الفصل 182
البــــــــــــــــــــ182 ـــــــــارت
اخذت شالها ولفته على شعرها وطلعت وهي تراقب النجوم وتبتسم كانت تتاملها وهي معجبه بجمالها كان المنظر مغري بالنسبه لها حست على خطواته
والتفتت ونواف سند ظهره وهو يبتسم:.ليش جالسه لحالك؟
حنين ببتسامه:.شفت ان النوم ما بيجيني قلت اطلع شوي
نواف:.فيه شي مضايقك ؟
حنين:.لا بس النجوم لفتتني وحبيت أتأملها تعال جنبي
نواف تقدم وهو. يبتسم:.ما فكرتي بكلامي ؟
حنين بعدم فهم:. اي كلام؟
ركز عيونه بعيونها وبتفكير:.عن ان عمر صار يحتاج اخ؟
ابتسمت بإحراج وبلعت ريقها:.انت ما تنسى شي يعني
حرك راسه بالنفي وهو مبتسم:.هاه متى ودك؟
وقفت بعجله وهو تحس بالتوتر:.الجو بدا يصير
حار وانت فاضي والله انا بدخل .
قبل تكمل كلمتها سحبها نواف:.ليش خايفه ؟
حنين:.ماني خايفه بس انت مستعجل !
اخذ نفس وهو يحاول يرتب كلامه:.تدرين ان
حركاتك ذي اخذت قلبي؟ تبقين طفله مهما حاولتي خوفك وتوترك كل دقيقه تمر من عمري احبك فيها اكثر يوم عن يوم ارفقي بحال قلبي المسكين
حنين والابتسامه تنرسم على ثغرها:.ما حبيت الا وحده تعشقك حد الجنون يابو عمر
ابتسم وهو يحضنها ويتنهد براحه ..
.
.
بعد ما حكى لبدر كان يناظر بالارض ومحرج
بدر رغم القهر والحقد اللي ملى قلبه على ابن
عمها تكلم بهدوء:.ليش خبيت عني انا ليش صديقك؟ كان مفروض تشاركني همك ولا تضغط على نفسك
عبدالعزيز مسح عيونه اللي تجمع فيها الدمع:.تعبت مدري وش اسوي كل ما ناظرت بعيون اختي زاد حزني عليها هي ضايعه وانا ما عرفت وش اسوي
بدر:.اختك مفروض تكون مرتاحه دامها عندك انت ما ترضى عليها ولا بيدك شي تسويه بس طلب يا عزيز بس طلب واحد زوجني اختك رجيتك لا تخليني اروح خايب انا ابيها ما يهمني الماضي اوعدك اختك ما ينقص عليها شي ولا بيوم تجيك زعلانه اوعدك امحي كل ذره زعل
بس عطني إياها زوجني اختك يا خوي انا تعبت
عبدالعزيز:. بدر انت تعرف وش قاعد تقول؟
بدر:.والله ما ازعلها ولا اخلي الحزن له مكان بقلبها انا ابيها بالحلال ليش ما تعطيني دامك قلت محد يصونها كثري عطني إياها ما يهمني الماضي ولا وش صار انا ابي اعوضها اختك تستاهل تكمل حياتها اتركنا من عادات وتقاليد المجتمع لا تحكم عليها بالحزن والله كل اللي ابيه اختك طلبي كبير؟
هز راسه بالنفي وتكلم بصعوبه:.انا ابي لك الخير
بدر بصوت بانت فيه مشاعره واحترامه:.وهي كل الخير لي عطني اختك وانت كذا تسعدني للابد
عبدالعزيز وعيونه تدمع:.ليش يا بدر ليش
بدر وهو يحضنه:.لانها اختك .
.
.
كانت تدور بخوف وتفكر زاد خوفها من تاخر عبدالعزيز وبمجرد ما سمعت الباب يفتح قامت بشكل سريع وانصدمت من منظر اخوها اللي كان التعب واضح عليه ..
عبدالعزيز بهدوء سبب التوتر لنوف:.تعالي فيه موضوع بتكلم فيه معك اذا فاضيه
نوف بخوف:.وش فيه عسى خير؟
عبدالعزيز ببتسامه:.ان شاء الله انه خير بس تعالي
جلس وجلسها جنبه ومسك يدها وبحنيه:.انتي تعرفين اني مابي شي يزعلك وما اتحمل اشوف الزعل بعيونك
نوف قاطعته بخوف:.عبدالعزيز خوفتني وش صاير؟
عبدالعزيز:.خليني اكمل مافي داعي تخافين انا ابي سعادتك يا نوف وما اتمنى اي شي يضرك وانتي تعرفين هالشي وبصراحه فيه شخص تقدم لك وانا وافقت ومابيك ترفضين لانك لو رفضتي بتزعليني
نوف تجمعت الدموع بعيونها وانعبث الخوف من تعابير وجهها:.بس انا!
قاطعها:.انتي كامله ومافي شي يعيبك وهو شاريك وانا اضمن لك السعاده مع بدر
نزلت دمعه منها وحست بإحساس غريب كانت
تفكر بدر راح يتراجع اذا شاف عبدالعزيز بس واضح حبه لها كبير وصعب ينكسر بكت وهي جاهله سبب بكائها ممكن فرح او حزن بس الاحساس اللي كانت تحسه كان اكبر من انه ينوصف عجزت تفسر إحساسها ورفعت راسها على كلام اخوها:.بدر رجال ونعم فيه وهو طلبك للمره المدري كم بس انا كنت خايف انك تواجهين مشاكل معه بس تاكدت ان بدر بيحطك
بعيونه وبيحافظ عليك خذي وقتك وفكري
نوف وهي تمسح دموعها وتبتسم:.انا موافقه
ودامك تشوفه انه بيسعدني مالي كلمه بعد كلمتك ومتاكده انك ماراح تعطيني لاي واحد
ابتسم بسعاده:.الله يوفقك يا روح اخوك ويسعدك سعاده تجبر قلبك
حضنها ونوف كانت تحس بدموعها مو راضيه توقف ..
.
.
كان يبتسم ويحاول يخفي ابتسامته بس ما تحمل وانفجر يضحك بسعاده وهو متاكد انه كسب نوف بس ما أعطاه صديق عمره الموافقه كان يتمنى يملك عليها بس الوقت كان متاخر حك دقنه بغباء واخذ نفس وهو يكلم نفسه :.اركد يا بدر وش سوت فيك هالبنت اهخخخ يا نوف متى تصيرين قدام عيني .
.
.
بعد مرور ٨ شهور ملك بدر على نوف وكان اليوم زواجهم طبعاً اختارت نوف يكون زواجها هي وآخوها بنفس اليوم ..
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