كنت في عز الثبات لين شفتك وانهزمت - الفصل 177 - بقلم ريناد | روايتك

البــــــــــــــــــــ 177ـــــــــارت تركي بهدوء:.سالفه بالشغل انتي ما عليك جوري:.طيب تبي اسوي لك شي تركي بحده:.جوري انا قلت ما فيني شي اطلعي ! ناظرت فيه وعطته ظهرها وتوجهت وطفت النور وطلعت لصاله وحست فيه جلس جنبها زحفت وبعدت عنه وبصوت خافت:.انت طردتني ليش لحقتني ! ابتسم تركي غصباً عنه وهو يتامل عيونها اللي توحي انها راح تبكي:. وانتي زعلانه عشان قلت اطلعي جوري بسخريه:.لا ما قصرت والله هذاني طلعت! زادت ابتسامته ومد يده ومسك يدها:.جوري انا اسف صح صارخت عليك بس بلحظه غضب انا تعبان من أمور بالشغل وما كنت ابي اعصب عليك جوري سحبت يدها ومسحت دمعتها:.عادي ما زعلت! الحين انت روح ارتاح تركي:.ام رنيم زعلانه علي كيف انام وانا مرتاح؟ جوري:.ما زعلت بس قاطعها وهو يحضنها ويهمس:.اسف والله اسف جوري دفنت وجهها بحضنه وهي تبتسم بامان .. . . يوم جديد بالمستشفى دخل بدر عند عبدالعزيز ابتسم له ووقف:.تراني بخير ليش تعبت نفسك وجيت بدر :.اي تعب مافيه تعب عبدالعزيز:.هلكان ابي ارجع البيت وأغير ملابسي وكل شي بدر بتردد:.عزيز انا ابي اتكلم معك بموضوع ! عبدالعزيز وهو يعدل شعره:.تكلم بدر عسى ما شر؟ بلع ريقه بتوتر ونطق بإحراج:.ليش ما تعطيني اختك لهدرجه انا ما استاهل؟ انصدم عبدالعزيز وقرب من يزيد:.وش هالكلام!! بدر :.والله بحطها بعيوني وما اقصر عليها انا ابي اختك بالحلال انا شاريها انا ابيها هي مابي اتزوج وحده غيرها ابيها هي تكون شريكه حياتي عبدالعزيز بغضب:.انت مستوعب وش قاعد تقول هي اختي ترا!! بدر :.يا عبدالعزيز تكفى افهمني والله بطق وبجن اختك محد ياخذها غيري عبدالعزيز:.نصيبك ماهو مع اختي يا صديقي افهم .. بدر :.مو انت اللي تقرر انا نصيبي معها محد ياخذها غيري انا ابيها عطني اختك يا عزيز لا تبخل علي! عبدالعزيز بقهر:.بدر سكر على الموضوع بدر:.وش تبي اسوي عشانها وش تبغاني اسوي؟ عبدالعزيز:. بدر لا تحرجني نصيبك ماهو عندنا بدر بغضب:.ما بياخذ اختك غيري عبدالعزيز:.خلاص بدر خلينا نمشي بدر ضرب بيده الطاوله:.افهم افهم انا ابيها لا تحرمني من اختك سويت المستحيل عشان يطلع نواف اشتغلت بكل اللي اقدر عليه انت وعدتني تعطيني انا ابي اختك خليك قد الوعد!! عبدالعزيز مسك بياقته وصرخ بوجهه:.قفل على الموضوع لا تصير طفل قلت لك اختي ما اقدر اعطيك اطلب اي شي غيرها بدر:.مابي شي غيرها!! عبدالعزيز:.انت مو صاحي تركه وهو يمشي ويترك وراه بدر اللي تنفس بقهر .. . . عند ديما وعبدالرحمن كانت ترفع شعرها وقفت بعجله وقربت منه:.عبدالرحمن قوم على شغلك عبدالرحمن ابتسم وهو مقفل عيونه وصوتها يتردد باذنه ديما:.انت مو نايم؟ ليش قاعد تضحك فتح عيونه وناظرها باعجاب:.اللي يسمع صوتك يبتسم غصباً عنه ابتسمت بإحراج ووقفت:.قوم تاخرت على دوامك وقف ومسك بيدها وسحبها نحوه:.تخيلي أداوم أنا لسه عريس ديما برجفه ابتسمت وهمست:.عادي وشفيها عبدالرحمن:.ما اقدر . . . دخل عبدالعزيز ولمح نوف نايمه على الكنب مشى بهدوء بس هي فزت وقربت منه:.جيت يا قلبي عبدالعزيز حضنها وهو يمسح على شعرها:.اي يا عين اخوك جيت ليش قمتي وليش نايمه هنا .. نوف بعدت عنه:.ما عليك فيني اكيد انت جوعان بروح اسوي لك شي تاكله عبدالعزيز ببتسامه:.لا يا عيني انا بنام وبرتاح شوي وبس اقوم باكل ان شاء الله نوف:.اللي تشوفه مشى وهو محتار من كلام بدر تنهد بتعب وارتمى على سريره بتعب والأفكار تدور براسه . . . ببيت ابو نواف كان نواف وحنين جالسين مع ابو نواف اللي كان يلاعب عمر ابتسم وهو ينطق:.نبي الثاني ياولدي نواف ناظر حنين وغمز لها:.القرار قرار المدام صح حنين؟ حنين ناظرت فيهم وحست بالإحراج وسكتت نواف وهو كاتم ضحكته:.يقولون السكوت علامه الرضى ابو نواف:.اعقل يا ولد أحرجت البنت حنين ناظرت فيه وحركت شعرها :.عمر يكفي نواف وعيونه على شعرها اللي تحركه:.عمر صار كبير نبي وحده نتفه تشبه امها هاه وش قولك؟ حنين حمر وجهها ووقفت وأخذت عمر:.بروح ابدل له ملابسه ضحك ابو نواف:.ايه يا بنتي روحي خذي راحتك مشت حنين ونواف قام وراها تكلم ابو نواف:.تعال يا ولد نواف ببتسامه:.شوي يبه واجيك .. . . عند نوف جففت شعرها وارتمت على سريرها وغمضت عيونها بتعب وبمجرد ما غمضت تمرد بدر لمخيلتها فتحت عيونها وفركتها بانزعاج:.انا وش فيني مو قادره اطلعه من راسي !! رجعت غمضت عيونها ورجع يتكرر خياله قدامها صرخت بغضب:.اطلع من راسي اطلع!! فزت برعب وهي تسمع صوت جوالها يرن برقم غريب :.مين هذا ؟ ردت نوف بس توسعت عيونها وهي تسمع صوت بدر يقول لها : ممكن اكلمك شوي .. نوف برعب بعدت التلفون عن اذنها ورجعته وهي مو مستوعبة:.اءءء انت كيف وصلت لرقمي !! بدر :. لاتنسين اني محامي .. نوف بخوف:.انت وش تبي مني ! 🔮📚 @storykaligi 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