الفصل الحادي عشر
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم كتفي واكتفائي`*
*❴🔢❵الـــبـــــــــــ❴1️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
🍁🍁 🍁🍁 🍁🍁
شمس جديدة وبداية نهار جديد...
بتصحى سارة من نومها ع أشعة الشمس يلي ضربت بعيونها.. بتطلع حواليها بتلاقي حالها بالصالة، بتقوم بتجلّس قعدتها وهيي عم تتذكر يلي صار قبل بيوم.. بتتنهد بحزن وبتطلع ع غرفتها بتغسل وجهها وبتروح لغرفة الولاد بتلاقيهن لساتهن نايمين.. بتنزل ع المطبخ بتحضّر الفطور وبعدها بتطلع بتصحي الولاد وبتنزل هيي وياهن ليفطروا وأول ما يقعدوا ع الطاولة بيتطلع يزن بسارة وبيقول: ماما وينه بابا؟؟
سارة بتبتسم وبتقول: راح ع شغله حبيبي.. يلا ابدأ بالأكل كرمال ما تتأخر ع الروضة
يزن: حاضر ماما
بيبدأ يزن ياكل وسارة بتصير تطعمي لارا ولما يخلّصوا بتاخدهن ع غرفتهن بتجهزهن وبعدها بتجهز حالها وبتطلع من البيت.. بتركب سيارتها وبتحطهن بالمقعد الخلفي وبتتوجه لبيت عصام
بتوصل بعد مدة، بتنزل من السيارة وهيي عم تحاول ترسم الابتسامة ع وجهها، بتفتح الباب الخلفي وبتساعد لارا تنزل وبتمسك ايدها وبتقول: يزن ابقى هون رح وصّل أختك لجوا وراجعة
يزن: حاضر
بتسكر سارة باب السيارة وبتمشي مع لارا لباب الفيلا وبتدق الباب.. بتفتح فاديا الباب ولارا بتركض بتحضنها مباشرةً وفاديا بتبتسم وبتقول: اهلا وسهلا بحبيبة قلبي
سارة: صباح الخير خالتي
فاديا: صباح النور يا روحي.. ادخلي افطري معنا
سارة: صحتين وهنا.. فطرت وطعميت الولاد وبدي وصّل يزن ع الروضة بلا ما يتأخر
فاديا: وينه حسن؟
سارة: طلع بكير ع شغله.. بتوصيني بشي؟
فاديا: سلامة قلبك حبيبتي... انتبهي وأنتِ عم تسوقي
سارة: انشالله.. سلميلي ع عمو كتير
فاديا: بيوصل
بترجع سارة لسيارتها وبتتوجه لروضة ابنها أما فاديا بتاخد لارا وبتدخل معها لجوا
بتتوجه سارة للشركة بعد ما حطت يزن بالروضة وأول ما توصل بتطلع ع مكتب حسن، بتلاقيه قاعد ورا مكتبه وعم يشتغل باللابتوب قدامه وعم يشرب قهوته ولا كأنه صاير شي.. بتقرب لعنده وبتقول: وين نمت مبارح؟
حسن ببرود: بحب ذكرك أنه هاد مكان عمل ونحنا متفقين نفصل بين زواجنا وشغلنا.. ماهيك؟
سارة بتهمس بانفعال: ممكن لا تتبارد بهالطريقة وتطلع فيي لما أحكي معك؟؟
حسن بيتطلع بسارة وبيقول بهدوء: ممكن تتركيني كفي شغلي؟!
سارة بتتنهد وبتقول بهدوء: حسن خلينا نحكي بهدوء ونحل المشكلة بلا ما تكبر
حسن: أنا يلي عندي حكيته مبارح
سارة بتهمس بحرقة: أنا تجاهلت كل حكيك مبارح وحتى تقليعتك الي من البيت بطريقة غير مباشرة تجاهلتها وحطيتلك عذر إنك معصب ومصدوم من الخبر واجيت لعندك لحتى نحكي وأنت بكل برودة أعصاب بتقلي يلي عندي حكيته!!! شو صا...
بتسكت سارة وما بتكمل كلمتها لما يندق باب المكتب وحسن بيقول بصوت قوي: ادخل
بينفتح باب المكتب وبيدخل أحد المهندسين بالشركة وبيقول: صباح الخير
حسن: صباح النور
المهندس: أستاذ حسن نحنا جاهزين منشان نروح ع موقع المشروع
حسن بيوقف وبيقول: يلا وأنا جاهز (بيتطلع بسارة وبيقول) أنا رايح ع موقع المشروع التاني ومارح أرجع ع الغدا... سلام
بيطلع حسن من المكتب مع المهندس وبيترك سارة مصدومة بتصرفاته وكلامه
🌺 🌺 🌺
بالمستشفى...
بيدخلوا باسل وأسيل ع مكتب باسل.. بيروح باسل بيقعد ع الكنبة وهو عم يقول: لو بقيتِ بالبيت اليوم وارتحتِ ما كان أحسن؟
أسيل بتهمس بخجل: طبعاً لا لأني صرت منيحة
باسل: بس ما أكلتِ شي ع الفطور
أسيل: ما كنت مشتهية شي.. لما جوع باكل شي شغلة من تحت لا تقلق
باسل: ماشي الحال بس إذا حسيتِ ب..
بيقاطع كلام باسل رنة تلفونه.. بيتطلع بالمتصل وبيقول: قسم الإسعاف
بيرد ع التلفون وبيقول: اهلين.. اي.. يلا جاي فوراً
بيسكر باسل الخط وبيقوم بيشلح جاكيته بسرعة وبيلبس مريوله وهو عم يقول: فيه حالة إسعافية رح توصل ع المستشفى وطلبوني لتحت (بيقرب من أسيل وبيبوسها من راسها وبيقول) لما خلّص بتصل فيكِ.. انتبهي على حالك
أسيل: ماشي... وأنت كمان انتبه على حالك
بيطلع باسل من المكتب وبينزل مباشرةً لقسم الإسعاف أما أسيل بتقوم بتلبس مريولها وبتتوجه لقسم الأطفال لحتى تبدأ بجولتها المعتادة برفقة الدكتورة المسؤولة عن تدريبها
بعد حوالي الساعة ونص...
بتخلّص أسيل جولتها مع الدكتورة وبتطلع ع مكتب باسل وبطريقها بتلتقي بعلي.. بتقرب منه وبتضمه وبتقول: صباح الخير أخي
علي بيبتسم وبيقول: صباح النور يا عيون أخوكِ.. شو خلصتِ الجولة؟
أسيل: اي هلق خلصت.. حنين اجت اليوم؟
علي بيمشي مع أسيل وبيقول: اي اجت.. صارت عم تجمع الستاجات بيومين وترتاح باقي الأسبوع بالبيت
أسيل: اي كتير منيح.. وانشالله الحمل مو تاعبها؟
علي بيبتسم وبيقول: الحمدلله لهلق مرتاحة بس بتعرفي الدكتورة نبهتها ترتاح قدر الإمكان أول ٣ شهور
أسيل بتبتسم وبتقول: الله يخلصها بخير وسلامة.. مو مصدقة ايمت رح أحمل بين ايديي ابنك
علي بيضحك وبيقول: ليش قلتِ ابنك مو بنتك؟
أسيل بترد وهيي مبتمسة: ما بعرف حاسة رح يكون صبي
علي بيبتسم وبيقول: صبي أو بنت المهم يكون بخلقة تامة وصحة منيحة (بيحط ايده ع كتف أسيل وبيقول بحنية) ع قبال ما شوف ولادك يا عيوني
أسيل بتهمس بخجل ولبكة: انشالله
بيوصلوا علي وأسيل لمكتب باسل وبيدخلوا لجوا بيقعدوا وعلي بيقول: صحيح أسيل أنتِ عم تعملي الفحوصات الدورية كل ٦ شهور ماهيك؟
أسيل: اي أخي لا تقلق.. آخر فحص عملته من شهرين والحمدلله الوضع لساته ع حاله
علي: يعني مافيه حاجة للجراحة ماهيك؟؟
أسيل: لا الحمدلله الكتلة ماعم تكبر
علي: ألف الحمدلله
🌺 🌺 🌺
قبل وقت الغدا بنص ساعة بتطلع سارة من الشركة وبتتوجه لبيت عصام بعد ما تاخد يزن من الروضة.. بتوصل لعندهن وبتدخل ع الصالة مع فاديا يلي بتسأل باستغراب: شو وينه حسن؟ لا تقليلي كمان اليوم مارح يجي ع الغدا؟؟!!
