أنت قدري - الفصل 114 - بقلم لولة الحلوة - مكتملة | روايتك

في السجن دخلت ام صطيف السجن العام ولمحت نوره هناك قربت منها .. ومسكتها من ارقبتها نوره وهي تحاول تتخلص من ام صطيف : اتركينى ام صطيف : انت هنا ياوجه المصايب عشرين سنه وانا اشتغل ما عرف المكان هذا الا من شفت وجهك نوره : اقول انقلعي عني ترى ازهم الشرطه ام صطيف : اول اخلص عليك وذبحك مثل ما خربتي بيتي نوره بصوت عالي : ياشرطه ياناس الحقوني اتركتها ام صطيف ام صطيف : تف عليك وعلى اللي يعرفك جلست نوره بعيد عنها وكانت تعبانه مره جلست جنبها وحده من المسجونات المسجونه : ليه ما احد يزورك نوره بعصبيه : وانت وش عليك المسجونه : انا بس اسال نوره : لا لاتسالين مالك شغل في .. ولا احد له شغل في ام صطيف : اتركيها لا تذبحك ترى هذى اذبحت امها نوره تقوم مندفعه لام صطيف وتمسكه من شعرها : انا ذبحت امي ياساحره من تحت راسك وصارت هوشه كبيره في السجن تدخلت فيها السجانات وفكوا الهوشه وعرضوا نوره وام صطيف على مدير السجن اللي امر بوضعهم في سجن انفرادي ........... في امريكا هدى : انت الحين ليش تبجين مو هذا اللي تبينه؟؟؟....... والله ما عرفنالج !!! مها : انا ابكي على حظي ....يوم رجع يوسف وممكن اني اسامحه ضيع بنتي .. وحط بيني وبينه حاجز من دمها هدى : لكن المسامح كريم يامها ويوسف ما كان صاحى وقتها مها هزت راسها باسي : ما اقدر ..ياهدى خلاص ماقدر هدى : طيب خلاص يلا ننسى .. واللي راح راح ولا يمكن يرجع خلينا نعيش اليوم وباجر دام امس مات بالنسبه لج هزت راسها مها بالموافقه في السجن دخلت نوره الحجرة الانفرادي جلست لوحها .. الخوف مالي قلبها هي ماتحب الاماكن المغلقه ولا تحب تجلس بلحالها فجاءه دخلت عليها حرمه شعرها ابيض ومغطي على وجهها كانها طالعه من قبر نوره وهي تزحف وراء عن الحرمه :انت من ؟؟ السجن هذا انفرادي انت وش دخلك هنا الحرمه بصوت ماتنكره نوره : انا مافي شي يخليك تبعدين عني نوره برعب : يمه !!!! ارفعت الحرمه وجهها وهي تضحك على نوره وكانت فعلا العنود لكن وجهها كان معجز مره وكان عليه غبار نوره برعب شديد : انــــــــ.......ت انــــــــــــ.......ت مـــــــ....ا متى؟؟؟ العنود وهي على نفس الابتسامه اللي ارعبت نوره :انت اللي متى ..انا ها حيه قدامك نوره بأعلى حسها : لاااااااا جت السجانات تركض لها السجانه وهي تشوف الرعب بعيون نوره : وش بك يابنت نوره : انا ماذبحتها ...ههههههههههه تشوفينها حيه >>> وكانت نوره تاشر على مكان فاضي السجانه : مين هي ؟؟ نوره : ذي امي .. شكلها متغير من القبر تراها طلعت وجت السجانه : اجلسي واسكوتي بلا اهبال وين اللي تقولي .. ماني شايفه شي التفتت نوره للمكان مره ثانيه ولقته فاضي وجلست تصرخ : كانت هنا والله كانت هنا الحرمه (العنود) : نوره انا هنا ...>>> كانت بزاويه ثانيه نوره : ها ها شوفي هذي هي يلا طلعوني انا ماذبحتها مشت السجانه عنها : لاحول ولا قوة الا بالله ..انجنت البنت السجانه الثانيه : ما عليك منها حركات مكشوف علشان تهرب من الحكم في بيت يوسف بعد العشاء الضخم اللي وسواه العم احمد ليوسف احمد : الناس كلها فرحانه الكل يقول ان محد صدق ان ذيك الاخلاق على يوسف ام يوسف : الحمد لله ياربي حصه : يوسف وش في .. ليه ساكت يوسف ينتبه : ها ... ابدا .. مافي شي حصه : لافي..... وش في ماعرفك ؟؟؟ يوسف : خيال مدري حلم مدري ايش .. منغص على جلستي ونومي ام يوسف : وش هو ؟؟؟ يوسف : كني ابغي ارمي طفل في يدى بحفر .. وحرمه تجي تقول لاترمي العيل هذا رزقي وكني اعطيه لها .. ولما تمد يدها تاخذه اشوف يدها محترقه بشكل يخوف ..يدها باصبعين ذايبات وكف مشوه مره حصه : اعوذ بالله .. تعوذ من بليس ياخوي هذا من إحساسك بالذنب اتجاه بنتك وزوجتك لكن انت مالك ذنب انت ما كنت بعقلك ام يوسف : لما تجي تبغى تنام اقرى المعوذات محمد : هذي من الشيطان العم احمد : اقول يوسف .. بالنسبه لشغلك وش صار عليه ؟؟ يوسف : ان شالله خير ؟؟ انا راجعت مقر الشركه الأساسي .. وقالوا ان غيابي طول هالفتره خلاهم يحطون بمكاني موظف لكن في احتياج مؤقت بفرع الشركه في مكه ام يوسف : في مكه !! لا ياوليد كفايه علينا البعد نبغاك عندنا هنا اترك الشركه هذي ودورغيرها يوسف : يمه احتياج مؤقت وانقل باقرب فرصه ان شالله محمد : يمه الشركه هذي ممتازه ومركز يوسف فيها كبير انا اقول تصبري شوي علشان يوسف ابتسمت ام يوسف : علشان يوسف كل شى يهون يوسف بإبتسامة رضي : الله يطول عمرك يالغاليه