الفصل الثالث عشر
*#طيبة~وكرم《13》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
ما أحسن أتصل لي أسيل و جوري بكون عندهم أفكار جميلة.
-الو
-أسيل وجوري بصوت واحد: هايات مدام أكرم حازم وفكوا ضحكة.
-ما عايزين تخلوني في حالي أنا البحلني منكم تاني منو ما فترته مني.
-أسيل و جوري: بصوت دلعي..أنا..ما عايزة...أكرم.
-يا بنات ما قلنا خلاص خلو تشغيلاتكم دي عايزة أقول ليكم حاجة.
-أسيل: طيب شنو.
-جوري: شوقتينا.
-أسيل و جوري: يلا أحكي.
-طيبة: أنا حامل.
-أسيل و جوري: بصرخة واحدة أحلى سبرايز.
-جوري: أخوي حيغمى عليه من الفرح.
-أسيل: حأكون خالة عن قريب أحلى خالة متين حيجي الصغنن ده واااا ما مصدقة نهائي يعني حأكون خالة عن جد يا ربي الكتوت بنوتة.
-جوري: وأنا كمان حكون أحلى عمة.
-أسيل و جوري: ولا توأم؟.
-طيبة: لسه ما عرفت نوعه المهم بيبي أنا عملت أختبار الحمل بس لسه ما مشيت المستشفى عايزة أكلم أكرم أول بس كيف أكلمه والطريقه أنا ما عارفة.
-أسيل: أشتري بالونات بيبي بنك وبيبي بلو والبسي فستان بالوان البيبي بنك وبلو وبعدها كلميه بطريقتك.
-جوري: جيبي ورد أحمر و ولعي شموع عطرية في البيت كله وتكون الاضواء خافتة وألبسي فستان أحمر وبعدها الباقي عليك إنتي وطريقتك الحتكلميه بيه.
-طيبة: إنتوا عملتوا كده.
-أسيل أنا عن نفسي حأعمل كده بعدين.
-جوري: أنا عملت كده الصراحة.
-طيبة: أنا ما عايزة الإنتوا عملتوه عايزة شي مختلف مثلاً.
-أسيل و جوري: مثلاً ذي شنو؟.
-طيبة: أنا عايزة أصدمه وما يبين إنه في سبرايز لو عملت القلته لي يمكن يتوقع وما يتفاجأ.
-أسيل: يعني كيف ما فهمت.
-جوري: وضحي أكتر.
-طيبة: طيب أنا خطرت لي فكرة قبل ما أكرم يجي البيت عايزة أمشي أعمل فحص في المستشفى الجنبنا وبعدين لمن يجي راجع البيت لمن نكون عايزين نتعشى حأعمل ليه أكلاته البحبها ولمن أكون أجهز في الأكل أخت تيست الحمل و ورقة الفحص في صحن وأغطيه.
أسيل و جوري: رهيبة فكرتك.
-أسيل: ما أظن أكرم يشك.
-جوري: طيبة الله كم عايزة تقتلي أخوي ويروح فيها ما تصدميه قدر ده مهدي ليه عشان يعرف والصدمة ما تكون قوية عليه.
-طيبة: ما تبالغي يا جوري حاشاه يصيبه حاجة .
-أسيل: طيب يا ماما طيبة حتعملي شنو بعدها.
-ااي صحي حتعملي شنو.
-طيبة: لمن....الخ.
*-إنتهت المكالمة بين طيبة و أسيل و جوري بعد ثلاثة ساعات*
يعني من الساعة عشرة إلى الساعة 12 والظهر أذن وقاموا الصلاة طيبة مشت وضت وصلت وبعدها مشت المطبخ تعمل أكلات أكرم المفضلة فتحت التلاجة وطلعت منه الخضر والفاكهة واللحمة وبدت تطبخ
كرواسون،كريب،سكونز،لزانيا وسلطة فواكه ولقمة القاضي.
طبعاً لأنه أكرم أصلا بريطاني فرنسي سوداني بحب الاكلات الغربية.
طيبة بعد ما إنتهت من تجهيز الأكل الساعة 3:27 الأذان أذن والإقامة قريت مشت وضت سريع قبل بعد ما قاموا الصلاة وصلت.
*يتبــــــع♡*
*آية روز_فتاة_الورد*