سارة بتقول بغصة: هو بموقع المشروع.. مارح يجي
فاديا بتطلع بسارة وبتقول: خير سارة شو صاير معك؟
سارة بتطلع بيزن وبتقول: حبيبي خد أختك واطلعوا ع الحديقة الشتوية العبوا يلا حبيبي
يزن: حاضر ماما
بيطلع يزن مع لارا من الصالة وبيقعدوا سارة وفاديا ع الكنبة جنب بعض وسارة بتقول بصوت مخنوق: وينه عمو عصام؟؟
فاديا بتقول والقلق واضح بكلامها: عم يغير تيابه.. لا تشغليلي بالي سارة احكي شبك.. حسن فيه شي؟
سارة بتقول بغصة: لا لا خالتي حسن بخير بس أنا وياه متخانقين
فاديا باستغراب: وشو السبب؟؟
سارة بتصير تبكي بصمت وما بترد وفاديا بتقرب منها وبتضمها وبتقول بحنية: اهدي يا روحي اهدي وفهميني شو صاير بيناتكن؟
قبل ما ترد سارة بيدخل عصام ع الصالة ولما يشوف سارة عم تبكي بيقرب لعندها بلهفة وبيقول بقلق: شبك بنتي ليش عم تبكي؟؟
فاديا: متخانقة هيي وحسن بس ما قالت شو صاير
عصام بيقعد جنب سارة من الجهة التانية وبيقول: بنتي اهدي واحكيلنا شو صاير
سارة بتبعد عن خالتها وبتقول بغصة وهيي عم تمسح دموعها: حسن متغير كتير يا عمي... صرله شهر ماعم يجي يتغدى وحتى المسا بياكل لقمتين وبيروح بيشتغل، لا بيقعد مع الولاد ولا بياخدهن مشوار ولا بيسأل عني ولا بيحكي معي إلا بالشغل (بتغص بدموعها وبتكمل وهيي عم تبكي) أنا تحملت وصبرت وقلت مضغوط بس توصل لدرجة أنه ما عنده خمس دقايق يخصصها الي لخبره إني حامل!!
بتحط سارة ايديها ع وجهها وبتنفجر بالبكي وعصام وفاديا بيتطلعوا ببعض وهني مصدومين وبتقول فاديا وهيي مبتسمة: سارة أنتِ حامل؟!!
سارة بتطلع بخالتها وهيي عم تبكي وبتقول: اي خالتي صرلي اكتر من أسبوعين بعرف وعم حاول خبره وهو كل مرة بيقلي انتظريني لحتى خلّص شغلي وبنام وهو لساته عم يشتغل (بتكمل حكي وهيي عم تكتم شهقاتها ودموعها) وبالأخير لما خبرته عصّب عليي وبهدلني وطلع نام برا البيت
عصام باستغراب: بهدلك ونام برا البيت؟؟ ليش عم يعمل هيك؟
سارة بتهمس من بين دموعها: لأنه ما بدو ولد هلق ولأنه فكرني وقفت حبوب منع الحمل بدون ما خبره بس أنا والله ما وقفته (بتطلع بفاديا وبتقول بصوت مخنوق وهيي عم تبكي) شو أعمل إذا رب العالمين راد يصير حمل؟؟ هو حتى ما عطاني فرصة أشرحله وصار يصرخ عليي وكأني مذنبة وبالأخير قلي روحي لبيت أهلك وطلع من البيت وما رجع
عصام بيقول بغضب مكبوت: نام برا بيته وقلك روحي لبيت أهلك وأنتِ حامل؟؟؟؟ شو صاير لعقله؟ شو مفكر حاله لحتى يتصرف بهالطريقة معك؟!
فاديا: طول بالك عصام.. يمكن انصدم بالموضوع وطلع الحكي بدون قصده
سارة بتمسح دموعها وبتقول: خالتي أنا رحت الصبح لعنده ع المكتب وقلتله خلينا نحكي بهدوء بس هو قال حكي يلي عنده (بتطلع بعمها وبتقول) عمي أنا ما كان بدي كبّر المشكلة وتجاهلت كلامه الجارح وحاولت حل الموضوع بس هو ما رضي نحكي ومع كل هاد أنا ما رحت لبيت أهلي وما خبرت حدا بيلي صار واجيت لعندكن لحتى تنحل القصة بلا ما توصل لباسل لأنه كلنا منعرف أنه باسل مارح يسكت
عصام: ومين قال نحنا رح نسكت؟؟ وحياة عيونك يا سارة ما بيصير إلا يلي بدك ياه وما بقبل إلا يعتذر منك قدام الكل
فاديا بتضم سارة وبتقول بحنية: خلص يا روحي لاعد تبكي.. هي عمك رح يحل الموضوع.. أنتِ اهتمي بحالك وبالولد يلي ببطنك ولا تفكري بشي تاني
سارة بتبتسم بحزن وبتقول: الله يخليلي ياكن ولا يحرمني منكن
عصام بيوقف وبيقول: يلا قوموا جهزوا السفرة ليكونوا وصلوا علي وحنين.. أنا رح اتصل بحسن كرمال يجي لهون ونحكي ع رواق
سارة بتطلع بفاديا وبتقول: علي وحنين جايين ع الغدا؟
فاديا: اي هلق لا تقولي إلا وصلوا
سارة بتتنهد وبتقول: بسببي رح تخرب القعدة.. ياريتني ما اجيت اليوم
فاديا بتبتسم وبتقول بحنية: بالعكس لأنه علي هون منيح يلي اجيتِ.. حسن بيسمع كلمة أخوه وأكيد علي رح يحكي معه ويشرحله غلطه
سارة بتهمس بحرقة: هاد حسن القديم يا خالتي أما هلق حسن صاير شخص تاني وكله بسبب شغله
فاديا: وكلي الله يا بنتي وقومي اغسلي وجهك وبإذن الله كله رح ينحل
سارة بتهمس بحزن: انشالله خير
🌺 🌺 🌺
ببيت غسان...
بعد الغدا بتضب أسيل السفرة وبترتب المطبخ مع سالي ولما يخلّصوا بتطلع كل وحدة ع غرفتها.. بتدخل أسيل ع الغرفة بتلاقي باسل عم يعمل تمارين رياضية ليخفف من تشنج ضهره ورقبته.. بتقرب لعنده وبتقول: عم يوجعك ضهرك ماهيك؟
باسل بيرد وهو عم يحرك رقبته يمين وشمال: لا شوية تشنج بس
أسيل بتقول بحزن: كله بسببي
باسل بيقرب من أسيل وبيمسك وجهها بأيديه وبيقول بحنية: لا تحكي هيك.. طالما أنتِ مرتاحة صدقيني أنا مرتاح
أسيل بتهمس بخجل ولبكة: ومين قلك إني مرتاحة هيك؟!.. لو سمحت باسل خليني..
باسل بيبعد عن أسيل وبيقاطعها وبيقول: مارح خليكِ تنامي ع الكنبة لهيك لا تحاولي ولا تفتحي هالسيرة
بيتوجه باسل للكنبة لحتى ينام بس أسيل بتمسكه من ايده وبتقول بلبكة وخجل: معناها نام جنبي
باسل بيلتفت ع أسيل وبيهمس بدهشة: شو قلتِ!!
أسيل بتترك ايد باسل وبتقول بخجل: خلينا نمشي خطوة صغيرة لقدام يمكن هالشي يساعدني لأنه الهروب مو حل ولا رح يجيب نتيجة
باسل بياخد نفس وبيقول بهدوء: أسيل أنا ما بدي ياكِ تجبري حالك ع شي
أسيل بتهمس بخجل: ماعم أجبر حالي بس هيي محاولة
باسل بيمسك ايدين أسيل وبيقول بحب: بس بتوعديني في حال انزعجتِ تخبريني بصراحة
أسيل بتهز راسها بمعنى اي وبتقول: رح غيّر تيابي
باسل: ماشي
بتدخل أسيل ع الحمام بتلبس بيجامتها ولما تطلع بيكون باسل قاعد بالسرير وساند ضهره لورا.. بتقرب بخجل وبتقعد ع الجهة التانية من السرير وبتتمدد مكانها وباسل بيتمدد جنبها وهو فرحان بمبادرتها وبيحس أنها ممكن تتحسن بفترة قصيرة وبعد مدة بيغلبه النعس وبيغفى وأسيل بتلتفت عليه وبتتأمله وهو نايم وبتقول بينها وبين حالها (شو ذنبك تتعذب كل هالعذاب معي! يارب ساعدني لأتجاوز مخاوفي.. باسل ما بيستاهل يلي عم يصير)... بالأخير بتغفى وهيي عم تفكر بباسل وبوضعها معه
🌺 🌺 🌺
ببيت عصام...
