كنت في عز الثبات لين شفتك وانهزمت - الفصل 168 - بقلم ريناد | روايتك

البــــــــــــــــــــ168 ـــــــــارت شوق:.تتوقعين اني فرحتي كامله ؟؟ كيف بتكون كامله واخوي ماهو معنا والله اني اتمنى اشوفه اليوم قبل بكرا وتعرفين ابوي قرر كل شي حتى امي ما اخذ رايها حنين:.الله يوفقك يا روحي لا تزعلين مني شوق ببتسامه:.ما قلتي شي يزعل والحين قومي معي ابي اختار لك فستان لانك بكرا بتكونين معي حنين:.والله يا شوق لو تعفيني من هالشي بكون شاكره شوق:.يوم ملكتي وما تكونين معي والله بزعل الحين جد .. حنين:.كل شي ولا تزعلين شوق:. حنين حرام اللي تسوينه بنفسك نواف لو شافك بهالحاله راح يزعل وانتي ما ترضين اخوي يزعل؟؟ حنين:.والله مو بيدي وغصب عني يا شوق شوق:.طالعي وجهك شلون الحزن مرسوم عليك شوفي شلون نحفتي والله اخوي اذا شافك بيزعل حنين:.خلاص بسوي اللي تبينه والحين اختاري لي فستان على ذوقك ابتسمت شوق وهزت راسها وتوجهت لدولاب وحنين حست بهدوء عمر وعرفت انه نام وتوجهت لسريره وحطته فيه وغطته زين وتاملته لفتره . . . عند نوف كانت ترتب ملابس عبدالعزيز ابتسمت بعد ما خلصت منهم وقفت وانصدمت فيه واقف يناظر فيها والابتسامه مرسومه على وجهه:.انا مين يدلعني غيرك حتى عند شوق ما ضنتي تدلعني كثرك ابتسمت نوف:.بتدلعك ما عليك واكثر مني بعد عبدالعزيز:.اذا ناقصك شي قولي نوف:.كل شي عندي انا مدري متى يجي بكره والله اني متحمسه عبدالعزيز:.متحمسه اكثر مني بعد نوف:.انت ما بتاخذ اي احد انت بتاخذ شوق عبدالعزيز:.تحبينها لهدرجه ؟ نوف:.وفيه احد يعرفها وما يحبها والله ياحظك ياخوي فيها الله لا يفرقكم عبدالعزيز:.انا اللي لازم احسد نفسي ان عندي اخت مثلك ابتسمت نوف ودمعت عيونها:.والله اني احبك واتمنى اشوفك فرحان دائماً حضنها ومسح على شعرها بحنيه:.وانا مابي اشوفك تبكين ابداً نوف بضحكه:.ذي دموع الفرح عبدالعزيز ابتسم:.حتى لو مابي اشوف دموعك نوف:.الله لا يحرمني منك عبدالعزيز:.انا الحين بطلع لبدر انتبهي لنفسك نوف:.لا تتاخر ترا بكره بتتعب ارجع بدري عبدالعزيز:.ابشري يا عيون اخوك وطلع ونوف بعد فتره لمحت جواله كان على السرير اخذته ونزلت وراه وهي تدور عليه:.عزيز جوالك معقوله طلع!! فتحت الباب بعد ما غطت شعرها وكانت تدور عليه ابتسمت وهي تشوفه معطيها ظهره ومشت بسرعه نحوه:.عزيز نسيت جوالك يعني بكل مره الاحق وراك رجف قلب بدر من الصوت الناعم اللي خلفه ولف وانصدم فيها ونوف تجمدت بمكانها وعيونها عليه بدر حاول يتدارك نفسه بس عيونها وملامحها كانت ملفته وتجبر اللي قدامها ينسى كل شي حوله دمعت عيونها ورجعت لورا بشكل سريع وتعثرت وطاحت وبدر انحنى:.بسم الله عليك صار لك شي؟ نوف بكت وغطت وجهها وبدر ارتبك:.والله العظيم اسف كنت انتظر عبدالعزيز لانه راح الحمام وبيجي نوف زادت تبكي من إحراجها وخوفها وبدر همس:.لا تبكين الله يخليك خلاص بروح بس لا تبكين تعورتي ؟ نوف بغصه:.روح روح لا يجي اخوي وانت هنا واقف معي بدر:.ابشري اللي تبينه بيصير بس وقفي بكي .. نوف حاولت توقف بس ما قدرت وشهقت يوم حست فيه مسك يدها وساعدها تقوم بكت برعب وخوف من ان شخص غريب يلمسها وبدر حس على نفسه وابتعد عنها:.خلاص لا تبكين بس علميني تعورتي! نوف وهي تبكي:.لا تقرب مني انت ما تفهم اقولك روح اخوي لاا يشوفك معي بدر:. بروح بس انتي ادخلي واذا تتعورين خلي عبدالعزيز ياخذك للمستشفى طيحتك ماهي سهله مشت بصعوبه وهي تبكي وبدر كان يراقبها حتى اختفت تنفس بهدوء وملامحها عالقه بذهنه شكلها وهي تبكي شلون كان مغري!! خشمها وعيونها الواسعه ضرب جبينه:.اعوذ بالله من الشيطان ذي اخت خويي ولف وهو ناوي يتوجه لسيارته وينتظر عبدالعزيز فيها لمح الشي اللي يلمع وانحنى واخذه وكان حلقها ابتسم وقربه من خشمه يشم ريحتها وبعدها حطه بجيب ثوبه وراح لسيارته . . . عند تركي رجع البيت ولمحها جالسه مشى لعندها وهو معقد حواجبه:.انتي ليش قمتي من السرير ؟ فزت برعب وحطت يدها على قلبها:.بسم الله انت متى جيت ارعبتني! تركي:.ارعبتك لانك عارفه ان جلستك هنا غلط ليش قمتي من السرير امك وينها جوري:.تركي علامك ليش ما تبي اقوم تركي:.انتي تعبانه ولازمك راحه جوري:.انا بخير تعال شوف مافيني شي جلس جنبها وحط يده على جبينها:.الا فيك حراره ! جوري:.والله اني بخير ومليت من السرير تركي:.اجل انا تعبان وابي ارتاح جوري:.روح ارتاح ونام لك كم ساعه انصدمت يوم حط راسه بحضنها وغمض عيونه رجف قلبها وابتسمت بحب ومدت يدها لشعره وصارت تلعب فيه تركي:.ما خلوني اشوفه بس بدر دخل عنده وبكرا ملكه شوق ونواف مو معنا جوري:.بيرجع ان شاء الله انت لا تضايق نفسك تركي:.ابي ارتاح يا جوري والله المشاكل من كل جهة جوري:.هونها وتهون ونواف بيرجع .. 🔮📚 @storykaligi 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