الفصل 7
احنا وصلنا لحد ما امير قال لريتاج انه نازل مصر وهي كانت رايحه ال park اللي كانوا متفقين عليها
هي وباسل وريهام وشيماء وفارس وريهام
المهم نزلت بسرعه جدا وكلها حيره بس كانت مبسوطه اوي ان امير حيكون جمبها ونفسها تشوفه بس هي
متوتره جدا اول بقي لما وصلت ال park
باسل : ايه يابنتي اتأخرتي ليه
ريهام : ومال وشك احمر كده ليه وبتنهجي انتي كنتي بتجري ولا ايه
شيماء : ياجماعه بليز ممكن هدوء شويه في ايه ياريتاج
فجأه الفون بتاعها رن وبصت لقيته امير وشها باظاكتر وكان عليه تعابير فرحه وزعل
ريهام : ايه يابنتي مالك
ريتاج طلعت تجري من ادامهم ووقفت بعيد وكله مستغرب جدا
ريتاج : نعم في ايه تاني
امير : بقولك انا في الطياره تقفلي ليه انتي مش عايزة تشوفني
ريتاج : اوووووف انت عايز ايه بظبط امير بجد انا تعبت انت نزلت ليه اصلا
امير : عشان اشوفك
ريتاج : بجد وفين ان شاء الله
امير : انا حلاقيكي عشان بحببببك قلبي حيقولي
ريتاج : امير ممكن تقفل
امير : بحبك
امير ( بضحكه بسيطه ) : ممكن تبطل بجد
امير : انتي شكلك سمحتي صح
ريتاج ( بغضب ) : انت لو مقفلتش انا حقفل
امير:علي العموم اكيد حنتقابل قريب
وقفل الكلمه دي قلقت ريتاج وفرحتها وبعدين جت ترجع تاني
لقت الشله وراها
شيماء : انتي كنتي بتكلمي مين
باسل ( بعصبيه ) : ماواضح هي بتكلم مين
ريهام : وانت متعصب ليه اوي كده ليه
باسل : عشان هي عمرها مكلمت حد غير العملاء لكن واضح ده انه مش عميل
ريهام : هي حره خليك في نفسك احسن عشان ريتاج مش كده
ريتاج ( بدموع بسيطه ) : اااااه لو تعرفوا اللي فيا لكن اوكي انا مش فرقه معايا عن اذنكم
ومشيت
شيماء : يابنتي استني كده ياباسل دي اختك برده
ريهام : قولتلك اديها زعلت
باسل : انا بس كنت عايز اعرف مين ده عشان ريتاج مش كده
ريهام : ممكن اسألك سؤال
باسل : اسألي ياحبي
ريهام : انت بتعامل ريتاج كده ليه
باسل : قصدك ايه
ريهام : يعني بتخاف عليها وبتحب تعرف اخباره هو في ايه بظبط
باسل مسكاها من كتفاها
باسل : ياحبيبه قلبي متخفيش ريتاج زي اختي مش اكتر واحنا متربين مع بعض وتأكدي ان مفيش
حاجه حتفرقنا عن بعض الا الموت
ريهام : بعد الشر عنك
فارس :ياجماعه بطلوا حب بقي وتعالو نشوف ريتاج وشيمو راحو فين انا حكلم شيماء
فارس : الو شيمو
شيماء : الو فارس انا دلوقتي مع ريتاج متقلقوش
فارس : واخبارها ايه دلوقتي
شيماء : بخير يلا سلام
وكانت ريتاج وشيماء في البيت بتاع ريتاج
شيماء : ممكن اعرف في ايه
وفجأه نرمين تدخل عليهم
نرمين : ايه ياريتاج انتي هنا من امتي انا مكنتش حاسه بيكي خالص
ريتاج : دخلت عادي يعني انا معايا مفتاح
نرمين : بس في ايه شكلك معيط
شيمء : بجد ياطنط انا اتحيرت معاها سعات تبقي حلوة وسعات تبقي زعلانه
ريتاج حكت لمامتها كل حاجه
نرمين : انا رأيي انه عمل صح
شيماء : وانا مع طنط في رأيها
ريتاج : ليه بقي
