الفصل 5
مروان : حمد الله ع السلامة يا وردة حياتي
نورة وشها بيحمر : الله يسلمك يا مروان
بتروح نورة على مكتبها و بيرجع مروان مكتبه و كل واحد فيهم بيفكر ف التاني و مستني وقت البريك عشان يتكلموا
ف الكافيه
مبيسدق مروان اخيرا يقعد مع نورة بيقعد و كله لهفة و شوق
مروان : و حشتيني و وحشاني و بتوحشيني على طول حتى و انا معاكي هو انتي عملتي فيا ايه سحرني كده
نورة و شها بيحمر و بتنزل عنيها ف الارض : مروان ممكن نسكت بقا عشان انت كده بتكسفني
بيعدي عليهم احمد ونورة نازلين ياخدوا البريك
احمد : الله يسهلوا ياعم ناس بتحب و ناس قدامها جيش وبلا ازرق
مروان : نق فيها يا سيدي ماهي نقصاك اصلا
احمد : انق ايه يا ابني انت اللي بتحبلي واحده بلاستك اول ما قلتلها بحبك وقعت من طولها
مروان : عاجبك كده يا اختي .... يالا من هنا يا ابني شق طريق عايزين هوا
احمد : ههههه يا لا يا هنا وجدنا بقا غير مرغوب فيه
بيطلع مروان تلفونه
نورة: انت بتعمل ايه؟؟
مروان : بكلم اختي عشان اعرفها بمرات اخوها
نورة : لالالالالالا و النبي يا مروان لا
مروان : هو ايه اللي لا انا هكلم هاله دلوقتي و اعرفكوا ببعض و هتصل بمامتك اعزم نفسي عندكوا النهاردا و بعدها اقلها و لما تقابلي هالة هقول لماما
نورة : لا يامروان مش دلوقتي انا خايفه
مروان : انا مش قلتلك متخافيش و انا معاكي و بعدين انتي هتبقي مراتي وام عيالي يبقا تخافي من ايه وجوزك جمبك
نورة فرحانه بكلام مروان وسعيده بيه جدا و بتحس بالامان فيه بتسكت و تكتفي بابتسامة رضا
بيكلم مروان هاله بيرد عليه سيف
سيف : يا اهلا خير احنا مش خلصنا منك
مروان : بس يا صايع هات امك
سيف : حريمنا مبيتكشفوش على رداليه عايز ايه قول
مروان : يخربيت خفتك يالا هات امك
سيف : اقولها مين
مروان : قلها اخوها يا عم السنترال
سيف :اوبا هو انت اخو الولية اللي اتقتلت جوه دي
مروان : انت يا عم خط الصعيد انجز و بطل لماضه لما انشوف اخرتها دي ايه ف المدرسه
سيف: احم يا ام سيف تعالي كلمي اخوكي بتيجي
هاله : نفسي تعقل و تتهد عجزتني بدري و بتكلم
مروان : اوا ازيك يا مروان عامل ايه يا حبيبي
مروان : انا تمام يا حببتي وانتي اخبارك
هاله : تمام و الله فينك مختفي بقالك مده مش بشوفك غير ف المناسبات و بس ايه اللي واخد عقلك يا اخويا
مروان : اهو دا بقا اللي مكلمك عليه عشان اعرفك ب الملاك اللي شاغل باللي و الحمد لله خلاص نزلي من السما و مش هسيبه الا لما يبقا بتاعي و باسمي
هاله: يا سيدي يا سيدي... و الله و بقيت تقول شعر يا مروان يا اخويا
مروان : انتي نفسك لو شفتيها هتقولي قصايد ومش هتعرفي توفي
هالة : ربنا يخليكوا البعض يا حبيبي اخيرا هنفرح بيك ... و الله انت شوقتني اوي اني اشوفها واتعرف عليها
مروان : ما انتي هتتعرفي عليها و تتكلمي معاها دلوقتي و هتتقابلوا يوم الخميس لو فاضيين
هاله : انا فاضيه
مروان : واهي معاكي اهي شوفيها و بيدي نورة التلفون
نورة: الو
هاله : يا اهلا بمرات اخويا و اللي سرقت قلبه وخطفته بس بصراحه معاه حق انا دوبت فصوتك اصلا
نورة : merci ربنا يخليكي يا رب دا بس من زوقك
