كنت في عز الثبات لين شفتك وانهزمت - الفصل 175 - بقلم ريناد | روايتك

البــــــــــــــــــــ175 ـــــــــارت .بدر لا تكونين عنيده حتى انتي تعبانه تعالي معي اوصلك نوف:.بس بدر:.يلا قومي معي وقفت ومشى قدامها وهي مشت بخطوات متردده كانت تحس بشعور غريب شعور اول مره تحسه كانت تتمنى لو اصرت وما قامت معه . . . كان ساكت ويفكر كيف يوصل لها الخبر كان يحس بروحه تنقسم لنصفين كان مخنوق بعد لحظات وقف ونزلت نوف وبدر اخذ نفس وبعدها نزل وراها ناظرت فيه بخوف:.ليش نزلت! بدر:.افتحي الباب اول وادخلي نوف مسكت عبايتها بخوف وبدر تكلم:.ابيك تعطيني ملابس لعبدالعزيز ! تطمنت وطردت كل خوف بقلبها بالنهايه هو صديق اخوها مستحيل يفكر يضرها تقدمت وفتحت الباب وانصدمت فيه يوم دخل وسكر الباب .. نوف رجعت لورا بخطوات وتكلمت بغضب:.انت ليش دخلت!! بدر:.نوف ممكن نتكلم شوي نوف بخوف وعيونها تدمع:.انت وش تبي فيني! بدر:.يا نوف اسمعيني شوي انا ابي اتكلم معك نوف:.مفروض تحترم ان صديقك تعبان بالمستشفى و قاطعها:.عبدالعزيز راح! ناظرت فيه بصدمه ونطقت:.ك كيف! بدر قرب منها وتكلم بملامح يتملكها الجمود:.عبدالعزيز راح عبدالعزيز عطاك عمره يا نوف! ضحكت وناظرت فيه بعدم تصديق:.انت وش قاعد تخربط! بدر مسكها وجلسها على الكنب:.نوف اهدي هذا حال الدنيا وعبدالعزيز ان شاء الله انه قاطعته وهي تصرخ:.انت وش قاعد تخربط!!اخوي عايش انت شكلك جنيت انت بنفسك قلت انه بخير!! بدر:.انا اسف! نزلت دموعها وصارت تضربه وهي تنفي كلامه صرخت بكل صوتها:.قوم وديني قوم اخوي بخير انت ما تدري انت تكذب اصلاً نزل راسه واطلق تنهيده:.والله ياليتني اكذب وياليتني ما خسرته اي والله يا نوف ليتني اكذب .. بكت بصوت مرتفع وصارت تضربه بشكل جنوني:.كيف يتركني كيف انا اموت بعده مالي غيره تكفى قول انك تكذب تكفى لا مستحيل يالله مستحيل رجعت لورا وكانت بتطيح بس بدر مسكها وسحبها لحضنه نسى كل شي ونسى انه ما يربطه فيها اي علاقه تناسى كل هذا ولمها بحضنه اما نوف صرخت وصارت تبكي بكل جنون وتحاول تبعد عن حضنه وهي رافضه تماماً كلامه بدر شد عليها وقلبه ينعصر من الالم:.سامحيني ما قدرت اسوي شي نوف وانينها كل ماله يرتفع:.هوو قال مابيتركني مين لي غيره انا ضعت والله ضعت يالله الطف بحالي بدر بصوت مخنوق:.ما تضيعين وانا موجود ما سمعت كلامه ولا حتى ركزت وش قال كانت تبكي بشكل جنوني ومنظر عبدالعزيز يتكرر بمخيلتها .. . . حست باحد يحركها قامت بخوف ودموعها بعيونها بكت بصوت مرتفع:.اخوي مامات عزوز موجود مستحيل يتركني مستحيل بدر بهدوء:.اذكري الله كنتي تحلمين اخوك صحى وهو بخير والحين تقدرين تشوفينه وقفت وهي ترجف:.كان حلم! بدر:.عبدالعزيز موجود ومافيه الا كل عافيه ناظرت فيه لفتره والتعب واضح بملامحه اما بدر سحب نفسه وهو يناظر ساعته ردد مع نفسه: راحت الطايره الله يعين دخلت نوف وهي تبكي وبمجرد ما شافت شوق ماسكه يد عبدالعزيز وتبكي بكت معها وقربت منهم عبدالعزيز بخوف:.نوف قربي انتي فيك شي يا عيني؟ بكت بصمت وهزت راسها بالنفي شوق من بين دموعها:.ليش تسرع ليش لو صار فيكم شي وش اسوي بعمري عبدالعزيز:.انا بخير بس بدر وين راح! نوف هزت راسها بعدم معرفه وقربت من عبدالعزيز وحضنته وتنهدت وهي تحمد ربها انه كله حلم .. . . رفعت عمر وهي تبتسم ونطقت:.صرت ثقيل حتى ما اقدر اشيلك من بين ضحكاته همس:.بابا بابا قرب نواف وسحبه من يدها وهو يبتسم:.قلب ابوك انت حنين ابتسمت وبعدت شعرها:.ليش ما نمت؟ ناظر فيها لمده وهمس:.واللي يشوف هالجمال يقدر ينام؟ زادت ابتسامتها وصدت بنظراتها وصارت تلعب بيد عمر نواف ببتسامه:.ليش دايم ما تناظرين فيني؟ حنين بربكه بعدت شعر عمر وهي تهمس:.ولاشي نواف والابتسامه لسا مرسومه على شفايفه:.للحين تستحين مني وما تقدرين تحطين عينك بعيني؟ ابتسمت بإحراج وهزت راسها باعتراض على كلامه بس تفاجأت يوم قرب منها وهو يهمس:.والله انك اجمل شي حصل بحياتي وانا احمد ربي انك لي ضحك عمر وحنين استحت وابتسمت:.ولدك لا يسمع كلامك نواف بثقه:.خليه يسمع خليه يعرف ان امه ملكت قلبي حنين ودقات قلبها تزيد:.وانت اجمل شي حصل لامه . . . كانت بعالم ثاني وملامح بدر عالقه براسها سالت نفسها بستغراب:.ليش افكر فيه هالكثر! ليش ماني قادره اطلعه من راسي! فزت على شوق اللي جلست جنبها وهي تتكلم:.قاعده تفكرين في مين؟ نوف بتوتر:.ولاشي انتي ليش جيتي ليش خليتي عزيز لحاله شوق:.نام وخليته يرتاح وبكرا اصلا بيطلع .. نوف هزت راسها وشوق كملت كلامها:.والله يوم اتصل فيني المستشفى ما استوعبت بس الحمدلله صديق عبدالعزيز طمني الله يسعده نوف تذكرت بدر وهمست:. بدر شوق:.ادري اني مالي شغل بس انا شفت نظراته لك يوم كنتي نايمه كان ينتظرك تقومين منع احد يقومك نوف حست بالدمع يتجمع وهمست:.انا وش صاير فيني ؟ 🔮📚 @storykaligi 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