الفصل السادس
*#طيبة~وكرم《06》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
جيت البيت وأنا كلي ذعل لقيت محمد في وشي أستقبلني بفرح وبارك لي.
محمد : مبروك يا أختي بيت مال وعيال ان شاء الله .
قاطعتوا طيبة : آسفة يا محمد أخوي لو تقلتها عليك بقعادي بس برضوا كان تحترم قراري لو لمرة واحدة بس طول عمري رأي ما مهم .
محمد : طيبة إنتي بتقولي في شنو وحضنها يالغالية كيف بتتقلي علي ما إنتي طول عمرك بتخففي علي همومي وأنا كنت طول عمري متقل عليك ورأيك ما مهم بس هو من الأهمية بس انا أخوك ما عايز اشوفك غير إنك مبسوطة في حياتك كفاية حزن و ذعل.
طيبة : وبتبكي أنت أنت عارف يا محمد خالوا حامد اتوفى كيف يطاوعني قلبي اتزوج أنا ما قادرة وهسي الناس تقول علي شنو كفاية القالوا فيني أنا يا أخوي ما عايزة أتزوج خلاص وقعدت في الأرض تبكي وبعدين أكرم هو زاتو متزوج وعنده مره.
محمد : مسك طيبة رفعها سندها لمن قعدها في الكرسي .
بس بيحل ليه يا طيبة
طيبة : ما كان يعرس واحدة غيري هو انت وأكرم ليه ما عايزين تفهموني .
محمد : فاهمنك بس يا طيبة نحنا عقدنا وإنتي حاليا مرت أكرم .
طيبة : هسي انا كلمتك بس ما سمعتني يا محمد انا .
قاطعها محمد : هسي لو أبوي كان حي كان رفضتي.
طيبة : سكتت وعيونها ملانة دموع .
محمد : جاوبيني يا طيبة ليه سكتي إنتي عارفة أبوي قدر شنو هو كان عايزك انتي وأكرم تتزوجوا وقدر شنو كان رافض زواجك من سامر رغم إنك عارضيته عشاني انا بس احترم قرارك رغم أنه كان رافض وذعلان شديد هسي إنتي أتزوجتي أكرم لو كان أبوي عايش كان طار من فرحته ليك لأنو عارف إنوا حيقدر يطمئن عليك مع أكرم لأنه راجل مافي ذيوا وبعدين انا ما قادر أسامح نفسي يا طيبة بسببي أنا إنتي و أكرم ما تزوجتوا المرة الفاتت وقتها كنت أناني بس المرة دي غير على الأقل شوية ممكن أسامح نفسي شوي رغم اني ما قادر للآن وكل العملوا فيك سامر بسببي انا و بس .
طيبة : انت ما عملت لي شي يا محمد ذنبك شنو اذا سامر طلع واحد نذل وده ما عندوا علاقة بموضوعنا أنا و أكرم انتهينا من ذمان هسي انا ما عارفة أقول شنو
محمد بس يا طيبة أنا و مازن و حسن ما بنتمنى ليك غير إنك تكوني سعيده ومبسوطة في حياتك .
طيبة : يا محمد انا مبسوطة كده.
محمد : افهميني يا طيبة عارف موت خالوا حامد مؤثر عليك ومؤثر علينا كلنا بس ادي نفسك فرصة ولو مرة واحدة في الحياة نحنا عقدنا بس أنا وأكرم والشهود والمأذون اكيد لا عملنا حفلة لا جوطة عقد قران بس
وافهمي يا طيبة الزواج والموت ما بتأجلوا لأنهم قدر ما بتقدي تمنعي الموت أو الزواج ذي ما بأجلوا في دفن الميت العقد برضوا ما بأجلوا فيه هدي شوي واقعدي مع نفسك بعدين يا طيبة نحنا ظلمنا أكرم معانا كتير المرة الفاتت رفضتيه المرة دي أدي نفسك فرصة معاه وعايز أقول ليك شيء وأنا متأكد منه أكرم هو الحيسعدك وما تفكري في كلام الناس خليهم يقولوا ذي ما عايزين باقي الناس ما مهمين المهم إنتي تكوني مبسوطة ومرتاحة.
*بعد مرور ثلاثة ليالي*
تزف اليوم طيبة لزوجها أكرم من دون موكب فقط مع أخاها و أبنائه كان الزواج بسيط للغاية لأن لديهم عزاء فكان زواج بسيط هادئ.
*عند أكرم*
كانت اليالي دي أطول ليالي تمر في حياتي وكأنوا الأيام والساعت بتتضاعف وبتمر الثانية علي كأنها ساعة والساعة كأنها شهر واليوم كأنه سنة وأنا على أحر من الجمر ناطر اليوم البكون فيه أنا وطيبة سوى في بيتنا بقيت بنوم وبحلم بطيبة أصلا أنا في العشرة سنة الأخيرة دي بنوم وبصحى بطيبة .
*عند رتاج*
رتاج ما عارفة الحاصل شنو والتطورات الحصلت مشغولة في أكرم المختفي وتلفونوا قافل و ما برد وهو ما عارفة إنوا هو طيبة إتزوجوا وبقى ليهاحنضل.
*يتبــــــــــــــــــــــع♡*
*#روز_فتاة_الورد♡*