بعد الغدا بيقعد الكل بالصالة وبيطلعوا الولاد ع الحديقة ليلعبوا.. بتحكي فاديا يلي صاير بين حسن وسارة لعلي وعلي بيقول بغضب مكبوت: شو صاير معه لحتى انقلب فجأة؟؟
سارة بتهمس بحزن: ما بعرف.. من شهر لهلق صار كل همه الشغل وبس وأنا والله صبرت كتير بس حاسة طاقتي خلصت وماعد قادرة أتحمل
حنين: طولي بالك سارة أكيد حسن رح يحس بغلطه ويعتذر منك بس يمكن ع ضغط الشغل ماعم يعرف شو عم يقول
علي بيتطلع بعصام وبيقول: بابا اديش صرلك متصل فيه؟؟
عصام: من قبل الغدا.. بدو شي ربع ساعة بيوصل
وبالفعل بعد ربع ساعة تقريباً بيندق باب البيت وبيقوم علي بيفتح وبيرجع ع الصالة هو وحسن وبيسلم حسن ع أمه وأبوه وبيقعد بدون ما يتطلع بسارة أو يحكي معها اي كلمة وهالشي بيخليها تغص بدموعها بس فاديا بتمسح ع ضهرها بحنية وبتطلع بحسن وبتقول: ليش ما سلمت ع مرتك؟؟
حسن ببرود: شفتها الصبح مافيه لزوم للسلام هلق
عصام بجدية: وين نمت ليلة مبارح؟
حسن بيتطلع بسارة بزورة وبيرجع بيتطلع بأبوه وبيقول: شكلها خبرتكن كل شي صار
عصام بحدة: اي نعم خبرتنا بتصرفاتك كلها بس ناطرين نفهم منك سبب هالتصرفات يلي بلا طعمة
حسن بيكز ع أسنانه وبيقول بغضب مكبوت: تصرفاتي بلا طعمة ويلي عملته حضرتها شو اسمه؟؟ ولا ما خبرتكن كيف وقفت مانع الحمل من حالها وبلا علمي مع إني فهمتها أنه حالياً ما بدي ولاد
فاديا بحدة: لو تركتها تشرحلك كنت فهمت أنها ما وقفته بس رب العالمين هيك رايد.. بعدين وصار حمل معقول تبهدلها وتبعتها لبيت أهلها؟؟
حسن بيرد بغضب وصوت عالي: اي معقول طبعاً معقول لأني أنا مو فاضي أهتم لا فيها ولا بالولاد ولا بدكن مني أترك شغلي كرمال اعتني فيها وهيي حامل؟!! أنا شغلي لفوق راسي هالفترة وهيي بتعرف هالشي كتييير منيح ولهيك قلتلها ما بدي ولاد لهالدرجة فهم الموضوع صعب؟؟؟
عصام بحدة: حسن احترم وجودنا وحاج تبهدل وتصرخ
حسن وبيقول بانفعال وصوت عالي: انتو يلي اتصلتوا فيي وطلبتوا مني اجي لنحكي وأنا هاد الحكي يلي عندي وبتوقع أنه هي حياتي الخاصة وما من حق اي حدا منكن يتدخل فيها ويفرض عليي شي... وبحب ذكركن أنا استقريت ببيت لحالي والمفروض تحترموا استقلاليتي وخصوصيتي شوي
بيوقف حسن بغضب وبيكون بدو يطلع من الصالة بس علي بيوقف بسرعة وبيقول بغضب: وين رايح؟؟ أنت حكيت يلي عندك بس نحنا ما حكينا
حسن بيلتفت ع علي وبيقول بغضب: ما بدي اسمع منكن شي لأنه مو من حقكن تتدخلوا بيني وبين مرتي
علي بيقرب لعند حسن وبيوقف قدامه تماماً وبدون سابق إنذار بيضربه بوكس قوي ع وجهه بيتراجع ع أثره حسن عدة خطوات لورا وبيوقف كل الموجودين وهني مصدومين وحتى حسن بيتطلع بعلي والصدمة واضحة ع وجهه وما بيرد بأي كلمة
بيقرب علي من حسن مرة تانية وبيمسكه من صدره بغضب وبيقول وهو عم يكز ع أسنانه: أنت كيف بتحكي مع أهلك بهالطريقة وهالنبرة؟؟؟ مين مفكر حالك لحتى تقلل احترامهن هييييك؟؟؟ (بيكمل كلامه بصوت عالي وغضب) لك مو إذا بتكون متزوج ومستقر ببيت لحالك إذا بيكون ابنك أطول منك ما بسمحلك ترفع صوتك بوجود أمك وأبوك.. عم تفهممم؟؟
عصام بيقرب لعند علي وحسن وبيحط ايده ع كتف علي وبيقول: خلص علي اهدى
علي بياخد نفس وبيترك حسن وبيقول بحدة: مشاكلك أنت ومرتك ماحدا بيتدخل فيها لما حضرتك تقبل تحلها ضمن بيتك وبلا ما تكبّرها بس لما تقلع مرتك لبيت أهلها طبيعي نتدخل لأنه بنات الناس مو لعبة عندك... بحب ذكرك أنه سارة عندها أخ بيحبها قد الدني وبحب ذكرك كمان أنه أخوها هاد بيكون صهرك يلي صاين عرضك وبيحب أختك وشايلها ع كفوف الراحة يا فهمان
حسن بيتطلع بكل الموجودين وبيشوف نظرات اللوم والعتب بعيونهن كلهن وعلي بيكمل كلامه بهدوء وجدية: تفضل روح اقعد ببيتك وعيش الاستقلالية والاستقرار يلي بدك ياه لحالك وفكر بهدوء و ع رواق بالشي يلي عملته.. في حال حسيت إنك غلطان وحبيت تعتذر فباب هالبيت مفتوح ومرتك هون معززة مكرمة ببيت عمها بتعتذر منها وإذا سامحتك بتقدر تاخدها وبعدها بتعتذر من أبوك وأمك أما غير هيك لا تخليني شوفك أبداً لا هون ولا بالحي كله
حسن بيمسح الدم يلي نزل من تمه بأيده وبيطلع من الصالة بسرعة ليهرب من نظرات العتب الموجهة اله.. بيركب سيارته وبيسند راسه ع المقود وهو عم يفكر بكل شي صار وبكلام علي وبيهمس بضياع: أنا شو أعمل؟ كرمال شو عم أعمل هيك وعم أخرب بيتي بأيدي؟ (بيحط ايديه التنين ع المقود وبيشد عليه بقهر وبيقول) كله بسبب هالتحدي السخيف يلي دخلت فيه بس لهون وبس.. أنا مستحيل عيش بدون سارة.. أنا بحبها والله بحبها ولازم صلّح يلي صار
بيرفع راسه وبياخد نفس عميق وبيزفر بهدوء وبينزل من السيارة وبيتوجه لباب الفيلا بس قبل ما يدق الباب بيشوف سيارة آدم متجهة لقدام الفيلا وبتوقف ورا سيارته وبينزل آدم منها وبيقول: مرحبا أخي
حسن: اهلين.. اجيت بوقتك افتح الباب
آدم باستغراب: ليش ما بتدقه؟؟
حسن: قصة طويلة افتح خلصني
بيفتح آدم الباب بمفتاحه وبيدخل وبيطلع ع غرفته مباشرةً أما حسن بيتوجه للصالة وهو حاسس بالخجل من حاله بسبب الشي يلي عمله.. بيدخل لجوا وبيتطلع بكل الموجودين وبيلمح سارة قاعدة جنب أمه عم تبكي ع كتفها بصمت والباقي ساكتين وأول ما يشوفه علي بيقول بحدة: اجيت تكمل تجريح وإهانات؟؟
حسن بينزل راسه بخجل وبيقرب لعند أخوه بسرعة بينحني وبيمسك ايده وبيبوسها وبيقول: سامحني أخي أنا قللت أدب معك ومع أبي وأمي بس والله ما بعرف كيف طلع معي هالحكي
بيتطلعوا الكل ببعضهن والبسمة الممزوجة بدهشة مرسومة ع وجوههن وبيقوم علي بيوقف وبيحاوط كتاف حسن وبيقول: أنت غلطت بحق حالك قبل ما تغلط بحق حدا من الموجودين والسماح مو مني لازم تطلبه (بيأشر ع سارة وبيقول) السماح بينطلب من مرتك يلي كلنا منعرف إنك بتحبها كتير بس شو يلي صاير لعقلك لحتى عم تعاملها هيك ماحدا بيعرف
حسن بيتطلع بسارة وبيشوفها عم تبكي والحزن واضح عليها وبيحس أنه هي أول مرة بيشوفها بكل هالحزن وبينقبض قلبه بقوة لأنه هو سبب هالدموع.. هو بيحبها كتير ومن لما تزوجوا وهو مبسوط معها.. بياخد نفس وبيقرب من أبوه وبيقول بحرج: بابا أنا آسف.. أنا رفعت صوتي بوجهك بس والله ما كنت منتبه ع حالي شو عم أعمل (بيمسك ايد أبوه بيبوسها وبيقول) بعتذر كتير ع يلي صار
عصام بيحط ايده ع كتف حسن وبيقول: مافيه حدا ما بيغلط بس المهم نعرف كيف نصلح غلطنا بسرعة قبل ما يفوت الأوان