نرمين : عشان انا عجبني شجعته وان هو نازل مخصوص عشان يشوفك ويتأسفلك للمره المليون
وتبقي عبيطه لو مسمحتهوش وكمان بلاش تعذبيه اوي كده انا كده كده عارفه انك بتحبيه قوليله
وخليه يجي يتقدم واحنا حنقبل علطول
ريتاج : ياسلام خلاص انا حليتي الموضوع فجأه كده ليه انا خلاص اصلا وخده قراري ومش حرجع فيه
شيماء : قرارك ده غلط انك تفضلي ساكته وكله بيحب وبيتجوز وانتي اعده كده وبتحبيه يبقي اكبر غلط
ريتاج ( بعياط ) : انا كده وحره محدش ليه دعوة خالص بيا ممكن تسبوني بقي عايزة اعد لوحدي
نرمين : خلاص ياجوجو تعالي ياشيماء ونسبها تريح اعصابها شويه
المهم سبوها لوحدها وعماله تفكر في حبيبها
تليفونها رن في البدايه مشفتهوش عشان ميطلعش امير لكن لقيته اونكل شوكت
شوكت : ايه ياحبيتي برن وانتي مش بتردي ليه
ريتاج : معلش تعبانه شويه
شوكت ( بلئم ) : امير علي بليل حيكون وصل مصر
ريتاج ( بثبات ) : وانا مالي يعني
شوكت : يعني مش عايزة تشوفيه
ريتاج * اكيد نفسي اشوفه اوي كمان * : لأ وانا اشوفه ليه
شوكت : عشان تتصالحوا
ريتاج : اونكل شوكت بليز بلاش تتكلم في الموضوع ده
شوكت : انا شايف انك كبرتي الموضوع اوي بلا مستحق يذكر
ريتاج ( بعياط ) : بليز اونكل شوكت كفايه كده انا تعبت بجد تعبت
شوكت : اوكي اوكي سلام دلوقتي بس انا عايزك تريحي وتنامي كده وتنسي كل حاجه
وتسيبي كل حاجه علي ربنا خلاص مع السلامه ياريتاج
ريتاج : مع السلامه يا اونكل
المهم ريتاج استسلمت للنوم بعدها وصحت بليل علي صوت مامتها
نرمين : ريتاج ريتاج
ريتاج : خير ياماما في ايه
نرمين : تليفونك عمال يرن من الصبح بأسم امير يابنتي
ريتاج قامت نطت من علي السرير
ريتاج ( بخضه ) : يبقي وصل خلاص اه ياماما بجد انا خايفه اوي
نرمين : خايفه من مواجته ولا خايه من ضعفك
ريتاج سكتت ومردتش
المهم نروح بقي لأمير
اول منزل من الطياره كان فرحان ان حيشوف ريتاج لأن هو عرف مكانها بتاع الشركه عن طريق
حد معين وانه حيحاول قدر الامكان انه يصلحها ويخليها مسمحاه في المقابله دي
المهم وصل لقي نور وباباه وقفين مستنينه
كامل : ابني حبيبي وحشتني
امير ( بصوت متعب ) : وانت اكتر يابابا
كامل : بابا انت اول مره تقولي بابا في ايه يابني ومالك تعبان كده ليه
نور : اكيد من الطياره ياعمي يلا بس علي البيت
امير : امال ماما فين
الاب ونور سكتوا
امير ( بعياط خفيف ) : اكيد برده مش فضيالي صح في سفريه من سفريتها صح ده اكتر وقت انا
محتجلها فيه
نور : بس يلا بس تعالي نروح
المهم روحوا وحكلهم الموضوع من الاول للأخر
كامل : هي الغلطانه
نور : انت الغلطان
مير : ممكن اعرف ليه انا وهي غلطانين
كامل : اولا هي غلطانه عشان كبرت الموضوع وانت اصلا معملتش حاجه لكل ده
نور : لا ياعمي اسمحلي امير برده غلطان لأنه لوكان بيحبها زي مابقول يبقي مكنش
عمل كده
امير : خلاص خلاص انا ريحلها بكره
المهم دخل اوضته
