الفصل الحادي عشر
*#طيبة~وكرم《11》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
*عند أكرم*
أتصل لي أمه بس ما بترد كالعادة وتاني رجع حاول بس رفضته.
أكرم:بزعل لمتين حتفضلي ذعلانة مني كده يا نبعو وما بقدر أجي البيت لأنك مانعاني دي شنو المشكلة دي ما كفاية حني علي.
*عند رتاج*
`اتصلت لي ريم`
رتاج: يا ذولة انتي وين مختفيه كده.
ريم: أنا قاعده من ذمان منتظراك لمن قلتي عايزة تشوفي صحبتي عن الشيخ بس شكلك خليتي الموضوع.
رتاج: ما خليته يا ريم بس كان حصل لي ظرف وعندي كلام كتير عايزة أحكي ليك بس نتلاقى بعدين واحكي ليك الحاصل شنو.
..................
*~في مكان~*
ريم: يلا يا رتاج أحكي خوفتيني عليك الحصل شنو.
رتاج:بتبكي وعيونها ملانة دموع، تصدقي الفترة القلت ليك أكرم اختفى وما عارفة الحاصل ليه شنو.
ريم: ااي يا رتاج الحاصل ليه شنو ان شاء الله خير.
رتاج: هو ما كان مختفي ولا حاجة طلع عارف إنوا طيبة مطلقة ليها سنة وطوالي هو ما صدق مشى عرسها وقفل تلفونه مني عشان الوقت داك كان مع طيبة وأنا هنا كنت خايفة عليه وبقول حصلت ليه حاجة لأنه طلع ذعلان بس هو ولا على باله أنا لأني آخر من يخطر على باله،وما بتتخيلي أنا كنت بموت وعلى أصابعي على الهبشة بس كنت عايزة أعرف عنه خبر بس لمن عرفت طلع عرس طيبة *وإنهارت* أنا خلاص إنتهيت هي أصلا دمرت حياتي يا ريم وما كفاها هسي أخدته مني....أكرم من يوم عرسها ما رجع والوحيدة الواقفة معاي في البيت عمتي وقار بس ولو ما هي أنا ذمان طلعت بره البيت وهسي هي زعلانة من أكرم ولكن أنا حاسة إنها حتسامحوا عشان كده أنقذيني سريع يا ريم...صحبتك مش قالت بتعرف الشيخ ده.
ريم: ااي وحتعمل ليك الانتي عايزاه طيبة دي تخليها ليك عبرة لكن صحبتي سافرت أنا لمن كنت بسرع وبقول ليك أرح نقابلها عشان هي مسافرة قريب وإنتي إتأخرتي، بس ما تخافي حتنجز ليك شغلك وهي بعيدة أصلاأناكلمتهاعنك، دقيقة أتصل ليها وأديك تتكلمي معاها لأنه شيخها ده مغربي.
تت..تت..تت..تت..الو.....يا.......الخ.
واستمرت المكالمة بين رتاج وصحبت ريم.
رتاج: ما تنسي القلته ليك أنا ما عايزة...
*يتبــــــــــع♡*
*آيةروز_فتاة_الورد*