الحلقة ١-٢-٣-٤
*رواية هاتولي عريس🤎🥥*
*(الحلقة ١-٢-٣-٤)*
تقف حائره خائفه قلقه امام غرفه داخل مشفى كبيره منتظره خروج الطبيب ليطمئها على صحه والدها المتدهوره في الايام الاخيره ووالدها طبيب مشهور يمتلك شركه كبير للادويه وهذه المشفى ايضا التي يرقد بها
يخرج الطبيب لهم ليركضوا عليه كلهم: خير يا دكتور منتصر ايه الاخبار
منتصر: ما خبيش عليكي يا انسه جميله دقات القلب في النازل لازم نسرع شويه ونعمله العمليه.
جميله باكيه: منا بحاول معاه بقالي مده وهو مش عاوز عمليات ومصمم على كده
منتصر يربت عليها: طيب اهدي كده
وبطلي عياط يا بنتي ان شاء الله خير حاولي معاه تاني
واحده من الواقفين معهم تقول بصوت عالي : مهو لو رضيتي بشادي
ابني كان زمان اخويا عملها من سنين بس اقول ايه بقى عليكي
جميله: ارجوكى يا عمتو مش عاوزه اتكلم في الموضوع ده تانى وكمان مش وقته خالص.
عمتها: ليه يعنى انا عاوزه اعرف ماله شادى ابنى عيبه ايه عشان كل ما يتقدملك ترفضيه ها ردى عليا
دادتها تتكلم بالنيابه عليها: براحه يا ست انشراح المواضيع دى ما تتحلش هنا، اهدى يا جميله وبطلى عياط بقى كفايه انتى من امبارح ما بطلتيش عياط وكله وحش عليكى.
ترتمى في حضنها لتبكى اكثر على حالها وتدهور صحه والدها وانها خايفه عليه ليحصله حاجه وعمتها تبقى المسيطره على كل شى في حياتها بعد كده عشان كده باباها كان نفسه يطمن عليها قبل ما يعمل العمليه، اعرفكم بجميله عمرها 26عاماً وهي فتاة جميلة الملامح ذات بشرة بيضاء وقوام ملفوف و رشيق وعينها زرقاء وشعر كستنائى قصير نوعاً ما وهي رقيقة جداً طريقتها مثل الطفلة الصغيرة، هى يتيمه الام وعمرها كان 15 سنه تشبه والدتها في كل شيء علشان كده باباها سماها على اسمها لانها بالفعل جميله يعنى اسم على مسمى.
داخل الغرفه كانت جالسه ممسكه بأيادى والدها وتقبلها بحب: حبيبى يا بابا
والدها بتعب: بطلى عياط انا بقيت احسن
انشراح: احسن فين بس يا بدران الدكتور قالنا بره انك في حاله حرجه ولازم من العمليه
تبص لها جميله بصات بان تسكت وما تقولش الكلام ده قدامه عشان حالته ما تسوئش لكن انشراح كانت قاصده كل كلمه قالتها وبرده كانت بتبص على جميله بصات ناريه كانها بتتحداها.
الداده: ان شاء الله الباشا هيقوم بالف سلامه من غير اى حاجه
بدران وهو يربت على جميله: كل اللى يجيبه ربنا انا مش معترض عليه بس عاوز افرح بجميله واطمن عليها قبل ما ادخل العمليه
جميله تبصله و تبكى تانى: طب عشان خاطرى نعمل العمليه الاول وبعدين نفرح كلنا
بدران بتعب: يا جميله عاوز اطمن عليكى انا حاسس انى مش هقوم منها يبقى اموت وانا مطمن انك بخير.
جميله تقبل ايدى باباها وتبكى: بلاش تقول كده يا بابى ان شاء الله هتعمل العمليه وهتخف ان شاء الله زى ما قالى دكتور منتصر.
الداده تبعدها عن والدها لانها انهارت من البكاء وخرجتها بره الغرفه وقالتها تهدى لكن جميله فضلت تعيط وتفكر تعمل ايه مفيش حل غير انها تتجوز من ابن عمتها المتسلطه وابنها المغرور وانه كمان تافه بالنسبلها لانه مش راجل يعتمد عليه من فشله في حياته بس هتعمل ايه لازم توافق عليه عشان باباها يعمل العمليه...
الداده: كده برده يا جميله دا اللى كنا متفقين عليه تنهارى بالطريقه دى وكمان قدامه وانتى عارفه انه بيزعل عليكى من اقل حاجه
جميله: غصب عنى يا داده والله غصب عنى الدنيا كلها مضلمه قصاد عينيا ومش عارفه اعمل ايه
الداده: يبقى نهدى عشان نفكر هنعمل ايه في الموضوع ده
جميله: انا بفكر اوفق على شادى وخلاص واللى يحصل يحصل.
الداده: انتى اتجننتى شادى مين ده اللى توافقى عليه وانتى اساسا مش بطيقى صوته الله قولى كلام يعقل
جميله: طب قوليلى ايه الحل بابا وعاوز يطمن عليا قبل ما يدخل العمليه يبقى مفيش غير كده
الداده: يعنى الدنيا كلها ما بقاش فيها غير شادى ده ابو دم تقيل ده انتى بيتقدملك رجاله زى الورد اشكال والوان ومناصب عاليا في الاخر ترضى بالواد اللى ضيع كل ثروه ابوه في الهلس بتاعه.
جميله: اعمل ايه بس اروح ادور عليهم واقولهم انا موافقه عليكو بعد ما رفضتكم طبعا مش هينفع
الداده: يبقى نهدى عشان نعرف نفكر صح
جميله: انا كل خوفى على بابا والله مش اكتر عاوزاه يعمل العمليه قبل ما قلبه ما يتدهور
الداده: ان شاء الله هيقوم منها وبكره تقولى داده امينه قالتلى
تدفن راسها في حضنها وتبكى: يارب يا داده يااارب
ومن داخل الغرفه
انشراح: انا عاوزاك تهدى يا بدارن عشان صحتك يا خويا غاليا علينا كلنا.
