الفصل الثالث
*#طيبة~وكرم《03》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
....ااي مشكلتنا الوحيدة هي طيبة لو انزحت من طريقنا تاني ما حيعترض طريقنا شي تاني حرمتني من محمد زوجي وحرمتك من زوجك أكرم .
صح كلامك يا ريم خمسة سنة وأنا بتعذب بسببها ما قدرت اخطي ولا خطوة واحدة في زواجنا بسببها
....طيب يا رتاج بكره نتلاقى نمش لصحبتي تودينا للشيخ بس ما تنسي
هههه دي حاجة بنسوها بس إنتي متأكدة يا ريم إنو الزول ده شاطر في عملوا
...اسكتي سااااي صحبتي دي ذاتا كانت بتحب واحد بس هو لا شايفها ولا رافعها من أرضها قام مشى خطب وحدد موعد العرس وفي يوم شيلت البت ودوها لي صحبتي وهسي هي بره السودان في بريطانيا يا بت وعندها أربعة أولاد عايشة أحلا حياة مع زوجها وأولادها .
مدام كده يا زولة الله يحينا لبكره لمن نتلاقى.
*عند أكرم*
فتحت تلفوني لقيت مكالمتين فائتة من طيبة
(رتاج مسحت المكالمةلمن ردت ليطيبةعشان أكرم مايعرف)
ولقيت منها رسالة:
السلام عليكم أكرم كيفك ان شاء الله بخير لقيت منك مكالمة خير إن شاء الله .
الرسالة دي عملت زلزال في قلبي يعني هي مهتمة بي وعدتها مية مرة وأنا متردد بين اتصل ليها ولا أرسل مسكت التلفون وضغطت على
*عند وقار*
... يا أكرم يا ولدي .
نعم يا أمي .
....تعال هنا عندي معاك كلام.
اتفضلي يا ست الكل إنتي تأمري .
...طيب يا ولدي ده شنو البتعمل فيه ده يا أكرم صلح علاقتك مع مرتك وعيشوا كأي زوجين بطل معاملتك ليها كالغريبة كفاية كده واحد عايش في الشرق والتاني في الغرب .
يا أمي انتي بتطلبي مني شي مستحيل وأنتي عارفة
...بس يا أكرم ولدي حتقعد لمتين كده خمسة سنة راحت من عمرك ولا عندك ولد يرفعك يا أمي أنا كده مرتاح .
...بس انا عايزه أشوف أولادك قبل ربنا ياخد أمانتوا
ربنا يطول في عمرك يا نبع الحنان ويخليك لينا .
...بس مناي أشوف أولادك أنا منتظرة جناك يا ولدي بفارق الصبر الله يرضى عليك يا ولدي انسى طيبة وبعدين انت ظالم البت معاك.
يا أمي ما تعصري علي وبعدين انا ما جبرت رتاج تزوجني ولا جبرتها تعيش معاي بعدين هي ما تقيد نفسها بي أنا كلمتها لو عايزة تتطلق وتعيش حياتها بس انا ما بقدر أديها الحياة البتتمناها لأنها لي طيبة وبس وأنا كنت واضح معاها من البداية وكلمتها .
....بس يا ولدي انت مقصر في حقها كزوجة يا أمي ما أصلاً أنا معتبرة زوجتي من البداية وأنتي عارفةبعدين إنتي الجبرتيني أتزوجها وأنا كنت ما راضي على الزواج ده وعمري ما حتقبلوا و أرضى بيه.
...بس رتاج بتحبك وهي ما قصرت معاك أمي هي عارفه من البداية مشاعري لطيبة وكلمتها إنها ما حتتغير افتكر أنا ما كضبت على رتاج وكنت صريح معاها وقلت ليها ما تتزوجني بس هي الأصرت ومع أني قلت ليها انا مجبور وما عندي حيلة في أمري بسبب أمي بس هي ما كان عندها شي جابرها علي كان عادي تلغي وتواصل حياتها قلت ليها ترفضني وماكان دخلنا في متاهات.
...يا أكرم .
يا أمي من الآخر غير طيبة ما بحب ولا ححب غيرها وما عايز زوجة غيرها مدام هي ما لي أنا ما بقدر أعمل شي بس ما بقدر أعمال ااي ذول تاني معاملتها او تاخد مكانها .
....طيبة طيبة طيبة أصحى يا ولدي السنوات دي كلها تنوم وتصحى بيها ما قنعت خلاص ما فهمت إنها ما ليك هي لواحد ثاني غيرك بس قلبي ليها وعمري وحياتي فداها .
*يتبــــــــــــــــــــــــــــــــــــــــــــع*
*#روز_فتاة_الورد♡*