كنت في عز الثبات لين شفتك وانهزمت - الفصل 171 - بقلم ريناد | روايتك

البــــــــــــــــــــ 171ـــــــــارت كانت نوف ملاحظه نظرات عبدالعزيز الغريبه حست قلبها انقبض من نظراته وتجاهلت وصدت للجهة الثانيه اما عبدالعزيز كان يتمنى يمحي الحزن الواضح بعيونها وكل تفكيره محصور حول كلام بدر اللي صدمه .. . . لبست الفستان الاحمر وناظرت بتمعن بشكلها شعرها طال صحيح انها نحفت بس كان شكلها حلو اخذت من العطر ورشت منه وبعدها توجهت لعمر واخذته وجلسته بحضنها ابتسمت له وهمست:.ما ادري ليش عندي احساس اني بسمع خبر حلو عمر كان يضحك لها ويلعب بشعرها ابتسمت حنين ووقفت ونزلت ولاحظت ان الكل كان مو موجود لفت على صوت شوق العالي:.يا حنين الكل راح للقاعه ماعدا انا وانتي امشي تاخرنا حنين:.وليش محد قالي شوفي كم صارت الساعه شوق:.انا تعمدت اخليك عشان نروح سوا حنين:.طيب امسكي عمر بروح البس عبايتي ونمشي اخذته شوق وهي تضحك وتلاعبه .. . . بالقاعة دخلت عهود وهي تتنفس بتعب وتتكلم:.افف والله تعبوني هالشغالات ما يفهمون ام نواف:.اهم شي كل شي جاهر؟ عهود:.ايه كل شي ولا تخافين حطيت قهوه لام عبدالرحمن مابي تزعجنا صدعت وصدعت ابتسمت ديما وام نواف تكلمت:.ماشاءالله تبارك الرحمن الله يحفظك يا عيون امك صحيح ان فرحتي ناقصه بس انتي تستاهلين ديما:.يمه لا تزعلين نفسك اخوي بيرجع خلي عندك امل عهود:.كلنا عندنا امل اليوم يوم الفرح لا تزعلين نفسك ام نواف:.وين جوري اكيد تركت بنتها مع الخدم عهود:.والله تخافين على رنيم اكثر من عمر ام نواف:.لاني ادري امها طفله ديما بضحكه:.لا تسمعك جوري يمه ام نواف:.بقوم اشوف وين رمت البنت عهود بضحكه:.لا تخافين تركي موصيها الف مره عليها .. . . عند جوري كانت تاخذ رشفه من القهوه اللي بيدها وفجاه فزت وعيونها تدور على رنيم التفت يمين وشمال ونادت بصوت عالي:.يا مريم يا مريم وين وديتي بنتي طلعت وهي تسحب فستانها وتدور على رنيم أوجعها قلبها وخافت وصارت تنادي بصوت عالي وتدور بكل مكان حتى انها طلعت بقسم الرجال دمعت عيونها ونادت بصوت مبحوح:.وين راحت بنتي حست بيد لامست كتفها ولفت وهي تبكي وبمجرد ما شافت رنيم مع تركي صرخت:.ليش ما خذها تعرف اني خفت عليها وما خليت مكان الا ودورت فيه انت ناوي تذبحني ؟؟ تركي كان يراقبها بكل هدوء ورنيم خافت من صوت جوري العالي وبكت سحبتها جوري وهي تبكي معها وتحضنها تركي بإعجاب:.حتى وانتي معصبه حلوه! جوري بغضب:.ماني فاضيه لكلامك!! تركي زاد خطواته نحوها:.انتي ما تكبرين انتي تبقين طفله مهما سويتي حتى بعز خوفك تأسرين قلبي صحيح انك صرتي ام بس تبقين طفلتي انا جوري ودموعها بعيونها:.قلبي أوجعني عليها مابي يصير لها اي شي تركي:.انتي احن ام واحلى ام وأجمل ام شافتها عيني جوري ابتسمت ونزلت دموعها:.لا تمدحني انا مهمله والدليل اني رميتها وبعدين تذكرتها تركي :.والله ان رنيم محظوظه دامك امها جوري بخجل:.تركي خلاص تركي:.عيدي اسمي ابي اسمعه جوري:.انت ما تترك حركاتك تركي:.انتي ما خليتي براسي عقل يا بنت ابوك جوري:.تركي انا برجع لداخل اخاف احد يجي تركي :.بتركك الحين بس المره الجايه تاكدي اني ما بتركك ابتسمت وناظرت فيه بتحدي:.نشوف . . . كانت نوف بعالم ثاني وتتذكر كلام اخوها فزت يوم حست بشوق تحضنها شوق:.بسم الله عليك خوفتك؟ نوف ابتسمت وهي مخفيه حزنها:.كنت سرحانه عشان كذا فزيت شوق:.ومين ماخذ عقلك نوف:.محد ماخذه بس زوجك شوي مجنني شوق:.فتره واربيه انتي قولي لي وش سوا نوف:.هو لو يترك عاده انه يخوفني عليه اكون بخير شوق:.بخليه يتركها أوامر ثانيه ؟ نوف:.تقدرين عليه والله شوق:.اعرف كيف اخليه يسمع الكلام ابتسمت نوف وشوق كملت تتكلم معها . . . كان كل شي جاهز وحنين توجهت لغرفه ديما وكانت واقفه وتحرك يدها بتوتر حنين:.باقي خمس دقايق وتطلعين خليك جاهزه ديما بخوف:.خليك معي لاني خايفه حنين:.وانا معك وبكون وراك لا تخافين ديما اخذت نفس وهزت راسها وبعد احضان أشرت لها حنين ومشت على الموسيقى الهاديه كانت تمشي خطوه بخطوه وحنين وشوق وراها ابتسمت بتطمن وكملت تمشي وهي رافعه راسها وتتفرج للحضور وبعد لحظات وقفت مصدومه وطاح الورد اللي كان بيدها ورجف كل جسمها وهي تشوف نواف يمشي نحوها والابتسامه مرسومه على وجهه نقلت نظرها حول ابوها اللي كان يضحك وياشر لها على نواف استغربت حنين وقوف ديما وتقدمت واتضح لها كل شي حست انها بحلم وكل شي يدور من حولها حست انها بحلم وكل شي يدور من حولها رجف كل جسمها وهزت راسها بعدم تصديق وفجاه كل شي من حولها كان يدور وطاحت على الارض تقدم منها ومسكها ورفعها وهو يناظر فيها وملتزم الصمت نزلت دموعها وشهقت وهي تلمس يده ومن ثم وجهه وتتحسس كل شي فيه زاد بكاها ونواف حضنها وهو يتنهد براحه ونبضات قلبه تتسارع .. 🔮📚 @storykaligi 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