وداع يا قصه لها الحب عنوان - الفصل 12 - بقلم sama saied - مكتملة | روايتك

كم تمنيت أن يكون حبي وردة ،،، تستيقظى على عطرها كم تمنيت أن يكون حبي ضمه ،،، تغفى بين أحضانها كم تمنيت أن يكون حبي قصة ،،، يهيم حلمكى بها كـــــــم أحبكـــ عادت نور الى بيتها اخيراً وكانت تجلس على فراشها فى مملكتها (حجرتها) تتنشق هواءها وتتحسس فراشها وتنظر بكل ارجاء الغرفة لقد افتقدتهم كثيراً وفجأأة سمعت صوت رنين هاتفها الذى احضرة لها كريم نظرت الى شاشتة المضيئة وتبسمت بفرح عندما عرفت ان المتصل كريم حبيبها ضغطت على زر فتح المكالمة وسمعت صوتة الدافء وهو يقول كريم ممكن أقول للوردة قبل ما تضم أوراقها.. تصبحي على خير يا أحلى وأعذب وأرق مخلوق بحياتى ارتجف قلب نور بقوة وأخذ صدرها يعلوا ويهبط ارتسمت ابتسامة اقل ما توصف عنها بالسعادة على شفتيها وقالت وقلبها يخفق فرحاً وبصوت مرتجف ................. نور كريم .. ااانت .. اانت لسة صاحى كريم قال بصوت حالم ........ يعنى معقول انام من غير مااسمع صوتك سرحت نور لثوان ومن ثم افاقت واخذت تجفف دموعها التي خانتها وسالت على وجنتيها لابد وانها دموع فرحتها بكلمات كريم العذبة فهى كانت دائماً تحلم بفارس احلامها الذى سيخطفها من عالم الواقع الى عالم الحب والخيال ويسمعها اجمل العبارات الشاعرية الدافئة كريم نور انتى لسة معايا نور بصوت واهن .......ايوة معاك ياكريم استشعر كريم وهن صوتها وقال ............. كريم مالك يانور انتى تعبانة اجبلك الدكتور واجى نور وهى تبتسم...... لالاء انا كويسة ماتقلقش كريم يارب دائماً ياحبيبتى احمرت وجنتى نور من الخجل ولم تعلق كريم متسائلاً ..... قولتى لمامتك انى هاجى عندكوا بكرة نور وهى تبتسم ابتسامة واسعة ........ هوا انا لحقت ياكريم لسة ماقلتش حاجة كريم بلهفة كبيرة .......انا نفسى ييجى بكرة دة بسرعة علشان اجى واطلب ايدك وتبقى خطيبتى قدام الناس كلها احست نور بلهفتة وصدق مشاعرة تجاهها ثم قالت ........... نور الصبح هفاتحها ف الموضوع ماشى كريم ماشى ياقلبى وانا هتصل بيكى بكرة علشان اعرف الاخبار ومن ثم قال ....... انا مش هطول عليكى علشان باين من صوتك الارهاق بس حبيت اسمع صوتك قبل ماانام نور انا فعلاً مرهقة جدا وكمان وحشتنى اوضتى وسريرى كريم خلاص انا هقفل دلوقت تصبحى على خير ياحبيبتى نور وانت من اهلة وانهت المكالمة ومن ثم قالت ....... وانت من اهلة ياحبيبى ازدادت ضربات قلبها بعد قول هذة الكلمة واخذت تفكر بكريم الى ان غلبها النعاس ونااامت وفى شقة احمد ........... كان يجلس وحيداً مهموماً وحزيناً من فراق سلمى وتركها البيت وكان ماسكاً بيدة ثوبها الذى كان معلقاً على شماعة حجرة النوم كان يحتضن ثوبها ويستنشقة فقد افتقدها وافتقد عطرها الجميل مع انها ليلة واحدة لاكنة احس انها الدهر بأكملة جاء صباح اليوم التالى افاقت نور وكانت علامات السعادة مازالت ترتسم على شفتاها مع انها كانت تشعر بصداع خفيف لاكنها لم تهتم طرقت والدتها باب حجرتها ودخلت وهى تلقى التحية على ابنتها مامة نور ياصباح الخير على عيونك ياقلبى نور صباح الخير عليكى ياماما ومن ثم قالت وهى مبتسمة ......... اية الدلع دا كلة ياست الحبايب مامة نور اقتربت من فراشها وجلست بجانبها وقالت بمرح ............ اسكتى يابت يانور داانتى كنتى وحشانى والبيت كان مالوش طعم من غيرك التقطت نور ايدى والدتها وقبلتهم بحنان وهى تقول ............. نور ربنا ما يحرمنا من بعض ابداً ياماما ومانبعدش عن بعض خالص يارب مامة نور بأبتسامة واسعة ............. لاء ياستى هيبعدنا شهقت نور وقالت ........... لية بتقولى كدا ياماما مامة نور وهى تمسك بانف نور وتهزها بحركة طفولية............ علشان هييجى اليوم وتتجوزى يانور وتعيشى ف بيت جوزك ابتسمت نور وايقنت ان هذا هو الوقت المناسب لتفاتح والدتها بموضوع كريم اعتدلت نور وهمت بالبوح لوالدتها الا انهم سمعوا طرق عنيف على باب الشقة مامة نور بأندهاش ............. اية دة مين بيخبط علينا بالشكل دة انا هروح افتح قامت الام من جلستها الا ان اوقفتها يد نور...... نور وهى تمسك بكف والدتها بخوف .......... ماتفتحيش ياماما لا يكون حد غريب انا قلقانة مامة نور ربتت على كتف نور وقالت ........ ماتقلقيش يانور انا هبص الاول من العين السحرية بس اوعى تقومى من مكانك يانور لا تقعى لا قدر الله اومأت نور برأسها بالموافقة وذهبت الام لتعرف من الطارق توجهت الى باب شقتها ومن ثم نظرت من العين السحرية وقالت ........... مين رد الطارق وقال ............ انا يافاطمة افتحى عرفت والدة نور من الطارق فا فتحت مسرعة وقالت بخوف ................. مامة نور مالك يااحمد فية اية بتخبط كدا لية احمد وهو يلهث من شدة الغضب .......... انا انا مامة نور انت اية ومالك عامل ف نفسك كدا وعنيك وارمة لية ثم ضربت على صدرها بكف يدها وقالت ............. يالهوى لا يكون حصل حاجة لنور بنتك احمد يهز برأسة نفياً ثم قال ......... سلمى .. سلمى عرفت كل حاجة مامة نور بأندهاش شديد .......... عرفت عرفت منين احمد وهو يرمى بثقل جسدة على الاريكة ...........انا اللى قلتلها اقتربت منة اختة وجلست بجانبة وتكلمت معة بحرية دون ان تقلق من سماع نور للحوار لانها وكما تظن ان نور تعرف بالحقيقة كاملة لاكن نور لم تكن تعرف بعد وتكلم احمد ايضاً بحرية دون قلق لانة يعرف ان عمر فى هذة الاثناء يكون بمدرستة ويظن ان نور ما زالت بالمشفى ولا يعرف انها خرجت مساء امس مامة نور............. طب كنت استنى شوية يااحمد احمدوعينية باتت لونها احمر قانى من عدم النوم ومن كثرة بكاءة..................استنة لامتى يافاطمة لامتى وهنا قام من مجلسة وهو يصرخ بغضب ............ استنة اية تانى ....ابنى كبر خلاص ولازم يعرف مين ابوة ويتربى معايا ويتكتب على اسمى لاكن الست سلمى ماعجبهاش الوضع وطلبت الطلاق واخدت نور وسابتلى البيت وطفشت ثم ركل الكرسى بأرجلة فى غضب وهو يقول.............. ترووح ف ستين داهية انا هعترف قدام العالم كلة ان عمر ابنى انا ومن صلبى ومش يتيم واخذ يضرب صدرة بقوة بكلتا يدية ويقول .......... انا اللى غلطت من الاول انى اتخليت عن ابنى علشان خاطرها وعلشان مااجرحش شعورها علشان ما تعرفش انى مخلف من وحدة تانية وهى ما بتخلفش مامة نور تتنهد بحرارة ثم تقول ....... طلاق ..... اةةةة اهو دة اللى انا كنت خايفة منة ثم قامت من مجلسها واقتربت من شقيقها وضمتة بين ذراعيها و اخذت تهدئة وتربت على كتفية كانة طفل صغير يحتاج لحنان الام ثم قالت ........... طب سلمى فين دلوقت احمد وهو يجفف دموعة ......... مش عارف انا عمال اتصل بيها وهى ما بتردش وف الاخر قفلت تليفونها مامة نور يمكن تكون راحت بيت ابوها او عند اخوها بص انا هروح اذورهم ولا كأن فية حاجة وهقعد مع سلمى وافهمها براحة كدا احمد بنبرة حزن .......... انا مش هقدر اعيش من غيرها يااختى