الفصل 13
احنا وصلنا لحد مامه امير رجعت ولغايه دلوقتي مش شكه خالص في موضوع الخطوبه وامير مستني ريتاج تنزل ويعمل مفجأه لمامته ( ياتري مامته حتقبل الوضع ) وريتاج برده حصلها حاجه برده حنعرفها بعدين
نبتدي بقي احنا وقفنا لما ريتاج كانت نزله تركب عربيتها عشان تروح المستشفي وفجأه عربيه تانيه جت خبطتها
( صدفه حادثه عاديه ) ولكن ريتاج الحدثه كانت جامده اوي جدا طبعا الناس نقولها مستشفي
طبعا الاب مش عارف حاجه خالص وكان اعد هو وشريف ومعاذ منتظرينها ولكن لاحياه لمن تنادي
وفجأه تليفون احمد رن وكانت نمره غريبه احمد قلق ولكن رد
احمد : الو
الشخص :حضرتك استاذ احمد سليمان والده انسه ريتاج
احمد وابتدي القلق يزيد : ايوة انا
الشخص : بنتك في المستشفي دلوقتي وحالتها خطيره
شريف ومعاذ لقوا احمد وقف فجأه ووشه اصفر خالص قلقوا هما كمان
احمد : طب ممكن اعرف مستشفي ايه
شريف ومعاذ لما سمعوا اسم مستشفي قلقوا خالص
الشخص : العنوان ........
احمد : انا جاي حالا
وقام يمشي لقي شريف ومعاذ وراه
شريف : خير ريتاج مالها
احمد : واحد قلي انها في المستشفي
معاذ : طب ليه
احمد : معرفش
المهم راحوا وكانت المستشفي فيها دكاترة مصريين
وكانت حلوة كمان
اول لما راح
سأل السكرتيره
احمد : لوسمحت في مريضه جت هنا بأسم ريتاج احمد سليمان
السكرتيره :ايوة يافندم وهي في اوضه العمليات
احمد طلع يجري وشريف ومعاذ وراه وفضلوا اعدين مستنين الدكتور لما يطلع
وفجأه الدكتور طلع كلهم قاموا وقفوا
احمد :خير يادكتور
الدكتور : الحمد لله خير احمد ربنا ان بنتك اتلحقت في الوقت المناسب هي دلوقتي في العنايه المركزة واحتمال متفوقش دلوقتي خالص هي جيلنا وفي كسور في جنبها اثر الحدثه هم بيقولوا ان حد خبطتها بالعربيه بس هي ...ربنا معاها ادعولها
احمد اترمي علي الكرسي
شريف : احمد
احمد : حسبي الله ونعم الوكيل ليه كده ليه كده
شريف : قول الحمد الله انها جت لحد كده
احمد : انا لازم اعمل محضر بكده
شريف : بس انت حتي معكش رقم العربيه بلاش مشاكل وكويس لحد كده بقي
احمد نزل لمستوي شريف وعنيه كلها غضب وحزن
احمد : دي بنتي عارف يعني ايه هي دي اللي طلعت بيها من دنيتي
معاذ : اهدي يأونكل ان شاء الله تقوم بالسلامه
احمد ( بدموع ) : يارب يارب
نسيبهم ونروح لمصر شويه مفروض ان النهارده فرح باسل وشيماء (كانوا متفقين علي كده )
وامير راح لباسل
امير : مبروك ياعريس
باسل : الله يبارك فيك......