نور : ياعمي انا ماشي بقي
كامل : ماشي يابني بس اوعي تقوله علي اللي حصل انا مش حقوله
نور : حاضر ياعمي
المهم جه تاني يوم ريتاج في الشركه
احنا وصلنا لحد امير كان رايح لريتاج تاني يوم عشان يصلحها
المهم ريتاج في الشركه
ريتاج : امل يا ااااااااااااامل
امل ( بخضه ) : خير يافندم في حاجه
ريتاج : معلش يا امل انا اعصابي بس تعبانه شويه ممكن تعملي فنجان القهوة بتاعي
امل : اوامرك يا فندم
المهم امل مشيت وريتاج عماله تفكر
ريتاج * ياتري عامل ايه دلوقتي انت وحشتني اوي بجد نفسي اشوفك
طب طالما انا بحبه ساكته ليه * ويقطع عليها تفكريها صوت الباب
ريتاج مسحت دموعها بسرعه
ريتاج : ادخل
باسل : انتي لسه زعلانه
ريتاج ( بطفولييه ) : ماسي ماسي ادخل ادخل
ريهام وفارس وشيماء : طب واحنا
ريتاج : اده ده كله هنا ادخلوا ادخلوا
وبعدين ياشيماء انتي مش وراكي شغل وبعدين بصت لفارس ولا ايه
شيماء : عادي يعني
ريتاج : طيب خير عايزين ايه
ريهام : ايه المقابله دي يابنتي نفسي احس انك رقيقه
امير : مهي فعلا رقيقه بس مع ناس ناس
ريتاج اول لما سمعت الصوت ده طبعا ده صوت حبيبها قامت مفزوعه من علي الكرسي
وفضلت مبلمه فيه وهو مبلم فيها
ريتاج:اده هو انت جيت هنا ازاي
امير : اده انتي حتسبيني واقف كده
ريتاج :لا ابد اتفضل تشرب ايه
امير : لا انا مش جاي اشرب انا بس عايزك في كلمتين
باسل ( بخنقه ) : ممكن اعرف في ايه بظبط
ريتاج : ده ده
امير : انا الباشمهندس امير كامل مهندس ديكور شاطر وكنت شغال مع ريتاج
في فرنسا وكنت عايزها في شغل
باسل ( بلئم ) : شغل طب نسيبك بقي مع الشغل انا والشله حنستناكي في
الكافيتريا اوعي تتأخري
ريتاج وهيليه بصه لأمير : حاضر حاضر
وكلهم نزلوا ومستغربين طبعا معادا شيماء لأنها عارفه كل حاجه
ريتاج ( بجد ) : ممكن اعرف انت كدبت عليهم ليه
امير : قصدك ايه
ريتاج : قصدي انت فهمه كويس انت مش جاي لشغل
امير : وانتي كنتي عايزني اقولهم ايه
ريتاج : معرفش بس انت ايه اللي جابك مصر
امير : جيت عشان قلبي هنا
ريتاج : انا قولت بطل
امير : بحبك وبموت فيكي
انا اسف بقي عشان خطري انا نازلك مخصوص
ريتاج: وانا مكنتش عيزاك تنزل انت حتضيع هنا انت مستقبلك هناك مش هنا
امير : انتي قلقانه عليا ولا ايه
ريتاج : امير عن اذنك
ومشيت وسبته
المهم ملخص سريع كده للأحداث
ريتاج لما امير جالها المكتب طبعا استغربت جدا وطلع ان اونكل شوكت
مقولش مكان المكتب يبقي ياتري مين ( حنعرف الحلقه دي )
المهم بعدمسمعته مشيت من غير مترد حتي عليه وكانت بعض الدموع علي خدها
يلا ندخل الحلقه بقي (كفايه تلخيص لحد كده )
المهم امير كان في قمه الاندهاش وكان نازل عليه سكوت تام وكان شكله
حاجه تانيه خالص
المهم الشله شافت ريتاج نازله وبتعيط شيماء جريت عليها
شيماء : ريتاج استني يابنتي في ايه
ريتاج (بعياط ) : من فضلك انا عايزة امشي لوحدي بليز ياشيماء
شيماء : يابنتي