بدران بتعب: ان شاء الله مش هوصيكى على جميله يا انشراح عمليها كويس
انشراح بدموع مزيفه: انت هتوصينى على بنتى دى بنتى يا بدران اطمن انت بس وكل حاجه هتبقى زى ما انت عاوز، انا بس عاوزاك تلح عليها في موضوع شادى وحياتك ما هتلاقى زيه اصل وفصل وكفايه انه ابن عمتها وهيشلها في نن عيناه، عاوزه ايه تانى بقى
بدران: مش عاوز اغصب عليها في موضوع الجواز كفايه غصبت عليها تدخل كليه هي مش حباها.
انشراح: ومالها كليه الطب دى اى بنت ولا ولد بيتمنى يبقى دكتور مشهور هي تحلم تبقى زيك كده
بدران: مهو عشان غصبتها تبقى دكتوره مش عاوز اغصبها في الجواز كمان يا انشراح
انشراح: الله ومين قالك انها هيكون مغصوب عليها وافق انت بس بالخطوبه وهتشوفها هي اللى هتجيلك وتقولك يا بابى انا عاوزه اتجوز شادى بسرعه دا ابنى مفيش زيه اه والله.
كان على بعد امتار كتير من المشفى كان يجلس شادى مع اصدقائه على كافيه في وسط البلد وكانوا بيتفقوا هيسهرو فين انهارده عشان يلعبوا قمار واحد منهم قال: انا بقول نخلينا في نادى (، )
واحد اخر قال: لالالا النادى ده يا عم مشبوه انت ناسى اخر مره لولا اخو شادى المحامى دا كنا روحنا في داهيه
واحد تانى قال: خلاص بقى خلينا في اللى قال عليه تامر
تامر: انا سمعت انهارده ان النادى ده جالو شويه مزز ايه فبريكه يا معلم.
واحد اخر: انت ساكت ليه يا عم شادى ما تقولنا ايه رأيك نروح النادى اللى تامر بيقول عليه ولا عندك مكان تانى
شادى ويشرب حاجه في كوبايه على بوق واحد:
اى حته المهم عاوز اعوض الخساره بتاعه امبارح
تامر: ااااااااشطه يبقى حضر نفسك يا كنج الليله
شادى يخرج دخان سيجارته: محضر يا عم تيمو
والباقى يطلقون ضحكاتهم عاليا
نروح تانى للمشفى نلاقى لسه الداده حاضنه جميله وبترتب عليها بحنان: ها بقئتى احسن
جميله: ايوه يا داده.
داده: طيب انتى صليتى المغرب ولا لسه
جميله: ايوه الحمدلله
داده: طيب انا عاوزه اروح الحقها قبل ما العشا ما تأذن
جميله: طيب حاضر
داده: وانتى هتعملى ايه بلاش تخشى عليه تانى بقى
جميله: هروح استناكى لما تيجى في اوضه مكتبه
داده: كويس اهو تريحى جسمك شويه لحد ما اخلص الصلاة.
وتسبها دادتها وتمشى قدامها عشان تصلى المغرب وتفضل تبص عليها وتتذكر انها هي من قامت بتربيتها من بعد ما والدتها توفيت وكمان كانت لها اكتر من ام وعمرها ما تركتها في يوم وجميله بتعتبرها كل حاجه في حياتها من بعد مامتها وباباها وما تنساش انها علمتها قراءه القرأن والصلاة في وقتها وكمان خلتها تتحجب مع ان والدها كان رافض موضوع الحجاب بس دادتها قدرت تقنعه بانه امر علينا لطاعه ربنا سبحانه وتعالى وانه هيحافظ عليها من كل الفتن وفعلا لبسته وهي في سن ال 18 سنه وكان يوم ذلك في عيد ميلادها لما هديتها بيه دادتها عواطف مع اسدال صلاة وكتاب الله وتفسيره وكانت اغلى هديه جاتلها في عمرها كله، فاقت من شرودها، و قامت عشان تروح ترتاح شويه في غرفه مكتب والدها وكانت عليها ان تركب المصعد ومنه الى مكتبه ولسه هتفتح نور الاوضه الا وشخص وضع يده على فمها ليكتم صوتها.
*رواية هاتولي عريس حصريا علي قناة روايات بلا حدود فقط ممنوع سرقة الروايات بدون اللينك حسبي الله ونعم الوكيل في اللي هيسرق الرواية من غير اللينك و اسم القناة*
جميله بفزع ودموع: امممممم
الشخص لسه واضع يداه على فمها وهي مش عارفه تتكلم: تعرفى لو ما بطلتيش مأمأه
جميله مش عارفه تتنفس خالص وكان خلاص هيغمى عليها: اممممم
الشخص: انا هشيل ايدى بس لو فتحتى بوئك مش هتلحقى يا قطه
هزت راسها فبعد يداه وجريت وقفت بعيد وهي بتترعش وبتاخد نفس جامد
: ااااانت مممممين وووعاوووز اااايه.
الشخص كان متخفى ولابس تيشيرت وبنطلون اسود حتى القناع اسود مش ظاهر غير عينيه وبس: داخله الاوضه لقتينى بسرق هكون بعمل ايه يعنى، جاى الم الغله
جميله بغير فهم: غله يعنى ايه
الشخص: غله يعنى البهاريز يعنى المانى اوعى كمان ما تعرفيش المانى يعنى ايه
جميله بطيبتها: اه تقصد الفلوس، هو انت حرامى؟
الشخص يضحك على سذاجتها: لا دكتور نساء وتوليد
جميله بانفعال: احترم نفسك ووقولى كنت بتعمل ايه في مكتب بابى بالظبط.
