الفصل السادس عشر
*#طيبة~وكرم《16》🤍❣️🥀*
*#الجزء~الثالث*
*#قبل~الأخير🤍❣️*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
ريم بعد ما جسمها اتحرق سفورها الإمارات تتعالج هناك ورتاج سافرت مع أهلها تركيا عايزين يعملوا ليها عمليه بس بعد ما كفرت عن ذنوبها وحكت لي طيبة لمن طيبة جات تزورها في المستشفى وهي حكت لي طيبة كل شي وطلبت منها العفو وما تكلم أكرم بالحصل، وطيبة سامحتها وماشالت في خاطرها منها لأنها أعتبرتها ذي أختها الصغيرة،ورتاج طلبت الطلاق من أكرم قبل ما تسافر تركيا لأنها حاسة بالذنب وبعد أطلقت حست إنها مرتاحة.
وطيبة ارتاحت لأنها كانت مفكرة إنها ظلمت رتاج لأنها أخدت مكانها بس لمن رتاج حكت ليها: بالتفصيل من البداية كيف كان زواجهم وإنه أكرم ما حصل حبها ولا كان متقبلها زوجة عشان كده كانت حاقدة عليك والشيطان شاطر وضلل طريقي عماني لدرجة اني كنت عايزة أعمل ليك سحر بس يا طيبة عليك الله سامحيني.
-يا رتاج أنا مسامحاك.
طيبة بعد رتاج سافرت عرفت ان رهف هي الدلتهم في الطريق ده بس هي ما اتفاجأت.
بعد طيبة عرفت بعلاقة أكرم ورتاج هم كبير انزاح من صدرها وأنها ما ظلمت رتاج...لأنه هي ما كانت عارفة انه أكرم كان رافض الزواج من رتاج وامه جبرته يتزوجها وهو ما كان راضي...أنا أفتكرت أن أكرم حب يواصل حياته ما كنت قايلاه متعلق بي للدرجة دي اااااخ يا طيبة إنتي ظلمتي معاك أكرم كتير...
ومن اليوم ده اتغيرت علاقتهم هي وأكرم وبدت نقطة تحول كبيرة غيرت مسار حياتهم.
وبقى حبيبها تؤم روحها وحياتها .
*عند أكرم*
`رن تلفونوا`
....الو
-أكرم: وهو ما مصدق وأخيرا حنيتي علينا يا وقار ده شنو الغيبه دي أنا أستاهل يزعلوا مني للدرجة دي
كيف أخبارك وأحوالك وصحتك ان شاء الله بخير وعافية وكل الاهل،تصدقي أخبارك إلا تصلني من جوري.
-وقار: الحمدلله بخير وعافية وكلهم كويسين، انت كيف وسكتت.
-أكرم: كويس الحمد لله بس مفتقدك كتير.
-وقار: ما تفقد غالي ومرتك طيبة.
-أكرم: كويسه وبتسلم عليك دائمًا بتسأل منك.
-وقار: يمكن يا أكرم ولدي بالغت في زعلي منكم
-أكرم: يمكن،بالغتي كتير والله.
-وقار: طيب صح حكون حبوبة عن قريب.
-أكرم: يعني عشان كده اتصلتي لي، اااي طيبة حامل
-وقار: ما عشان كده بس مافي ام بطول زعلها من أولادها.
-أكرم: اااي واضح ما بطولي في زعلك اصلاً لو ما البيبي ما كان عبرتينا.
-وقار: خليني منك أديني مرة ولدي وأم حفيدي عايزة أسلم عليها.
-أكرم: طوالي بعتيني من هسي كمان .
-وقار: ااي من ذمن عرفت في بيبي أستلم مكانك
طيب أديني طيبة يا ولد.
-الو السلام عليكم.
-وقار: وعليكم السلام ورحمة الله طيبة كيف اخبارك وصحتك والبيبي.
-طيبة الحمد لله أنا وهو بخير وعافية إنتي كيف اخبارك وصحتك وعمو حازم كيف أخباره وصحته.
-وقار: أنا كويسة الحمد لله وعمك حازم بخير، ما يكون ما أكرم معذبك.
-أكرم: على فكرة أنا سامعك يا أمي.
-وقار: أنت أسكت خالص أنا بتكلم مع مرت ولدي أنت الدخلك شنو.
-أكرم: بعتوني خلاص ولا شنو.
-وقار: طيبة ما يكون حفيدي معذبك ذي أبوه.
-طيبة: لا لا هو ولا أبوه ما معزبني _وأستمرت المكالمة.........الخ.
*يتبــــــــع♡*
*آية محمد_روز_فتاة_الورد*
*~قناة~*
*Aya Mohamed Hamed Rose | Writer*