دمعه بعد ابتسامه
احنا وصلنا لحد اميرمامته جت متعرفش حاجه خالص عن خطوبته ( هل حتتصدم ؟) وامير لغايه دلوقتي معرفش حاجه حاجه عن حادثه ريتاج ( حيعمل ايه ياتري ؟) وان المفروض ان النهارده فرح باسل وريهام وحيكتبوا كتب الكتاب في الفرح ( بتحصل كتير ) تعالوا نشوف ايه اللي حيحصل في اخر حلقه من مسلسلي
امير كان مع باسل في بيته وشيماء عند ريهام
امير : ازيك ياعريس مبروك
باسل : الحمد لله والله يبارك فيك عقبالك يارب انت وريتاج
امير : يارب بس هي تنزل
باسل : هي قالت حتنزل امتي ؟
امير : اسبوعين او اقل
باسل : هانت علي فكره المهم انا زعلان عشان هي متصلتش بيا خالص
امير ( بصله اوي ) : وانت عايزها تتصل بيك ليه بقي ان شاء الله؟
باسل : ياراجل بقي بطل غيره انا زي اخوها وكمان حقي عليها انها تباركلي انت بتغير عليها اوي علي فكره
امير : اعمل ايه بحبها اوي اوي وبخاف عليها من نفسي حتي
باسل : كلنا كده برده بس اولا انا اخوها ثانيا انا فرحي النهارده متخفش مش حخدها منك يعني
امير ( بضحك ) : وانت تقدر يعني
باسل : ماشي ياعم القوي
امير : المشكله اني بكلمها الفون بتاعها مقفول
باسل ( قرب منه وشاور علي دماغه ) : واللهي دي حتنفجر من كتر القلق بطل بقي شويه تلاقيها مشغوله بالشغل ولا حاجه طب متكلم عمي احمد
امير : هو كمان مش بيرد
باسل : خلاص بقي متقلقش خير خير ويلا عشان احنا كده اتأخرنا
امير : يلا
وراحوا نازلين عند الحلاق عشان يظبطوا نفسهم
نروح بقي لريهام وشيماء كانوا رايحين للكوافير وهما في الطريق
شيماء : خايفه ياريمو
ريهام : اوي جدا
شيماء : انا قولت كده في البدايه ولكن ياحبيبه قلبي ده في البدايه بس لكن بقي بعد كده حتنشغلي في حياتك الجديده وانا اضمن ليكي انك حتعيشي حياه كلها حب ورومانسيه
ريهام : انت حتقوليلي
شيماء : لابجد اخويا ده حبيب حبيب يعني مش هزار وبجد حتفرحي بحياتك معاه يارب يهنيكوا ببعض
ريهام : يارب ... المهم فين فارس مجاش ليه
شيماء : انتي عارفه بقي نظام شغله بجد هو مشغول جدا انا اتحايلت عليه لكن هو فعلا مشغول وحيجي علي ميعاد الفرح علطول
ريهام : ربنا يوفقه وريتاج دي لما تنزل بس صبرها عليا
شيماء : ليه يعني ؟
ريهام : عشان متصلتش بيا وهي عارفه ان فرحي النهارده
شيماء : انا عايزة اعرف بس مش في حاجه اسمها الغايب حجته معاه يمكن مشغوله شويه وحتكلمك قبل او بعد الفرح
ريهام : ماشي ادينا مستنين مكالمتها
المهم دخلوا الكوافير
نسيبهم بقي شويه في الكوافير ونروح لريتاج
ريتاج لسه طبعا في العنايه المركزة مفقتش واحمد اعد يدعي ليل نهار وعياط بقي وشغل جامد وشريف ومعاذ بيجوا يطمنوا عليها من وقت للتاني ويقرراحمد انه يروح للدكتور في مكتبه
احمد : ازي حضرتك يادكتور ؟
الدكتور : بخير
احمد : كنت عايز اطمن علي حاله بنتي ريتاج
الدكتور : والله انا لغايه دلوقتي شايف ان الحاله مستقره لكن واللهي بنتك محتاجه تعد في العنايه اكتر من كده لان برده في خطر كبير عليها دلوقتي لوطلعت
