الفصل الرابع
*#طيبة~وكرم《04》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
...بس يا أكرم يا إما تعامل رتاج على أساس زوجتك يا إما
يا إما شنو
...ما عافية ليك *(واتلفتت على الجهة الثانية وشها من أكرم )*
أكرم زعل من الكلمة دي شديد وطلع من البيت وكلوا زعل ركب عربيته وشبك ايدينه مع بعض ومسح رأسه ودور عربيتوا
*في دبي عند جوري*
رن الجرس مشت فتحت الباب
جوري : أكرم أنت جيت متين
أكرم : وباين عليه انوا زعلان دخل بصمت مخيف ساكن
جوري : أكرم مالك يا أخوي وشك ما ببشر بالخير حصلت ليك حاجة
أكرم : ابدى ليك من وين يا جوري انا زاتي ما عارف حياتي ملخبطه وما عندها معنى
جوري : تعال اقعد هدي شوي وقول لي الحصل شنو منو الزعل أخوي الحلو
أكرم : قعد ولسه ساكت
جوري : احكي لي يا أكرم مشكلتك شنو قول لي
أكرم : أمك قالت ما عافية لي عشان ما بعامل رتاج على أساس إنها زوجتي وهي عارفة إنها الجبرتني أتزوجها أنا عملت شنو غلط في حياتي عشان اتعاقب كفاية الدنيا ظلمتني واخدت مني طيبة وانجبرت أتزوج واحدة ما بحبها وما قادر أحبها ليه بس ليه أنا ما قادر اعتبرها زوجتي وامي ما قاعد تفهمني هي ما حتقدر تاخد مكام طيبة وبتكلم بسرعة .
جوري : طيب يا أكرم أخوي هدي شوي بكون قالتها في زعل هي بس عاوزة تشوف أولادك و رتاج ما عندها لوم.
أكرم : إنتي عارفة يا جوري أني بالصدفة لقيت طيبة وعندها أولاد عارفة أنا كنت بموت لمن كانوا يقولوا ليها ماما
أكرم : بدى يحكي لجوري كان احساسوا شنو لمن لقى طيبة وشوية دموعوا نزلت وإنهار
جوري : طيب يا أخوي أكرم هدي ما مستاهلة كل الذعل ده بتفرج بإذن الله
جوري :وحضنت أخوها أكرم وبطبطب عليه
جوري :أكرم أنت بتبكي
أكرم : يعني يا جوري مستحيل نكون مع بعض مافي أمل هي ما لي ما لي عارف إنها ما لي بس انا ما قادر اطلعها من جواتي عندها أولاد بنتين و ولد إنتي عارفة لو كنا اتزوجنا كان حيكونوا أولادنا خلاص أكرم فاض بيه وما مستحمل أنا ما عايز ارجع تاني ما حرجع السودان ولا زيارة حتى شوفت طيبة بتقهرني
جوري : ليه يا أكرم ما عايز ترجع
أكرم : كل الموضوع ما قادر انسى طيبة
جوري : شفقت عليه أخوها وما قدرت تتحمل تشوفوا كده وقدرت ما حاولت تهديه ما قدرت ولو شوي في الاخر قالت :
جوري : أكرم أكرم ما سامعها وهو بيحكي
أكرم : ما شفتي أولادها يا جوري حتقولي
جوري : أكرم أكررررررم حتى انتبه ليها شوف يا أكرم ديل ما أولاد طيبة .
أكرم : وما مصدق كيف ما أولادها وبقولوا ليها ماما
جوري : اااي عارفة بقولوا ليها ماما لأنهم بتعتبروها ذي أمهم الحقيقة بس طيبة ما أمهم طيبة عمتهم ديل أولاد محمد أخوها إطلق هو مرتوا وطيبة قاعد تربي فيهم
أكرم : وما مصدق لسه يعني حس كأنه ارتاح شوية عشان كده بقولوا ليها ماما يا جوري .
جوري : أكيد وأسأل محمد لو ما مصدق
*بعد أكرم هدى شوي*
جوري : أكرم عايزة أقول ليك حاجة
أكرم : قولي أنا سامعك
جوري : طيبة ما عندها اولاد وهي إتطلقت من سنة هي وأخوها محمد.
أكرم : ما مصدق أسألة كتيرة بدور في رأسه ما لاقي ليها جواب.
جوري : أكرم أكرم أكررررررم
أكرم ها (وعيونوا ما مصدقة)
جوري : طيبة ما متزوجة ليه ما بتطلب يدها من أخوها محمد وما أظن يرفض .
أكرم : فصل في اللحظة دي وشوية بدى يستوعب الكلام القالته ليه جوري يعني حنرجع أنا وطيبة لبعض بعد الزمن ده كله انا ما مصدق الزمن .
جوري : أكيد يا أخوي
قلب أكرم رفرف بالسعادة بعد أن كان الحزن أحاط به
أكرم قام سريع
*يتبع♡*
*#روز_فتاة_الورد*