هاله: ربنا يخليكوا لبعض و تبقوا من نصيب بعض يارب
نورة : ربنا يخليكي يارب
هاله : لا انا كده لازم اشوف الرقه دي كلها على راي اخويا ملاك ونازل من السما
نورة : دي مجامله من حضرتك يا مدام هاله اكتر مني
هاله : حضرتي ايه و مدام ايه اسمي هاله و بس
نورة : ماشي يا هاله
هالة : ايوه كده فاضيه بقا الخميس عشان لازم اشوفك
نورة : اه طبعا فاضيه و لو مش فاضيه هفضالك
هالة : خلاص يا حببتي يوم الخميس نتقابل و سلميلي على مروان
نورة : اوك يوصل
هالة : ماشي ياحببتي سلام نورة سلام
مروان : ايه خلصتوا
نورة : اها و بتسلم عليك
مروان: الله يسلمها ... اديني بقا نمرة ماما عشان اكلمها بتديلوه نورة النمرة بيرن على مامة نورة بترد مامة نورة
مامة نورة : الو ... سلام عليكم
مروان : وعليكم السلام يا ماما انا مروان
مامة نورة: اهلا بيك يا حبيبي ازيك
مروان : تمام يا ماما انا بس بكلم حضرتك عشان بعد ازنك انا عازم نفسي ع الغدا عندكوا النهاردا
مامة نورة : تنور يا حبيبي اهلا و سهلا مستنياكوا
مروان : تسلمي يا ماما
مامة نورة : الله يسلمك يا حبيبي
مروان : ماشي يا ماما بقا جهز الاكل عشان جعان و استنينا هنحاول منتأخرش
مامة نورة : خلاص يا حبيبي مستنياكوا توصلوا بالسلامة ... لا إله الا الله
مروان : الله يسلمك يا ماما ... محمد رسول الله
بيرجع مروان و نورة المكتب و كل عنيهم شوق و لهفة وحب
بيكملوا شغلهم و لما بيخلص معاد شغلهم بياخد مروان نورة معاه في عربيته بيكلم مامته عشان يعرفها انه هيتغدا بره عشان متستنهوش ع الغده
و بيروح على بيت نورة
اول ما يوصلوا بتروح نورة اوضتها تغير هدوم الشغل
بينتهز مروان الفرصة و بيتصل بمحل الورد و بيطلب بوكيه ورد لنورة
بتطلع نورة و تحضر مع مامتها السفرة بيرن جرس الباب
نورة : ايوه
مروان : خليكي انتي انا هفتح
بيفتح مروان الباب و يباخد الورد و يحاسب و يدخل
بتجه للسفره فنفس اللحظه اللي بتتجه فيها نورة للسفرة تحط الاكل
مروان :عقبال ما اجبهولك وانتي مراتي
نورة بتتكسف و مبتعرفش تتكلم
بتاخد الورد بس و تحطه ع الكنبة
احمد خد هنا يروحها و هما ف الطريق
احمد : بجد شكلهم لايقين على بعض ربنا يكملهم على خير
هنا : بجد هما الاتنين نقاءهم مبقاش موجود و نورة تعبت كتير و ربنا عوضها بمروان
احمد : بجد انا عمري ما كنت اتصور ان في حب الا لما شفت مروان .......... عقبالك و عقبالنا يارب
هنا : اااه ... اوعدنا يارب
فبيت نورة ع الاكل
مروان : ماما انا ليا طلب عندك و حاجه هتجنن و اموت عليها و نفسي اخدها و تبقا ملكي و بشكرك انك حافظتي عليها دا كله لحد ما شوفتها و جيت جري اطلبها منك و مهما اقلك و اوصفلك و اشكرك مش هوفي
مامة نورة : مفيش حاجه تغلى عليك يا حبيبي دا كفاية كلمة ماما اللي طالعة منك زي العسل
مروان : حتى لو كانت الحاجه دي نورة يا ماما
مامة نورة : انت فاكرني هبله يا ابني انت انا لو مش واثقه فيك وموافقه كنت خليتك تدخل البيت و الا خليت نورة تنزل الشغل و الا فاكر اني مخدتش بالي منك و انت بتتصل توصي ع الورد و الا مسمعتش و انت بتدهولها
