كنت في عز الثبات لين شفتك وانهزمت - الفصل 173 - بقلم ريناد | روايتك

البــــــــــــــــــــ 173ـــــــــارت نوف حركت راسها بالرفض بدر :.طيب وقفي بكا انا خلاص ادري انك ما تبيني! نوف ببحه:.اتركني! بدر:.من عيوني لك اللي يرضيك .. وتركها بعدت عنه وهي تبكي سحبت نفسها وهي تحس بالذل والانكسار اما هو رجع وهو مخذول وكل توقعاته خابت دخلت للمغاسل وسحبت المناديل وصارت تمسح وجهها وتبكي بالم لاحظت ريحتها الغريبه وعرفت ان عطره طبع بملابسها بكت بالم وانهارت تماماً وصارت تضرب بيدها على المغسله:.ليش يالله ليش انكتب علي هالحزن ليش مكتوب ما افرح ليش انا كذا ليش!!! . . . كانت تبكي بصمت وتناظر فيه نواف مسح دمعتها وبهمس:.تبكين يا عيني وانا عندك تبكين وانا موجود؟ حنين برجفه:.انت ما بتروح مره ثانيه صح؟ نواف مسك يدها وتكلم يطمنها:.انا معك للابد انتهى كل شي يزعلك انتهى مسحت دموعها اللي كانت تشوش روئيتها وهمست:.والله ان حياتي بعدك ماهي حياه نواف:.رجعت ومحد راح يبعدني عنك انا قلت لك امحي كل شي يتسبب بنزول دموعك بكت وارتمت بحضنه وبغصه:.مابيك تمحي احد خليك معي وهذا يكفي لا عاد تبعد عني نواف:.انتي تامرين وانا أنفذ يا ام عمر حنين بعدت عنه وهي تبتسم وتمسح دموعها وتتكلم بصعوبه:.تدري انه قال بابا هذي اول كلمه قالها كان يناظرها والابتسامه مرسومه على وجهه حنين كملت رغم دموعها المستمرة بالنزول:.وجود عمر كان يحسسني انك معي رغم انك بعيد نواف::اهدي يا عيوني انا معك وماعاد فيه مكان للأحزان حنين مسحت دموعها وابتسمت:.الحين اكيد الكل يدور علينا لازم نرجع لهم وقفت وعدلت فستانها . . انزفت له بالفستان الابيض كانت تمشي وكل مافيها يرجف بمجرد ما لمحته واقف بالبشت ينتظرها حست بثقتها تضيع هي ابداً مو قويه قدّامه وجوده يلخبط كل شي فيها حست باليد الدافيه اللي مسكت يدها وناظرت وكان ابوها ابتسم ابو نواف واشر لها ترفع راسها وتمشي بكل شموخ دمعت عيونها وشد على يد ابوها ومشى معها حتى وصلت لعبدالرحمن اللي كان ينتظرها بكل لهفه سلمها بيد وتكلم:.سلمتك اغلى ممتلكاتي اتمنى تحطها بعيونك ذي مو اي احد ذي بنتي انا عبدالرحمن:.عطيتها اللي يبيع راحته لعيونها تطمن يا عم هي بعيوني ديما بكت ونزلت راسها وابو نواف همس:.ارفعي راسك ما توطين راسك وانتي بنت ابوك ارفعيه يا بنتي اليوم يومك وامسحي دموعك مافيه مكان للحزن وهذا انا جبت لك اخوك وخليت فرحتك تكمل ديما:.الله لا يحرمني منك يبه ابو نواف:. ياويلك لو اشوفها ترجع زعلانه عبدالرحمن:.مثل ما قلت لك انت عطيتها اللي يدور رضاها من بعيد كانت تراقبهم وتبكي رفعت جوالها على رساله منه:. متى يجي هاليوم اللي اشوفك فيه لابسه لي الفستان الابيض اي والله يا حظ عبدالرحمن ابتسمت شوق وكتبت له:.هاليوم بعيد اصبر زادت ابتسامتها وهي تقرا كلامه:.لو بكيفي خذيتك الليله وماعاد رجعتك كتبت له وهي تبتسم:.اجل الحمدلله انه مو بكيفك عبدالعزيز ارسل لها:.احمدي ربك كثير انه مو بكيفي . . . بقسم الرجال كان يحرك جواله وعلى ملامحه الغضب جلس جنبه عبدالعزيز وبستغراب:.انت فيك شي؟ بدر ببرود:.لا عبدالعزيز:.انت ماخذ بخاطرك علي؟ بدر:.وليش اخذ؟ هذا النصيب! عبدالعزيز:.والله انا كنت اتوقع انها بتصير مشكله بس اخوها شكله ما تذكرني ! يزيد:.وش قصدك؟ عبدالعزيز:.سالفه قديمه يزيد:.طيب انا بستاذن وراي سفره عبدالعزيز::وليش ما تكنسلها ما شبعت منك يزيد:.تعرف عندي شغل واتوقع اني عطيتك اللي تبيه يعني اقدر اروح! عبدالعزيز:.انت ماخذ موقف وزعلان صح! بدر :.ليش ازعل! عبدالعزيز:.لو الموضوع بكيفي ما خليتك تاخذ غير اختي بس الموضوع مو بكيفي بدر:.زي ما قلت وانا ما ارضى اخذ وحده بدون رضاها الله يستر عليها ويرزقها وقف وحضن عبدالعزيز:.انا استأذن انتبه لنفسك وسحب نفسه ومشى كان يحس بفراغ رغم انه ماكان يبي يسافر الا انه حس ان السفر راح ينسيه نوف ركب سيارته ودور على المفتاح في جيب ثوبه وطلع حلقها وابتسم بخيبه ورجعه .. . . انتهى هاليوم ورجعت نوف مع عبدالعزيز طول الطريق وهي ملتزمه الصمت وتتذكر بدر عبدالعزيز بستغراب:.انتي فيك شي ليش ساكته؟ نوف ابتسمت وهمست بهدوء:.لا يا خوي ما فيني شي عبدالعزيز:. تدرين ان بدر سافر الله يهديه استعجل نوف:.يوصل بالسلامه عبدالعزيز:.جوعانه تبين اخذ لك اكل؟ نوف:.لا تسلم تعبانه وابي انام بس عبدالعزيز:.ايوه كيف انبسطتي ؟ نوف:.الله يسعدهم كل شي كان يجنن واهم شي رجعت اخوها ابتسم عبدالعزيز وحك دقنه وبعدها تكلم:.وشوق كيفها ابتسمت نوف:.شوق بخير غريبه ما شفتها عبدالعزيز:.اي والله اخوك متزوج وحده عنيده نوف وهي تضحك:. ما ارضى عليها حدك الا شوق .. 🔮📚 @storykaligi 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