الفصل الخامس عشر
*#طيبة~وكرم《15》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
*Aya Mohamed Hamed Rose | Writer*
-أكرم: أكيد ما حسمح إنك تبطخي لأنه يدينك ما خلقوا ليطبخوا وبعدين المطبخ خطير هسي لو إتجرحتي وإنتي بتطبخي.
-طيبة:طلعت خويف لكن انا البتجرح ما أنت.
-أكرم: بس انا البتوجع.
-طيبة: يلا أقعد ناكل .
-أكرم: بشرط تأكليني.
-طيبة: اممممممم.
بدو يأكلوا بعض وهم مندمجين في ونستهم، طيبة جابت الصحن المغطى لي أكرم عشان يفتحوا.
_أفتحوا ده سبرايز.
_سبرايز أكتر من العملتيه وأنا أكلت كتير وشبعت.
_أكرم أفتحوا يلا سريع شيل الغطاء.
_طيب هأفتحوا.
أكرم اتفاجأ لمن لقى ورقة في الصحن، طيبة يعني ده السبرايز متأكدة.
طيبة سكتت وبتراقب في أكرم المافهم شي للآن .
فتح الورقة ووقعت منها حاجة رفعها،وهو ماسك الورقة في يد وتست الحمل في يد وقرى الورقة مرة ومرتين وثلاثة وعشرة مرات ومرة يعاين للتست ومره يقرى بقى يعاين بس وما أدى اي ردة فعل.
طيبة أكرم مالك *{خافت أكرم ما يكون فرح }*
طيبة وهي بتنادي فيه أكرم أكرم....وأكرم ما واعي ليها عايزة تشيل الورقة منه...مسك يدها...وقالها بلطف ممزوج بفرح كبير...طيبة أنتي حا..م...ل.
ااي أنا حامل، عاين فيها مسافة ووقف، طيبة خافت.
وقعد يصرخ..انا حكون أب..أنا حكون أب..وأخيراً يا طيبة أمنيتي أتحققت وضماها عليه كمية من الفرح ودموع نزلت من شدة فرحته.
-أكرم: طيبة، أكرم في شنو مالك
-أكرم: ده أحلى خبر في حياتي سمعتوا وأحلى هدية وأنا ما قادر أوصف فرحتي اليوم، انا حكون عاجز مهما
أجيب ليك هدايا ما حتكون أحلى من هديتك
-طيبة:ما محتاجه اي هدية وأنت معاي لأنك أحلى هدية.
*في بيت أكرم*
جوري أتصلت لي أمها مبروك يا حبوبة وقار..
-وقار: الله يبارك فيك، حامل ولا شنو.
-جوري: لا والله.
-وقار: أجي ما من عادتك..ما كنتي كل ما تكوني حامل تتصلي لي وتقولي لي مبروك يا حبوبة.
-جوري: ههههه.
- وقار: بتكذبي علي ولا شنو.
-جوري: أنا ما بكذب عليك حتكوني حبوبة لأنه طيبة حامل وأكرم حيكون أب عن قريب.
-وقار: إنتي هسي إتصلتي لي عشان تقولي لي الكلام ده.
-جوري: يا أمي عليك الله يمكن تزعلي من طيبة وأكرم بس أكيد ما حتزعلي من حفيدك لأنك شايلة من ناحية أمه وأبوه.
-وقار: أنت جنيتي يا بنت البخليني أزعل من طفل برئ شنو بعدين هو حفيدي
-جوري: طيب ما نفسك تكلمي مع ولدك وتباركي ليه أول مولود ليه أكيد أكرم حيفرح يا أمي لو أتصلتي ليه.
-وقار: طيب بشوف يمكن اتصل ليه.
-جوري: طول عمرك حنينة يا نبعوا.
*عند رتاج*
بعدما اتكلمت مع صحبت ريم.
رتاج وريم وهم راجعين على بيوتهم بس حصل شي في الشارع.
رتاج عملت حادث في الشارع ورجلها أتكسر
وريم بعد ما رجعت البيت إتحرقت أتكشحت فيها موية نار
وصحبت ريم راجلها طلقها بعد يومين وعرس فيها خطيبته القديمة الفرقته منها وسحرتوا.
واما رهف حالتها بالبلا راجلها عرس فيها ونساها جدعها بعد لقى واحدة أصغر وأحلى منها، وهي ممشياه على أصابيعها وممشية رهف وأمها كمان.
*كل واحد أخد عقابه وجزائه لأنهم كانوا بيضمروا الشر لي طيبة*
*ربنا يمهل ولا يهمل*
*يتبــــع♡*
*أية محمد_روز_فتاة_الورد*
*Aya Mohamed Hamed Rose | Writer*