وداع يا قصه لها الحب عنوان - الفصل 6 - بقلم sama saied - مكتملة | روايتك

يتسللون داخلنا ويمتلكوا قلوبنا فانتنفس بهم ونرى باعينهم وننبض بقلوبهم ونشعر باجسادهم ونتكلم بحروفهم ودون ان ندرى يصبحوا لنا الحياه ونكتشف اننا لهم مجرد اداه لاسعاد قلوبهم خلص البارت اللى فات ياقمرات ان نور نجت من شريف وركبت التوك توك علشان تروح بيتها وكانت ف حالة وحشة جدا جداااا تفتكروا مامتها هتعرف حاجة من حالة نور ولا نور هتحكهلها تعالوا نشوف ذهبت نور مهرولة من منزل شريف وركبت مواصلة وتوجهت الى بيتها وكانت بحالة يرثى لها صعدت نور درج المنزل وما ان اقتربت من شقتها حاولت ان تهدئ نفسها حتى لا تستشعر والدتها اى شئ او ان تراها بهذة الحالة فحاولت الهدوء ولاكن هيهات فهى تبكى بحرارة لما حصل لاكنها استجمعت قواها ومسحت دموعها ونظرت لاعلى وقالت .............. الحمد لله دخلت نور البيت وكانت والدتها تصلى صلاة العشاء فى هذة اللحظة دخلت مهرولة الى الحمام وغسلت وجهها وهدت من حالها وخرجت اذ بوالدتها تقف امامها مامة نور اتأخرتى كدا لية يانور خوفتينى عليكى مش انا قلتلك ما تتأخريش علية نور تحاول ان تتمالك اعصابها........ معلش ياماما اصل طنط نادية مسكت فية وقعدت معاها وابتسمت ابتسامة باهتة .........كانت عاملة رز بلبن وعزمتنى دى حتى بعتالك السلام مامة نوربقلق طايب مالك كدا فيكى اية نورمافيش بس تعبانة شوية ياماما شكلى اخدت برد انا هروح ارتاح بااوضتى مامة نورمش هتاكلى انا لما لاقيتك اتأخرتى اكلنا انا وعمر نوربالهنا والشفا بس انامش جعانة انا هنام وماتصحنيش من فضلك ربتت الام على كتف ابنتها ومضت دخلت نور الى حجرتهارمت بجسدها على السرير واخذت تبكى وتبكى وتبكى ثم مسكت بهاتفها واتصلت على رقم دينا صديقتها ديناالسلام عليكم نور بصوت متقطع حزين........... وعـ لـ يـ كم الـ سـ لام ديناوقد احست بحالة نور ..........خير يانور مالك فية اية نورتبكى دون ان ترد............. دينانور ردى علية نور يانور قلقت دينا كثيرا على نور وبعد لحظات كانت عند نور بالبيت طرقت الباب فا فتح لها عمر الصغير عمراذيك ياابلة دينا انتى جاية لابلة نور ديناابتسمت ايوة ياحبيبى هى فين عمرف اوضتها اناديهالك دينالاء ياحبيبى انا هدخلها فى هذة الاثناء خرجت الام لمعرفة من الطارق تفاجأت انها دينا صديقة ابنتها نور مامة نور اهلا يابنتى يامرحب دينامحاولة اخفاء قلقها........ اهلا بحضرتك ياطنط واسرعت قبل ان تسألها والدة نور معلش ياطنط انى جيت متأخر كدا بس اصلى اتخانقت مع علاء اخويا واستأذنت من مامة انى اجى ابات مع نور بعد اذنك طبعا ياطنط مامة نور بأبتسامة ....... ياسلام داانتى تنورى ياحبيبتى واحسن علشان حتى تسلى نور شوية بدل ماهى دائما قافلة على نفسها ف اوضتها حتى الاكل مابقتش ترضى تاكل دينااحست ان الام تشعر بحال ابنتها معلش ياطنط ماتقلقيش عليها تلاقيها بس زهأنة من قعدتها لوحدها خصوصا وانك ماخلتيهاش تكمل تعليمها وتدخل الجامعة مامة نور اطرقت برأسها بألم ....... خوفت عليها والله يادينا خوفى عليها من انها تبعد عنى وتروح محافظة تانية علشان تدرس ف الكلية واهى معاها ثانوية عامة وبتعرف تقرا وتكتب وكمان بتذاكر لاخوها دينامبتسمة .... ربنا يخليهالك ياطنط وتفرحى بيها وتشوفيها عروسة زى القمر مامة نور ترفع يدها الى السماء ........ يااااااااارب وانتى عاملة اية ف الكلية بتاعتك دينا تمام ياطنط الحمد لله معلش انى انشغلت عنكوا اليومين اللى فاتوا دول بس المذاكرة بقى الله يجازيهاهههه مامة نورربنا يوفقك ياحبيبتى ومايضيعش تعبك انتى وكل اللى زيك يارب ديناربنا يخليكى ياطنط بعد اذنك هدخل لنور مش عايزة حاجة مامة نور طب ياحبيبتى هحضرلكوا العشا وهجبهولكوا حالا دينالاء والله ياطنط مش هقدر اعفينى ولو على نور انا هأكلها ماتقلقيش احنا هنقعد ونتكلم ونسهر واكيد هنجوع ههههه مامة نورطيب يابنتى زى ما تحبى البيت بيتك انا هاخد عمر وندخل ننام تصبحى على خير دينا وانتى من اهل الخير ياطنط دخلت الام الى غرفتها هى وعمر واتجهت دينا الى حجرة نور وما ان فتحتها الا وقد رأت نور بأسوء حالاتها تجلس على الارض فى زاوية من زواية الحجرة تبكى بمرارة اغلقت دينا الباب ورائها واسرعت نحو نور فى لهفة وجلست بجانبها دينافى خوف .......فية اية يانور مالك نورتبكى وتبكى دون توقف ديناوقد ضمتها الى صدرها فى حنان ......... اهدى ياحبيبتى كدا واحكيلى اية اللى حصلك بس وبعد ثوان هدأت نور نوعا ما وقصت على دينا كل ما حدث لها مع شريف ولاى حد كانت ندالتة وخستة معها صدمت وبكت دينا لحال صديقتها وساعدت نور لتقوم من مجلسها وما ان اوقفتها حتى وقعت نور من يد دينا على الارض مغشياً عليها.... خافت دينا كثيرا وحاولت ان توقظهاواخذت تهز بها لكى تفوق ثم اخرجت زجاجة عطر من شنطة يدها واخذت تنثر بعض قطرات منة على وجة نور حتى افاقت ............................... افاقت نور من الاغماء واخذت تبكى فى احضان صديقتها دينا ثم قالت لها صديقتها......... انتى زعلانة لية احمدى ربنا انك بخير ووانك رجعتى بالسلامة وهوا مايستاهلش حبك لاسف لانة ما يعرفش معنى الحب تكلمت معها كثيرا الى وقت متأخر دينا ابسطى ياست نونو انا هبات معاكى الليلة نوربشبح ابتسامة....... ياريت يادينا ماتسيبينيش لوحدى احتضنا بعضهما البعض فى حب والان هدأت نور وارتاحت لمبيت صديقتها معها ارتدت دينا ملابس نوم اعطتها لها نور ونامت الصديقتات ف سرير واحد ثم فى وقت متأخر من الليل صحت دينا على صوت انين ينبع من صديقتها نور فتحت عيونها ونظرت الى نور وحاولت افاقتهاوهز جسدها الى ان افاقت من نومها وارتمت بأحضان صديقتها دينا فى خوف ورعب ديناماتخافيش ياحبيبتى انا جمبك واكملوا ليلتهم وناموا بهدوووء الى ان جاء الصباح ورن جرس المنبة معلنا ميعاد ذهاب عمر الى المدرسة افاقت الصديقتان ولاكن نور كان واضحج عليها علامات الارهاق ولم تقدر على الوقوف فقالت لها دينا........ خليكى انتى انا هاخد عمر اودية المدرسة شكرتها نور وتحججت دينا لوالدة نور ان ورائها ميعاد مهم وانها ستأخد عمر فى طريقها وارتدت دينا ملابسها واخذت عمر وذهبت الى المدرسة وكان هناك من يراقبها اثناء سيرها انة............. شريف انتظر حتى ادخلت عمر الى مدرستة واقترب منها وسألها شريفلو سمحتى هوا انتى تعرفى نور دينااستعجبت لسؤالة وقالت لة...... ايوة اعرفها انا صحبتها....... وقد استشعرت دينا ان ذالك الشاب هو شريف عرفتة من وصف نور لة وسألتة لتتأكد ......... هو حضرتك مين قال............ انا شريف نظرت دينا لة نظرة احتقار ولوم فهم شريف انها تعرف ما حصل وان نور قصت عليها كل ما جرى فأطرق برأسة فى حزن ثم رفع رأسة وقال لها................ شريف انا عايز اتأسف لــ نور لو سمحتى ديناتضحك بستهزاء .......انتا تتأسف انتا ولا حاجة اصلا انت حيوان مش انسان بيجرى ورا غرايزة وظلمت نور وكنت هتقضى عليها وعلى مستقبلها لم يغضب من ما قالتة لة ولم يعلق حتى انهت دينا كل مابداخلها....... شريف انا اسف انا مش عارف عملت كدا ازاى الغيرة والشك كانوا مسيطرين علية وووو وهنا قاطعتة دينا وقد استشاطت غضبا من ماقالة قائلة ............ لية صغير مش قادر تتحكم ف تصرفاتك وغيرة اية وشك اية انتا تبقالها اية اصلا علشان تشك فيها وتغير عليها دا بناءا عن اية ان شاء الله شريفطب اهدى بس لو سمحتى انا عارف انى استحق كل تهزيئ وتجريح بس ممكن نقعد نتكلم دينانقعد ونتكلم هنتكلم ف اية ان شاء الله شريفلو سمحتى من فضلك هنقعد فى مكان عام عايز اقولك كلام مهم جدا يمكن لما تسمعية تعذرينى وتساعدينى انى اعتذر من نور وانها تسامحنى ولانها اجرأ من نور وافقت دينا على الجلوس معة فى مكان عام (كافى شوب) جلسوا ف كافية يبعد مسافات ليست ببعيدة عن مدرسة عمر شريفتشربى اية حضرتك دينااحنا مش جايين علشان نشرب احنا جايين علشان انتا عايزتقول كلام وانا سمعاك اتفضل طلب من النادل احضار كأسين من عصير الليمون لتهدئة اعصابهم شريفبصوت محبط........... انا فهمت نور غلط فكرتها زى البنات التانية اللى بدون اخلاق ديناتنظر لة بحدة وتقول............. لية مش باين عليها انها بريئة وعلى نياتها وانها مش لعبية ولا جريئة قاطعها وقال لها ........... شريف انا معذور انا هحكيلك على حكايتى اللى عايزك تسمعيها واللى خلتنى اتصرف بالشكل دة مع نور .................. أنت من أنت.. أنت ألم ************* يسرى بدمى فاتكاً أعضائى أنت وهم رضى به عقلى ************ وصدقت الوان غشع أرجائى أنت وجه يخفى بين صفائه ************ غدرا ذاقت مره أحشائى أنسيت حبى أم كنت عاميا *********** عن نور قلبى الساطع الوضاء حب لم تدرك أنت حدوده ********** عجزت عن وصف لهيبه الأسماء حب اذا ما مس بحرا مالحا *********** حلى خرير مياهه الزرقاء كانت فى هذة الاثناء تجلس نور حزينة مكتئبة على فراشها فى مملكتها ( حجرتها) دخلت عليها والدتها فا تصنعت نور النوم تنهدت الام ثم خرجت واغلقت باب الحجرة خلفها فتحت نور عيناها وقامت لتجلس على مكتبها الصغير نظرت لقصتها التى كانت تقرأها ولم تنتهى منها بعد ثم تركتها واخذت تبكى وتلعن حظها وفى مكان اخر كانت تجرى مكالمة تلفونية ويدور هذا الحوار بينهما المتصل الاول يتنهد قائلا ......... انا مش عارف اعمل اية بس انا عايز اعترف بأبوتى لابنى ومايهمنيش اى حد المتصل الثانى انت اتجننت ازاى تعمل كدا انتا عارف اية اللى ممكن يحصل المتصل الاول يحصل اللى يحصل ماعادتش فارقة الولد كبر وابتدى يفهم كل حاجة وصعبان علية يعيش يتيم الاب وابوة عايش على وش الدنيا المتصل الثانىطاب ومراتك هاتقولها اية دى ممكن...... وهنا قاطعة المتصل الاول قائلا .......... انا سكت كتير وراعيت مشاعرها سنين طويلة وهى المفروض تتقبل الوضع وتتقبل كمان ان دة ابنى ومش ممكن اتبرى منة ابدا واكمل كلامة ودموعة تنهمر من عينية ........لازم يعيش معايا ويكبر ف حضنى ويعرف انى ابوة وسبتة يتربى بعيد عنى لانى ضعيف وجبان وعملت خاطر لمراتى والعشرة الطويلة اللى بينى وبينها وكفاية انى بشوفة ومش قادر انطق ببقى نفسى اقولة ودموعة تسبق كلماتة ......... انا باباك ياحبيبى انا بابا المتصل الثانى اهدى بس اهدى واستعيذ من الشيطان انا عارف عارف انك اتخليت عن ابنك علشان مراتك لانها ................. وهنا انقطع الاتصال المتصل الثانىالو الو ... الو ..... يظهر مراتة دخلت علية ربنا يستر وماتكنش سمعت ويعينك يا............. فى احد الاماكن العامة بالقاهرة كان يجلس كل من شريف ودينا صديقة نور ودار هذا الحوار بينهم شريفانا معذور انا هحكيلك على حكايتى اللى عايزك تسمعيها واللى خلتنى اتصرف بالشكل دة مع نور دينا انا سمعاك عايز تقول اية تنهد شريف بحرارة ودأ بسرد قصتة على دينا شريفانا درست ف جامعة الاسكندرية لان دى مدينتى اللى اتربيت فيها حبيت بنت زميلتى من الكلية قال وهو يقطب بجبينة.........