حسن بتنرسم ابتسامة خفيفة ع شفافه من كلام أبوه وبيتوجه بعدها لعند أمه يلي بتقول مباشرةً: قبل ما تصالح مرتك لا تفكر مجرد تفكير إنك تعتذر مني لأنها إذا ما سامحتك أنا مارح أقبل اعتذارك
حسن بيلتفت ع علي وبيتطلع فيه وبدون ما يحكي اي كلمة علي بيفهم عليه شو بدو لهيك بيأشر براسه لأمه وأبوه وبيمسك حنين من ايدها وبينسحب الكل من الصالة ليبقى حسن مع سارة لحالهن... بيقرب حسن من سارة وبيقعد قدامها ع الأرض وبيهمس بحزن: سارة اتطلعي فيي
سارة بتكون منزلة راسها وعم تبكي بصمت وحسن بيمسك وجهها بأيديه وبيخليها تطلع فيه ولما يشوف نظرتها الحزينة المكسورة بيرجف قلبه وبيوقف بسرعة وبيخليها توقف معه وبيضمها بقوة وهو عم يهمس بحزن: أنا آسف آسف كتير ع كل شي عملته.. والله العظيم ما بعرف كيف عملت هيك وحكيت معك بهالطريقة بس ما كنت بوعيي وكلام علي هو يلي خلاني اصحى ع حالي
سارة بتكون عم تبكي ع صدر حسن وما بترد بأي كلمة بس حسن بيبعدها عنه شوي وبيتطلع بعيونها وبيقول بحب: أنا بحبك سارة والله بحبك ومافيي عيش بدونك.. أنتِ حبيبتي ومرتي وأم ولادي (بيطبع قبلة طويلة ع جبينها وبيهمس بأسف) سامحيني سارة.. أنا غلطت بحقك وكله بسبب تحدي سخيف من شخص تافه وأنا قبلته وانشغلت عنك وعن الولاد بسببه بس أنتِ بتعرفي أنه ما بيهون عليي زعلك ودموعك
سارة بتهمس بحرقة من بين شهقاتها: بس هالمرة هنت عليك يا حسن لدرجة تنام برا بيتك وتقلعني لبيت أهلي وترفض حملي
حسن بتنزل دمعة ع خده وبيهمس بقهر: لا تحكي هيك سارة أنا كان معمي ع قلبي بس والله ما بقصد الكلام يلي قلته (بيمسك ايدين سارة وبيقول) لما علي ضربني حسيت بحجم الغلط يلي ارتكبته ولما طلعت لبرا وقعدت بالسيارة فهمت إني عم أخرب بيتي وعم أخسرك كرمال شي تافه (بيحط ايد سارة ع صدره بجهة قلبه وبيهمس بحب) أنتِ مكانك هون... وإذا قلتلك تطلعي من البيت فمستحيل تطلعي من هون
سارة بتسحب ايدها وبتهمس بحزن: والولد يلي ما بدك ياه؟؟
حسن بيبتسم ابتسامة خفيفة وبيقول: كيف يعني ما بدي ياه.. ليش أنتِ جبتيه لحالك؟؟
سارة بتضرب حسن ع صدره بقبضة ايدها وبتهمس بانفعال بسيط: عم تخفف دم يعني؟!
حسن بيبتسم وبيسحب سارة لحضنه من جديد وبيبوسها من راسها عدة مرات وبعدها بيخليها تبرم لحتى يصير ضهرها لصدره.. بيقربها منه وبيمسك ايديها التنين وبيحطهن ع بطنها وهو ماسكهن وبيهمس جنب ادنها بحب: هي هدية من رب العالمين النا وبفضلها أنا صحيت ع حالي.. أنا أهملتك كتير آخر فترة وأنتِ صبرتِ عليي بس بفضل هالولد يلي ببطنك قررتِ تحكي يلي بقلبك (بيرجع بيفتلها لعنده وبيتطلع بعيونها وبيقول بأسف) أنا فعلاً كان معمي ع عيوني وقلبي ومو شايف إلا شغلي بس بوعدك أرجع حسن يلي حبيتيه.. حسن القديم يلي كان كتفك بكل وقت.. حسن يلي ما بيقدر ينام إلا وأنتِ معه (بيمسك وجهها وبيهمس بحب) مبارح ما نمت.. كل الليل وأنا عم لف بالسيارة بضياع لأنك مو معي
سارة بتبتسم من بين دموعها وبتهمس: وإذا ما كنت قد وعدك؟؟
حسن بيبتسم لما يشوف ابتسامة سارة وبيطبع قبلة رقيقة ع شفافها وبيحط جبينه ع جبينها وبيهمس بحب: أنتِ ابقي جنبي وعم تضحكي وأنا بوفي بوعدي ولو على موتي
سارة بتهمس بحب: بعيد الشر عنك.. أنا ما بدي شي إلا إنك ترجع حسن الحنون يلي عرفته
حسن بيمرر ايده ع خد سارة وبيقول: سامحتيني؟
سارة بتبتسم وبتقول: لو ما رجعت مباشرةً لتصلح غلطك ما كنت سامحتك بهالسهولة
حسن بيبتسم براحة وبيطبع قبلة طويلة ع شفافها ولما يبعد عنها بتحط راسها ع صدره وبتهمس بخجل: بحبك
حسن بيضم سارة بقوة وبيقول: الله لا يحرمني منك
🌺 🌺 🌺
حوالي الساعة ٤ بيصحى باسل من نومته وبيبتسم ابتسامة رضا لما يلاقي أسيل نايمة وراسها ع صدره وشعرها مبعثر بعشوائية وقسم منه ع وجهه.. بيحس الفرحة غمرت قلبه من قربها منه وبيبقى ع وضعيته حتى ما يزعجها
بعد مدة قصيرة بتفتح أسيل عيونها ببطء وبتطلع حواليها وبتحس خدودها اشتعلوا من شدة خجلها لما تستوعب أنها نايمة ع صدر باسل وبتقول بينها وبين حالها (انشالله يكون باسل لساته نايم).. بترفع راسها بهدوء وهيي خجلانة وبيزيد خجلها اكتر لما تسمع باسل عم يقول: صح النوم
بتقوم أسيل بتقعد بالسرير وبتهمس بخجل بدون ما تطلع بباسل: الله يصحي بالك
باسل بيجلّس قعدته بالسرير وبيبتسم ع خجل أسيل وبيقول: انشالله نمتِ منيح؟؟
أسيل بتهمس بخجل: اي نمت بس يمكن ما تركتك تنام براحة
باسل بيمسك وجه أسيل وبيخليها تطلع فيها وبيهمس بحب: هي أحلى وأريح نومة بنامها بكل حياتي
أسيل بتقوم بخجل وبتنسحب بسرعة ع الحمام لحتى تهرب من قدام عيون باسل وهيي حاسة قلبها رح يطير من محله أما باسل بيكون مبسوط وحاسس قلبه عم يدق بقوة وبعد دقيقتين بتطلع أسيل من الحمام وبتهمس بخجل: أنا رح اسبقك لتحت
باسل بيوقف وهو عم يقول: لا انتظريني خمس دقايق ومننزل سوا بس لغير تيابي
أسيل بتهز راسها بمعنى اي وبتروح بتوقف قدام المراية لحتى تعمل شعرها ضفيرتين وباسل بيدخل ع الحمام وبعد دقيقتين بيطلع وهو لابس بنطلون أسود بلا بلوزة وبيقول بحيرة: أسيل بلوزتي البيضا وين؟؟
أسيل بتطلع بباسل لحتى تجاوبه بس لما تشوفه بلا بلوزة وتشوف جسمه الرياضي بتنصدم وبتخجل وبتنزل راسها بلبكة وبتهمس وخدودها حمر: مرت عمو حطتها بالغسيل اليوم
باسل: اممم بسيطة
بيتوجه باسل للخزانة وبياخد بلوزة تانية لونها رمادي بيلبسها وعينه ع أسيل يلي كانت عم تدوب من خجلها ولما يخلّص لبس بيقول وهو مبتسم: يلا خلينا ننزل
أسيل بخجل: يلا
بينزلوا باسل وأسيل سوا ع الصالة وبيكونوا غسان ورانيا وسالي قاعدين عم ياكلوا فواكه... بيقعدوا معهن شوي وبعدها بيروح باسل ع المستشفى مع غسان
الجزء التاسع:
المسا بعد العشا بيروحوا غسان وفاديا وأسيل وسالي لبيت عصام وبيكونوا سارة وحسن وعلي وحنين موجودين وسارة بتخبر أهلها بموضوع حملها والكل بيفرحلها كتير وباسل بيضمها بحنية وبيقول: ألف مبروك يا عيوني... الله يرزقك الخلقة التامة السليمة ويخليلك يزن ولارا ويفرحك فيهن يارب
سارة بيدمعوا عيونها وبتقول: الله يخليلي ياك يا باسل وانشالله بشوف ولادك عن قريب
الكل: آمين
بتقعد سارة جنب حسن يلي بيمسك ايدها وبيبوسها بحب وبيتطلع بالكل وبيقول: أنا بدي أعتذر من سارة قدامكن كلكن.. أنا بعترف إني غلطت بحقها وانشغلت عنها وعن ولادي بسبب شي تافه وسخيف بس الحمدلله علي صحاني بالوقت المناسب (بيتطلع بسارة وبيقول بحنية وحب) أنا آسف مرة تانية وبوعدك ماعد يتكرر يلي صار أبداً
غسان: كنتو متخانقين يعني؟!