ريتاج ( بعصبيه ) : قولت عايزة امشي لوحدي
شيماء : خلاص خلاص خدي بالك انتي بس من نفسك
المهم شيماء رجعت للشله
باسل : في ايه يابنتي مالها زعلانه ليه
شيماء : معرفش
باسل : انا لازم اطلع فوق اشوف الشخص ده عملها ايه
ريهام : باسل استني
شيماء : اه من اخويا ده
ريهام : هو علطول دايما مندفع
شيماء :واكتر من كده كمان
المهم باسل طلع لقي امير زي مهو ساكت ومش فاهم اي حاجه طبعا باسل لما شافه
صعب عليه وحس ان في حاجه بين امير وريتاج غير الشغل وحس ان دي كدبه
وخلاص المهم راح اعد ادامه وامير برده ولا هو هنا
باسل : استاذ امير مالك يأستاذ امير
امير : مفيش انا لازم امشي
وقام عشان يمشي باسل من ايده
باسل : لأ انا عايزك شويه
امير ( بصوت متعب ) : افندم اي خدمه
باسل : انا بس عايز اعرف في ايه بينك وبين ريتاج
امير : افندم قصدك ايه
باسل : اصل انت وهي كنت في قمه الاندهاش لما شوفته بعض
امير : عادي يعني شغل
باسل : والشغل برده يخليها نزله معيطه
امير * طب هي بتعيط ليه طالما هي صح معقول ناويه ترجع في كلامها *
وبعد كده نزلت دمعه من عينه غصب عنه
باسل : يااااااااااه ده شكله موضوع خطير بص اعتبرني زي اخوك واحكيلي
صدقيني الحمل حيخف عليك لما تفضفض لأي حد وياسيدي اعتبرني صديق من
دلوقتي
امير : ماشي يا استاذ باسل
باسل : لالا بلاش استاذ احنا خلاص بقينا صحاب
امير حكاله كل حاجه
وفي الوقت ده عند الشله
ريهام : ده اتأخر اوي انا خايفه يكون قلبها خناق
شيماء ( بخضه ) : خناق صدقي ممكن صح طب تعالي نطلع نشوف
المهم طلعوا فوق لقوا كله هادي ولا في خناق ولا حاجه ( بلاغ كاذب يعني )
شيماء : اده مش يلا ياباسل
باسل : ماشي اسبقوني علي العربيه وانا جاي
المهم نزلوا
باسل : يلا تعالي اوصلك معايا
امير :لا لا خالص مش حينفع لأني محتاج ابقي لوحدي شويه وعلي العموم
احنا معانا ارقام بعض صدقيني لو احتجتلك حتصل بيك
باسل : خلاص اعتبره ده وعد
امير : وعد
المهم كل واحد نزل وركب عربيته وطبعا باسل حكي للشله
باسل : ياجماعه مش عارف ليه حاسس انه مش ده الموضوع الصح
ريهام : وليه بقي مش مصدق
باسل : مش عارف
شيماء : لأ لازم تصدق
فارس : وليه بقي انتي متأكده من كلامه
شيماء : ياحبيب قلبي افهم بس انا ريتاج حكتلي الموضوع ده كله اول مرجعت مصر
واكيد مش بتكدب يعني وصدقوني هي مش بتكدب
باسل : بقي كده طب احنا لازم نتصرف وبسرعه وانا كنت مجهز خطه لما سمعته في بالي
بس لازم اونكل احمد يوافق عليها
الشله : ايه هي
باسل _____________________
الكل : فكره حلوة
المهم موب بتاع شيماء رن وكانت ريتاج
شيماء : الو ريتاج عامله ايه دلوقتي
ريتاج ( بعصبيه ) : ممكن تجيلي دلوقتي وفورا
شيماء : طيب حاضر مسافه السكه
شيماء : معلش ياباسل ادخل علي بيت ريتاج
باسل : حاضر انا عارف ان النهارده مش حيعدي حلو
فارس : ياشيخ بطل تشائم
المهم راحوا عند ريتاج......
