كنت في عز الثبات لين شفتك وانهزمت - الفصل 174 - بقلم ريناد | روايتك

البــــــــــــــــــــ 174ـــــــــارت عبدالعزيز وهو يضحك فجاه غمض عيونه من النور القوي وما حس الا بسيارته انحرفت عن الطريق حاول يسيطر عليها وتوتر من صراخ نوف وخاف عليها ومر كل شي بلمح البصر بعد مرور دقايق بسيطه فتحت عيونها وهي تحس بكل جسمها يوجعها دورت على عبدالعزيز بالسياره بس ماكان موجود صرخت برعب وحاولت تفتح الباب بس ماكان يفتح بكت برعب واستمرت تنادي عبدالعزيز وفجاه سمعت رنين جواله سحبته بسرعه وردت وهي تبكي:.بدر تعال الله يخليك حنا صار لنا حادث وعبدالعزيز مو بالسياره والباب مو راضي يفتح ومحد حولي رجيتك تعال ابي اخوي!! بدر بصدمه:.نوف! انتم وين وعزيز وينه! نوف وهي تبكي:.ما ادري ما ادري الله يخليك ابي اخوي مابي اخسره بدر:.انتي اهدي واوصفي لي المكان وصفت له وهي تبكي وقفل منها وتوجه لهم بكل سرعته اما نوف كانت تبكي وتحاول تفتح الباب بس ماكان يفتح رجعت للمقاعد اللي ورا وفتحت وفتح لها الباب نزلت وهي تمشي بصعوبه وتدور على عبدالعزيز لمحت ثوبه الابيض وكان طايح على الشارع قربت له وهي ترجف وبمجرد ما شافت الدم اللي منتشر بكل مكان صرخت وزادت دموعها وصل بدر ونزل وهو يشوف السياره اللي تحولت لحطام قرب من نوف اللي كانت تبكي وطاح نظره على عبدالعزيز الطايح بالارض رجف قلبه ومشى وجلس وهو يتحسس نبضات عبدالعزيز وجه بنظراته لنوف اللي كانت تبكي وتتمنى يطمنها على عبدالعزيز الطايح بالارض رجف قلبه ومشى وجلس وهو يتحسس نبضات عبدالعزيز وجه بنظراته لنوف اللي كانت تبكي وتتمنى يطمنها بلع ريقه وهمس:.ما احس بشي! صرخت وصارت تهز عبدالعزيز وانينها يرتفع .. بدر اتصل بالإسعاف وهو يتمنى يسعفه الوقت واخذ يمسح الدم بيده وهو يتكلم:.قوم يا عزيز انت مستحيل تروح شوف شوف الحين الإسعاف بتجي تحمل كلنا حولك نوف مسكت يد عبدالعزيز وبكت بالم وتكلمت بدون وعي:.لا تتركني انا مالي غيرك ابوي وهو ابوي رماني للهلاك محد أنقذني غيرك عزوز انت وعدتني تبقى معي دائما اكيد ماراح تخليني يلا افتح عيونك رجيتك ياخوي قوم انا هنا انتظرك لا تتركني وحيده لا تتركني ارتفع نحيبها وبكت متجاهله كل شي بدر تقطع قلبه عليها وناظر بالإسعاف اللي تجمعت والشرطه . . . فجاه وبدون لا تحس طاح الجوال من يدها انحنت واخذته واتصلت على عبدالعزيز بس جواله كان مغلق تنهدت وارتمت على سريرها وهي تفكر فيه وتبتسم وتتذكر كلامه غمضت عيونها وهي تتخيل حياتها معه رددت بهيام:.اي والله انك خذيت كل تفكيري يا عبدالعزيز .. . . بالمستشفى كانت تدور مثل المجنونه وتبكي قرب منها بدر ومسكها:.لا تسوين بنفسك كذا انتي اكيد تعبانه تعالي معي تفحصك الدكتوره سحبت يدها وهي ترجف:.ابي عبدالعزيز ابي اعرف شي عن اخوي هو صح بخير! بدر:.لا تخافين عبدالعزيز بيكون بخير نوف ابداً ما صدقته واستمرت تبكي تنهد بضيق وابعد بخطواته عنها وكان ينتظر خبر عن عبدالعزيز اللي ماكان يدري عن حاله رجع يناظر فيها كانت تبكي بخوف وتتلفت اوجعه قلبه هو ما يتحمل يشوفها تبكي بس ماكان بيده شي بالنهايه هو مين! هو مجرد شخص غريب مجرد صديق لآخوها ولا تربطه فيها اي علاقه .. ناظر ساعته وجلس وهو يسند ظهره على الكرسي بتعب جلس يعيد الذكريات صديق عمره ما يعرف وش مصيره وهل راح يبقى معه تنهد بقله حيله وغمض عيونه وماهي الا دقايق وفز على صوت الدكتور اللي كان محتار وش يقوله بدر بخوف:.هاه يا دكتور بشر عبدالعزيز بخير صح؟ الدكتور حط يده على كتف بدر وبهدوء:.ابيك تركز معي وتمسك نفسك هذا قضاء الله وقدره! ناظر بدر وهو يحس ان قلبه انكسر نصين:.عبدالعزيز توفى! الدكتور اخذ نفس بعدها تكلم:.حالته كانت حرجه وهو نزف كثير وللاسف الوقت ما اسفعنا عبدالعزيز عطاك عمره مسك شماغه ونزله من على كتفه وهو يهز راسه بالرفض جلس على ركبه وكلام الدكتور يتكرر باذنه تذكر نوف وغمض عيونه وهو يحاول يكون قوي لكن هالمره كل شي كان ضده دمعت عيونه وحس بنار تكوي قلبه كان يتمنى يصرخ ويكذب كلام الدكتور عبدالعزيز ما يتركه عبدالعزيز عايش انحنى الدكتور وطبطب على كتفه:.ادري ان الموضوع مو سهل عشان كذا اتمنى انك انت توصل الخبر لأخته بدر بضعف:.ما اقدر! الدكتور:.تجي من قريب ولا غريب قوم معي بدر ناظر فيه ووقف مسح وجهه بشماغه وتوجه عند نوف اللي كانت دمعتها ما تفارق خدها وقف قدامها وقلبه يرجف وكيف له يكون قوي! وهو خسر صديق وأخو همس بصوت مرتجف:.يا نوف قومي معي أوصلك لبيتكم نوف ناظرت فيه وتكلمت بصوت متقطع من البكا:.ليش اروح البيت ابي اشوف عبدالعزيز انت عرفت شي عنه؟ بدر اخذ نفس وبعدها همس:.عبدالعزيز بيقوم بكرا وقعدتك هنا ما منها فايده نوف:.ابي اقعد ابي انتظره حتى يقوم انت روح انا بنتظره اصلا بيفرح اذا قام وشافني .. 🔮📚 @storykaligi 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