حسن: هيك شي بس انحلت الحمدلله
باسل بيتطلع بسارة وبيقول بجدية: شو سارة؟ انحلت أكيد؟؟
سارة بتبتسم وبتقول: اي أخي انحلت لا تقلق
علي بيوجه كلامه لحسن وبيقول: بس أنا لهلق ما فهمت شو كان صايرلك لحتى ركضت ورا شغلك بهالطريقة العميا هي؟؟
حسن بيتنهد وبيقول: واحد تافه من شركة منافسة تحداني أنهي المشاريع التلاتة يلي استلمتها شركتنا قبل الوقت المحدد بشهر وأنا قبلت التحدي وبسببه صار ليلي ونهاري عبارة عن شغل
فاديا: الله يصلحك ويهديك يا حسن يعني مستاهلة تزعل مرتك كرمال هيك شي؟
حسن: الله يلعن الشيطان.. انعمى ع قلبي وقبلت
أسيل: المهم عرفت غلطك وتصالحت أنت وسارة
حسن بيقرب سارة منه وبيبوس راسها وبيقول: اي ألف الحمدلله
بعد مدة قصيرة بتقوم أسيل مع فاديا ع المطبخ بيجهزوا الشاي وبيرجعوا بيكملوا السهرة كلهن سوا وباسل بيخبر الكل أنه حمزة وأبوه وأخوه ومرت أخوه رح يجوا يطلبوا سالي بنهاية الأسبوع (أمه لحمزة متوفية)
🍁🍁 🍁🍁 🍁🍁
بعد مرور شهر....
قبل وقت الغدا بيوصل غسان ع البيت وبيدخل وهو عم ينادي: رانيا يا بنات وينكن؟
رانيا بتطلع من المطبخ وهيي عم تقول: اهلين غسان الله يعطيك العافية
غسان: الله يعافيكِ... شو وين البنات وباسل؟
رانيا: أسيل جوا عم تساعدني بالغدا وسالي راحت مع حمزة وأخته مايا يتغدوا وباسل لساته نايم من بعد ما رجع من المناوبة
غسان: الغدا مطول؟
رانيا: لا اطلع غير تيابك بتكون جهزت السفرة
غسان: ماشي
بيطلع غسان ع غرفته وبترجع رانيا ع المطبخ، بتطلع بأسيل وبتقول: بنتي اطلعي صحيه لباسل
أسيل: حاضر مرت عمو
بتطلع أسيل ع غرفتها وبتدخل بهدوء بتقعد ع طرف السرير جنب باسل وقبل ما تناديه بتنتبه لجماله بدقنه الخفيفة المحددة بترتيب وشعره الأسود ورموشه الكثيفة وبتصير تتأمله وهو نايم وباللا شعور بتبتسم ابتسامة هادية وبتقرب لحتى تاخد قبلة من خده بس خلال ثواني بيحمروا خدودها وبتتسارع دقات قلبها لما يقول باسل وهو مغمض عيونه: مطولة كتير وأنتِ عم تتأمليني
أسيل بتشهق وبتبعد عن باسل بسرعة وبتهمس بلبكة وخجل: بسم الله من ايمت فايق؟؟
باسل بيفتح عيونه وبيبتسم وبيقول: من لما دخلتِ ع الغرفة
أسيل بتهرب بعيونها من باسل وبتقوم وهيي عم تقول بخجل: الغدا جاهز
بتفتل أسيل لتروح بس باسل بيمسكها من ايدها وبيخليها تقعد جنبه وبيقول بحب: فيي اطلب طلب صغير؟
أسيل بتهمس بخجل: شو هو؟
باسل بيأشر ع خده وبيقول: بوسة وحدة.. معقول ما بيطلعلي!!
أسيل بتفلت من بين شفافها ضحكة صغيرة وبتقرب بخجل من باسل وبتطبع قبلة لطيفة ع خده وبعدها بتقوم بسرعة وهيي خجلانة وبتطلع من الغرفة أما باسل بيبتسم وبيقوم بيغسل وجهه وبيلحقها
🌺 🌺 🌺
بمطعم مطل ع الساحل...
قاعدين حمزة وسالي ومايا عم يتغدوا.. بيرن تلفون حمزة وبيفتح الخط وبيقول: اهلين حازم
حازم: كيفك حمزة شو أخبارك
حمزة: الحمدلله بخير أنت كيفك
حازم: الحمدلله بس لازم شوفك ضروري وبسرعة
حمزة بقلق: خير شو القصة؟ حدا صايرله شي؟
حازم: لا لا بس بدي مساعدتك.. وينك أنت بالمكتب؟؟
حمزة: لا أنا عم اتغدى مع سالي وأختي بس إذا الموضوع مستعجل ببعتلك الموقع وبتجي لهون
حازم: ياريت لأنه الموضوع ما بيتحمل انتظار أبداً
حمزة: ماشي رح ابعتلك الموقع.. سلام
حازم: سلام
بيسكر حمزة الخط وسالي بتسأل بفضولها المعتاد: خير صاير شي؟
حمزة بيرد وهو عم يبعت الموقع: ما بعرف قال عايزني بموضوع ضروري
بيبعت حمزة الموقع لحازم وبعدها بيرجعوا بيكملوا أكلهن وهني عم يتحدثوا... بعد ربع ساعة بيوصل حازم ع المطعم وبيقرب لعند حمزة وبيقول: مرحبا
الكل: اهلين
حمزة: تفضل اتغدى معنا
حازم: صحة وهنا وبعتذر كتير ع الإزعاج بس فعلاً الموضوع ضروري
حمزة: ولا يهمك (بيوقف وبيقول) عن إذنكن صبايا كملوا غداكن رح أقعد مع حازم ع الطاولة التانية
سالي: خدوا راحتكن
بيروحوا حمزة وحازم بيقعدوا ع الطاولة المقابلة لطاولة سالي ومايا وبيطلب حمزة فنجانين قهوة وبيقول: اي حازم خبرني شو صاير معك؟
حازم بيتنهد وبيقول: بصراحة يمكن يكون فيه مصيبة من ورا حكيي بس مع هيك مافيي اسكت ولا أتدخل
حمزة: احكي بوضوح خليني افهم شو صاير
حازم: فيه شب اسمه مازن بعرفه من أيام الجامعة لأنه كان يشتغل بكافيه قبال الجامعة وكانت علاقته قوية مع أغلب طلاب الجامعة لأنه كتير محترم وقلبه طيب وأنا كنت اتردد كتير ع الكافيه وصرنا صحبة نوعاً ما وعرفت أنه بعد البكلوريا صار يشتغل كرمال يطالع مصروفه (بيشرب شفة مي وبيكمل) من يومين اتصل فيي وطلب مساعدتي لأنه أخته وقعت وانكسرت ايدها وطلب مني روح شوفها لأنه مامعه مصاري ياخدها ع المستشفى وبالفعل رحت ع العنوان يلي عطاني ياه بس يلي شفته كان اكبر بكتير من مجرد وقعة وكسر ايد
حمزة باستغراب: شو قصدك؟؟
حازم بقهر: أول شي البنت عمرها ٢٠ سنة وبتكون مرت أبوه مو أخته
حمزة بصدمة: مرت أبوه؟؟!!