الشخص: اللهم طولك يا روح ما قلتلك جاى الم الغله انتى غبيه ليه يا بت
جميله: بت وكمان غبيه انا ما اسمحلكش
الشخص: هاهاهاوى مش عجبك انك غبيه ما انتى كده مع انك موووووووزه موووووت
جميله تبعد عنه وتحاول تدراى خصلات شعرها اللى بانت منها: انت قليل الادب على فكره واتفضل من غير مطرود لاحسن الم عليك المستشفى كلها
الشخص: ما قلتلك ما تقدريش تعمليها عشان هتكونى بعد دقائق تحت في التلاجه بتاعتكم.
جميله بخوف: طب خلاص خلاص خد اللى انت عاوزه وامشى الله يخليك بس ما تعملش فيا حاجه
انهت صلاتها وفكرت انها تروح على كافتيريا المستشفى وتجيب لجميله كوبايه عصير عشان تهدى وهي بالسكه تقابل انشراح وتكون خارجه من المصعد ومتجهه الى خارج المشفى:
انشراح: انتى بتعملى ايه هنا
عواطف يارب صبرنى: بجيب لست البنات لمون عشان يهديها اجبلك
انشراح تبص ليها من فوق لتحت بقرف وتمشى من غير ما تقول كلمه.
عواطف: لا حول ولا قوة الا بالله، ربنا يهديكى ويعفى عنا جميعا، وتقول للنادل: هات ياابنى اللمون خلينى اطلع
تخرج انشراح وتلاقى السواق جايبلها العربيه وتركبها وهي في الطريق اتصلت بشادى ابنها
شادى كان في النادى كليب ومش سامع موبايله من كتر الدوشه اللى حوليه بس كان بيلعب قمار مع اصحابه وجنبه بنت مرتديه ملابس لا تستر جسداً ولا تخفي عورة وكانت في ايديها كاس فيه خمره وبتشرب منه.
شادى وكان على اخره من خسرته المتكرره: سالى اعمليلى كاس تانى
سالى وبتوشوش قبل ما تقوم بدلال: اوك يا حبى
تامر: ها يا كنج ما تلعب
شادى يبص لورقه ويلاقيه ناقص ويشتاط غضبه تانى
واحد اخر: ها يا شادى معاك ايه
شادى: انا بره الدور ده يا جماعه
تامر: ليه يا كنج بس
شادى: مصدع شويه هروح اشرب كاس وراجع
واحد صديقه اخر: اوك يا كنج روح وارجع منتظرينك.
وبعد ما مشى اصدقائه يفضلوا ينمو عليه وعلى انه فلس ومعهوش فلوس عشان يكمل لعب وفضلوا يتكلموا عنه كتير ويضحكوا
شادى يروح للبار ويلاقى سالى وبنت تانيه هناك: ايه يا حبى جيت ليه انا كنت جيبالك الكاس بتاعك
شادى ياخده منها وعلى بوق واحد: بقولك ايه ما تيجى نروح
سالى تضع يداها على عنقه بدلاال: اوك يالا بينا بس على بيتك ولا فين
شادى: ليه انتى شقتك مشغوله انهارده ولا ايه
سالى: اه يا حبى مشغوله.
شادى بغضب وياخد مفاتيح عربيته ويتركهم: هو يوم باين من اوله
البنت الاخرى تقول لسالى: هو ماله افش كده ليه
سالى: ههههههههههههههه اصله مسكين خسر فلوسه كلها انهارده
البنت: ههههههههههههههه يا حراااااااااام صوعب عليا اوى
يأتى ليهم احد اصدقائه ويجالسهم: ما يصعبش عليكو غالى ياختى منك ليها
ويطلقوا ضحاكتهم العاليه.
جميله بتنظر له وهو بياخد كل اللى في الخزنه ومش عارفه تعمل ايه تصوت ويكون نهايتها على ايده ولا تسيبه ياخد فلوس باباها كانت في امر صعب جدا وعشانها طيبه قالت لنفسها ممكن يكون محتاج الفلوس لحاجه ضرورى في حياته
اخد باله منها وهي بتنظر له: خلصتى تصوير
جميله بغير فهم: ها تصوير ايه
الشخص: اصلك بصالى بقالك مده
جميله: خلاص خلصت وخدت اللى انت عاوزه
الشخص: ايوه يا لوزه اخدت اللى انا عاوزه.
جميله: اتفضل بقى من غير مطرود
الشخص بسخريه ويقرب منها: بتطردينى يا لوزه
جميله: لو قربت منى اكتر هصوت
الشخص يروحلها ويلوى دراعها وراها: هههههههههههههه لا شجيعه يا بت ورينى هتصوتى ازاى
جميله وتبلع ريقها من خوفها: خلاص خلاص اتفضل بقى امشى
الشخص: ايوه كده ما كان من الاول طاه
يدفعها بعيد عنه ويركض للنافذه عشان يقفز منها زى ما جه وقبل ما يقفز قالها: بيبااااى يا قطه
جميله بسرعه: استنى هنا.
يحدق لها بعينه الواسعتين باندهاش وبدون ان يتكلم، وهى تنظر اليه وبسرعه وبدون تفكير: تتجوزني.
*رواية هاتولي عريس حصريا علي قناة روايات بلا حدود فقط ممنوع سرقة الروايات بدون اللينك حسبي الله ونعم الوكيل في اللي هيسرق الرواية من غير اللينك و اسم القناة*
الشخص فضل متنح كتير اوى ليها وقال لنفسه البت دى واضح عليها انها عبيطه وهبله اوى، مشيت شويه واتقربت منه لكنها لسه مرعوبه منه لاحسن يعمل فيها حاجه وقالت نفس الكلمه تانى: تتجوزنى
الشخص: انتى عبيطه يا بت
جميله: ما اسمحلكش
الشخص: ما تسمحليش ايه بس مهو كلامك ده بيبين كده
جميله: طب اسمعنى في الاول وبعدين ابقى رد عليا براحتك
الشخص يعقد يداه على صدره: اتفضلى سمعك عاوزه تقولى ايه.