مش مهم اسمها لان مش عايز انطقة حبتها حب كبير فوق الوصف كانت جميلة جدااااا ودمها خفيف تجذب كل اللى يشوفها ويتكلم معاها استمر حبنا لمدة سنيتن كانت رقيقة معايا وكنا بنخرج سوا طلبت منها اكتر من مرة انى اطلب ايدها ونتخطب ونبقى نتجوز بعد ما نخلص الكلية كانت ترفض دائما وتقول لاء لما نخلص الكلية نبقى نتخطب وكانت تتحجج انها مش عايزة حاجة تعطلها عن المذاكرة كنت مصدقها لاسف لانى كنت اعمى رغم ان كانت بنات كتير تتقرب منى وتعمل اى حاجة للفت نظرى لاكن انا ماكنتش شايف غير البنت دى ديناتستمع الى ما يقولة شريف لاكنها تلاحظ انة لا يحب ان يذكر اسم الفتاة التى احبها ويكتفى بذكرها ب ((البنت دى)) يكمل شريف كلامة ..........المهم جتلى فترة تعبت فيها وغبت عن الكلية حوالى اسبوع واول ما خفيت رجعت الكلية اسأل عليها لانها ما سألتش علية وماكانتش بترد على مكالماتى ولا ايميلاتى كل اصحابها قالولى سافرت بس مايعرفوش فين رحتلها بنتها علشان اتأكد لقتهم فعلا سافروا وف يوم كنت قاعد ف كافيتريا الكلية لقيت صحبتها سمر بتقرب منى وطلبت انها تتكلم معايا بس برة الكلية رفضت لاكنها اثرت على كدا وافقتها وقابلتها فى كافى شوب خارج الكلية وقعدت جمبى وفوجأت انها بتقولى ....... بحبك طبعل اتفاجأت من كلامها وقلتلها انا بحب صحبتك وهى بتحبنى وهنتخطب وهنتجوز اول ما نخلص الكلية راحت ضاحكة ضحكة سخرية وقالتلى بتــــ اية بتحبك صحبتى دى ما بتحبش حد فوووق طبعا كدبتها بس هى اثرت على كلامها وادتنى الدليل وهنا تكلمت دينا ............ دليل .. دليل اية اكمل شريف كلامة وهو يضغط على يديه بشدة ........... دليل على خيانتها ادتنى عنوانها ف الغردقة وقالتلى انا هسيبك تكتشف بنفسك ومشيت وسابتنى ف حيرة وقلق وعذاب تانى يوم سافرت من الفجر لانى ما نمتش طول الليل رحت للعنوان اللى اديتهولى سمر فتحتلى الدادة وكان على وشها التوتر الشديد ديناطبعا ما كانتش متخيلة انك تلاقيهم شريف صح وسألت عنها الدادة قالتلى مش موجودة وفجأة سمعت صوت ضحكتها حاولت ادخل الدادة منعتنى فا بعدتها بكل قوتى ورحت بأتجاة صوتها كانت بتتكلم وبتقول انها مش بتحبى وانها وخدانى سكة علشان اساعدها ف دروسها وانها بتتسلى شوية معايا واول ما هتخلص الكلية هتسيبنى طبعا صعقت من اللى سمعتة وفتحت الباب فجأة لقتها ف وضع مخل بالاداب مع زميلنا من الجامعة مااستحملتش المنظر خرجت جرى وسبت البلد اللى عشت فيها واتربيت فيها اهملت كليتى ومذاكرتى وفوقت من الصدمة بعد فترة وحولت لجامعة القاهرة وجيت واستقريت هنا بس من ساعتها وانا بكرة البنات اللى بالشكل دة اللى بحس انها سهلة ف ايد الشباب وف يوم شفت نور وحسيت بشئ بيجذبنى ليها بسبب رقتها وملامحها البريئة وانها غير كل البنات لاكن لما شفتها واقفة مع وااحد ف يوم وماسك ايدها وباسها ف الشارع وركبت معاة العربية و ديناقاطعتة فى هذة اللحظة .......... تقصد خالها احمد شريفوضع يده على جبينه وهو يصرخ ......... مااهو انا ماكنتش اعرف انة خالها دينابس دا كلة مش مبرر للى عملتة انتا كنت هتقضى عليها وعلى امها المسكينة وعلى شرفها وسمعتــها نور كانت دائما وردة مفتحة وبعملتك دى انتا اهنتها وكسرتها من جواها و...... وهنا قاطعها شريف وهو فى قمة الالم........ ارجوكى يادينا كفايا انا ضميرى مش مرتاح وبتعذب بجد انا بحبها يادينة بحبها .......... وهنا ترقرقت الدموع بعينية من ما جعل قلب دينا يرأف بحالة شريفانا ممكن اطلب منك طلب ........................