احمد : يعني ايه
الدكتور : يعني برده حتفضل في العنايه ممكن لمده يومين كمان وبعدين بأذن الله تقدر تطلع في اوضه عاديه
احمد : عن اذنك
وطلع احمد ولقي شريف ومعاذ عند العنايه
شريف جري عليه : خير يأحمد في ايه كنت فين؟
احمد : كنت عند الدكتور
معاذ : وقال لحضرتك ايه ؟
احمد حكالهم حوار الدكتور
شريف : احمد ربنا يأحمد ان الموضوع وصل لحد كده
احمد : الحمد لله بس انا خايف عليها اوي اول مره انا وريتاج نتعرض لموقف زي ده
شريف :معلش يأحمد
المهم راحوا كلهم عن العنايه واعدوا مع بعض مكتئبين خالص ( ههههه)
نسيبهم ونروح مصر شويه
ميعاد الفرح جه وباسل وامير ونور وفارس جم
باسل : ايه ياعم كنت فين
فارس : كنت في الشغل معرفتش اجي واللهي وبعدين امير كان معاك ولا ايه يامير
سعتها امير كان سرحان في ريتاج بيفكر فيها وفي حالها
نور : امير فارس بيكلمك امير يأميييير
امير :ها نعم
فارس : لا ولاحاجه انا كنت بكلم نفسي مش اكتر
امير : نور تعال نعد في العربيه
نور : ليه في حاجه
امير : لأ بس تعال
وراحوا العربيه
نور : مالك ؟
امير : مفيش
نور : لأ مالك انت فيك شيء وبخصوص ريتاج كمان في ايه ؟
امير : الفون بتاعها مقفول من الصبح هي وبباها
نور : امممممم يمكن نايمه ( بضحك )
امير : ياسلام علي هزارك يعني حتنام طول اليوم ياذكي
نور : بطل قلق وكله يمشي ان شاء الله تكون بخير
امير : يارب يارب
المهم سمعوا صوت هيصه جامده عارفوا ان العروسه طلعت من جوه
وكانت ريهام زي القمر وكانت لبسه فستان حلو خالص ومطرز
واخر شياكه خالص وشيماء كانت برده شيك جدا
( شيماء محجبه لكن ريهام لأ )
المهم اول لما باسل شاف ريهام اتجن من جمالها وتنح في الجمال ده كله
وكله سقف بقي وكانت لحظه جميله وبعدين باسل خدها وراحوا طبعا وسط الناس وركبوا العربيه بتاعه باسل وطبعا كانت مزينه بالورد وكان قريب باسل هو اللي بيسوق
وكانت نظراتهم لبعض كلها حب خالص
المهم وصلوا القاعه وكل الناس انبهرت بالعروسه القمر
المهم ابتدي الفرح بالزفه وبعدين اعدوا بقي وبعد فتره من التهييص
رقصوا سلو وكانت اغنيه رومانسيه خالص ( ايامي معاك )
وفي وسط كل ده امير كان شويه قلقان علي ريتاج
ونفسه يعرف هي مش بترد ليه وحتي احمد مش بيرد
المهم الفرح خلص وكانت ليله حلوة اوي يعني ( انا كنت معاهم ههههه)
جه بقي تاني يوم
امير راح الشركه ( اظن فاكرينها ) وعادي دخل علي مكتب ريتاج
والقهوة جاتله
المهم بعد فتره لقي فارس وشيماء فوق راسه
امير : فارس وشيماء انتوا هنا من امتي ؟
فارس ( ببعض الغيظ ) : احنا هنا من شويه اعدنا نخبط نخبط وبعدين افتكرناك مت لكن امل ( السكرتيره ) قالت انك جوه بس تلاقيك في بلكون الاوضه ودخلتنا
امير : معلش كنت سرحان في موضوع كده
شيماء : سرحان في ايه هه اقول اقول
امير : بطلي زن وانا بقي مش حقولك ده موضوع يخصني انا