حازم: اي مرت أبوه... وأبوه تزوجها لما كان عمرها ١٥ سنة ومن وقتها عم يعنفها ويضربها وحتى أنه اعتدى عليها وحملت منه اكتر من مرة بس نتيجة الضرب كان يصير إجهاض ولما رحت أفحصها كانت ايدها مكسورة وعندها نزيف لأنها وقعت ع ضهرها لما ضربها وأجهضت
حمزة بيقول وهو لساته مصدوم: لحظة لحظة روق عليي شوي خليني أستوعب.. شو عمر مازن وشو عمر أبوه؟؟
حازم: مازن عمره بحدود ال ٢٥ سنة يمكن يعني أبوه بدو يكون بأواخر الخمسين.. وأنا عم افحصها حكتلي أنه أبوها جبرها ع الزواج وصرلها ٥ سنين محبوسة بالبيت و ع طول عم يضربها وطلبت مني ساعدها (حازم بيتنهد وبيكمل) وأنا من لما صارت هالقصة ماعم أعرف نام الليل.. البنت ترجتني ساعدها وخلصها من هالحياة وحالتها فعلاً صعبة لأنه جسمها صغير وماعم تتحمل كل هالضرب
حمزة: وهاد الشب مازن شو موقفه بكل هالموضوع؟
حازم: مازن مو طالع بإيده شي وواضح أنه بيخاف من أبوه كتير وحتى خبرني أنه أبوه يلي منعه يدرس بالجامعة وجبره يشتغل وكل المصاري أبوه عم ياخدها منه وهو عنده رعب من أبوه وما بيتجرأ يوقف بوجهه ولا بيتجرأ يتدخل بينه وبين مرته
حمزة: وأبوه وين كان لما رحت تعالج البنت؟
حازم: مسافر برا المدينة لهيك مازن استغل الفرصة وحكي معي لأنه البنت صرلها ٣ أيام عم تتوجع من ايدها ومافيها عم تحركها
حمزة: طالما مسافر ليش ما بيفكر مازن يساعدها تهرب وتلجأ للشرطة؟
حازم: لأنه أبوه تارك حراسة ع باب البيت وأنا لما رحت ع البيت كان مازن ناطرني بالجهة الخلفية ودخلنا بهدوء بدون ما نطالع أي صوت وطلعت بنفس الطريقة
حمزة: لا حول ولا قوة إلا بالله.. شو هالزلمة هاد!! ما عنده ضمير أبداً؟؟
حازم: أنا من لما رجعت من عنده وعقلي ما وقف عن التفكير... كيف فيه يعمل بهالبنت هيك ماعم أستوعب.. لهلق صوت بكاها عم يتردد براسي ولسا منظر مازن ماعم يروح من بالي أبداً.. كتير حالته بتزعل وهو حاسس بالعجز وماعم يقدر يعمل شي
حمزة: وأمه لمازن وينها؟؟
حازم: توفت من كم سنة
حمزة: خلص أنا رح حاول حل الموضوع بس بدي اسم أبوه لمازن الكامل واسم البنت كمان إذا بتقدر تجيبه
حازم: اسم أبوه مصطفى محمد محمد واسم ال..
حمزة بيقاطع كلام حازم وبيقول بدهشة: العميد مصطفى!!!!!
حازم باستغراب: بتعرفه؟؟!!
حمزة بيقول وهو لساته تحت تأثير الصدمة: بعرف عميد سابق بنفس الاسم بس ما بعرف إذا كان نفس الشخص أو لا
حازم: إذا بدك بتصل بمازن وبسأله
حمزة: اي ياريت
حازم بيتصل بمازن وبعد اكتر من رنة بيرد مازن، وحازم بيسأله عن شغل أبوه ولما تخلص المكالمة بيتطلع بحمزة وبيقول: اي كان عميد بس توقف عن شغله من حوالي السنتين
حمزة: معناها نفسه... هاد انسحبت رتبته منه ومنعوه يزاول المهنة بسبب شغله الغير القانوني وفساده
حازم: معناها مو غريبة عليه هيك أفعال
حمزة: لا مو غريبة.. هاد ماعنده قلب ولا بيعرف الرحمة وكل الناس بتعرف أنه هو يلي تسبب بموت مرته من ٧ سنين وهالقصة سمعتها من أبي وأخي كريم لأنه كانوا بيعرفوه اكتر مني
حازم: يا حرام يا مازن ع هالحياة يلي عاشها (بيتنهد بحسرة وبيقول) هالحياة شو فيها ظلم وقصص غريبة وبتوجع... الله يكون بعون كل مظلوم
حمزة: آمين.. بكل الأحوال أنا رح شوف كيف بقدر أتدخل بالموضوع وانشالله نقدر نخلّص هالبنت من ايدين هالمجرم قبل ما يأذيها اكتر
حازم: انشالله (بيوقف وبيقول) أنا رح امشي بلا ما عطلك اكتر وكتير آسف لأني خربت مشواركن
حمزة: له يا حازم بزعل منك.. نحنا أهل وعيلة وحدة
حازم بيبتسم وبيقول: وأعز انشالله.. يلا بالإذن
حمزة: إذنك معك... سلّم كتير للوالد وعمار
حازم: بيوصل انشالله.. سلام
حمزة: الله معك
🌺 🌺 🌺
بعد الغدا....
بتخلّص أسيل شغلها بالمطبخ وبتطلع ع غرفتها، بيكون باسل قاعد وقدامه اللابتوب.. بتسكر الباب وبتقول: رح ترجع تنام؟؟
باسل: لا ما بتوقع... نمت ٦ ساعات حاجتي.. أنتِ بدك تنامي؟
أسيل: اي رح نام شوي.. حاسة حالي نعسانة
باسل: نوم الهنا بس لا تنسي الساعة ٥ رح نروح لبيت علي
أسيل: اي حاكاني علي منشان نجتمع عندهن نحنا وحسن وعمار.. مارح حط منبه أنت صحيني الساعة ٤
باسل: تكرمي
بعد ساعة وربع....
بيقرب باسل وبيقعد ع طرف السرير وبيحط ايده ع راس أسيل بحنية وبيقول بهدوء: أسيل يلا يا عمري قومي
أسيل بتفتح عيونها وبتهمس بنعس: يلا قايمة
باسل بيبوس أسيل من راسها وبيقول: أنا رح ألبس وأسبقك لتحت.. ماشي؟
أسيل بتفرك عيونها بنعس وبتقول: ماشي
بيدخل باسل ع القسم المخصص للملابس، بيغير تيابه ع السريع وبينزل ع الصالة أما أسيل بتدخل ع الحمام لتاخد دوش وتجهز حالها
تحت بالصالة بيكون باسل قاعد مع أمه وأبوه عم ياكلوا فواكه متل ما تعودوا.. بيمر الوقت وهني عم يتحدثوا وبعد حوالي النص ساعة بيتطلع باسل بساعة اليد يلي لابسها وبيقول: كأنها أسيل تأخرت
رانيا: اي صح مافيه بالعادة تتأخر باللبس هيك
باسل بيوقف وهو عم يقول: رح اطلع شوفها
بيطلع باسل من الصالة وبيتوجه لغرفته، بيفتح الباب وبيدخل بتكون أسيل واقفة بقسم الملابس ولافة المنشفة ع جسمها وشعرها عم ينقط مي وأول ما تسمع صوت الباب بتلتفت بلبكة ولما تشوف باسل قدامها بتجمد بأرضها من هالموقف يلي انحطت فيه وبتلوم حالها كيف نسيت تاخد تيابها ع الحمام
ولأول مرة باسل بيضعف قدام أسيل وبيتصرف بدون تفكير وبيصير يقرب منها وهيي ترجع لورا لحتى تلزق بالحيط... بيوقف قدامها تماماً وبيحط ايديه ع خصرها وبيشدها لعنده وهيي بترجف بين ايديه وبتهمس بتوتر وخجل: ب.باسل شو صرلك!!
باسل بيهمس بحب وهو عم يتطلع بعيونها: ولسا عم تسألي أسيل!!