جميله: انا بمر بمرحله صعبه اوى في حياتى وبجد محتاجه لحد يتجوزنى فتره صغيره وبعدين ننفصل وصدقنى مش هتندم ابدا لانك هتكسب كتير اوى منى ومن المعروف اللى هتعمله معايا.
الشخص فضل باصص عليها من اول الكلام لحد الاخر وهو مش عارف هيقول ايه ولا ايه اللى بتقوله ده وازاى يعنى تتجوز واحد لقيته بيسرق فلوس من مكتب باباها، رجعت وقالت له: ها قلت ايه صدقنى مش هتندم ابدا انا هديك اللى انت عاوزه وزياده كمان بس حللى الموضوع ده
الشخص يهرش في راسه: ممممم سيبينى امشيها في دماغى الاول
جميله: تمشى ايه مش فاهمه
الشخص: هههههههههه مش بقولك انك هبله اقصد افكر شويه.
جميله: ااه قول كده اوكيه فكر زى ما انت عاوز بس ياريت تفكر بسرعه لانى محتاجه ردك ضرورى
الشخص: طيب ماشى انا هفك بقى دلوقتى قبل ما حد يجى ويشوفنى
جميله: طيب الاول ادينى فونك
الشخص: فون ايه انا ماعنديش موبايل
جميله: امال هكلمك ازاى
الشخص: مش عارف اتصرفى انتى بقى
جميله بعد نفاذ صبر فتحت شنطتها الكروس وطلعت منه موبايل قديم وادتهوله.
الشخص ينظر ليه وبسخريه يقولها: ههههههههههههههه بنت دكتور مشهور وعندكم املاك كتير ومش هاين عليكى تجبيلك موبايل عدل اما انتى رمه بصحيح
جميله بدموع على وشك النزول: ارجوك بقى كفايه انا استحملت اهانتك بما فيه الكفايه مش عاوز الموضوع من دلوقتى تقول وخلاص بس تهني كل شويه كده مش هسمحلك.
الشخص وشكله صعبت عليه جميله وفكر بانها ممكن فعلا تكون بتمر بمحنه فقالها بصوته الرخيم: طيب خلاص خلاص كنت بضحك معاكى اصل بصراحه مش موبايل ده في احدث بكتير بشوفهم في التلفزيون
جميله تمسح دموعها: اولا انا مش بحب الرسميات والكلام ده ثانيا ده فون مامى الله يرحمها وعزيز عندى اوى بس مش قدامى غير انى اديهولك موقت لحد ما اعرف ردك ايه وبعدين هخده منك تانى.
ينصر للهاتف ويحطه في جيبه: طيب يا حلوه انا هكت بقى لاحسن سامع حد جاى على هنا
جميله: اوكيه اتفضل وياريت ما تقفلش الموبايل عشان اعرف اوصلك
الشخص: تمام يا حلوه سلاموز
جميله: استنى هنا
الشخص: فيه ايه تانى رجعتى في كلامك ولا ايه
جميله: لالالا ما اقصدش انا لسه ما اعرفش اسمك ايه
الشخص: اه اسف اسمى سحس
جميله: ايه اسمك ايه
الشخص: ايه بقولك سحس مش فاهمه كمان معناه ولا ايه.
جميله: لالالا مش مهم دلوقتى المهم مش هفكرك رد عليا باقصى سرعه ارجوك
الشخص: ماشى يا حلوه، ما اتعرفناش بقى بالجميل اسمه ايه
جميله: جميل مين تقصدنى انا
الشخص: ههههههههههههه لا الحيطه اللى وراكى، هو في حد غيرك هنا يا حلوه
جميله: اسمى جميله
الشخص: يا صلاة النبى احسن جميله وانتى على بعضك جميله
جميله: ميرسى لزوقك اتفضل بقى امشى من هنا لاحسن حد ياخد باله.
يفتح الشباك سحس اخيرا وينط منه وهي تجرى وتبص عليه تلاقيه بيركض بسرعه رهيبه من داخل المشفى لحد السور ونط وبص عليها وبعدين اختفى قالت لنفسها: مش عارفه اللى عملته ده صح ولا غلط بس اكيد مصلحه عشان بابى مهو مش هينفع اتجوز شادى ابن عمتى ده ابدا.
مر الليل واتى النهار عليهم واذا باشعه الشمس تشع شعاعها الذهبى على وجهها البرىء داخل غرفتها بالفيلا...
دادتها تزيح الستائر لتدخل الشمس بكل نورها الى الغرفه
جميله: صباح الخير يا داده
عواطف: صباح الخير يا ست الجميلات
جميله: يااااه يا داده انتى لسه فاكره
عواطف: وما افتكرش ليه انا هفضل اقولك كده لحد ما عمرى ينتهى.
جميله تقوم وتروح ليها وتحضنها: ما تقوليش كده يا داده الله يخليكى انا ماليش حد في الدنيا غير بابى وغيرك
عواطف: يابنتى دى اعمار وكل واحد وليه يوم يتلاقى فيه، يلا يلا بلاش لكاعه انا حضرت الفطار تحت صلى الصبح والبسى وانزلى يلا
جميله: حاضر.
