أنت قدري - الفصل 120 - بقلم لولة الحلوة - مكتملة | روايتك

ترك المكان وترك معه كل شي يربطه فيها ساعه من الضايع كان عايشه بين الشوارع يدور في ذاكرته وين الخطاء ومن من ؟؟ هل منه ؟؟ او من مها ؟؟ او من الظروف ؟؟ ليه مها ما راعت ظروفه ... وين حبها .. ليه ما اعذرته ؟؟ ماقدر يقول لها على الورقه كان خايف على مشاعرها ليه ما انتظرته .. وهي عارفه ومتا كده انه مسحور .. ولا بأيده شي .. كان حبه صادق وهي عارفه ومتاكده .. انه الشي الوحيد اللي كان عايشه هو حبها وكان باين عليه .. حتى ان نوره وغيرها اتخذوه سلاح لتدميره ومع هذا ما عذرته كانت كل الأسئلة هذى تدور بذهنه .. ولا قدر يلقى اجابه تخليه يفسر زواجها المفاجئ في بيت مها مها : مشكوره يافهد على وقوفك جنبي فهد : انا قايلج يامها متى ما بغيتيني تلقيني ولو اني مو موافقج على اللي سويتيه مها : فهد .. رجاءا .. انا ادري باللي اسويه فهد : ليش ما عطيتيه فرصه اخيره يمكن يقدر يعوضج عن اللي فات مها : لا يافهد انا الغيته من حساباتي على العموم مشكوره يافهد مره ثانيه على كل شي نصيحتك ومساعتك فهد : حياج والحين اسمحيلي استاذن مها : الله معاك .. بعد ماطلع فهد التفتت مها تدور صديقتها وينها ما القتها دخلت بالغرفه تشوفها لانها طلعت من قبل يروح يوسف مها : هدى انت هنا وانا ادور عليك الله يهداك خليتيني مع الولد لوحدي هدى بجفاف : ليه وانت من متى تستحين من احد مها باستغراب : وش صار .. وش هالكلام هدى والتاثر باين بصوتها : انت مالج قلب .. شلون تسوين جذي بالريال وهو متعني علشانج وقاطع كل هالدروب مها : هدىىىىىىى خلاص انتهي الموضوع مابغى اتكلم فيه هدى : ليش ماتبين تناقشين بالموضوع لانج غلطانه مها : غلطانه !!!؟؟ امانه انت تقولين هالكلام هذا لو ما أنت عايشه معي وشايفه شلون هالبني ادم ظلمني وحرق قلبي وش تقولين ؟؟انت باي عين تشوفين هدى : يوسف كان ولازل يحبج وانت بتصرفج هذا خسرتيه مها : يوسفك هذا مايحب الا نفسه اناني .. حتى مافكر باي وجه يقابلني بعد اللي عمله هدى : انا مصره ان يوسف يحبج وانت ضيعتيه مها بعصبيه : هدى اذا بتبقين على صدقتنا ارجوك لاتجيبين سيرت هالانسان هدى : أيه ايه هذا ردج دايم .. مثل النعامه اللي تخش راسها بالرمل ..هذا انت ..خلاص يبه انا مالي دخل فيج ولا راح اقولج لايمين ولايسار الله لايردج مها : احسن بعد هدى ضربتها بالمخده : طسي من ويهه الحين لاارتكب فيج جريمه مها : متضايقه .. ابغي اجلس معاك واحكي هدي : وانا ابغي على قولتج انام مها : هدىىىى ياشينك هدى : كيفي عاجبه روحي ...غصيبه ياربي مابي اتكلم وياج وغطت راسها تحت اللحاف مها وهي تجر اللحاف من على وجهها مها : والله ابكي الحين قومين هدى ترفع راسها وجلس تلمس شفايف مها مثل الاطفال هدى : تتتت ..مممم .. لاياباب لاتبجين الحين اغيرلج الحفاظه واسويلج ننه مها : ........ هدى : هيي لاتدوخيني ... ادري حاسه بالذنب ولاتقدرين تكابرين انت تحبينه مها : لا هدى : الا مها تصرخ: لا لا قلتلك لا هدى : يبه رفيجتي واعرفج .. خبي على كل الناس .. وعند ستوب .. انا اللي مربيتج حبيبتي جلست مها تبكي .. وحضنت هدى هدي : ترى يوسف للحين اهني روحي قولي له انج جذبتي عليه وانج للحين روحج فيه ورجعوا لبعض وخلصونا مها : لا انا اكرهه ما احبه هدى دزت مها على السريرالثاني : اقول انثبري ... ولما تعرفين انت اشتبين بالضبط تعالي مها من بين دموعه بابتسامه على تصرفات هدى الفكاهيين : الله ياخذك وياخذ اللي يشكيلك