دمى متحركه - الفصل الاول - مكتملة | روايتك

*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵دمى متحركة* *❴🔢❵الـــبـــــــــــ❴الاول❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب ||روايات|| منوعة📚: 🍥دمى متحركة 🍥 @rwayate بقلم:هلاغرابلي كانت تحاول دائما ان تبقي على شيئا من برائتها لكنها لم تتجرأ يوما على خلع ما البسها من اقنعة مشوهة الى ان اصبحت جزء من ملامحها ، كانت تتحرك كالدمية بين يديه ،تفعل ما يمليه عليها ،كان يراها ثروة قابلة للتكرار و الاستغلال الف مرة اما هي كانت تريد ان تراه كما من المفروض ان يكون و لو لمرة واحدة ،انسان فقط. ابو فايز:ياااا ناديا يا ناديا وليه كلبة وينك ناديا: ايه بابا ابوفايز:شو عم تعملي وليه ؟ ناديا:كنت عم سخن المي ما قلتلي بدك تتحمم بس ترجع ابوفايز:ايه ايه هلأ اسمعي شو بدي قلك ناديا:سامعتك ابي ابو فايز :جايكي اليوم واحد جديد ،احوالو المادية احسن من يلي قبلو يعني رح نهبر منو هبرة منيحة ،بدي تفتحيلي عينيك عليه منيح و تقشطي منو شو بتقدري ناديا:حاضر ابو فايز:مابينخاف عليكي ،صرتي حافظة الدرس منيح ،بكرا الساعة 7جاي هو و اختو ناديا:حاضر ابوفايز : وينا المغضوبة امك ؟ ناديا :لسا ما اجت من الشغل ابوفايز: الله يلعنا ،كانو فاتحة سوبر ماركت ، كلها بسطة خبز ،فوتي كفي تسخين مي ،ناديا عالحطب عم تسخني مي ما هيك؟ ناديا:طبعا ابو فايز:اي برافو عليكي،ليكها اجت المغضوبة وينك لهلأ ام فايز:وين يعني ،بعت اخر ربطة هلأ و جيت ،تعبانة بدي نام عندي فيقة بكرا بكير الصبح على الفرن ابو فايز:على طول تعبانة شو عم تشتغلي بصب الباطون ،كلها بسطة طولها متر و نص ام فايز:اي انزل بكرا انت معناتا اذا كل هالقد الشغلة بسيطة بدل ما انت قاعد طول نهار على هالصوفاية و يبقى فيق بكير الساعة 5 و روح على الفرن و بعدا اوقف بالشارع طول نهار شي تحت الشمس و شي تحت المطر ابو فايز:خلص خلص حاج تحكي ، هاتي لايدي شو طلعتي غلة اليوم ،ما فيكي الا لسان ،بكرا جاينا واحد جديد ام فايز:اووووف خلصتك بقا ارحما للبنت ،خلينا نزوجا متلها متل كل هالبنات ابو فايز:وليه غبية حدا ببيع بقرة حلابة ،عم بدرلنا حليب و عم نستفاد منها ام فايز:انا تعبت من الحكي معك بهالموضوع انا فايتة اتحمم ابوفايز:عم تسخنلي ناديا المي الي ،انا بدي اتحمم ام فايز : لسا من يومين تحممت و بعدين طول نهارك بالبيت اما انا بطلع من الصبح و ما برجع للمغرب ابو فايز:فوتي اعمليلك لقمة ناكلها بلا هالعلاك المصدي ام فايز:فايتة فايتة ابو فايز:وينو ابنك الغبي؟ ام فايز:هلأ بيجي ،صدفتو اليوم بالشارع و هو عم يبيع علكة ولله بزعل عليه لهل هالصبي ،كل رفقاتو بعد المدرسة برجعو على بيوتن يرتاحو و يدرسو الا هو برجع ليدور بالشوارع تحت طقة هالشمس ابوفايز:الله يلعنو على اساس بدو يفلح بالمتيسة هالفاشل.. ناديا :سخنت المي ابي فات ابي تحمم و امي فاتت تعمل لقمة شوربة و انا فتت وراها ساعدها ناديا:يعني لايمت هالحال؟ ام فايز:ربك اعلم ناديا:ولله تعبت هادا هلأ سادس واحد و يا ريت بس لو عم نشوف قرش واحد ،وين عم يروح بالمصاري؟ ام فايز:ما بعرف ما بسترجي اسالو ،شفتي مرة سالتو قام ضربني و لم الناس علي و ببلش بسيناريو كل مرة عم ندفع اجار بيت و مي و كهربا و مصروف ناديا: اخ بس ، خايفة شي نهار ننلقط تاني يوم ،اجا العريس سامي و اختو سامية ليشوفوني ،و لبست كالعادة بنطلون جينز ضيق كتير و تيشرت ضيقة مفتوحة شوي من الصدر و قصيرة ،فاتو قعدو بغرفة القعدة و اول ما قعدو صارو يطلعو ببيتنا ،كان بيتنا افقر من الفقر ،كل البيت غرفتين بقلب بعضن و مطبخ صغير ،ضيفتن القهوة و قعدت معن شوي ،كان سامي شاب اسمر و عيونو كبار سود ،كان جذاب نوعا ما ،كان عم يطلع علي هو و مبسوط بعروستو يلي بتشبه لعبة الباربي ،بعد شوي فتت على الغرفة التانية ،و قعدو امي و ابي معن ،طلبوني و راحو و بعد يومين دقلن ابي و قلن موافقين و تفضلو لعنا نفصل النقد،تاني يوم اجو لعنا ابو فايز:بدنا متقدم مليون رح يكون من ضمنو الدهب و الملبوس سامية:بس مو كتير ابوفايز:ما كتير على هيك بنت ،ما في بالشام كلها بجمالا شوفي هالعيون الزرق ،ولا هالبياض الوردي الله يحميا سامي:طيب عمي ما منختلف انشالله و انا وضعي جاهز بيتي موجود و معفش ،يعني ما حابب طول بالخطبة ابو فايز:و لا انا ما بحب الخطبة الطويلة ،اقبض المقدم و اعطيا حق الملبوس لتجهز و الله يسرلكن سامي:طيب بس في شغلة تانية انا حابب حجبا لناديا و لبسها جاكيت طويل لعند الركبة بالخطبة ابو فايز: ......طيب ماشي ،في شي تاني كمان قبل ما نقرأ الفاتحة ؟ سامي : ايه بما انو الخطبة قصيرة انا بدي اجي كل يومين حتى نتعرف على بعض و ناخد وجه على بعض اكتر ابو فايز:وين بدك تجي ،كل بيتنا غرفتين ،تعا خدا كل يومين مشوار شغلة ساعتين على شي مطعم ،تغدو و تمشو و عيشو ايامكن و تعرفو على بعض بس بدا تاخد اخوها فايز معا سامي:اي منيح كتير خلينا نقرا الفاتحة قرو الفاتحة و طلعو من عنا و تاني يوم اجا سامي لعنا و جايبلي تياب جاكيت و بنطلون ،لبستن و طلعنا و اخدنا معنا اخوي فايز يلي كان عمرو عشر سنين مشوار ،فتنا على المطعم لنتغدى سامي : شو بتحبي تاكلي ؟ ناديا:ما بتفرق اطلب على ذوقك ،انا ما عندي شك بذوقك سامي:ليش بقا؟ ناديا:لانك اخترتني ههههه سامي:دخيل المغرور انا ناديا:ما بيطلعلي سامي:ايه انت يلي بطلعلك ، احكيلي ليش ما كفيتي دراستك؟ ناديا:ابي طلعني من بعد ما اخدت التاسع ،ما بحب البنت تروح على المدرسة سامي:اوف ليش؟ ناديا:بيعتبر المدرسة مضيعة وقت و صياعة للبنت ،لهيك بطلني و قعدني بالبيت و تقريبا الي سنتين تاركتا يعني تأقلمت و تعودت سامي:ما بتفكري تكملي دراستك ،مثلا تقدمي بكالوريا،انا ما عندي مشكلة ناديا:.....اممم ما بعرف صراحة ،ما فكرت ابدا سامي:طيب انا واصل عالحمام و جاي قام خطيبي سامي يلي كان بالنسبة الي الضحية رقم 6 على الحمام و بقيت انا و فايز ،جابولنا الاكل و بلش فايز ياكل ناديا:عيب ما بصير ،خلينا ننطر ليجي ...لك شو عم تعمل فايز:قلي ابوكي خبيلو اكام سيخ لحمة