الفصل العاشر
*#طيبة~وكرم《10》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
الصدمة الدخلت فيها عميقة بقت تكورك وتهضرب بس للآن ما مستوعبه الحصل؟وكيف حصل؟
رتاج وبتتكلم مع نفسها وبكل حقد أنا حعيشك أيام يا طيبة في حياتك ذي العيشتيني ليها وأضوقك الضوقتيني ليه بس أصبري علي شوية، انا وأنتي والزمن بيناتنا طويل يا طيبة قالتها والشرر بيتطاير من عيونها وكل شياطين العالم مجتمعين في راسها بعد قلبت غرفتها فوقاني تحتاني وما خلت شي ما عملتوا.
شكلها جنت وهي بتضرب في نفسها كفوف،أنا أكرم يعرس فيني... انا ويعرسوا فيني وكمان منوا الست هانم طيبة لالالالالاااااا....والله ما اخليك تتهني ذي ما دمرتي حياتي بدمرك وأضعاف ما إنتي عملتي لي حسابك كتير معاي يا طيبة وجى وقت نصفي حساباتنا حساب خمسة سنة شدي حيلك الجايك ما هين.
*"في بيت أكرم"*
*جوري*
جوري كنت جاية لي غرفة أمها سمعت رتاج بتحرش في أمها وبتملى ليها رأسها وقاعد تحرش فيها وتحرضها ضد طيبة طوالي وقفت سمعت كلامها بعدها رجعت،يعني دي إنتي القاعدة تحرضي أمي حسابك معاي يا رتاج تاني يوم الصباح أمي مشت كرامة عاملينها لخالوا حماد ،مشيت لي رتاج كانت قاعدة في الصالة تحضر في مسلسل قفلت ليها TV.
رتاج: مالك قافلة التلفزيون كنت بحضر في مسلسل
جوري: ده شنو البتعملي فيه ده ؟
رتاج: أنا عملت شنو؟
جوري: أنا سمعتك امبارح وكنتي بتحضري في أمي ضد طيبة وأنها ما تسمع لي أكرم
..رتاج سكتت.
جوري: عايني يا رتاج خلي البتعملي فيه ده عشان إنتي ما عارفة أكرم اتعزب قدر شنو عشان يكون مع طيبة .
رتاج: وأنا وأنا كمان أتعزبت في ذول فكر فيني ساااي خمسة سنة يا جوري خمسة سنة أكرم ما شايفني أنا بالنسبة ليه ما مهمة في حياته ذي ذي رجل الكرسي واحد وقدر ما حاولت عشان نكون مع بعض وعافرت بس في النهاية أخوكي عمل شنو مشى أتزوج طيبة وضيع تعبي على الفاضي.خمسة سنة ضاعوا من حياتي أنا لو كنت عايزة كان خليته من ذمان بس انا بحبوا.
جوري: أكرم ما جبرك تكوني معاه وهو ما كان أناني معاك وراك من البداية وختاك أمام الأمر الواقع وانتي عارفة إنه كان مجبور عليك كان ترفضي مافي ذول جبرك تتزوجيه كنتي حرة،وأنا زاتي كلمتك قبل تعرسي أخوي،يا أختي ده ما غلط أكرم إنوا عرس فيك طيبة مدام إنتي كنتي عارفة من البداية قبل ما تتزوجيه قصتهم،الخلاكي تعرسي شنو؟ ما تعملي لي فيها دور الضحية يا رتاج وتمثلي،إنتي براكي وافقتي على أكرم في حين أكرم كان رافض فكرة الزواج منك وللآن هو رافضك وما قادر يتقبلك كزوجة، وأنا ألف مرة كلمتك عشان بعدين ما تجي تلومينا ذي ما بتعملي حاليا ونسيتي كلامك وقت قلت لك ما تتزوجي أكرم و وريتك أسبابوا إنتي بعضمة لسانك قلتي حتقبلي بيه كده وتتعايشي معاه وقادرة تعيشي معاه، مافي ذول جبرك لا أنا ولا أكرم ولا أبوي ولا حتى أبوك واخوك كانوا ما موافقين إلا أمي وأمك وأنتي بس الكنتوا موافقين على الزواج ده من دون ما تحسبوا حساب لقدام ،تمام لمن تجي تلومي لومي نفسك أول لأنك ورطي نفسك بنفسك، اتزوجتيه مافي ذول جبرك ولا غصبك، وقلتي خمسة سنة قصة أكرم وطيبة أكبر من عشرة سنين. وهم كانوا حيتزوجوا من ذمان بس حصل مشاكل في حياتهم ورجعوا.
رتاج:قصدك أنا الدخلت في حياتهم .
جوري: ااي وكمان لو أكرم عرف إنك ورى غضب أمي وكنتي بتحرشي فيها وتملي ليها راسها حتشوفي منه شي ما حيعجبك منه،وإتذكري تاني لمن تتكلمي عن طيبة ختي في حسابك تاني إنها قبل ما تكون مرت اخوي هي اختي الكبيره تمام وإياكي تتكلمي عن بت خالتي بي سوء، طيبة ما عملت ليك حاجة، ولمن كنتي قاعدة تتكلمي مع امي عن الغرباء أحب أزكرك إنتي الغريبة بيناتنا ما طيبة اوكي،وبلاش تلعبي دور المظلومة وتعيشي الدور براكي ظلمتي نفسك من البداية وعنتدي وواصلتي في عنادك ،وامي دي كلها كم يوم وتروق هي أصلا كانت حتروق من ذمان ده لو كان مافي ناس بحرضوا فيها، أصلا ما عندها حل غير تستسلم للواقع وفي النهايه أكرم أتزوج طيبة وهي بت أختها ما حتطول في زعلها منها، ومشت جوري خلتها مولعة من الغضب.
*يتبـــــــــــــــــــع*
*#روز_فتاة_الورد*