فى شقه كبيره كانت تقطن بها انشراح اخت بدران ومعاها اولادها وائل وشغال محامى وكان متجوز بس مراته توفت ومن ساعتها وهو ضارب عن الجواز، والتانى شادى، كانت داخله في غرفته وزاحت الستائر واذ هو ينهض وينظر لها ثم يغطى وجهه كله بالكوفرته، تروح عنده وتسحبها منه: كفايه كده نوم قوم عشان هنروح زى ما قولتك امبارح
شادى يغطى وشه تانى: لسه بدرى الساعه لسه ما جتش 9.
انشراح: انا قلت ايه احنا هنعيده تانى ولا ايه يا شادى
شادى يقوم ويجلس على السرير ويهرش في راسه: حاضر قومت اهو حاجه تانى
انشراح: خد شاور والبس احلى حاجه عندك وحصلنى على بره مستنياك
وتتركه وتخرج بره تلاقى ابنها وائل في غرفه مكتبه بيحضر اوراق له تخص قضيه: بتعمل ايه عندك
وائل: صباح النور يا امى
انشراح تذهب له: قلت ميت مره بلاش كلمه امى دى اسمها ماما مامى مش هتنسى ابدا انك اتولت في بيئه تانيه.
وائل: وليا الشرف انى اكون منها يا ماما كويس كده
انشراح بانفعال: مش عاوزه اتخانق انهارده بذات ها قلت ايه رايك هتيجى ولا هتخليك هنا
وائل: زى ما قلتلك امبارح انا هفضل هنا ومش همشى
انشراح: براحتك بس اعمل حسابك حُسنيه هاخدها معايا هناك لانى مش معايا فلوس ادفعلها انت عارف الازمه اللى بنمر بيها
ينظر لها ناظره لها معنى: وانتى هتقوليلى بالازمه دى منا عارفها كويس اوى.
ياتى اليهم شادى وقد تألق في ملابسه مثلما قالت له انشراح منذ قليل: انا جاهز يا شوشو
تنظر اليه وتبتسم بمكر وتمشى ويداهم متشبكان، اما وائل فيظل ينظر لهم لحد ما سمع صوت قفل باب الشقه: ربنا يهديكو على اللى في دماغكو، جميله طيبه وماتستهلش اللى بتفكرو فيه ده ابدا.
كانت داخل المطبخ بتعد الافطار لجميله ولها ليدخل اليها من باب المطبخ الخارجى الجناينى ومعه الورد بتاع كل يوم
عواطف: عمرك ما تنسى ابدا في ميعادك يا عثمان ربنا ما يقطعلك عاده
عثمان: يارب قوليلى اخبار الباشا بتاعنا ايه
عواطف: مخبيش عليك يا عثمان تعبان اوى ومحتاج عمليه
عثمان: طيب ما يعملها مستنى ايه
عواطف: مستنى يفرح بجميله انا قلقانه اوى عليه والله
عثمان: ربنا يقومه لينا بالسلامه.
عواطف: يارب يا راجل يا طيب يلا خد السندوتشات بتاعتك اهى انت بقى صب الشاى
عثمان: حاضر تسلمى يارب
تخرج عواطف من المطبخ وتركض للمائده لتضع عليها الطعام فتسمع طرقات الباب: ياترى مين اللى جاى دلوقتى يارب اجعله خير
تفتح الباب تلاقيها انشراح وشادى وكانت وراهم الخادمه و البواب حامل حقائب كثيره لهم
انشراح: وسعى كده هتفضلى متنحه كتير
عواطف: لا ابدا اتفضلى يا ست انشراح.
انشراح: اسمى انشراح هانم يا عواطف كذا مره اقولهالك
عواطف: حاضر يا انشراح هانم اتفضلى
انشراح: امال فين جميله
جميله ترد عليها وهي نازله: انا اهو يا عمتو
انشراح: ازيك عامله ايه
جميله تنظر الى الحقائب: الحمدلله تمام فيه حاجه
انشراح: اه فيه، وتنظر لعواطف اللى كانت لسه واقفه بتنظر لها: ايه يا عواطف انتى هتفضلى واقفه كتير ولا ايه ما تروحى تحضرى الفطار
عواطف: حاضر يا انشراح هانم.
وتمشى عواطف وتترك جميله مع عمتها اللى اول ما عواطف مشيت قالت لها: امبارح وانا مع بدران وصانى عليكى بانى اخلى بالى منك فقلت يا شوشو ما تروحى تقعدى مع بنت اخوكى واهو تونسيها لحد ما يخرج بدران بالسلامه
جميله: بس انا كويسه ومش محتاجه وصايا من حد
انشراح: والله الكلام ده بقى قوليه لباباكى مش ليا انا
شادى: انتى مكنتيش عاوزانا ولا ايه يا جوجو
جميله: اولا انا مش اسمى جوجو ثانيا انا هسال بابى على الموضوع ده.
شادى: اساليه وهو هيقولك بنفسه يلا بقى فين اوضتى عشان اطلع ارتاح شويه
انشراح: استنى يا دودو دلوقتى عواطف هتطلع ترتبلنا الاوضتين اللى فوق
جميله: داده عواطف مش خدامه
انشراح: وهو انا قلت حاجه غير كده، عشان كده جبت معايا حُسنيه اهى تساعد برده
جميله تتراكم في عيناها دموع كثيره فيشوفها شادى وبسخريه يروح لانشراح ويقولها: تؤ تؤ تؤ ليه بس كده يا مامى شوفتى هتخليها تعيط المسكينه.
جميله وتحاول التماسك: بعد اذنكم عشان لازم اروح لبابى المستشفى دلوقتى
انشراح: اه اوى روحى انتى وما تقلقيش انا هرتب كل حاجه منا من دلوقتى بقيت ست البيت ده كله
تنظر لهم وهما بيضحكوا وتركض بسرعه الى المطبخ لتحضن عواطف: دول خلاص اتحكموا فيا يا داده
عواطف: اهدى انتى بكده هتبينلهم انك ضعيفه ومكسوره كده هيفترسوكى، جميله بدران مش ضعيفه ولا فريسه سهله فاهمه.
