كنت في عز الثبات لين شفتك وانهزمت - الفصل 169 - بقلم ريناد | روايتك

البـــــــــــــــــ169ـــــــــارت تركي اخذ يدها وطبع عليها بوسه وهمس:.وجودك راحه انتبهي لنفسك لانك لو تتعبين بتضايق جوري ابتسمت وعقدت حواجبها وهي تسمع صوت رنيم تبكي:.بنتك ما تسكت والله تركي ابتسم:.مثلك . . . يوم الجمعه اليوم المنتظر لكل من شوق وعبدالعزيز نزلت وهي تشوف نظرات ابوها اللي تعشقها قربت وسلمت عليه وجسلت وتكلمت بستغراب:.امي ما نزلت اليوم بعد؟ عهود:.امك طلعو لها اكلها تبي تاكل مع حنين شوق:.كل شي جاهز صح؟ عهود:.كل شي جاهز انتي كلي بعدها روحي تجهزي .. شوق:.يعني ما تبون أساعدكم بشي؟ ابو نواف:.الشغالات يسوون كل شي انتي ارتاحي يا بنتي .. . . كانت حنين تناظر نفسها بالمرايه سحبت الفستان ودخلت للحمام"يكرم القارئ" وبدلت وبعدها طلعت رفعت عيونها على دخلت شوق وديما وهم يضحكون ابتسمت حنين:.هلا بالحلوات وش فيكم تضحكون ديما:.هالخبله تقول ما بتخليه يشوفها حنين:.وليش ما تخلينه يشوفك خلاص بيصير زوجك شوق:.نوع من الاثاره ديما:.اقول ابوي لا يدري بس شوق:.والله مالها داعي يشوفني حنين:.انتي ما تبين تشوفينه يعني؟ ديما بشك:.كانك تعرفينه اعترفي اشوف؟ شوق ابتسمت بربكه:.شفيكم علي بِسم الله الا حنين اشوفك لبستي الفستان حنين ابتسمت بهدوء:.ما يصير ما افرح لك بيوم ملكتك شوق قربت منها ومسكت يدها وتكلمت:.انتي تستاهلين كل فرح بهالدنيا اضحكي صدقيني كلنا نحب نشوف ضحكتك واخوي بيرجع وكلنا ننتظره حنين رغم الدموع اللي تجمعت بعيونها الا انها ابتسمت وهزت راسها ديما ببتسامه:.اجل كملي تجهيز وحنا بننزل وترا خالتي ومي بيجون حنين:.مي بتجي ديما:.اي بيجون انتم خلصوا وانزلوا عادي اخذ عمر؟ حنين:.اي يا قلبي عادي بس وين جوري ؟ ديما:.بتجي بعد شوي حنين هزت راسها وديما اخذت عمر ونزلت . . . عند نوف وعبدالعزيز كانت واقفه ومشبكه يدها ببعض وتفكر كيف راح تصير حياتها بعد ما يتزوج اخوها ابتسمت بانكسار وهي تتمنى تعيش اللحظه اللي تكون فيها بالفستان الابيض تجاهلت كل هذا وهي تشوفه يعدل شماغه ابتسمت وقربت منه:.الله ما عرفتك الله يحفظك يا روح اختك عبدالعزيز:.وش رايك فيني طالع هيبه صح؟ نوف:.من يومك هيبه عبدالعزيز ببتسامه:.ابشرك نواف بيطلع توسعت عيونها وهمست:.قول والله؟ عبدالعزيز:.والله وبيجي يوم زواج اخته نوف ابتسمت:.يالله لك الحمد بروح ابشر شوق مسكها عبدالعزيز وهو يضحك:.اقعدي هو ما يبي احد يدري بيسويها مفاجاه نوف:.حرام خلني أفرحها عشان تكون فرحتها كامله عبدالعزيز:.ما عليه تحملي ليوم السبت نوف:.دامك جاهز انا بطلع اجيب عبايتي ونروح عبدالعزيز:.شوق لا تدري .. نوف:.امري لله بسكت ما بقول شي .. . . عند مي كانت تتجهز ناظرت بشكلها باعجاب وبعدها نزلت لتحت لمحت امها واقفه وواضح عليها الغضب مي:.عسى ما شر يمه شكلك معصبه ؟ ام مي:.السواق مخرب السياره وما يقول الا الحين مي:.خلاص يمه نطلب ونروح ام مي:.دقيت على امه وقالت بيجي يوصلنا مي بعدم فهم:.مين! ام مي:.مشعل الله يجزاه خير يوم عرف حلف انه يوصلنا مي توترت وحركت شعرها وبعدها بفتره رن الجرس ام مي:.امشي ما نبي نطول على الولد .. طلعت وكانت تمشي بهدوء وعيونها بالارض ما تبي تناظره ركبت بهدوء وسمعت صوته وهو يسلم على امها خفق قلبها بلهفه على صوته وبدون وعي منها رفعت عيونها وناظرت فيه ولاحظت الابتسامه اللي ما تفارق وجهه حست بقلبها يتراقص وابتسمت رغماً عنها وبعد ثواني لاحظت نظراته لها وصدت عنه وهي تشتم غبائها ومشعل كان يبتسم ويتمنى ترجع تناظره . . . ابتسمت لشكلها واخذت جوالها وارسلت له:مو لازم نشوف بعض انا اعرف وجهك وانت تعرفني حطت الجوال وهي تبتسم بغباء وبعد لحظات وصلها رده:انا نسيت وجهك ! شوق رفعت حواجبها وبعناد:.اجل حاول تتذكره ابتسم عبدالعزيز وهز راسه بوعيد:.طيب يا شوق وقفت وعدلت شكلها وكانت بتنزل بس ديما دخلت وهي تمسك على قلبها وتتكلم بكلام مو مفهوم:.شفته صدمت فيه وهو مسكني ما تركني وابوي شافنا شوق:.مين شفتي بِسم الله علامك!! ديما برجفه:.شفت عبدالرحمن ومسكني شوق:.اعوذ بالله خوفتيني حسبتك تعبانه ديما:.اقولك مسكني وابوي شافنا شوق:.طيب عادي هو زوجك ابوي ما بيقول شي ديما:.طبعا ما بيقول بس انا استحي مو قدام الوالد! شوق بضحكه:.مسكين مشتاق لك ديما اخذت نفس ومسكت وجهها وشوق ضحكت وأشرت لها على المرايه:.شوفي وجهك .. ديما:.ايه اضحكي علي مصيرك تذوقين اللي ذقته شوق:.لا انا مو مثلك وتوني قلت له مافيه يشوفني ديما:.الله وكبر اقول ابوي ترا بيذبحك اهجدي . 🔮📚 @storykaligi 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