتخبيص؟ سامي:هو قلي ،فؤاد بكون خالي و من اسبوع شفت امك عندو بالمكتب ،فاتت ضيفنا قهوة و وقت سالتو عنا حكالي كل شي و قلي الام و البنت بشتغلو هون بالشركة ،لهيك نزلت و شفتك تحت بالارشيف ناديا : اممم..بعرف خبرتني امي بس فكرتك امي انو ما انتبهتلا ....هيدا البيت لمين؟ سامي:استأجرتو ناديا:طيب هلأ انت بدك المليون الا بدك تنتقم بس لانو حسيت انو انضحك عليك؟ سامي:الاتنين سوا ناديا : بدي قلك شغلة سامي بس يمكن ما تصدقني بعد كل هالشي سامي:هاتي لنشوف بما انو قعدتنا طويلة منتسلى ناديا:..انا حبيتك سامي:هههههههه شو حبيتيني !!هههههههه ناديا:توقعت تضحك سامي:حبيتيني الا حبيتي مصرياتي ؟ شو عم تابعي بالتمثيلية ! ناديا: ولله حبيتك و لهلأ بحبك و اول ما قلتلي امي انو شفتك عند فؤاد انبسطت كتير لانو تأملت انو ارجع شوفك ... سامي : انت هبلة ،مفكرتيني صدقك و حتى لو حكيك صح انا بكرهك و قرفان منك ناديا: ....... سامي :قومي حطيلي فطور ناديا: حط لحالك انا ما جوعانة سامي:بس انا جوعان ناديا:....وين صاير المطبخ سامي:باخر الممر و اقلي بيض قمت من التخت و رحت على المطبخ ،فتحت البراد ما كان فيه غير نواشف ،بعد شوي لحقني ،حطيت الاكل على الطاولة ناديا:قوم افطر سامي : تعي افطري شبك واقفة سحبت الكرسي و قعدت اكل ناديا:هههههههه سامي:ليش عم تضحكي ؟ ناديا:حاسة حالنا متل كانو اتنين متزوجين سامي:ولله طلعتي بتحسي يعني و عندك احساس ،بس تخلصي فطور قومي اشتغلي البيت الي اسبوع مستأجرو و ما اشتغلت فيه ابدا و غسليلي تيابي بما انك قاعدة خليني استغلك شوي ناديا: و انا شو دخلني ببيتك ، مو انا اليوم طالعة منو سامي: و بلكي ما طلعتي ،بلكي بقيتي عندي اسبوع ،فيكي تعيشي بالبيت و هو وسخ ناديا: طيب ، خالك بيعرف انو انا هون ؟ سامي:لااا ما بيعرف بكل هالقصة ناديا:بتعرف اذا ابي عرف انو خالك حاطط عينو على امي ليموتو بارضو سامي:ابوكي واحد بلا شرف ،بقا ما كتير رح تفرق معو القصة اذا انت بنتو عم يخطبك كل فترة لواحد شكل ناديا: ....دايما على الاكل سامي:صحة و هنا قمت و بلشت اشتغل بالبيت و سامي قاعد عم يتفرج عالتلفزيون ناديا:كيفا اختك سامية سامي:منيحة ...تعي ...مسحي من هون ناديا:اي علي رجليك شوي سامي:تفضلي ناديا:ما دقلك ابي؟ سامي:لا لسا بكون عم يشوف من وين بدو يدبر المصاري بس ما يفكر يخطب امك كمان ههههههه ناديا: اي بجوز يخطبا لخالك هيك بكون ضحك عليكن مرتين ههههه قام هو و معصب و مسكني من ايدي سامي:فشرتي ، الحمار ما بوقع بالجورة مرتين #الجزء السادس: ناديا:خلص اتركلي ايدي عم توجعني بعد عني و رجع قعد عالصوفا سامي:كملي شغل يلا خلصت شغل البيت و رجعت قعدت ناديا :هادا البيت باديش استأجرتو؟ سامي:ليش عم تسالي؟ ناديا:.....انا ما مبسوطة بالشي يلي عم يعملو ابي و ما كان بقدر اعترض ابدا او حتى امي تعترض لانو كان يضربنا و اذ رجعت لعندو رح يرجع يعمل نفس الشي معي ،انا هلأ كنت عم فكر انو مثلا لو فيني استأجر بيت انا و امي و اخي و نعيش فيه و ندفع الاجار من شغلنا انا و امي ،لانو بكل الاحوال ما ابي يلي عم يصرف علينا يعني بالعكس كل شي بيدخلنا مصاري عم ياخدن و ما منعرف وين عم يروح فين سامي:ايييه ناديا:و هالبيت صغير و حبيتو و مناسب النا و انت بكل الاحوال بس تاخد المليون اكيد رح ترجع عالشام ،بقا انا بستأجرو محلك سامي:اممم ناديا :و كنت بدي اقترح عليك اقتراح تاني بس قلت اكيد ما رح تقبل ؟ سامي:و يلي هو ؟ ناديا :ارجع دقلو لابي و اطلب منو بدل المليون ،مليون و نص،خود المليون الك و اعطيني النص الي بس لنوقف على رجلينا انا و امي سامي: هههههههه بدك تنصبي على ابوكي ،ييي مشالله النصب عنكن بالوارثة ولله عم تشغلي هالبطيخة يلي بين اكتافك ،بس كرمال شو بدي اخدمك هالخدمة ؟لانك بتستاهلي ناديا: ما بتعمل شي لوجه الله يعني ؟ سامي:اي رح اعمل لوجه الله و رح سلمكن للشرطة و خلي تخلص البشرية من هيك ناس ،بقا هاي لوجه الله الا لا ؟ قومي اعمليلي فنجان قهوة احسن ما انك قاعدة عم تلعي فوق راسي ناديا:...طيب فكر بالموضوع رحت عملت قهوة و رجعت ناديا:شو فكرت بالموضوع؟ سامي:اي موضوع؟ ناديا:سلامتك ....تفضل سامي:هاتي مع انو ما بحبا لقهوتك ابدا ،كنت اشربا غصب عني وقت كنت خاطبك ناديا:اي ما صار شي رجعت سحبت الفنجان و حطيتو على الصنية و قمت فورا سامي:لك وين اخدتيه هاتي لهون ناديا :قوم اعملو لحالك ما مضطر تشربو غصب عنك سامي:هاتي لهون الفنجان ناديا :رايحة كب القهوة بالمجلى سامي:ناديا هاتيا لهون حتى ما خليكي ترجعي تعملي غيرو ناديا:اسحب كلامك بالاول و قول انو قهوتي طيبة سامي:..طيب قهوتك طيبة رجعت قعدت و حطتلو الفنجان قدامو ،رن موبايلو سامي: هس ما تحكي ولا كلمة .....الو...ايه ....لاااا يا حبيب مليون ما بينقصو ولا فرنك يا اما رح رجعلك اياها بالتقسيط ..ما طول كتير ..سلام ناديا:هادا ابي سامي:ايه قال ما قدر يدبر الا خمسمية ناديا: صارت الساعة 6 ،ما قلك ايمت ؟ سامي :بس ليدبرن بحكيني و منتفق ، قومي اطبخيلك شي ناكلو ناديا:ما في شي عندك خرج ينطبخ ،روح اشتري جاهز سامي:على اساس ببيت اهلك ما كنت تاكلي الا جاهز ما هيك ناديا:....ما حلوة طريقتك بالحكي بس على فكرة كل ساعة بحمد ربي انو ما تزوجنا سامي: و انا كل ساعة بلعن الساعة يلي تعرفت فيها عليكي ،قلتلي اختي من الاول ما بدك هالجماعة طماعين و جوعانين بس انا ما اقتنعت ناديا:طيب هلأ اخطب على ذوق اختك سامي:خطبت و مشي الحال على ذوق اختي ناديا:اي كتيرر منيح الله يتمم على خير قمت على المطبخ و انا حابسة دمعتي و بعد ساعة طلعت من المطبخ ناديا:قوم اتغدا سامي:شو انجزتي بعد كل هالوقت؟ ناديا :....من الموجود سامي:معكرونة.. لندوق طبخك متل قهوتك ناديا:لا طبخي متل خلقتك سامي:شو قلتي؟ ناديا:قلت طبخي اطيب من قهوتي سامي:اممم فكرت ،اقعدي تغدي ناديا:قاعدة بدون ما تعزمني ، مو انا يلي طبختا صارت الساعة عشرة و ما رجع اتصل ابي ابدا و كنت عم ادعي لربي انو ما يتصل لا هلأ و لا بعدين لانو كنت مبسوطة و مرتاحة عند سامي ، التفتت عليه ناديا:شكلو ما قدر يأمنلك اياهن و انا نعست كتير سامي:نامي بس يتصل بفيقك رحت على غرفة النوم و جبت مخدة و حرام و رجعت ،زتيتن على الصوفاية سامي:هون بدك تنامي ؟ ناديا: انت وين بدك تنام؟ سامي:ليش عم تسالي؟ ناديا:لانو انا بخاف نام لحالي ،فكرتك رح تنام هون لهيك جبت المخدة و الحرام سامي:لا نامي جوا و انا بنام هون ناديا:لا بنام محل ما انت بدك تنام عادي يعني ، شو نسيت انو نحن متزوجين سامي:اها ناديا:هلأ سامي انت بدك طلقني بحال رجعلك ابي المصاري مو هيك سامي:ايه ناديا:طيب انا ما بدي اتطلق اصلا مبسوطة كتير هون و ما بدي ارجع لبيت ابي سامي:ما على كيفك انت بتنفذي بس و اصلا عنا بالقانون او بالشرع المرة اذا ما بدها تتطلق ما فيها تمنع الطلاق ناديا : عنجد ما بعرف يعني اذا قلتلك انا ما بدي اطلق و ما بدي اطلع من هون و ملزقة عندك ،يعني رح تحملني و تكبني برا بيتك ؟ سامي:لا ما في داعي بقول لابوكي و هو بيجي ياخدك و طبعا انت بتروحي معو عالساكت لانك متل الدمية المتحركة بايدو ناديا:ما رح روح معو هالمرة و ما رح اسمع كلامو ،بقيانة عندك سامي:بس انا ما بدي اياكي