تفضل بحضنها وتبكى اكتر من الاول وبعدين تتذكر سحس وحوار الجواز التمثيلى وتروح جرى تطلع من الباب الخلفى للمطبخ وتتصل بيه على هاتف والدتها ليرد بعد اول رنه
جميله: الو
سحس: ايوه مين اللى بيكلم
جميله: انا جميله فاكرنى
سحس: ههههههههههه وهل يخفى القمر برده
جميله: ميرسى لزوقك ها فكرت
سحس: انتى مالك متسربعه كده ليه لسه الصبر طويل
جميله: معلش انا محتاجه اعرف ردك دلوقتى حالا ارجوك ساعدنى.
سحس: طيب نتقابل الاول عشان نتفق على التفاصيل
جميله: طبعا هتنقابل بس الاول قولى ردك موافق ولا ايه
بسخريه يرده عليها: مش بقولك انت ذكيه اوى مهو انا طلبت نتقابل نتفق يبقى ايه بالمفهوميه كده
جميله: اه سورى مخدتش بالى اوكيه تحب نتقابل فين
سحس: قولى انتى يا حلوه
جميله: طيب انا هروح دلوقتى اطمن على صحه بابى وهكلمك واعرفك امتى وفين اوكيه
سحس: اشطه يا جميل
جميله: اشطه!؟ اوكي اوكى يلا سلام
سحس: سلام يا حلوه.
ياترى ايه اللى هيحصل هقولكم بعدين.
*رواية هاتولي عريس حصريا علي قناة روايات بلا حدود فقط ممنوع سرقة الروايات بدون اللينك حسبي الله ونعم الوكيل في اللي هيسرق الرواية من غير اللينك و اسم القناة*
بعد ما فطرت مع عمتها وابن عمتها راحت المستشفى لوحدها المره دى لان عواطف طلبت منها انها تفضل عشان تراقب انشراح وابنها ليعملوا حاجه لانها شاكه بانهم بيفكرو بشىء خطير
قعدت في اوضه باباها وكانت بتاكله بايدها معلقه ذبادى منزوعه الدسم: دى وخلاص يا بابى
بدران بتعب: كفايه كده انا مش قادر
جميله: عشان خاطرى دى وبس
بدران ياكلها منها وهي تمسحله فمه بمنديل وتعدله لبسه: ها ايه اخبارك.
جميله تخفى حزنها: الحمدلله كويسه كتير
بدران: بجد
جميله: ايوه بجد يا حبيبى
بدران: طيب كويس، انتى قابلتى دكتور منتصر تانى
جميله: لا لسه ليه فيه حاجه
بدران: اصل كلمنى على دكتور وليد وطلبه ليكى.
جميله تتذكر وليد اللى اتعين في المشفى من فتره قصيره واول يوم شافها فيها راح قال لدكتور منتصر عليها وانها عجباه وعاوز يتقدملها لكنها رفضته لانها شعرت بانه طمعان فيها وفي ثروتها، فاقت من شرودها لما باباها ندى عليها: روحتى فين يا حبيبتى
جميله: ها لا ابدا يا بابى انا معاك
بدران: طيب قولتى ايه
جميله: ممكن بس يا حبيبى ما ترهقش بنفسك بالكلام ده
بدران: انا عاوز اطمن عليكى يا حبيبتى.
جميله: هتطمن ان شاء الله عليا قريب بس انت بلاش تتكلم كتير
بدران: بجد يعنى فيه حد
ويقاطع ردها رنه هاتفها لتخرجه من شنطتها تلاقيه رقم مامتها فتتوتر لانها عاوزه ترد ومش عارفه هتعمل ايه وباباها موجوده
بدران: مش هتردى ولا ايه
تكنسل عليه: مش مهم اصلها لمياء وانا مش فاضيه للرغى بتاعها
بدران: وهي عامله ايه خطيبها خلاص اتعين في المستشفى.
جميله: اه يا بابى دول فرحانين اوى ربنا يخليك لينا يا احن اب في الدنيا كلها، ودفنت راسها في حضنه
وفكرت في اتصال اللص وكانت عاوزه تكلمه عشان تشوفه فيه ايه بس اتحرجت عشان باباها فاول ما الممرضه دخلت عشان تديلو حقنه حمدت ربنا واستأذنته بحجه انها مش بتحب تشوفه وهو بيتألم وده حقيقى فعلا، خرجت بره وراحت على جنب واتصلت بيه ورد على طول
جميله: الو فيه ايه وليه اتصلت بيا مش متفقين ان اللى هكلمك.
سحس: حيلك حيلك بقولك ايه من الاول هتعلى صوتك عليا يبقى نفضنا من ام الموضوع ده اه انا راجل وليا كلمتى وليا شخصيتى اه
جميله: اوكيه ايام سورى اصلى قلقت لما كلمتنى
سحس: انا قلت افكرك احسن تكونى نسيتى ولا حاجه
جميله: لا ما نستش ولا حاجه انا فاكره كويس
سحس: طيب ها ميعادنا امتى
جميله: كمان ساعه هنا
سحس: هنا فين لامؤاخذه
جميله: هنا في المستشفى
سحس: انتى ناويه تبلغى عنى ولا ايه
جميله: لا والله العظيم ليه بتقول كده.
سحس: امال ليه عندك المقابله ما تخليها بره احسن
جميله: بره فين انا مش متعوده اقابل ناس اغراب في اماكن عامه
سحس: حلوتك امال بتحبى تقابليهم فين يا قطه قولى قولى ما تتكسفيش
جميله: على فكره انت قليل الادب وانا لولا الازمه اللى بمر فيها كنت علمتك الادب من اول وجديد.