مروان بيتحرج : اااحم انا بقول كفاية فضايح كده يا ست الكل
مامة نورة : ههههههه انا موافقه يا حبيبي و انتوا اكيد موافقين والا ايه
مروان : طب يا ماما انا كنت بعد ازنك اتفقت مع اختي ان انا و نورة نقابلها يوم الخميس عشان يتعرفوا على بعض
مامة مروان : طبعا يا حبيبي حقك بس يكون بره بيت اختك
مروان بيقوم يبوس راس مامة نورة : ربنا يخليكي ليا يا ماما
مروان ونورة دايما مع بعض الكلية و الشركة كلها عارفه دا غير عنيهم اللي فاضحاهم
بيجي يوم الخميس
الصبح ف الشركة
مروان : حبي
نورة : نعم يا مروان
مروان : هتلبسي ايه النهاردا ؟
نورة : مش عارفه يا مروان و الله لسه
مروان : طب ما تروحي يا قلبي عشان ترتاحي و تاخدي راحتك و نخرج و انتي فايقه
احمد سامعهم و بيتدخل : دا على اساس ان الشركة حضرتك مسؤل عنها
مروان : احمد حبيبي و الله يا ابو حميد
احمد : انسى
مروان : بقا كده يا احمد دي الاخوه و الصحوبية يرضيك صاحبك يتزنق و متساعدوش يا كسرة قلبك يا مروان ف صحابك
احمد : ثبتني كده الصراحة ..... انا بس برخم
مروان : حبيبي و الله يا ابو حميد
احمد : اطرته كلها و الجتوهات و العشا يتحول عندي انت كفاية عليك هتتجوز
مروان : ها ... اه اه طبعا يا ابوحميد من غير ما تقول
بتستاذن نورة بدري و بيوصلها مروان البيت
بتدخل تجهز هدومها و تاكل حاجة خفيفة و تدخل تنام
بيصحيها مروان الساعة 5
مروان : ايه يا نوري لسه نايمه
نورة: لا خلاص صحيت اهو
مروان : طب يا حبيبي ساعة كده تلحقي و الا ايه
نورة : اه طبعا هخلص قبل ان شاء الله
مروان : ماشي يا حياتي هعدي عليكي سته وانا طالع من البيت هرن علكي برضوا
نورة : ماشي
بتلبس نورة و بيجهز كمان مروان
بيخلصوا و بيخرج مروان من البيت فطريقه لنورة و هو على اول الشارع بيرن عليها عشان تنزل
مروان و اقف مستني نورة فجأه الباب بيفتح جمب منه
بيبص و بيفضل مركز ف نورة و بس
نورة : ايه يا مروان كده هنتأخر على اختك
مروان : خايف عليكي من عنين الناس يحسدوني عليكي
انتي ازاي حلوة كده
بتتكسف نورة و تلف و شها اللي احمر النحية التانية
مروان بيلف يدور العربية و يدوس بنزين : يا ناس على حبيبي وهو مكسوف يا نااااااااااس
هالة بتلبس سيف و بينزلوا يروحوا الكافيه اللي اتفقوا يقابلوا فيه مع مروان
بتوصل هالة قبل مروان و تروح تقعد و تطلع تلفونها تكلمه ف نفس اللحظه اللي بيركن فيها مروان العربية
بردعليها
هالة : ايه يا مروان هتتأرخوا و الا ايه
مروان : لا يا حببتي احنا بره اهو
هالة : ماشي يا حبيبي مستنياكوا
و بيقفل معاها
نورة : انا قلقانه و متوتره اوي يا مروان
مروان : حبيبي انا جمبك متخافيش ... و بعدن انا محبش مراتي تبقا جبانه
نورة بتستمد من مروان قوتها و تنزل
ف الكافيه قاعد سيف و هالة عينهم ع الباب مستنين مروان و نورة
بيدخل مروان ونورة و بقربوا منهم بتقف هالة و سيف يسلموا عليهم
سيف : يا ابن الأيه يا مروان
مروان : نهارك ابيض ايه اللي جابك
سيف : اكيد جاي اللطش المزه الجامده اللي علقتها
نورة بتدحك من شقاوة سيف
سيف : يا لاهوي ع الدحكه يا جدعان
