الفصل الثامن عشر
بدأ عمر يحكي للحاجة زينب بالتفصيل: لحد آخر مرة كلمتها ولقيتها منهارة لما سمعت صوتها كدة كنت بنهار معاها حاولت افهمها حاولت اقولها إني بحبها وإن ده كان غصب عني بس قفلت التليفون قولي لي أعمل إيه
الحاجة زينب: بص اللي أنا شايفاه إن البنت فعلاً بتحبك وخليك عارف إن الست مع كل ألم بتزيد حب لكن الراجل مع كل ألم بيزيد كره هو ده فرق المشاعر بين الراجل والست
عمر: طب اعمل ايه
الحاجة زينب: سيبها عليا وأنا لما يجي دورك هقولك هتعمل إيه أهم حاجة أنت بتحبها فعلاً يعني ما ميلتش لسهى
عمر: والله العظيم أبدا أنا محبتش حد قد رهف
الحاجة زينب: خلاص اطمن
ولفت لحازم
الحاجة زينب: وأنت يا حازم ايه حكايتك شيفاك كدة متغير وعينيك بتلمع
حازم: قفشاني دايما 😅
الحاجة زينب: عيب عليك ده أنتم ولادي يلا أنا سمعاك
حازم: بصي يا تيتة وبدأ يحكي حكايته
وأخيراً لقيت فتاة أحلامي
الحاجة زينب: أنت متأكد من مشاعرك
حازم: يعني ايه
الحاجة زينب: يعني أنت فعلاً بتحبها ولا ده مجرد عقلك بيوهمك وقالك أنك أخيراً هتخرج من عذابك وأنها هتساعدك وتروح لحالها
حازم: أبدا أنا لقيت في أسيل حاجة أنا كنت مفتقدها حسيت بالطيبة والبراءة والصدق والشفافية عمري ما حسيت بالغدر أو النفاق أو الطمع والحقد اللي بيبقوا موجودين وكلنا محاطين بيها محستش أنها بتساعدني علشان فلوسي وأنها هتقبض التمن بل بالعكس حسيتها بتبادلني نفس المشاعر أنا بجد عمري ماهقابل حد زي أسيل لأنها جوهرة نادرة
الحاجة زينب: وده فعلاً الكلام اللي عايزة اسمعه كبرتو يا ولاد وبقيتوا تحبوا
فارس: أحم احم نحن هنا
الحاجة زينب: وأنت يا فالح لسة موقعتش
فارس: لأ مين قال كدة طبعاً وقعت
الحاجة زينب: مين
فارس: واحدة زي القمر اسمها زوزو وباس راسها
الحاجة زينب: ربنا يخليكم ليا وميحرمنيش منكم
حازم: ربنا يخليكي لينا يا عسل أنت
عمر: أنا من رأيي نشوفلك عريس إيه رأيك
الحاجة زينب: والله اللي يشوفه فارس
فارس بيمثل العصبية: اللي يشوفه فارس إيه امشي ياض أنت وهو معنديناش بنات للجواز
قعدوا يضحكوا واستمرت حكايتهم وضحكهم
ننتقل لناحية أخرى
محمد: هاه جبت اللي قولت لك عليه
المجهول: أيوة ده ملف رهف وده ملف أسيل
محمد: عملت ايه مع باسم
المجهول: هتم المهمة النهاردة
محمد أومأ برأسه وظل يتفحص الملفات
محمد: والله وجه اليوم اللي العب معاك اللعب بجد يا حازم
المجهول: هاه أعمل إيه
محمد: هقولك بعدين روح نفذ اللي قولت لك عليه
المجهول: تمام
بعد شويه يظهر لنا موقف تاني
المجهول بدأ يرن
باسم: ألو
المجهول: ......