فارس : ماشي ماشي المهم يلا بينا
امير ظهرت علي وشه علامات التعجب : علي فين
فارس : علي النادي اصل ريهام وباسل مسافرين يقضوا شهر العسل
( اتفاق مسبق بين الاهلين ) فأحنا قولنا كلنا نتجمع مع بعض شويه عشان هما مسافرين بكره
امير ( بنظره حزن ) : وريتاج
شيماء : مالها
امير ( ببعض الدموع البسيطه ) :ازاي من غيرها خلاص نستوها
شيماء : اوعي تقول كده بس المشكله ان هما عايزين يسافروا بكره واحنا لازم نسلم عليهم والغريب ان ريتاج بقالها يومين مش بتكلمني خالص ولا حتي اتصلت بريهام تبارك لها ولا لباسل هي كلمتك
امير هز راسه بمعني لأ
فارس : طب قوم معانا ونكلمها كلنا واحنا مع بعض
وراحوا النادي
المهم كلهم اعدوا
امير : بأذن الله تنبسطوا في رحلتكوا
باسل : مرسي ياامير عقبالك
امير اكتفي بأبتسامه
ريهام : كان نفسي ريتاج تبقي معانا
امير : شيماء ممكن تحاولي تكلميها
شيماء : حاضر
وبالصدفه احمد كان فاتح الفون بتاعه عشان لو حد اتصل بيه
( عشان ميقلقش حد وهو اصلا كان كلم نرمين مره وقفله ونسي وسابه مقفول وكان ساعت ما بيكلم نرمين بيكلمها من تليفون المستشفي بتاعته اللي مشترك فيها هو وشريف وكان بيطمنها لكن مقلهاش حاجه خالص )
شيماء : انا بكلمها علي الفون بتاعها مش بترد حكلم اونكل احمد
وبالفعل كلمته
احمد ( بصوت متعب لأنه مش بينام اوي علي فكره ) : الو
شيماء ( بفرحه ) : ازيك ياونكل
احمد ( اتخض لأنها شيماء ) : انا كويس الحمد لله
د
شيماء : وريتاج ازيها
امير وقف في الجمله دي
احمد ( بتوتر ) : ريتاج ...... هي كويسه الحمد لله
شيماء : مالك ياونكل فيك ايه شكلك متوتر خالص
في الوقت ده امير شد الفون منها ( براحه )
امير : في ايه ياعمي
احمد* هو كمان امير موجود استر يارب * اده امير انت موجود يبقي اكيد كلكوا متجمعين وانت عامل ايه
امير : انا كويس المهم ريتاج اخبارها
احمد مردش
امير : قول ياعمي ريتاج فيها حاجه
طبعا كله اتخض من الجمله دي
شريف مال علي احمد وقله يقوله لأنه خطيبها ومن حقه يعرف
احمد : انت متأكد انك عايز تعرف اخبار ريتاج
امير : فيه ايه ياعمي قلقتني
احمد : ريتاج عملت حادثه وفي العنايه المركزه ادعيلها يابني
امير مردش وكله شاف منظره كان في حاله سكوت تام ووشه جاب الوان
المهم المكالمه خلصت علي كده
امير وقع علي الكرسي وفاضل ساكت خالص
باسل : امير في ايه
امير لا يرد
شيماء ( بخضه ) : قول بقي بلاش قلق
امير قال بصوت متقطع
امير :ريتاج
كلهم : مالها
امير : عملت حادثه وهي بين الحيا والموت وانا مش حسيبها تضيع مني
وقام جري علي عربيته
طبعا كله كان مش مصدق والموضوع اتقلب لعياط طبعا ( للبنات )
والاولاد اندهشوا من اللي سمعوه واتمنوه يكون حلم مش اكتر من كده
الجزء ده خلص علي الفكره الحلقه الاخيره حتبقي علي 2 او 3 اجزاء لانها فيها الاحداث الاخيره كلها وياتري ايه اللي حيحصل بعد كده........