هالة : بس يا لمض ..... مشاء الله يا حببتي قمر و ادب و زوق و الله و عرفت تنقي يا مروان .... ربنا يخليكوا لبعض
نورة بتتكسف : ربنا يخليكي يا ام سيف
هالة : ام سيف ايه اسمي هاله
و بقعدوا يتعرفوا على بعض اكتر و بيطلبوا الطلبات
سيف : نورة هاتي نرة تلفونك
مروان : نعم ودا ليه يا مستر
سيف :عيب انت خالي بردوا بس لعيب
مروان : طب يا عم النمس اهدا شوية
سيف : ياعم و انت تغصبها ليه هيا تختار
مروان : هالة انتي ايه اللي خلاكي تجبيه
هالة : ههههههه بطلوا مناقره بقا
بيكملوا قعدتهم و بيقوموا عشان يروحهم مروان
بيوصل مروان نورة الاول و بعدين بيوصل هالة و سيف و يطلع يقعد معاهم شوية
مروان : ايه رايك ياهالة
هالة : تجنن يا حبيبي ربنا يخليكوا لبعض
مروان : انا كلمت مامتها و طلعت عارفه اصلا و انتي وكده ناقص بابا و ماما و نبقا نحدد بقا حكاية الخطوبة و الجواز دي مع مامتها و هي هتجوزها ف الدراسة و الا لا
هالة : عين العقل يا حبيبي
مروان : طيب اسيبك بقا و اروح الحقهم عشان اكمهم
هالة : ماشي يا حبيبي ربنا يسهلك يا رب
نورة وهنا بيكلموا بعض بعد ما نورة روحت
هنا : ها عملتوا ايه
نورة : زوق اوي اخته يا هنا و ابن اخته كمان عسل فضلنا نضحك عليه طول القعده
هنا : ربنا معاكوا و يسهلكوا و يخليكوا لبعض و من نصيب بعض
نورة : يا رب يا ها يا رب و عقبالك انتي كمان
هنا : يا رب ..... طيب اسيبك انتي بقا و اروح انام و نتقابل بكره
نورة : ماشي يا حببتي تصبحي على خير
هنا : و انتي من اهله
مروان داخل البيت بيفتح الباب و هو عمال يخبط و يطبل عليه
و يغني
مامة مروان : ياسيدي يا سيدي لبس و شياكة و راجع تغني خير
مروان: امال الحج فين عشان عندي خبر يجنن
والد مروان بيسلم من صلاته و يبصلهم : انا اهو يا سيدي خير
مروان : انا خلاص هرتاح و اريحكوا و احقق لكم حلمكم
والد مروان : اللي هو
مروان : خلاص يا بابا لقيتها
مامة مروان : ايه دا يا حبيبي بجد نوية تفرح قلبنا و تتجوز
مروان : اها ايواه يا ماما لقيت البنت اللي اسرتني و غيرت حياتي و نورة قلبي
مامة مروان : و اسمها ايه
مروان : نورة يا ماما و عقبال ما تنور بيتي و عيالي
مامة مروان : ياسيدي يا سيدي ...... شفتها فين دي و عرفتها ازاي
مروان : احكيلك يا ست الكل ( و بيحكي لمامته كل اللي حصل من لما شاف نورة و عرفها لمدة 3 سنين )
مامة مروان : يا ختك يا ست نورة
مروان : و الله يا ماما حتى هالة و افقتني ف الراي كنا لسه مع بعض انا و هي و نورة
مامة مروان : و انا يحبيبي و قت ما تحبوا فاضيه و مستنياكوا
مروان سعيد جدا بان اهله مبدأين موافين و ده لان اختياره و اختيار قلبه كان موفق و سليم محدش عنده سبب يعترض عليه
بيدخل اوضته يغير هدومه و يصلي ركعتين شكر لله و بعدها
مسك تلفونه يكلم نوره
نورة :الو
مروان : اهلا بوردة قلبي و نور حياتي
نورة ساكته
مروان : هتفضلي ساكته كده و مكسوفه لحد امتى انتي لازم تتعودي عشان محبش ابقا بكلم نفسي و مراتي معندهاش سنس الرومانسيه
نورة : بقا كده يا مروان يا عني انا بارده و معنديش سنس للرومانسيه
مروان : و انا اقدر برضوا دا حتى كسوفك دا هو الرومانسيه