المهم احنا وقفنا لغايه ريتاج كانت متعصبه جدا وعايزة شيماء تجيلها
المهم وصلوا البيت بتاع ريتاج
نرمين : ايه ياولاد في ايه
شيماء : مفيش ياطنط بس ريتاج عايزاني بس في حاجه
نرمين : طب ادخليلها
المهم شيماء دخلتلها وكل بقي مع طنط جوه
شيماء : ممكن افهم في ايه بقي
ريتاج ( بعياط ) : انتوا بتعملوا فيا كده ليه
شيماء : في ايه مالك ليه كل ده
ريتاج : انتي اللي قولتي لأمير علي مكان الشركه صح ارجوكي قولي وريحيني قولي ان انتي
وبعدين وقعت علي الارض واعدت تعيط
شيماء جريت عليها
شيماء : حبيبتي انا اصلا اول مره اعرف ان امير في مصر وبعدين انا معرفوش عشان اكلمه
مش ممكن يكون اونكل شوكت
ريتاج : لأ هو قالي لأ مش هو
شيماء : مش ممكن يكون بيكدب عليكي
ريتاج : لأ اوعي تقولي كده امير عمره ميكدب ابدا
شيماء : وانتي ليه متأكده اوي كده
ريتاج : لأني بحبه
شيماء : طيب يبقي انتي في غني من العذاب ده وهو كمان ميستهلش منك كل ده دانتي عذبتي عذاب
ولولا انه بيحبك كان سابك من زمان
ريتاج ( بعياط وهي في حضنها ) : ياريت يسبني وينساني تعرفي انا دلوقتي زعلانه منه عشان بيحبني
مش عشان الشغل بس انا دلوقتي بعمل كده عشان يسبني وميعذبنيش بعد اللي انا عملته فيه
انا مش حعرف اكلمه بعد كده عشان كده بصده
شيماء : ياحبيبه قلبي الحب مفهوش كده انتي اول متقولي خلاص سامحتك حينسي كل شيء
ريتاج : ياريت هو يرضي سمحني
باسل بيخبط علي الباب
باسل : ممكن ادخل
شيماء : استني عندهم وانا طلعالك
باسل : خلاص عندنا اونكل احمد في مكتبه ( عنده مكتب في الشقه )
ريتاج : يلا اطلعيله شكله عايزك في حاجه مهمه
شيماء : خلاص ماشي اهدي انتي بس
المهم طلعت بره وطبعا كان باسل شرح خطته للجميع وكلهم وافقوا وكانوا فرحنين وخايفين
المهم باسل قرر يكلم امير ويقوله
باسل : هاي ازيك
امير : كويس وانت
باسل : في اسعد لحظاتي اسمع بس عايزك تعدي عليا بكره الساعه 6 عشان انا وانت عندنا مشوار مهم
وانا محتاجك فيه
امير : مشوار ايه
باسل : بس تعالي بكره عند شركه ريتاج وانا حاجي اخدك وحتعرف كل حاجه بكره بأذن الله
امير ماشي
امير قفل من هنا وبابه خبط من هنا
كامل : افتح الباب يأمير
امير :" حاضر
امير : ساره ازيك عمله ايه
ساره : انا كوييسه وخلصت امتحناتي
امير : طب كويس انتي كنتي في ثانويه
ساره : انت لسه فاكر بس علي العموم 98.5
امير : وااااااااو ايه الشطاره دي
ساره ( بنت عمه وكانت في ثانويه عامه وهي زي اخت امير بظبط )
امير : طب تعالي تعالي ده بابا حيفرح اوي لما يشوفك
كامل : ازيك يالولو عامله ايه ياحبيبتي
ساره : حمد لله ياعمي اخبارك انت ايه اكيد انت مش عارف تعمل ايه بعد اللي حصل قلبي عندك والله
امير : في ايه ياجماعه
كامل ( بيغمز لساره ) : ههههههه مفيش حاجه مفيش حاجه ساره بس بتحب تهزر
امير : مش عارف ليه حاسس انك مش بتهزري بس يلا انا داخل اوضتي عايزن حاجه
ودخل اوضته وكلام ساره شغله جدا بس هو مكنش عايز يفكر غير في كلام باسل
كامل : ايه اللي انتي قولتيه ده
ساره : ايه ياعمي انت مش قايله
كامل: لأ طبعا كده بكلامك ده حيشك في حاجه وحيسألني اقوله ايه سعتها
ساره : طب متقوله الحقيقه وهو انت مش مبسوط من اللي انت عملته
كامل : مبسوط بس خايف
ساره : من ايه
كامل : من رده فعله
ساره : اقوله وانت تعرف
كامل : ياسلام اقوله وانت تعرف هي بالبساطه دي دي امه مهما كان
امير : ممكن اعرف ماما مالها وبليز متخبوش اكتر من كده
ساره وكامل : امير
كامل : انت هنا من امتي
امير : متخفوش انا كنت معدي اشرب وسمعت بالصدفه ممكن بقي تقول فيه ايه
ساره : خلاص ياعمي لازم يعرف وانا حنزل عشان تتكلموا براحتكم عن اذنكم........