دمعه بعد ابتسامه 2
احنا وصلنا لحد امير جري علي عربيته ياتري حيعمل ايه بعد ماعرف عن حادثه ريتاج طبعا ريهام وباسل اجلوا السفر وشيماء اعده في شقتها وبتعيط
امير روح بيته وطيران علي اوضته وكامل وسميه استغربوا جدا لكن صبروا عشان يشوفه امير ماله طلع امير بشنطه سفر صغيره وطيران علي الباب وكان طبعا خد فلوس تكفي
كامل : امير رايح فين وايه الشنطه دي
سميه : مالك يابني وشك مخطوف كده ليه
امير مردش وساب دموعه اللي حاول يمنعها بس هي نزلت ساب دموعه تعبر علي اللي جواه
كامل قام من مكانه مفزوع : مالك يابني فيك ايه ياحبيبي
امير مسح دموعه وقال
امير : مفيش يابابا بس اصل وبيبص لمامته
كامل حس ان في حاجه وامير مش عايز يقولها ادام سميه
كامل : تعال معايا
وخده علي اوضته وقفلوا الباب عليهم وسميه فضلت اعده مندهشه في مكانها لكن قامت وراحت شغلها ( عندها برود اعصاب )
كامل : ها فيه ايه ؟
امير : ريتاج يابابا ريتاج
كامل : مالها يابني ؟
امير : حتضيع مني يابابا حتضيع مني
ودخل في حضنه وابتدي يعيط
كامل : اهدي بس وفهمني فيها ايه
امير : عملت حادثه في لندن وبين الحيا والموت وانا لازم اكون جمبها
كامل ( بصله اوي ) : انت عايز تسافر بجد
امير : انا مش بهزر وشنطتي اهيه
كامل : طب والحجز
امير : مش مهم انا ممكن اعمل اي حاجه عشان اروحلها انت عارف معني ان ريتاج تعبانه وانا مش جمبها
كامل : انا معنديش مشكله بس ....
امير : مفيش بس بأذن الله حسافر وبدون اعذار
كامل : طب وسميه
امير : حقولها اني رايح عند نور كام يوم
كامل : وانت حتعد هناك كتير
امير : انا مش حنزل غير ومعايا ريتاج بأذن الله
المهم لما طلعوا من الاوضه ملقوش سميه
امير : كويس ان ماما نزلت
كامل عطاله فلوس تكفيه اليومين دول
المهم امير حجز طيران فوري
وراح ووصل لندن علي تاني يوم الصبح
في الوقت ده كان احمد وشريف ومعاذ في المستشفي
واحمد لقي موبايله بيرن ولقي انه امير
احمد : الو يأمير
امير ( بدون مقدمات ) : انا في لندن دلوقتي
احمد وشه اتغير : ايه انت بتقول انت فين
امير : عمي مش وقته الكلام ده ممكن تيجي تخدني من المطار من فضلك
احمد : حاضر حجيلك
والمكامله خلصت
احمد : عجبك كده ياشريف
شريف : عجبني ايه بالظبط ؟
احمد : اديك قلتلي اقوله واهه جه لندن
شريف : طب والله خير
احمد : قصدك ايه ؟
شريف : قصدي انه امير عمل الصح انت ليه مش قادر تفهم انهم مخطوبين يعني عادي ثانيا ريتاج لما ربنا يقومها بالسلامه ان شاء الله وتشوفه حتفرح اوي اكيد هو وحشها جدا
معاذ طبعا بسمع الكلام ده ومدايق نوعا ما بس حب يتجاوب مع الموقف
معاذ : علي فكره يأونكل بابا عنده حق
احمد :اصل انتوا مش عارفين خوف امير علي ريتاج بيبقي عامل ازاي وبعدين اول مره امير يسمع ان ريتاج جرالها حاجه وهو بعيد عنها ده بيحبها حب
شريف : ده يثبتلك اد ايه هو حيحافظ عليها لما يتجوزوا وبعدين حد لاقي حب في الزمن ده يلا يلا روح الحقه
وبالفعل احمد راح لأمير ... امير طبعا كان وشه باينعليه التعب والقلق والخوف المهم ركبوا العربيه
احمد : انا بس نفسي اعرف وافهم ايه اللي جابك ؟
امير : يعني عايزني اعرف اللي حصل ده واسكت