بيقرب باسل اكتر من أسيل وبيكون رح يطبع قبلة ع شفافها بس بيصحى ع حاله بآخر لحظة لما يحس برجفتها زادت وبيشوفها كيف غمضت عيونها وتسارع نفسها... بيبعد عنها بسرعة وبيهمس بارتباك: أ.أنا أنا آسف.. بعتذر ما كان قصدي أتجاوز حدي
بيطلع باسل بسرعة من الغرفة وهو عم يلوم حاله ع تصرفه بهالطريقة.. بيتوجه لصالة الجناح وبيقعد ع الكنبة وبيمسح وجهه بكف ايده بتوتر وبياخد نفس عميق ليحاول يطفي النار يلي شعلت بقلبه.. حاسس بالندم والخوف من أنها أسيل تنفر منه وبنفس الوقت مقهور ع حالته.. هو بيحبها وهيي قدامه كل الوقت وقريبة منه بس بنفس الوقت بعيدة كتير
أسيل بتدخل ع الغرفة وبتقعد ع السرير وهيي حاسة بالضياع وبمزيج مشاعر مخربطة.. بتحط ايدها ع قلبها وهيي حاسة دقاته عم تزيد وتزيد وبتحس بحرارة خدودها زادت وهيي عم تتذكر لحظة قرب باسل منها... بتحط ايديها ع وجهها من شدة خجلها لما تستوعب أنه شافها بالمنشفة وبتقوم بسرعة بتلبس تيابها ولما تخلّص بتوقف قدام المراية لتلف حجابها وبتطلع بصورتها ع المراية وبتتنهد بحسرة لما تتذكر كيف باسل بعد عنها بسرعة واعتذر منها وطلع وبتهمس بحرقة: شو ذنبه هو ليتعذب معي هيك؟؟ معقول فكرني خفت لهيك بعد عني بسرعة!! ياربي شو بدي اعمل!!
بتاخد نفس عميق لتهدي حالها وبتكمل لبس ع السريع وبتطلع من الغرفة ولما تمر من عند الصالة بتشوفه قاعد ع الكنبة وساند راسه لورا ومكتف ايديه ومغمض عيونه.. بتدخل بهدوء لجوا الصالة وبتقرب بتقعد جنبه وبتهمس بخجل ولبكة: أنا جاهزة
باسل بيفتح عيونه وبيتطلع بأسيل وبيقول بارتباك: يلا خلينا نمشي
بيقوم باسل وبيطلع من الصالة وأسيل بتمشي وراه وبينزلوا سوا، بيودعوا أمه وأبوه وبعدها بيطلعوا من البيت وبيتوجه باسل للسيارة بس بيوقفه صوت أسيل لما تقول بلبكة: خلينا نروح مشي.. الطقس حلو وخرج نمشي مشوار
باسل بيتطلع بأسيل وبيقول: اي يلا تفضلي
بيمشوا باسل وأسيل سوا وكل واحد سرحان بأفكاره.. باسل عم يحاول يرتب كلماته لحتى يعتذر من أسيل وبنفس الوقت بدو يحاول يعرف إذا هيي زعلانة منه أو لا... وأسيل عم تفكر كيف بدها تفهّم باسل أنها خجلت منه وما خافت بس التفكير بالحديث لحاله كان كافي لتخجل وتتراجع
بيقطع ع أسيل سلسلة أفكارها صوت باسل لما يقول بارتباك واضح: أسيل أنا كتير آسف ع يلي صار.. ما بعرف كيف عملت هيك.. بتمنى تنسي يلي صار ولا تخلي الحاجز بيناتنا يرجع بسبب هالموقف
أسيل بتهمس بخجل ولبكة: باسل أنا مستحيل انسى كل تضحياتك كرمالي بسبب موقف واحد (بتوقف وبتقول بحرقة) أنت عم تتحمل فوق طاقتك وعم تعمل كل شي بتقدر عليه لحتى كون مرتاحة وأنا مقدرة هالشي لهيك انسى يلي صار ولا تفكر فيه
باسل: يعني أنتِ مو زعلانة مني؟!
أسيل بتبتسم ابتسامة لطيفة وبتهمس بخجل: لا مو زعلانة
باسل لما يلمح ابتسامة أسيل بتنرسم البسمة ع شفافه وبتلمع عيونه بفرح وأسيل بتمسك ايده وبتهمس بخجل: خلينا نمشي بلا ما نتأخر
باسل بيشد ع ايد أسيل وبيقول وهو مبتسم: يلا
بيوصلوا باسل وأسيل لبيت علي وبيفتح علي الباب بيسلموا عليه وبيدخلوا سوا ع الصالة.. بيسلموا ع حسن وسارة وبتسلم أسيل ع حنين وبيقعدوا وعلي بيحس أنه باسل وأسيل مو ع طبيعتهن وبيقرر يسأل أسيل لما تصير الفرصة مناسبة
بعد مدة بيوصلوا عمار ولانا وبيقوموا الصبايا ع المطبخ لحتى يعملوا القهوة والكيك وعلي بيقوم وراهن مباشرةً وبينادي لأسيل وبياخدها ع غرفة الضيوف وبيسكر الباب وأسيل بتسأل وهيي مستغربة: خير أخي شو فيه؟؟ شغلت بالي
علي بيقعد وبيقول وهو مبتسم: مافيه شي بس بدي احكي معك شوي
أسيل بتقعد جنب علي وبتقول: عن شو؟؟
علي بيتنهد وبيقول: عنك أنتِ وباسل.. من لما دخلتوا وانا حاسس فيكن شي مو طبيعي.. صاير معكن شي؟ متخانقين؟؟
أسيل بتتلبك وبتقول: لا مو صاير شي.. شو بدو يصير!
علي بيحط ايده ع ايد أسيل وبيقول بتردد: أسيل أنا بعرف أنه لهلق زواجك أنتِ وباسل ع الورق بس وأنه لسا ما قرب منك ولا تمم زواجه منك
أسيل بتتوسع عيونها من صدمتها بكلام علي وبتبقى ساكتة مدة وبعدها بتهمس بدهشة: هو خبرك؟!!!!
علي بيهز راسه بالنفي وبيقول: لا هو حاول يخبي عني بس باسل ما بيعرف يكذب.. من لما أقنعك تلغي فكرة تأجيل العرس عرفت أنه وعدك يكون الزواج شكلي ولما رجعتوا من شهر العسل سألته وحاول يكذب بس ما قدر
أسيل بتنزل راسها بخجل ولبكة وعلي بيكمل كلامه وبيقول بحنية: لا تخجلي أسيل أنا ماعم احكي معك لحتى أحرجك وخجلك أو أزعجك.. أنا بس بدي قلك كلمتين.. باسل لو ما بيحبك وبيخاف عليكِ من نسمة الهوا ما كان بيصبر كل هالوقت وبيعمل كل جهده لحتى يخليكِ تتقبليه وصدقيني مافيه رجال بهالدني بيعمل يلي عم يعمله باسل كرمالك وبدون ما يشكي من وضعه ولا يضغط عليكِ بأي شي وهي صرلكن اكتر من ٥ شهور ولساته عنده وعده ماهيك؟؟
أسيل بتهز راسها وبتهمس بخجل ولبكة: اي لساته عند وعده
علي بيقول بحنية: الله يخليكِ يا أسيل لا تطولي بهالقصة اكتر من هيك بالنهاية باسل شب وعنده حدود للصبر.. لا تجبريه يتحمل فوق طاقته كرمال ما تخسريه
أسيل بتهمس بخجل: معك حق.. حدا تاني غير باسل ما كان رح يطول باله عليي هيك
علي بيبتسم وبيقول بحنية: أنتِ كمان بتستاهلي هيك تضحية وأنا متأكد إنك رح تسعديه لباسل ورح تعيشوا أيام حلوة بتسحتق هالصبر
أسيل بتبتسم وبتقول: انشالله أخي انشالله
علي بيبوس أسيل من راسها وبيقول: يلا قومي خلينا نرجع لعندهن
بيطلعوا علي وأسيل من غرفة الضيوف وبيدخلوا ع الصالة... بيكون تلفون أسيل عم يرن وهيي بتطلع بباسل وبتقول: مين عم يتصل؟
باسل بيقوم وبيعطي التلفون لأسيل: أخوكِ خضر
أسيل بتاخد التلفون من باسل وبتفتح الخط وقبل ما تحكي شي بتسمع خضر عم يقول والقلق واضح ع صوته: أسيل سمر رح تولد ونحنا هلق بالطريق للمستشفى
أسيل بتقول بلهفة: الله يقومها بالسلامة.. رح اجي لعندك فوراً
خضر: ماشي أختي
بتسكر أسيل الخط وعلي بيسأل مباشرةً: سمر عم تولد؟
أسيل: اي هني بالطريق للمستشفى (بتطلع بباسل وبتقول) خلينا نروح لعندهن
حسن: كلنا بدنا نروح.. لازم نكون جنب خضر بهيك يوم
