الفصل 107
في السجن
محمد يحضن يوسف ويبكي : الحمدالله على سلامتك ياخوي وسامحني ... انا السبب
يوسف : الله يسلمك .. وهذا مكتوب من الله وبتلاء .. ولا يبتلا الا المؤمن يامطوع
محمد : الله يوفقك ويرجعك لنا سالم .. ويفكك من هالازمه على خير
يوسف : انا بخير .. واذا الله كاتب لي عمر بطلع واعيشه
وبعده سلم على عمه وسلم على راسه وكان العم احمد ماهو قادر يتكلم من دموع الفرح
يوسف : افاااا عليك ياعمي انا ماهقيت قلبك هش كذا .. هذا وانا ابغي اجوزك من الامريكيات لالا لا .. الحين هونت اثرك كذا
يبتسم العم احمد ويمسح دموعه : انا ابكي فرحه وقهر فرحه ان الله عاد عليك الصحه .. وقهر تروح تاكل السالفه يايبه وانت بري
يوسف : الله يعين .. لكن ليه نوره ما جت للحين انا توقعت من تسمع اني ابغاها تخاف وتجي
محمد : سمعنا انها بالمستشفى حصه راحة تبلغها وقالت لها رنا انها بالمستشفي
احمد : علها من هالحال وازود
محمد : يبه ماتستفيد ان صار لها شي ..... لازم نعرف الحقيقه
نايف : رجعنا مع الضابط اللي تخبر ساعدنا بفك السحر عنك لملفات القضية لقينا شي غريب
يوسف بلهفه : ايش هو ؟؟
نايف : ان البصمات اللي كانت على علبة الملح اللي كان فيها مادة السم لنوره بس وانت مالك بصمات ولكن اقوالك تقول ان انت حطيت السم للعنود ومسحت بصماتك وبعدين قلت لنوره تخبي السم علشان ما احد يغلط فيه ويحط منه وقامت هي وحطته بالمكان المعني علشان كذا صارت بصماتها على العلبه
يوسف : وانا لقيت بالدفتر هذا .. اني كاتب اكثر من مره اني هديتك حياتي يعني ان نوره هي اللي اذبحت امها وانا من تاثير السحر لبست القضيه علشانها
نايف : انت ما انت متذكر شي
يوسف : احاول اتذكر والله لكن في شي يخلي راسي يوجعني لما افكر حتى باسم نوره
محمد : حاول يايوسف حاول علشان تساعد نفسك
يوسف : انا بس لو اشوفها ؟؟
العم احمد : طيب القاضي ما يعيد الحكم لو عرف ان يوسف كان مسحور؟؟
محمد : السحر ماهو مرض يثبت عند الطبيب لان الانسان مايبين عليه شي من نقص العقل وممكن أي احد يقول انه مسحور ويفلت من عقاب يستاهله
العم احمد : لكن فيه شهود ان يوسف انفك عنه سحر بواسطة ضابط وشيخ ما ينفع هذا
نايف: حنا اوردنا هذا الامر ورفعنا فيه معروض لداخليه لما طلبت مراقبه على بيت نوره
محمد : هدى تقول ان اللي تسوي لنوره السحر اسمها ام صطيف
يوسف بستغراب : هدى من ؟؟
محمد : صديقة مها كويتيه كنت تدرسها
يوسف لما سمع اسم مها قلبه خفق : مها !! ليه هي جت ؟؟
محمد : مها جلست هنا تسع اشهر وامس سافرت امريكا هي وهدى الله يعين قلبها
يوسف وقلبه يدق بسرعه : ليه ؟؟ ليه الله يعين قلبها ؟؟ وش صار لها
محمد باسى : تراك طلقت مها يايوسف
يوسف : لا مستحيل ... انا ..>> وتذكر انه كان يتحرك برموت من قبل نوره
تافف ..لذي الدرجه الله لايوفقك يانوره
محمد بتردد: يوسف ..
يوسف : نعم ..
محمد بنفس الحال : ماتذكر ان نوره جابت لك طفله صغيره عمرها شهرين
يوسف : بنت ؟؟!!
محمد : ايوه .. قبل سبع اشهر كذا .. وش سويت فيها؟؟
يوسف يعقد حواجبه : بنت ايش ذي ؟؟
محمد : يعني ماتذكر شي ولاشي يااخي
يوسف : من بنته ؟؟
محمد : بنتك من .......... من مها .. ابغاك تتذكر انت وش سويت فيها ؟؟
نايف يعترض : الله يهداك يامحمد وقته ذا الشي
يوسف : بنتي من مها!!!؟؟؟ ليه مها كانت حامل لما راحت من بيتي (( صوت نوره في راس يوسف هي لما اطلعت عن بيت كانت معذوره هذي ماهي بنتك )) قام راس يوسف يوجعه راسه مره ومسكه بايده
العم احمد : وش بك يبه ليه راسك يوجعك ..
قام محمد يسقيه من الماء المقري عليه ويقرا عليه ايات السحر وبعد دقايق حس يوسف بان الالم راح وقدر يتكلم
يوسف بتعب : انا اتذكر ان نوره كانت تقول ان البنت ماهي لي وان مها لما طلعت من بيتي كانت ماهي بحامل .. لكن وش سويت فيها ما ادري
العم احمد : تخسي نوره واشكالها مالقت الا مها تتهمها بشرفها مها أنظف منها واطهر منها القذره .. والبنت بنتك .. ولكن الله يعوضك اللي احسن منها
يوسف بلهفه : ليه البنت وينها ؟؟
نايف : البنت توفت .. ولا نبيك تفكر بالشي هذا انت بس تذكر وش قصة نوره مع الملح
يوسف : توفت !!!! وليه .؟؟؟؟ وليه تسال يامحمد انا وش سويت بالبنت ؟؟ عسى ما سميتها بعد ؟؟ اااااه ياقلبي ....انا وش كنت اسوي الله لايسامحك يانوره كل هذا شر
نايف : لاترهق نفسك بالتفكير
يوسف بأسف :وش لاارهق نفسي وانا اقتل طفله برئه ما لها ذنب ؟؟((وقال بقهر)) ااااه لو اطول نوره لااحلل هالحكم اللي علي
نايف : ههههههههههههه لايامعود تعوذ من ابليس
محمد : يالله الحين حنا نستأذن واجيك الزياره الجايه ومعي امي وحصه يبغون يموتون على شوفتك
يبتسم يوسف : وانا بعد والله .. لكن اللي مثلج صدري بالموضوع كله التزامك الله يثبتك
محمد : وش رايك عاد اصلح إمام الحرم ؟؟ههههههههههههههههه
يوسف : هههههههههههههه ليه لا تستاهل