الفصل الثاني عشر
*#طيبة~وكرم《12》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
رتاج: ما تنسي القلته ليك أنا ما عايزة أكرم يطلقها أول شي خليه يكرها ويضربها ويعذبها بعدين يطلقها، عايزاه يخليها وينساها ويرجع لي ويحبني بس انا ما حأخليه يطلقها بالسهولة دي عايزاها تكون معلقة ذي ما أنا كنت معلقة تكون متزوجة بالإسم بس وأكرم يحبني ويسمع كلامي.
.....تمام العايزاه كلو حيصير بس إنتي أنتظري وإتفرجي على الحيحصل لي البنت الإسمها طيبة وشوفي يا رتاج لو ما بقى خاتم في أصبعك.
رتاج: بالجد تسلمي كتير لو ما رهف أنا كنت حعمل شنو هي الدلتني عليك بواسطة ريم.
*بعد مرور ثلاثة أشهر*
*"في منزل طيبة وأكرم"*
طيبة وأكرم للآن علاقتهم ما إتصلحت وعايشين منفصلين وزواجهم مهمش.
طبعا ما حقول ليكم الكلام ده لأنه في الثلاثة شهور العدت دي في تغير كبير حصل وطيبة إتقبلت أكرم كزوج ليها من جواتها وأقتنعت بيه ومافي ذول جبرها.
طيب كيف طيبة إقتنعت بي أكرم ذي ما عارفين في البداية طيبة حتتزوج من أكرم بس بسبب أختها رهف العملت ليها عمل وبقت مريضة وبسب ود عمها سامر الأشترط يتزوجها عشان محمد أخوها يتزوج أخته زواجهم ما تم.
وأصلاً طيبة كانت وافقت عشان أبوها يعني ما كانت مقتنعة بي أكرم .
وفي البداية لمن محمد أخوها زوجها لي أكرم هي كانت رافضة بسب الحصل ليها من ذمان بس لمن كملوا الاربعة أشهر مع بعض وطيبة نظرتها إتغيرت من ناحية أكرم هي من الشهر الأول حست بمشاعر إتجاه أكرم لكن كانت مضطربة.
أما في الثلاثة شهور ديل العاشتهم مع أكرم طيبة عرفت أكرم من قرب أكثر وعرفت هو منو لأنه بالعُشرة
الزواج بيكون عنده نكهة لأن الزواج مودة ومحبة ورحمة وعطف ورأفة وألفة بين الزوجين وده كله لقته عند أكرم هو إحتواها وما حصل زعلها بيحترم قراراتها حتى لو زعلها بيعتزر ما بكابر عليها ودايما شايفها في نظره أولوية يعني هي أول شي بعده الباقي ما مهم دائمًا كان بشجعها والأحلى من كده بيطبخ ما بخلي طيبة تطبخ أو تشتغل وحتى طيبة فكرت تشتغل وأكرم دعمها لقت دعم كبير منو.
*طيبة*
يمكن أنا كنت مغمضة على قول أسيل وما شايفه أكرم ذي الناس، بتذكر أسيل وقت شاكلتني ودائما بتقول لي أكرم ده بزعلوا،أكرم ده ملاك يا طيبة أمسكي فيه قوي
وأنا أصلا لو ما أسيل وجوري فتحوا لي عيوني كنت حكون مغمضة وما أشوف النعنة الربنا أداني ليها
وأنا الغبيانة كنت بزعل من أسيل لمن تقول لي جاحدة نعمة،ولد ذي صباح العيد ولو ختوه في الجرح بيبرى.
في الفترة دي أكرم ما بقى زوجي وبس هو صديقي وحبيبي وعمري وحياتي وسندي وزوجي لأني بحسه بخاف علي ذي أبوي الله يرحمه وأخواني الله يخليهم لي.
في الثلاثة شهور دي علاقتنا قويت وبقت وطيضدة ما علاقة زوج وزوجة بس أكرم بقى لي صديق وصاحب قبل يكون لي زوج،بفهم علي وبشاركني الحظات اليمكن ما تكون مهمة بس عنده مهمة جداً.
و أنا محتارة هسي أكلم أكرم كيف و أعبر ليه كيف.
*يتبــــــــــــــــع♡*
*أية روز_فتاة_الورد*