علي: يلا لكن تفضلوا
بيطلع الكل من البيت وبيركبوا باسل وأسيل بسيارة علي وبيتوجه الكل للمستشفى.. بيوصلوا بعد مدة وبيطلعوا لعند خضر، بيكون قاعد ع كرسي الانتظار بالممر وعم يهز رجله بتوتر.. بتقرب أسيل وبتقعد جنبه وهو بيقول بقلق: أسيل أنا خايف عليها... الدكتورة قالت ولادتها رح تكون صعبة
أسيل بتحط ايدها ع كتف خضر وبتقول: الله يقومها بالسلامة.. وكّل الله وادعيلها
خضر بيهمس بقلق: يارب يارب
علي بيتطلع بخضر وبيقول: وينه تيم؟
خضر: تركته عند عمتي قبل ما اجي لهون
بيمر الوقت وهني ناطرين وبعد مدة بتطلع الممرضة من جوا وخضر بيقوم لعندها وبيسألها بلهفة: طمنيني الله يخليكِ
الممرضة بتبتسم وبتقول: الحمدلله ع سلامتها.. جابت بنوتة متل القمر والمدام بخير.. شوي ومنطالعها ع غرفة خاصة
خضر بيبتسم وبيقول: ألف الحمدلله (بيلتفت ع أسيل وبيضمها بقوة وبيقول) سمعتِ أسيل صار عندي بنوتة
أسيل بتبتسم وبتقول: ألف مبروك يا روحي.. الله يحميها ويجعلها من الصالحات وانشالله تربى بعزك ودلالك
خضر بيبوس أسيل من راسها وبيقول: الله يبارك فيكِ ويخليلي ياكِ وانشالله بشوف ولادك عن قريب
الكل بيبارك لخضر وبيهنوه بسلامة سمر وبالبيبي وبعد مدة بيطالعوا سمر ع غرفة خاصة مع البيبي وبيدخلوا خضر وأسيل والصبايا لعندها وبيبقى باسل وعلي وعمار وحسن قدام باب الغرفة
بتقرب أسيل من سمر وبتقول: الحمدلله ع سلامتك سمر
سمر بتهمس بتعب: الله يسلمك
لانا بتبتسم وبتقول: الحمدلله ع سلامتك.. الله يحميها ويبعتلها أحلى الأيام
سارة بتبتسم وبتقول: انشالله تربى بعزكن ودلالكن وتشوفوها أحلى صبية
حنين: الله يخليلكن ياها ويبعتلها أيام حلوة هيي وأخوها
سمر بتبتسم وبتقول بتعب: الله يسلمكن ويخليلي ياكن... بفضلكن ماعم حس إني وحيدة ويتيمة
سارة: شو هالحكي سمر! أنتِ أختنا وصرتِ من عيلتنا
بتقرب أسيل لعند خضر يلي كان واقف عم يتطلع بالبيبي وعيونه عم تلمع بفرح وبتقول: يلا أخي سمي بالله واحمل بنتك وخلي أمها تشوفها
خضر بيحمل البنت وبيقربها لعند سمر وبيقول: ألف الحمدلله ع سلامتك يا عمري
سمر بيدمعوا عيونها وبتحمل بنتها وبتقول: الله يسلمك ويخليلي ياك
خضر بيبوس سمر من راسها وبيقعد جنبها وبيتطلع ببنته وهيي بحضن سمر والدموع عم تلمع بعيونه وباللاشعور بتنزل دمعة ع خده وبيقوم لعند أسيل بيضمها وبيقول بحرقة: أنا آسف أسيل آسف كتير
أسيل بتهمس باستغراب: على شو أخي؟
خضر بيبعد عن أسيل وبيحاوط كتافها وبيقول: ع كل شي عملته معك من زمان.. بعرف أنه مر وقت طويل وإني اعتذرت وسامحتيني بس هلق لما صار عندي بنت عم حس اديش كانت تصرفاتي معك سيئة
أسيل بتبتسم وبتقول بحنية: هديك الأيام أنا نسيتها من زمان وأنت بتعرف إني مستحيل احمل بقلبي عليك لأنه كلنا منعرف إنك كنت ضحية شخص حقود وعم ينتقم مننا كلنا
خضر بيبوس أسيل من راسها وبيقول: الله يخليلي ياكِ يا أسيل ولا يحرمني من حنيتك ووقفتك جنبي
أسيل: ويخليلي ياك يا خضر (بتبتسم وبتقول بفرح وحماس) اييي ما خبرتونا شو رح تسموا البنوتة؟؟
سمر وخضر بيتطلعوا ببعض وبيبتسموا وبتقول سمر وهيي عم تطلع بأسيل: بدنا ياكِ أنتِ تسميها
أسيل بيدمعوا عيونها من فرحتها وبتطلع بحنين ولانا وسارة يلي بيكونوا عم يبتسموا والفرحة واضحة ع وجوههن.. بتقرب أسيل لعند سمر بتسمي بالله وبتحمل البنوتة وبتهمس بفرحة ممزوجة بحرقة: حبيبة قلبي يا عمتو.. الله يبعتلك أيام حلوة بحلاوة وجهك يا لين
خضر بيبتسم ابتسامة خفيفة وبيقول: لين، حلو كتير هالاسم وقريب من اسم ماما الله يرحمها
الكل: الله يرحمها
بترجع أسيل بتعطي البنت لسمر لحتى ترضعها وبعد مدة خضر بياخد البنت لبرا وبيقربوا باسل وعلي وعمار وحسن منه والضحكة ع وجوههن وبيقول علي وهو مبتسم: الله يخليلك ياها وانشالله تربى بعزك ودلالك يا خضر
الكل: آمين
حسن: شو رح تسميها؟
خضر بيبتسم وبيقول: أسيل سمتها لين
علي بيبتسم لخضر وبيقول: الله يبعتلها أحلى الأيام
🌺 🌺 🌺
ببيت غسان...
بتوصل سالي ع البيت وبتدخل ع الصالة بتلاقي أمها وأبوها قاعدين بتسلم عليهن وبتقعد وبتقول: وين باسل وأسيل؟
رانيا: راحوا لعند علي وحنين بس وهني عندهن اتصل خضر وخبرهن أنه سمر رح تولد لهيك راحوا كلهن ع المستشفى لعندها
سالي بتبتسم وبتقول: حكيتوا معهن؟ كيفها سمر وكيف البيبي؟
غسان: اي حكينا مع باسل من شوي.. الحمدلله سمر منيحة وجابت بنوتة
سالي: ألف الحمدلله.. مارح تروحوا لعندها؟
رانيا: امبلا بس ناطرين خالتك تجي كرمال نروح سوا
سالي: وتيم وينه؟
رانيا: ببيت عمتك بس رح تتركه عند شهد وتروح معنا
سالي: اي كتير منيح
بعد مدة بتوصل فاديا وعصام ووراهن حسين وسلمى وبيروح الكل ع المستشفى
🍁🍁 🍁🍁 🍁🍁
بعد مرور أسبوع...
باسل طالع من قسم الإسعاف ومعه دكتور متدرب وعم يحكوا بحالة مريض.. بيوقفوا بالممر وبيقول باسل للمتدرب: اعمل التحاليل يلي خبرتك عنها ولما تطلع النتيجة حاكيني
الدكتور المتدرب: حاضر دكتور
بيروح المتدرب ع شغله وباسل بيتوجه للأسانسير وقبل ما ينفتح باب الأسانسير بيسمع حدا عم يناديه.. بيلتفت لورا وبيشوف حمزة عم يقرب منه ولما يوصل لعنده بيبتسم وبيقول: مسا الخير
باسل بيبتسم وبيقول: مسا النور.. ما الك بالعادة تزور المستشفى إلا الصبح لما تكون سالي هون
حمزة بيضحك وبيقول: عم تسمعني حكي يعني! شو نسيت إني كنت كل أسبوع أعملك زيارة أنت وعلي
باسل بيضحك وبيقول: لا ما نسيت بس صرلك فترة ما منشوفك إلا الصبح لهيك استغربت
حمزة بيركب بالأسانسير وبيقول: عندي شغل مع حازم فقلت بمر عليه هون ولما تخلّص شغل منروح سوا بما أنها حماتي عازمتني ع العشا
باسل بيضغط ع الرقم ٧ وبيقول: خير صاير شي مع حازم؟؟
حمزة: قصة طويلة هلق بتفهمها من حازم
باسل: ايه على خير انشالله
بيوصلوا باسل وحمزة ع الطابق السابع وبيكون حازم ناطر حمزة بالممر.. بيقربوا لعنده وبيسلموا عليه وحمزة بيسأل مباشرةً: مشي الحال؟ جبت الكاميرا؟
حازم بيعطي حمزة علبة صغيرة وبيقول: اي هيي جوا العلبة
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