نورة : انت هتجنني يا ابني
مروان : بصي بس ؟؟ انتي لما بتتكسفي و شك بيحمر فلما وشك بيحمر بتزدادي حلاوه ف انا بقا نفسي تتفتح للحياه و افضل اعاكس فيكي و اقول كلام حلو كده
نورة : طب ممكن بقا تسكت
مروان : انت تأمور واحنا ننفذ يا باشا .... ها بقا عملتي ايه من لما روحتي
نورة : غيرت و كلمت هنا و بس و انت
مروان : روحت هالة و قعدت معاها شوية و بعدها رجعت البيت مشحون بطاقة ايجابيه تجنن من كلام هاله عليكي و بعدها جيت كلمت ماما و بابا و قالوا طالما هاله قالت كل الكلام دا عليها يبقا ربنا يباركلكوا
نورة : ياه ليه هيا هالة قالت عليا ايه
مروان : مش هقلك
نورة : و حياتي عندك يا مروان بقا
مروان : هقلك بس مش دلوقتي
نورة : امال امتى
مروان : لما تبقي مراتي و انتي بقا نايمه على سدري و انا عمال العبلك ف شعرك و اشمه
نورة : مروان اسكت بقا و بطل قلة ادب
مروان : هو انا قلت حاجه بقلك هشم شعرك و العب فيه
نورة : طيب و رانا بكره جامعه وكليه تصبح على خير
مروان : اصبح على خير ايه يا مجنونه و جامعة ايه بكره الجمعه و عشان كده بقول ايه رايك لو اجيب ماما وبابا و اجي ازوركوا
نورة : ايه دا بكره بكره
مروان : ايوه قومي كده اوصلي لماما و قوليلها و قليلي انا معاكي ع الخط
نورة بتقوم و تروح لمامتها
نورة : ماما ماما
مامة نورة : نعم يا حببتي
نورة : مروان بيقولك عايز يجيب باباه و مامته بكره يزورونا وكده
مامة نورة : اهلا و سها بيهم يا بنتي
مروان سامع الحوار : ربنا يخليكي ليا يا ست الكل .........ز نامي با انتي يا نورتي عشان بكره تبقي فايقه تصبحي على حب يا حبي
نورة و انت من اهله
تاني يوم بيروح مروان و اهله لنورة البيت
مامة مروان : ماشاء الله تستاهلي اكتر كمان من اللي مروان قاله
نورة بتتكسف و تحط و شها ف الارض
والد مروان : بصي يا ام نورة احنا كنا جاين نشوف نورة بس بعد ما شوفناها عيب فحق ملاك زيها و حقك نمشي و نيجي فيوم تاني نطلب ايدها عشان كده انا بقول نتفق لاني عرفت من مروان انك موافقه
مامة نورة : ربنا يخليك يا ابو مروان انا ميهمنيش اد سعادة بنتي و تفضل متصانه
مروان : وانا اوعدك بدا يا ماما
مامة نورة : و انا عارفه يا مروان
مامة مروان : و الله بجد هتبقا زي بنتي هالة و اكتر
مامة نورة: و انا متأكده يا ام مروان و مش هطمن عليها بجد الا مع مروان
والد مروان : طيب يا ام نوره مروان شقته جاهزه و هو من يوم ما اشتغل بيحوش و الحمد لله نقدر نجيب اي شبكه تطلبوها و الشقه هيشطبوها و يجهزوها مع بعض
مروان : بس يا ماما انا عايز اتجوز ف الصيف
مامة نورة : اللي انتوا تعوزوه يا ابني اعملوه
والد مروان : يبقا نقرا الفاتحة
مامة نورة : و انا موافقه يا ابو مروان بس ليها اخوال و اعمام لازم يعرفوا عشان مايكلوش وشي
والد مروان : عين العقل و اعذوريني فعلا وقعت مني
مامة نورة : و الا يهمك يا ابو مروان .... و اتفضلوا العشا
بيقوموا كلهم ع السفره يتعشوا و هما ع العشا تلفون نورة بيرن بتقوم تشوف بتلاقيها هنا بترد
نورة : ايوه يا هنا ايه
هنا : الحقيني يا نورة