سحس: لالالا انتى اللى زوتيها يا قطه بقى وكلمه زياده مش هخلى الدبان الازرق يعرف مكانك انتى فاكرنى مين اكونش سوسن ولا توتى صحابك انا سحس والاجر على الله
جميله بنفاذ صبر: اوكيه اوكيه هستناك بعد ساعه في جنينه المستشفى
سحس: اوكيه يا قطه سلام
جميله بعد ما قفلت معاه ندمت انها اصلا كلمته في موضوعها وكانت نفسها تقول لدادتها بس استنيت لما تعرف الاول ايه رده عليها...
وفعلا بعد ساعه كانت قاعده في جنيه المشفى ماسكه مجله تقرأ فيها لقيت شخص يجر كرسى ويقعد امامها نزلت نظارتها الشمسيه لتراه شخص طويل القامة، ذا عينين عسليتين ولحيه منبته ومرتدى تيشيرت ابيض وبنطلوان جينز ازرق وكاب ونظاره شمسيه، واول ما جلس على الكرسى خلع الكاب والنظاره ووضعهم على الطاوله ورسم ابتسامه على شفتاه: مالك مبحلقالى كده ليه
جميله بارتباك من اللى شيفاه قدام عيونها: انت مين.
سحس يطلق ضحكه عاليا تهز المكان كله: هكون مين يعنى
جميله بشك: انت الحرامى
سحس: تؤ تؤ تؤ ما اتفقناش على كده اسمى سحس
جميله تنظر اليه تانى وعلى شعره البنى الناعم: احم ما علينا نبدا الكلام
سحس: نبدا ها ناويه على ايه بقى
جميله: احنا هتنجوز لحد ما بابى يعمل العمليه ويقوم بالسلامه وبعد كده كل واحد هيروح لحاله
سحس: ما اختلافناش
جميله: بس احنا هنتفق يعنى مفيش حد هيرجع بكلامه تانى
سحس: وانا راجل واد كلمتى.
جميله وهي شاكه بانه هو اللص الذي قد سرق مال والدها من خزينه مكتبه: انت بجد الحرامى
سحس يطلق ضحكه قويه اخرى تهتز بها هي المره دى: والله العظيم هو اعمل ايه تانى بس يخربيت دى شغلانه يا هوووو
جميله: اصلى بصراحه شاكه فيك هايئتك بتقول انك مش حرامى.
سحس: تقصدى على اللبس مهو ده بقى الشغل انتى فاكره الحرامى دلوقتى زى زمان لبسه كله مقطع وشعره منكوش وواخدله بشله في وشه لالالا احنا بنشتغل باللبس ده عشان محدش يشك فينا
جميله بعدم فهم ما قاله: اوكيه مش هنختلف اتفضل قول طلباتك
سحس: هو كام يوم الجواز ده
جميله: مش عارفه لسه حسب صحه بابا اكيد
سحس: اوكيه انا هاخد ربع مليون يا قطه ودا اكرميه منى ليكى اه احنا جدعان اوى ونعجبوكى
جميله: اوكيه موافقه.
سحس بينه وبين نفسه: اخيييه ياريتنى طلبت اكتر شكلك واقعه واقعه
جميله: انا مش هديلك الفلوس دلوقتى الا بعد كتب الكتاب وهديك ساعتها النص وبعد الطلاق النص التانى اتفقنا
سحس: ليه بقى العوج ده
جميله: عوج ايه وياريت تتكلم كلام مفهوم عشان افهمك كويس
سحس: انا عاوز الفلوس كلها كاش وفي يوم واحد
جميله: مش هينفع انا هديك النص بس في الاول.
سحس: ماااااااشى يا ستى وانا مش هخلفك برده الزوج الكويس بيعمل للمودام بتاعته قيمه بردك
جميله ويأست من كلامه الغير مفهوم وتقول لنفسها: شكلك هتاخد شغل كتير اوى انا ايه اللى هبتته ده بس
سحس: بتقولى حاجه يا ابله
جميله: ايه ابله دى اسمى جميله قلتلك
سحس: خلاص براحه ما تزقيش هنتجوز امتى يا جميله الجميلات
جميله بشك: انت مين اللى قلك على جميله الجميلات دى
سحس يضحك: محدش قالى انا عرفت من نفسى اصلى فصيح طول عمرى.
جميله: اوكيه انا بكره هقول لبابى وهكلمك عشان اعرفك بالميعاد اللى هتقابله فيه
سحس: اوكيه يا عسليه
جميله: ممكن بلاش الكلام ده وتتكلم كويس زى الناس المتحضره
سحس: وماله بقى كلامى
جميله: ياريت تنساه شويه لحد ما التمثليه تخلص وبعدين ابقى اعمل اللى انت عاوزه
سحس: اوكيه يا لوزه خلاص خلاص اوكيه يا جميله حلو الكلام
جميله: انا هقوم بقى عشان اطلع اشوف بابى ومش هوصيك وخلى الفون مفتوح عشان اكلمك
سحس: ماشى ماشى.
جميله تقوم وتتركه وتمشى لكنها التفتت اليه وجدته بيلبس الكاب ونظارته الشمسيه ومشى باتجاه باب المشفى الرئيسى فقالت لنفسها: مش عارفه ليه قلبى اتقبض من بعد ما شوفتك استر يارب.
بتقولى ايه هتتجوزى حرامى
الجمله ده قالتها عواطف بعد ما سمعت كلام جميله بخصوص طلبها للجواز من سحس
جميله: اصبرى بس يا داده وافهمى
عواطف: اصبر ايه واهبب ايه طب شادى وادينا عرفينه في الاخر ابن عمتك واكيد مش هيعملك ضرر في حياتك انما عاوزه تتجوزى واحد ما تعرفيش عنه اى حاجه وكمان حرامى ازاى يعنى
جميله: يا داده منا مش هتجوزه جواز بجد تؤ هتجوزه تمثيل.
