📖 الفصل 11: ⚔️ تحت التهديد
غرفة المستشفى كانت هادئة… لكن التوتر كان واضح.
ليوناردو واقف قرب النافذة، ملامحه باردة كعادته.
إيلارا جالسة على السرير، و ليانا واقفة قدامهم، كتشد هاتفها بقوة.
— "قولِي كلشي."
قالها ليوناردو بدون ما يدور ليها.
ليانا تنفست ببطء.
— "أنا فعلاً معكم… وما عمري خنتكم."
رفعت عينيها بثبات.
— "لكن العصابة عارفة بلي أنا هنا."
سكتت لحظة.
— "وهددوني بالقتل."
الهواء ثقل.
إيلارا شهقت بخفة:
— "كيفاش؟"
ليانا خرجات رسالة من هاتفها، حطاتو قدامهم.
صورة ليها… من بعيد.
تاريخ اليوم.
ورسالة قصيرة:
"الليلة القادمة قد تكون الأخيرة."
ليوناردو عينيه تغمّقوا.
— "من إمتى؟"
— "من قبل السباق بيومين."
قالتها بصراحة.
— "عرفت بلي غادي يديروا غدر فالحلبة. حاولت نوقفو… ولكن ما كانش عندي دليل."
إيلارا فهمات فجأة.
— "لهذا كنتِ متوترة قبل السباق…"
ليانا هزات راسها.
— "كنت كنخمم غير كيفاش نحميك."
صمت.
ليوناردو أخيراً دار ليها.
نظراتو كانت حادة… كتقلب على أي كذبة.
لكن ما لقا حتى حاجة.
— "علاش ما قلتيش لينا؟"
— "حيتهم قالوا إلا عرفتو… غادي يمشيو ليكم مباشرة."
الكلمات نزلت ثقيلة.
إيلارا قبضات يديها.
— "إذن حنا الهدف الحقيقي."
ليوناردو مشى بهدوء للطابلة، دار يديه فوقها.
— "لا."
قالها ببرودة.
— "هم باغين حاجة أكبر."
ليانا فهمات قصدو.
— "الملفات القديمة… صفقة السلاح."
إيلارا عينيها ضيّقوا.
— "يعني بقا شي دليل؟"
ليوناردو سكت لحظة… ثم قال:
— "كاين."
نظرت ليه إيلارا بصدمة.
— "عندك؟!"
— "جزء منه."
صوته بقى هادئ.
— "أبانا قبل ما يموت خبّى معلومات مشفرة داخل أرشيف الشركة."
ليانا تقدّمات خطوة.
— "العصابة عرفت أنك قريب توصل ليه."
الصمت تحوّل لقرار.
إيلارا نزلت رجليها من السرير رغم الألم.
— "إذن ما غاديش نبقاو ننتاظرو حتى يضربونا مرة أخرى."
ليوناردو نظر ليها بصرامة:
— "راجعي مكانك."
— "لا."
قالتها بعناد يشبه عنادو.
— "حنا ثلاثتنا فهاد الحرب."
ليانا لأول مرة ابتسمات بخفة.
— "عندي اقتراح."
الاثنان نظروا ليها.
— "نخليهم يظنّوا بلي أنا خنتكم."
الصمت انفجر.
— "مستحيل."
قالها ليوناردو فوراً.
— "سمعني."
قالت بثبات.
— "نوصل لهم معلومة مزيفة. نبيّن بلي كاين اجتماع سري فمستودع قديم ديال الشركة."
إيلارا فهمات بسرعة.
— "ونكونو حنا لي مستعدين ليهم."
ليوناردو عينيه لمعت بخطورة.
— "نقلبو الطاولة عليهم."
ليانا هزات راسها.
— "لكن إلا شكّوا فيا…"
سكتت.
إيلارا قربات ليها ومسكات يدها.
— "ما غاديش نخليوك تموتي."
ليوناردو أضاف ببرودة خطيرة:
— "أي واحد يقرب ليك… غادي يندم."
ليانا لأول مرة، حسّات بشيء دافئ.
لكن داخلها كانت عارفة…
هاذ الخطة خطيرة.
وإلا فشلات…
غادي تكون هي أول ضحية.
وفي مكان آخر…
الرجل ذو القبعة السوداء كان كيشوف صورهم على شاشة كبيرة.
وابتسم.
— "خير… اللعبة بدأت."
🔥🔥🔥