احمد : ماشي يأمير ادعيلها ربنا يقومها بالسلامه
امير : يارب
المهم وصلوا المستشفي وامير جري علي العنايه يشوف حبيبته
امير لما شاف منظرها اتخض لأنها كانت معلقه محاليل وكده يعني
امير : ليه كده لييييييييييه ( بصوت عالي )
ووقع في الارض واعد يعيط عليها ويدعيلها
احمد جري عليه ونزل لمستواه
احمد : عرفت ليه انا مكنتش عايزك تعرف ممكن تهدي بقي
امير : ازاي وريتاج بالشكل ده ياريتني كنت انا ياريتني كنت انا
احمد : استهدي بالله يابني وادعيلها
في الوقت ده كان شريف ومعاذ مش موجودين
تعالوا نروح مصر شويه
في بيت شيماء كانت مكتئبه جدا
فارس : حبيبي ممكن تهدي شويه
شيماء : ازاي بس وريتاج تعبانه ازاي اهدي
فارس : ده قدر وبعدين ادعيلها ربنا يقومها بالسلامه بدل منتي عماله تعيطي كده
شيماء ( بتعيط ) : انت عارف احنا اعدنا نقول متصلتش واحنا مكناش عارفين اللي حصل انا لغايه دلوقتي مش قدره اصدق اللي حصل
فارس : اهدي بقي بلاش كده وبعدين امير حيبقي يطمنا عليها
وكمان ياستي بأذن الله تبقي كويسه
شيماء :يارب زي متقول يارب
طبعا الام اكيد ليها دور كانت بتكلم احمد في التليفون وكان امير جمبه
نرمين : ازيك يأحمد
احمد : ازيك ياحبيبتي انت عامله ايه
نرمين : انا كويسه المهم ريتاج فين عايزة اكلمها
احمد : ريتاج ... هي نايمه دلوقتي
امير عرف ان احمد مش قايل لنرمين
نرمين : انت عارف انا كل مكلمك تقولي نايمه بقالي فتره مكلمتهاش
احمد : معلش نايمه طيب بصي ممكن علي بليل لما تصحي تكلمك
نرمين : اوعي تكون مخبي عليا حاجه
احمد : متقلقيش انتي بس
المهم المكالمه خلصت وفجأه لقي الدكتور بيجري علي العنايه
ودخل ومقلش ولا كلمه
احمد جري عليه هو امير لكن كان دخل العنايه فضلوا يبصوا عليه
وبعدين الدكتور طلعلهم
احمد وقع علي الكرسي خلاص مش قادر وكمان قلق جدا من الدكتور
امير : ايه يادكتور في حاجه حصلت
الدكتور : ياجماعه انا احب افرحكم واقولكم ان الانسه ريتاج تقدر تطلع دلوقتي في اوضه عاديه وممكن بالكتير كمان ساعتين تفوق
احمد : بجد يادكتور يعني هي كويسه
الدكتور : كويسه والحمد الله
امير : الحمد لله يارب الحمد لله
المهم تم نقل ريتاج لأوضه عاديه بس كان ممنوع الزياره لحد متفوق
وبالفعل بعد فتره قصيره ريتاج فاقت وطبعا الممرضه اللي كانت معاها لقوها طلعه تنادي الدكتور
كالعاده قلقوا طبعا
والدكتور دخل لريتاج وكانت ريتاج ابتديت تفوق وتستوعب الوضع
الدكتور : انسه ريتاج حضرتك شيفاني
ريتاج : اه
الدكتور : حمد لله علي سلامتك
ريتاج ( طبعا بصوت متعب ) : الله يسلمك
طبعا اكيد ريتاج كانت الممرضه حطه حاجه بسيطه علي شعرها يعني
المهم الدكتور سمح لهم انهم يدخلوا يطمنوا عليها لكن مش كتير اوي
احمد دخل الاول
احمد : حمدلله علي سلامه القمر بتاعي
ريتاج : الله يسلمك يا بابا
احمد : كده برده قلقتيني عليكي
ريتاج : معلش بقي نصيبي
احمد : عارفه مين معايا بره
ريتاج : مين
احمد استني طيب
وقام فتح الباب وامير ظهر
امير : حمد لله علي سلامتك ياحبيبه قلبي
ريتاج ( بفرحه ): امير مش ممكن لا مش معقول
احمد : ايه رأيك بقي
ريتاج ابتسمت وكانت مكسوفه
احمد : انا حقوم بقي اشوف شريف جه ولا لسه