انا بحبها وعايز ارضيها بس مش على حساب ابنى عمر مامة نور ماتقلقش يااحمداطلع انت دلوقت اتوضى وصلى وادعى ربنا يهديهالك وبعد كدا ريح شوية وانا لما اعمل الغدا هطلع اصحيك نتغدى وبعد كدا هروح عند اهل سلمى اومأ احمد رأسة بألم ثم غادر الى شقتة وفى هذة اللحظة خرجت نور وهى تستند على حوائط الشقة ودموعها تنساب بغذارة على وجنتيها جرت اليها والدتها ومسكت يدها نهرتها نور بعيداً عنها وقالت بصوت واهن متقطع............. نور اللى .. سمعتة .. دة .. صحيح مامة نور اتسعت اعينها وقالت بداخلها......... دى بتسألنى يعنى هى ماكانتش تعرف يعنى ماسمعتناش قبل كدا اخرجتها نور عن تفكيرها وهى تصرخ وتقول ودموعها تنهمر................. نور ردى علية اللى سمعتة دة صحيح عمر عمر يبقى يبقى ابن خالى مامة نور ازدرت لعابها المرير وقالت .......... طب طب اقعدى يانور انتى تعبانة نور بصوت واهن ...... قوليلى الحقيقــــ وهنا كادت نور ان تقع من طولها الا ان والدتها لحقت بها واسندتها الى الاريكة واجلستها مامة نور وقلبها كان يخفق بشدة ........ يالهوى يابنتى كنتى هتقعى انا هقولك على كل حاجة بس اهدى الله يخليكى قصت والدة نور على ابنتها كل شئ ولم تخفى عنها اى حدث حصل بخصوص موضوع عمر وبعد ان انتهت نظرت الى ابنتها لتشاهد ردة فعلها نوربأستنكار وهى تشيح بوجهها بعيدا .......لالالالالاء انا مش مصدقة انتوا تعملوا كدا طب لية علشان سلمى ما تزعلش وتسيب خالى ماهى سابتة اهووو كنتوا خايفين لا البيت يتخرب اهو اتخرب واللى كان كان .. ماهى اكيد كان لازم هتعرف فى يوم من الايام وكان الاحسن تعرف ساعتها حرام عليكوا اللى انتوا عملتوة ف عمر دة ياترة هوا كمان لما يعرف هيعمل اية مامة نور عمر لما هيكبر هنحكيلة على كل حاجة وساعتها هيكون فهم وعقلة كبر نور وهى تقوم من مجلسها ....مش مصدقة بجد مش مصدقة الله يسامحكوا ع اللى عملتوة فية ثم دخلت الى حجرتها واغلقت عليها الباب واخذت تبكى الا ان اعتلى عليها الم رأسها فاقامت واخذت دوائها وارتمت على سريرها ونامت على الفور لان دوائها بة منوم ليريحها من الالم افاقت نور على رنين هاتفها التقطتة وقالت بصوت متحشرج ............... نورالسلام عليكم دينا تعجبت من نبرة صوت صديقتها وقالت مسرعة .......... اية يانور مال صوتك انتى تعبانة نور لاء ابداً يادينا بس اصلى مصدعة شوية مع انى اخدت الدوا ونيمنى بس لسة الصداع ما رحش دينا وهى تتنهد .......ياشيخة خضتينى سلامتك يانونو داانا قلت الواد كريم مزعلك ابتسمت نور رغماً عنها عندما سمعت دينا تنطق بأسم كريم دينا بمرح ........... هاة قوليلى كلمتى ماما نور اغمضت عينيها وهى تشعر بالحزن وقالت ....... لاء يادينا ماقلتلهاش دينا لية يانور ماقلتلهاش مش كريم متفق معاكى انة هييجى النهاردة ويطلبك منها وانتى لازم تمهدية الاول نور وقد احست بغضة بحلقها وهى تقول ....... انا انا هأجل الموضوع دة شوية دينا وهى تشهق بشدة.......... ياخبر لية يانور اية اللى حصل نور هبقى احكيلك بعدين يادينا انا هقفل دلوقت وهكلمك تانى سلالالالالالالالالام لم تنتظر رد صديقتها وانهت نور المكالمة على الفور ورمت بهاتفها على الفراش ومن ثم التقطتة ثانيتاً وبحثت عن رقم معين وضغطت زر الاتصال ومن اول رنة اجاب على اتصالها بلهفة وهو يقول............. كريم حبيبتى استنيت تلفونك دة من بدرى اتأخرتى علية لية انا هلبس اهو وهجيلك وو....... قاطعة صوت نور الحزين وهى تقول ............ نور استنى ياكريم ماتجيش كريم وقد شعر بقبضة باردة تعتصر قلبة ................. لية يانور هى هى مامتك ماوافقتش نور بصوت يغلب علية الحزن والالم ....... انا لسة ما فاتحتهاش كريم طب لية يانور هو فية حاجة نوراصل عندنا مشاكل كبيرة ف البيت ومش هينفع انك تيجى تطلبنى ف الوقت دة كريم لية كدا بس اية اللى حصل نور اصل .. اصل فية مشاكل مع خالى ومراتة ووووو ........ ثم بترت جملتها وقالت ...... كريم احنا لازم نأجل الموضوع دة شوية .... وبعد ما انتهت من جملتها ترقرقت عينيها بالدموع واخذت تنساب على وجنتيها كريم اةةةةةةة ياربى ع الحظ لية كدا بس .. طب يانور معلش مش مشكلة هستنى شوية وامرى لله وان شاء الله اموركم تستقر على خير نور ان شاء الله .. طب بعد اذنك انا هقفل دلوقت كريم بلهفة ........ لية يانور خلينا نتكلم شوية وبعدين انا لسة ما اطمنتش عليكى ولا سألتك عن صحتك نور ابتسمت ابتسامة شاحبة ....... انا كويسة الحمد لله ما تقلقش بس اصلى مصدعة شوية انتا عارف بقى الحادثة والعملية وكدا كريم خلاص يانور اللى تشوفية اهم حاجة خللى بالك من نفسك وانا هستنى وهدعى من قلبى ان ربنا يهدى الاحوال نور تصبح على خير ياكريم كريم بنبرة حانية ..........وانتى من اهلة يااعز واغلى الناس انتهت المكالمة بين الحبيبان ثم نزلت نور من فراشها وفتحت باب حجرتها وخرجت منها ثم شاهدت عمر الصغير يجلس وحدة يشاهد فيلم كرتون على التلفاز اقتربت منة ودموعها تملآ عينيها وضمتة بقوة واخذت تقبلة عمر ابلة نور اخيرا صحيتى داانا عايز اشوفك من بدرى بس ماما قالتلى ماتصحيهاش علشان هى تعبانة نور تقول بداخلها وهى تستمع الى كلمة ماما من فم عمر............ ماما ماما اية ياعمر انت ماتعرفش حاجة لانك طفل برئ ما يفهمش كل الكدب والحقد والشر اللى فى دنيتنا دى افاقت من تفكيرها على صوت فتح باب شقتهم نظرت الى الباب فوجدت والتها تفتح الباب بواسطة مفتاحها الخاص ثم نظرت الى نور بحزن وذهبت الى حجرتها دون ان تنطق بحرف دخلت نور ورائها بخطوات بطيئة لانها ما زالت تحت تأثير الصداع.. طرقت باب غرفة والدتها ودخلت ومن ثم قالت ........ نور انتى كنتى فين ياماما مامة نوردون ان تنظر لها ........ كنت عند سلمى نورتوجهت حيث والدتها وقالت بأهتمام........... طب وبعدين مامة نور نظرت اليها وقالت بحزن ......... مارديتش تيجى معايا يانور واصلاً قابلتنى بالعافية انا رحتلها بيت ابوها مالقتش حد فا رحتلها بيت اخوها فتحتلى مرات اخوها وكان اخوها ف الشغل ودخلت وفين وفين لما سلمى جت وقعدت معايا نور هى حكت لحد ياماما مامة نور ماقالتش غير لمرات اخوها ماانتى عارفة هما اصحاب قوى المهم انى قعدت فهمتها وحدة واحدة مرات اخوها اقتنعت انما سلمى ابداً وعايزة تطلق قعدت اكلمها انا ومرات اخوها ونحاول نراضيها ابدا مش موافقة نور طب وبعدين ياماما احنا هنسكت ونسيبها تطلق من خالى بعد كل الحب والعشرة دى كلها دول بقالهم ييجى 10 سنين متجوزين مامة نورتهز بكتفها وتقول ..... طب وانا هعمل اية يابنتى ماهى دماغها ناشفة انا عارفة انة صعب عليها بس دى حاجة حصلت غصب عننا كلنا واهو قدر ومكتوب نور طب وخالى ياماما قولتيلوا مامة نور تتنهد بمرارة .......... اقولتلة يابنتى انا جيت من عندها على عندة على طول وقلتلة ماردش علية وسابنى ومش رحت نازلة على هنا نور انا هكلمها ياماما بعد اذنك مامة نور طيب يابنتى كلميها ربنا يقدرك