الفصل 115
مرت الأيام وحالت نوره تسوء وهي تشوف الحرمه في السجن وتتكلم معاها وتستميت في اقناع الكل ان امها ماماتت وانها تتكلم معها كل يوم
تم تحويل نوره الي مستشفى الطب النفسي لفحص حالتها العقلية
واتضح انها تعاني مرض نفسي يسمونه الهلوسة البصرية وهو نوع من انواع الامراض النفسيه نتيجه لضغوط نفسيه تخلي المريض يتخيل اناس او اشباح غير موجودين ويتكلم معهم
كانت نوره دائمة البكاء وتصرخ بين الحين والاخر
.
.
في المستشفى
ابونوره باسى : كيف حالك يانوره
نوره : يبه انا خايفه هنا كلهم مجانين ليه حاطيني هنا
ابو نوره : ان شالله ازمه وتعدي
نوره : يبه امي عايشه ليه حابسيني هنا اثرها ما ماتت السم ما اثر بها
ابو نوره وقلبه يعتصر من الالم : لا يانوره امك ماتت وهذي تهئات
نوره : هههههههههههههههههه شف والله ما ماتت هذى بس بسبع ارواح تقول انها اختفت فترة علشان تعاقبني على فعلتي وجت الحين
ابونوره : طيب ليه ما احد يشوفها غيرك ؟؟
نوره : هااا ..
ابو نوره : شفتي انت تتخيلين
نوره : لا لا انا ما اتخيل امي عايشه ياناس والله عايشه >>> بكت نوره << يبه ردها لذمتك وانا اطلع ونرجع نعيش مع بعض حتى يوسف ما ابغاه خلاص بس ابغى نعيش مع بعض
ابو نوره : لا حول ولاقوة الا بالله ..
نوره تعلي صوتها : تحسب اني مجنونه .. انا اصحي منكم كلكم
طلع ابو نوره منها وقلبه يتقطع على بنته اللي استمات يقنع خواتها ان يتنازلون عن حقهم ويعتقونها ولما وافقوا لقاها انجنت ..
نوره : يبه لا تروح قلهم يطلعوني والله مابغى منكم شي ابغى اعيش تري امي ماااااماتت >>>جلست تبكي
ظلت نوره لحالها في الغرفه
العنود : انت ماتدرين ان ابوك مايحبك
نوره : انت جيتي ؟؟؟ ليه ماتطلعين لما احد يجيني ؟؟؟ تبغينهم يقصوني ؟؟ هااا ؟؟ لا انا ظل اقول انك عايشه لين يصدقوني
العنود : هههههههههههههههههههههههههههههههههههههههههههههههههه هههههههه
تصرخ نوره : لاتضحكين ... لاتضحكين انا ماني مجنونه كلكم مجانين انا اكرهكم اكرهكم
في بيت خال مها
هيفا : ناصر ابغى اقول لك خبر ان شالله يفرحك
ناصر : انا افرح لما اشفوك يام سنا وكيف عاد لما يكون عندك خبر حلو
هيفا : هههههههههههه هذا غزل والا ايش
ناصر : غزل وايش كمان ...قولي الخبر يمكن تفرحيني بعد اللي مر علينا
هيفا : انا حامل
ناصر بفرحه : حامل !!
هيفا : لي ثلاث اشهر
ناصر : وينه وين مختفي
هيفا : ههههههههههههههههههه
ناصر : وليه ما قلتي من الاول
هيفا : اول شي الوقت ماهو مناسب ثاني شي انا خايفه يطلع اللي في بطني بنت بعد واخرب فرحتك فيه
ناصر : استغفري ربك يامره هذا رزق من الله واللي يجيبه الله حلو
هيفا : ان شالله الشهر اللي يجي اشوف نوع الجنين
ناصر : الجنين اللي انت امه انا قابله والحمد لله
هيفا : الحمد لله
اسمعوا جرس الباب
ارسلت هيفا الشغالة تشوف من
الشغالة : مدام في هرمه
هيفا : خليها تتفضل في الصاله وانا جاية الحين
الشغاله : تيب
ناصر : اجل انا ابغى استاذن دام جوك ضيوف
هيفا : الله معك ياقلبي
التفت ناصر لها بابتسامه : من زمان ماسمعنا هالكلام
هيفا والحيا مالي وجهها : لاتحرجني
ناصر : ههههههههههههه والله احسب انك نسيتي هالسوالف
هيفا وهي عاقده حواجبها تمثل الزعل : ليه شايفني عجزت ؟؟
ناصر : لا مثل القمر بس الحرمه لاتمل وتطلع
هيفا : ههههههههههههه أي والله خوش معازيب