( طبعا بيفضي الجو )
امير قرب ليها واعد علي الكرسي اللي جمبها
امير ( بحب ) : وحشتني اوي
ريتاج : وانت اكتر ياحبيبي
امير : سلامتك بجد ( عينه دمعت ) انا لو كنت عارف اللي حيحصلك مكنتش سيبتك تسافري انتي متعرفيش انتي ايه بالنسبه لي انا كل حاجه في حياتي
ريتاج : انا خلاص بقيت كويسه ممكن بقي بلاش الدموع دي وبعدين يعني افرد يعني اني كنت مت كنت حتعمل ايه
امير مردش ودور وشه ( زعلان )
ريتاج : انت زعلت طب خلاص خلاص متزعلش
امير : بطلي هزارك التقيل ده
ريتاج : انت بتخاف عليا اوي كده
امير مسك اديها وقال
امير : بخاف عليكي دي كلمه قليله اوي علي اللي بحسه معاكي
احمد : احم احم
امير : عمي
احمد : وفر الحب ده لمصر احنا هنا بره
امير : صحيح ياعمي انتوا حتمشوا امتي
احمد : بكره الدكتور قلي انها ممكن تروح بكره علي مصر بس تعد اسبوعين راحه
ريتاج : اسبوعين لأ كتير والشغل
امير : امال انا روحت فين بقي
ريتاج : والتصميم
احمد : معاذ حيكمله
جه تاني يوم
المهم شريف ومعاذ جم سلموا عليها قبل متمشي
وطبعا امير عرف من ريتاج مين شريف ومين معاذ
وطبعا رجعوا مصر الحمد لله وكانوا اصحابها مستنينها
(امير كان قايلهم علي الميعاد )
شيماء : حمد لله علي سلامتك ياجميل
ريتاج : الله يسلمك
باسل ( بهزار ) : انتي علي فكرة ضعيتي علينا شهر العسل
ريهام : بطل بقي رخامه حمدلله علي سلامتك ياجوجو
ريتاج : الله يسلمك و علي فكره هو عنده حق بس معلش بقي وعلي العموم احنا فيها سافروا ولسه الشهر مخلصش
باسل : لا ياريتاج انتي عندنا كلنا اهم انتي اعز صديقه لينا كلنا
امير : لاحظ اني موجود
باسل : ولاحظ اني بقول كلنا
ريتاج : لاحظ بقي انك بتكلم خطيبي
احمد : ولحظوا اني تعبت وعايز اروح
الكل : ههههههههههههههه
المهم ريتاج روحت البيت بعد عناء سفر كبير
وطبعا الام زعلت جدا لما عرفت كل اللي حصل
وعاتبت ريتاج عتاب جامد طبعا ده من خوفها عليها لكن ريتاج صلحتها بكلمتين حلوين وطمنتها عليها
وعدي الاسبوعين بدون احداث وكان امير من وقت للتاني بيزور ريتاج ولغايه دلوقتي مامته لم تشك في شيء
وفي يوم امير جه لريتاج
ريتاج قامت فتحت الباب لقيته هو
امير : ايه اللي قومك بس
ريتاج : انا خلاص تعبت من الاعده
امير : طب البسي عشان حنروح لماما
ريتاج : بجد اخيرا قررت تقول
امير : يلا بطلي رغي بقي
ريتاج : ياسلام انا في بيتي يعني برحتي
امير : يلا بجد بقي
ريتاج : طب ادخل اعد مع احمد عبال ما البس
امير سمع الكلام ( مطيع ههههه) وهي تدخل تلبس ودخلت لبست طقم شيك اوي يعني
اما عند احمد وامير
احمد : انا شايف ان مامتك ممكن تكون سريعه القرار في الموقف ده وانت داخل عليها بخطيبتك
امير : مكدبش عليك انا خايف بجد بس انا مكنتش عايز اقولها في البدايه
احمد : ان شاء الله خير
ريتاج تدخل عليهم
ريتاج : بتتكلموا في ايه ياحلوين
امير : ايه القمر ده انا كده ممكن اقع من طولي من كتر الجمال ده
ريتاج : بطل ويلا بقي
امير : عجبك كده ياعمي يعني اقولها كلام حلو علطول صداني كده
احمد : معلش معلش خدها علي اد عقلها
ريتاج : بقي كده يلا بجد لأني ابتديت اتعب
امير : طب يلا ياحبيبتي......