وتلينى راسها نور انا هروح لها بكرة ان شاء الله وهاخد عمر معايا مامة نور بدهشة ......... تاخدى عمر عند سلمى لاء يانور ماينفعش نور بس سيبينى ياماما اعمل اللى ف دماغى وربنا يسهل ومر اليوم وجاء اليوم التالى اتصلت نور على هاتف دينا وطلبت منها المجئ لتوصلها الى بيت اخوا سلمى جاءتها دينا ع الفور وذهبوا كل من دينا ونور وعمر الصغير الى بيت اخوا سلمى طلبت نور من دينا ان تذهب موقتاً وعندما تنتهى ستهاتفها لتأتى وتأخذهم وبالفعل دخلت نور وعمر بيت اهل سلمى وذهبت دينا بسيارتها طرقت نور الباب وفتحت لها سلمى تفاجأت سلمى بمجئ نور وهى لا تعرف انها قد خرجت من المشفى ضممتها بحنان وقبلتها ومن ثم شاهدت عمر الصغير فا تركتهم ودخلت الى غرفتها دون ان تسلم علية وتقبلة كعادتها رحبت بها زوجة اخ سلمى وادخلتها هى وعمر ابتسم عمر لنور الصغيرة التى كانت تحبو بمرح وتلعب ذهب اليها واخذ يقبلها ويلعب معها .. انتهزت نور انشغال عمر ودخلت الى غرفة سلمى واغلقت الباب ورائها اقتربت منها وكانت سلمى فى تلك اللحظة تبكى بمرارة وتشهق بصوت مسموع جلست نور بجانبها وربتت على كتفها وقالت ........... نور انا عارفة انة موقف صعب عليكى وماكنتيش متوقعاة انا مش هقولك سامحى خالى انا بس هقولك ان عمر مالوش ذنب ف كل اللى حصل سلمى بصوت ملئ بالحزن .......... انتى كنتى تعرفى نورابدا وماعرفتش الا امبارح بس لما سمعت خالى وهو بيصرخ وبيتألم من بعدك عنة سلمىبنبرة استهزاء ................. اة بيتألم ثم اكملت وهى تضرب بكفها على صدرها ..........اومال انا اقول اية انا بتقطع من جوايا يانور طب طب كان قاللى من الاول وانا كنت انسحبت من حياتة وكان عاش مع بنت عمة نور بس هوا ماكنش بيحبها واتجوزها علشان خاطر ابوة هو بيحبك انتى صدقينى اكيد انتى مش محتاجة انى أأكدلك كلامى سلمى وهى تبكى بمرارة ......... خبى علية يانور انة خلف نور يعنى كنتى عايزاة يقولك علشان يصدمك انتى ساعتها كنتى بتتعالجى وماكنش فية امل انك تخلفى ولما اتولد عمر وامة ماتت بعد الولادة كان عايز يجبهولك وتربية علشان يعوضك عن حرمانك من الخلفة بس اتفاجأ منك انك بتقوليلة انك حامل فا خاف عليكى من الصدمة وسكت سكت ياسلمى سكت كل السنين دى علشان بيحبك ومش عايز يخسرك ارجوكى ياسلمى علشان خاطر يتيم الام اللى قاعد برة دة ارجعى بيتك بصى اخرجى شوفى عمر وهوا قاعد مع اختة نور بيلاعبها دا اخوها الكبير يعنى سندها بعد ابوها علشان خاطرى انا مش بقولك سامحى خالى بس ارجعى بيتك ولمى ولادك ف حضنك نظرت لها سلمى بدهشة وقالت سلمى............... ولادى نور ايوة ياسلمى ولادك عمر ونور قامت سلمى وتوجهت نحو باب الغرفة وفتحتها وطلت منها ثم شاهدت عمر يجلس بجانب اختة الصغيرة يلاعبها ويقبلها بحنان ثم قالت ................ سلمى انا مش هقدر امنع الاخوات عن بعض لاكن انا مش هرجع لـ احمد تانى ومصرة ع الطلاق اقتربت منها نور بحزن والم وقالت .......... نور اللى يريحك ياسلمى انا ماشية بس كلمة اخيرة اقولهالك ..... فكرى كويس وصلى استخارة وربنا يهديكى ثم انصرفت نور واخذت عمر معها ودقت على هاتف صديقتها التى جاءتها بعد دقائق قليلة من اتصالها وركبت نور السيارة وتوجهت دينا بهم الى البيت واثناء الطريق قالت لها دينا دينا مش هتحكيلى فيى اية يانور نظرت نور الى عمر الذى كان يجلس بالخلف وغمزت بعينيها لدينا وقالت لها نوربعدين يادينا بعدين .................................