الفصل الأول
*#طيبة~وكرم《01》🤍❣️🥀*
*#الجزء~الثالث*
*#بقلمي_روز _فتاة_الورد••❣️🥀*
*ــــــــ♡ــــــــ♡ــــــــــــــ♡ــــــــــــ❥ :00:00*
_
أكرم اصلاً كان مركز مع طيبة طول الطريق ومتمني اللحظة دي بذات ما تعدي وبتمنى اللحظة توقف هنا بس انا و انتي وبس، وصلوا بيت طيبة أكرم حس كأنه الزمن بتأمر عليه و وقف ضده مع أنه بيتهم بعيد كيف وصلنا بسرعة أنا ما عارف حس كأنه وصل في ثلاثة دقائق ؛؛؛ نزلوا من العربية و أي واحد فيهم ما قادر يبدى موضوع إكتفت طيبة إنها شكرتوا وقالت ليه سلم خالتوا وقار و جوري و عمو حمزة .
أكرم : يوصل إن شاء الله وتحياتي لمحمد و مازن وحسن و أسيل ركزوا ما قال رهف *(في غموض)*
طيبة فتحت الباب و دخلت الأولاد و أكرم مشى لعربيتوا فتح باب العربية عايز يركب بس إتذكر شي قفل باب العربية وجى راجع لطيبة، طيبة كانت عاوزة تقفل الباب
أكرم : طيبة *[ وقفت]* نعم يا أكرم
أكرم سكت و سرح طيبة بقت تناديه أكرم أكرم في شنو أكرم : أكرم نسى يقول شنو لالا بس سلامتك بس كنت عاوز أسأل من محمد
طيبة : اااه والله محمد هسي في الشغل لوجى بكلموا ليك
أكرم ركب العربية و خاتي يده في رأسه ومسح على شعره بعصبية ياااخ يا أكرم اااخ منك ليه ما قدرت تكلمها ليه ما سألتها وحتى لو سألتها يعني حأقول ليها ديل أولادك ده شنو السؤال الغبي ودور العربية ومشى.
*في بيت أكرم*
.... اخيرا رجعت البيت أنا ضاربة ليك مية مرة ما شفتها يعني ولا شنو .
...أكرم بكل برود أكتفى مالك في شنو متصلة لي كتير حصل شنو خير.
... ما قلت بتوديني وما جيت و إتاخرت بتصل ليك ما بترد هسي ما مشيت بسببك هسي يقولوا الناس علي شنو
... أكرم خلصتي .
.... أولا أنا ما قلت ليك اقعدي انتظريني تاني شي عِندك عربية وبتعرفي تسوقي ثالث شي انا ما قلت ليك ألغي مواعيدك إنتي حرة تمام ما تربطي نفسك بي وتجي تحمليني المسؤلية.
... بس نحنا متزوجين يا أكرم نحنا زوج و زوجة فاهم يعني شنو ولا نسيت .
...أكرم أظن إنتي النسيتي أو إتجاهلتي نحنا ما ذي كل الأزواج التانين زواجنا على ورق بس وأنتي عارفة حدود علاقتنا لي وين يا ريت ما تتجاوزي حدودك معاي تمام وما تبني أمالك إنو علاقتنا تتصلح
مشى أكرم.
...هي بتنادي أكررررررم أكرررررم أكررررررررررم
وقعدت على الأرض تبكي بسببها هي أنت متجاهلني وما شايف غيرها كل السنوات دي قدر ما حاولت أغيرك عملت اي حاجة ما خليت ولا شي بقدر عليه عشان اخد مكانها بس ما قدرت .
هي متزوجه وعايشة حياتا بس انا عايشة زواج على ورق بس وحب من طرف واحد ليه يا أكرم تعمل فيني كده هسي انا الناقصني شنو عشان تحبها هي و أنا لا
لا هي أحلى مني ولازأصغر مني ولا بتجي بجنبي سااي في فرق شاسع بيناتنا فرق السماء والأرض
كل الناس شايفة أني حلوة ولابقين مع بعض الا انت بس خمسة سنة يا أكرم وأنا بحاول فترت معاك عشان أخليك تتقبلني زوجة وتحبني بس نحنا متزوجين بس منفصلين اي واحد فينا عايش في حتة براهو حتى لو ما خالك اتوفى ما كنت قعدت معاي تحت سقف واحد بعد المسافات البيناتنا متين تزح لأنه بيقتلني من جواتي ، هي ملكتك ملكة قلبك و روحك أنت معاي بس أنت ليها بحسك بعيد مني طول عمرك كنت معاها وليها .
*~يتبع♡~*
*#روز فتاة الورد*