الفصل التاسع
*#طيبة~وكرم《09》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
طيبة مشت تجيب العصير لي أكرم بس دي كانت حجة منها وأكرم عارف إنها عايزة تغير الموضوع طبعا كل ما تتذكر نظرات أكرم دقات قلبها بتزيد .
طيبة بتتكلم مع نفسها شكلك الأيام دي جنيتي رسمي
*《طول اليوم بتكون منتظرة أكرم ومن يجي ما بتعبروا وبتتهرب منه》*
وكمان بقت تخجل منه، ماحصل أنه قبل كده خجلت من أكرم كانت بنتظر ليه نظرة عادية وحتى في بداية زواجهم ماكانت بتخجل منه أو تختشي هي ما كانت كده بس يمكن مشاعر أكرم طاوقتها من كل الجهات.
طيبة بعد ما ودت العصير لي أكرم نظر ليها نظرة جهجهتها *《طيبة وبتكلم مع نفسها يا بت مالك هسي أكرم يقول عليك شنو》*
أكرم : طيبة قلتي حاجة *《هو كان سامع همهمة طيبة مع نفسها》*
طيبة : لا ما قلت حاجة
أكرم : مالك طيب ؟
طيبة في سرها : ما ده كلوا منك
*في بيت أكرم*
جوري:أمي هسي عمل شنو غلط عشان تعملي معاه كده والبتعمليه ده اسموه مقاطعة.
وقار :بت إتلمي وماتتدخلي مدام هو ما كلمني ورأي ما مهم عندوا خلي يعيش معاها ويتهنى مش ده الكان دايروا طول الوقت طيبة طيبة طيبة هدا حقق مراده تاني عايز بي شنو؟
جوري :ااي بس يا أمي انتي قسيتي على أكرم كتير
وقار :اسكتي ما تنطقي لي أسمه في البيت ده كان عندي ولد أسمه أكرم ،صفحة و إنطوت، إياكي ثم إياكي تفتحيها تاني (بنبرة حازمة) واسم أكرم ده تاني ما يُذكر في البيت ده.
حازم :وقار إنتي جنيتي يعني ولا شنو
وقار :أنت اسكت خالص ما دايرة معاك كلام أنت السبب الأساسي وكمان شنو قال مشيت عقدت ليه من دون ما تكلمني وما عملت لي أي إعتبار لا أنت ولا ولدك وحسابك معاي اصلوا ما خلص.
حازم :أنا عملت شنو، جاني اتصال من أكرم قال عايزني ضروري وقت مشيت ليه لقيتهم جاهزين يعني كان أعمل شنو أفشلوا قدام الناس وبعدين طيبة دي بت أختك وذي بتك وناسيه إنو مازن زوج بنتك .
وقار :كان تلغيه ما تخليه يعقد مش أنت أبوه، وطيبة دي من ذمان رفضتوا لي أكرم وعرست سامر وخلته حالتوا ما بتتوصف ولا نسيت الشي المحيرني في الولد ده لي متعلق بيها كده.
حازم : صح انا أبوه بس أكرم ما إنسان آلي عنده مشاعر كفاية زوجتي بالغصب وهو ماراضي خلي الولد يعيش حياته لمرة واحدة بس على كيفه.
وقار: يعني انا كنت مقفلة ليه حياته وحابساه .
حازم : ااي، في البداية رهف واخر ما توصلتي ليه رتاج وانتي كنتي عارفة أكرم عايز شنو لأنو إنتي أموه، لكن ونعم الأم المابتحب تشوف ولدها سعيد المهم يرضي ليها وبس ومع أنك أكرم سعادته مع طيبة فالحة تعملي مشاكل بيناتهم بس ما كنت متوقعك تكوني أنانية كده يا وقار.
وقار: أنا أمه كيف بتمنى ليه الشر، و ااي أنا أنانية أنانية لأني عايزة ولدي يكون مبسوط في حياته ويجيب عيال يملوا ليه البيت ويعيش ذي باقي الناس بس البنت الاسمها طيبة دي ما بتخليه في حاله.
حازم: طيب ليه أكرم كان ما مبسوط مع رتاج، ليه أحكي لي دي كانت سعادتوا في نظرك ، وقت كان متزوج رتاج ناسية أكرم طلع من البيت وسافر أذكرك بالباقي ولا نسيتي، وتاني طيبة دي ما بنت أختك يا وقار وإنتي خالتها كرهك لي آسيا بسبب عمايلها ما يعميك، طيبة ما عندها زنب وهي كانت ضحية مثلك مثلها ،بعين البنت دي عشان مسكينة أي ذول يجي يلومها ذنبها شنو في الدنيا دي، وبعدين هي حمات بنتك لو متزكرة يا ست وقار.
وقار : شوف مش واقف مع مرت ولدك أتهنى بيهم ، ومشت خلته.
حازم : الواحد يكون غلطان وما بعترف، جوري عاينت لي أبوها:والله دي حاجة تحير وشال تلفونوا اتصل لي أكرم.
*من ناحية رتاج*
رتاج عايشة صدمة من أكرم مع طلع منها حتى موضوع الشيخ نستوا وبقت في همها كانت عايزة تمشي ليه مع ريم بس اليوم داك كان أكرم طلع من البيت زعلان ونست موضوعها لأنها كانت بتضرب ليه وهو كان قفل تلفونوا وكل مرة بيديها مغلق لمن خافت وفي النهايه لمن لقتوا جاها مع طيبة وصدمتها إنها إتزوجها ده الكانت عايزة تنفذ خطة سريع عشان أكرم ما يعرف ويرجع ليها بس خطتها فشلت.
*يتبــــــــــــــع♡*
*روز_فتاة_الورد*