داده: في الاخر اسمه جواز على يد مأذون واللى هتتجوزى على يد شيخ منصر
جميله: يا داده ما لقتش حل غير ده قدامى
داده: طب افرضى ضحك عليكى عمل فيكى حاجه وهرب يابنتى دول بيسرقوا الكحل من العين ازاى تأمنيه على حياتك انا نفسى افهم
جميله: اهو اللى حصل بقى هتخليكى معايا ولا هتتخلى عنى
داده: يا بنتى انا معاكى لانك عارفه انتى بالنسبه ليا ايه بس بصراحه مش هبقى مبسوطه وانا شايفاكى بترمى نفسك بالطريقه دى.
جميله: صدقينى يا داده
الحل اللى لقيته قدامى عجبك يعنى اوافق على شادى عشان عمتو تتحكم فيا اكتر من كده وكمان ياخده كل حاجه منى ولا اوافق على دكتور وليد اللى اول ما اتعين وعرف انى بنت صاحب المستشفى طلبنى للجواز مفيش غير الحل ده صدقينى
عواطف كان هاين عليها تعيط عليها وعلى حال جميله بس كانت خايفه من التمثليه اللى عاوزه تمثلها مع واحد هتقول عليه انه جوزها عشان باباها يعمل العمليه وهو مطمئن عليها.
جميله: ها يا داده فهمانى
عواطف تاخدها في حضنها ويعيطوا مع بعض: اللى فيه الخير يقدمه المولى يا جميله يا بنتى احنا هنعمل اللى علينا وهنصلى سوا استخاره دلوقتى والباقى على الله ان شاء الله.
تانى يوم الصبح كانوا في غرفه والدها ومنتظره منه الرد النهائى على العريس المتقدم لخطبتها
بدران: وانتى عرفتيه ازاى وامتى يا جميله
جميله تنظر لعواطف اللى كانت نفسها تتشق الارض وتبلعها وما تشوفش اليوم ده
جميله: ده كنت عرفاه في كندا لما كنت بدرس هناك واتقطع الاتصال ما بينا خلال الفتره اللى فاتت ولما رجع مصر كلمنى واتقابلنا هنا وقالى انه معجب بيا وكده يعنى
بدران: بس انتى ما قولتيليش حاجه زى كده.
جميله: مهو مهو اصل الاتصال ما بينا كان اتقطع وكنت نسيت خالص بس لما رجع وكلمنى حسيت انه بيحبنى بجد وانى بجد عاوزاه
بدران: انتى شوفيته يا عواطف
جميله تنظر لعواطف برجاء: ايوه يا باشا شوفته هو كويس باين عليه محترم اوى
بدران: خلاص خليه يجى يقابلنى يا جميله انهارده الساعه 8 بالليل
جميله: بسرعه كده يا بابى
بدران: انتو مش بتقولو عليه كويس ولا ايه
جميله: اه اه كويس اوى.
بدران: طيب خلاص خير البر عاجله كلميه وخليه يجى يقابلنى ونشوفه
جميله تنظر الى عواطف ثم اليه: اوكيه هكلمه
بدران: هو شغال ايه
جميله وقعت في الفخ لانها مكنتش عارفه هتقول لباباها ايه بس عرفت تغير الموضوع وكمان انشراح جت وانقذتها من المازق ده
انشراح: ازيك يا بدران عامل ايه دلوقتى
بدران: الحمدلله تمام بالليل عريس جميل جاى ابقى خليكى عشان تشوفيه
انشراح: عريس؟
بدران: ايوه عريس يا انشراح هيتقدم بالليل لها.
انشراح عوجت بوقها ولنفسها انت روحت بس يا شادى: طيب على خير الله.
فى نادى كليب في وسط البلد نجد فيه شادى وباقى اصدقائه على طاوله قمار بيلعبوا وبعد خسارته المتتاليه سحب فلوس كسلفه من احدى اصدقائه
تامر: انت انهارده خسرت كتير يا شادى
شادى: لازم اعوض باى شكل
عماد صديقه: يبقى هتستلف تانى يا كنج
شادى: ما قلتلك كل اللى باخده منك هردوهولك بعد ما انول المراد
عماد: احنا بنسمع منك الكلام ده بقالنا فتره ومش باين يعنى حسابك تقل اوى ده عدا ال 20 الف.
تامر: وحتى لو وصل لمليون الكنج ادها وادود ده ابن اخت اكبر دكتور مشهور اوى اوى اوى
شادى يشرب كوبابه الخمره على بوق واحده ويقول: وقريب هكون جوز بنته الوحيده
تامر: يعنى اللى هيأش في الاخر
شادى: عليك نووووووور اللى هيأش في الاخر.
نلاقيها تحت واقفه منتظره سحس وطلبت منه ياتى قبل الميعاد بساعه عشان تتكلم معاه في الموضوع اللى هيقوله لباباها وهتتفق معاه على كل حاجه، بصيت للدادتها اللى كانت واقفه معاها
انا مش عارفه ايه اللى جبنى معاكى هنا
جميله: يعنى كنتى عاوزه تسيبنى لوحدى يا داده
جميله: مش انتى اتفقتى وقاعدتى معاه ايه لزمتى دلوقتى
جميله: بصراحه مش عارفه ليه خوفت اوى لما بابى قالى انه عاوز يقابله انهراده.
عواطف: وما خوفتيش ليه لما قاعدتى لوحدك معاه واتفقتى
جميله: مش عارفه بقى، بس قاطع كلامهم شخص اتى اليهم من بعيد، اهو يا داده وصل
عواطف: فين ده
جميله: اللى جاى علينا ده
كان مرتدى قميص كارو ازرق وبنطلون جينز
عواطف تبص عليه من فوق لتحت بااستغراب: ده الحرامى.