الفصل 105
نايف : هههههههههه لا لا شي ثاني
السجين : قل
نايف : في سجين معاكم هنا يقاله يوسف تعرفه
السجين : لا
نايف بخيبة امل: يعطيك العافيه
وراح يوسف علشان يدور يوسف
السجين : يالاخو
نايف : نعم
السجين : وليه ماتسال الضباط احسن يدلونك عليه ترى حنا كثير واكثرنا مانعرف بعض
نايف : يعطيك العافيه
في بيت نوره
بعد ما اشتد الالم على نوره صدقتها رناد واتصلت على ابوها وفعلا انقلوها للمستشفى
وكان عندها نزيف حاد ...
حاول الدكتور قد مايقدر انه يحتفظ بالبيبي لكن ما قدر
وبعد ساعه من الولاده
كان مجموعه من الدكاترة تتكلم عن حالة نوره
الدكتور(1): التحاليل الاوليه تقول انه هو
الكتور (2): اشوف النتائج يادكتور
الدكتور (1) : لازم نعيد التحاليل ونعمل لها اشعه مقطعيه دقيقه علشان نتاكد
الدكتور (2): والله صحيح التحليل واضح
ابونوره : وش فيه الله يخليكم البنت وش بها
الدكتور (3): بعد الاطلاع على التحاليل الاوليه والله ياعم الامر ماهو سهل ان تاكدت التحاليل
ابو نوره : خوفتوني وش فيه
الدكتور(2): الظاهر لنا ان البنت فيها ........ ورم خبيث بالرحم واننا لازم نستاصله لها قبل لاينتشر
ابو نوره : انا وش اسمع ... لاحول ولا قوة الا بالله ..الله يرحم حالك يابنتى
الدكتور(1) : الحين لازم نعيد جميع التحاليل
ابو نوره : واللي في بطنها ؟؟
الدكتور (1):الحقيقه ان الحمل كان في نهاية السهر السادس بداية السابع لكن ما قدرنا ننقذه اللي قدرنا اننا نعمله ان نوقف النزف الشديد اللي تعاني منه الام
ابو نوره : لاحول ولا قوة الا بالله يعني ما صارها ضنى ولا راح يصير
الدكتور : ان شا الله تظهر لنا التحاليل شي احسن خل املك بالله
جلس أبو نوره والدمعة حايره في محاجره والدنيا تدور فيه من هول ما سمع
في السجن
نايف : السلام عليكم ورحمة الله وبركاته
الضابط : وعليكم السلام ورحمة الله وبركاته
نايف : بغيت اسال عن مسجون هنا اسمه يوسف محمد الجاسر
الضابط : وش تبغى فيه
نايف : انا ولد عمه وبغيت اشوفه
الضابط : لاه علشان تعملون عصابه هنا ......ما شاء الله العائله كلها بالسجن
ابتسم نايف : الله يسلمك ............هذا دكتور في الادارة العامه وحاصل عليها من امريكا وانا مهندس بترول ومعادن وحاصل على شهادتى من استراليا ... وعتقد ان الدين ماهو ذنب يعاقب عليه الله اذاكنت ماتقدر ترد المبلغ واما هو فانا رجي بكم خير تساعدوني نساعده
الضابط : الله كل هالمراكز وبالسجن كيف صارة هذي
نايف : انا مديون والطلعة قريبه ان شالله لكن هو له قصه اتمني منك اولا تدلني عليه وثانيا تساعدني فيها
الضابط باستغراب : وش هي
حكى نايف الحكايه للضابط اللي تفاعل مع القصه
الضابط : في واحد هنا يقرا فينا بالصلاه وصوته ما شالله عليه انشالله يساعدنا
نايف : انا ممنون لك ياحضرة الضابط
الضابط : اذا كان اللي تقوله صحيح والله خساره طاقه مثل يوسف يخسرها البلد وانا حاضر بس انتظرني خمس دقايق ارجع للسجلات اعرف وين يوسف هذا
بعد خمس دقايق الضابط : بالعنبر رقم 13 فوق لكن يالاخوا شكل تنفيذ الحكم به قريب
صعق نايف : وين اللي يقرا الله يخليك
طلع الضابط ومعه الشيخ ونايف ليوسف ولقوه نايم بالزاويه محتضن دفتره وكان منظره مرررره يكسر الخاطر
دمعة عيون نايف على منظره : الله واكبر يايوسف على اللي سوى فيك كذا
جلس الشيخ قريب منه : يوسف ... يوسف ..
فتح يوسف عينه ولما شاف الشيخ والضابط طبعا ما نتبه لوجود نايف سكن الرعب ملامحه يظن ان راح ينفذون فيه الحكم
يوسف برعب وترجي وكان حاضن الدفتر : نوره ما تنازلت عني
نايف : ولا راح تتنازل لانها هي اللي تبغاك هنا
رفع يوسف راسه وشاف نايف يظن انه جاء معهم يتشمت فيه من كثر كرهه له : انت جاي تشمت في
نايف : انا !!! الله اعلم ليه انا هنا
الشيخ : امسكوه
يوسف بستغراب ونفور : ليه ؟؟؟ ليه؟؟
وقام الضابط ونايف ومسكوا يوسف بقوه والشيخ يقرا عليه القرآن وكانت حالة يوسف مره سيئه قام يرجع اشياء غريبه والوان مقرفه مره
بعد ساعه من القراءه اغمى على يوسف
نايف بفزع: وش به؟؟؟؟
الشيخ : ما عليه ان شالله ... بس هاتوا لي ماء
ركض الضابط وبسرعة جاء بماء قرى عليها الشيخ وشرب منها يوسف وغسل وجهه فيها وصدره واماكن متفرقه من جسمه
بعد فتره وترقب من الشيخ وخوف شديد من نايف وانتظار من الضابط وكان مجموعه من المساجين حولهم فتح يوسف عيونه بتعب
يوسف : ااااه ... اااه
نايف بصوت هادئ وباين فيه رجفه خفيفه: يوسف ... يوسف
رفع يوسف نظره لنايف : نايف .. انا مره تعبان
نايف ودموعه تملا وجهه : الحمد لله على السلامه
الشيخ : الحمدلله على السلامه ..ياولدي
يوسف : انا وين ..>> وكان العرق مره يصب من جسمه وجبينه وشكله تعبان
الضابط : انت في السجن ..
يوسف بستغراب : السجن !!! ليه ؟؟؟
جلس نايف بجنبه وحضنه وبكي بكاء شديد من الفرحه ان يوسف رجع له عقله وكان يوسف يرجف ومستغرب من اللي يصير كأنه يحلم............... حكى له نايف اللي عرفه عن قصته وكيف تزوج نوره وطرد امه واخته وكيف كانت نوره تتحكم بحياته وان الحين متهم بقضية قتل من وراء نوره
يوسف بستغراب : انا اقتل وليه ؟؟ لا مستحيل ؟؟
نايف : وليه مستحيل ؟ انت كنت مسحور
الشيخ : وكان السحر اللي فيك ياولدي من النوع القوي مره والله انت اكثر الحالات صعوبه وللحين تبغالك علاج طويل .. المهم مبدئيا انا اقولك الحمدلله على السلامه
يفكر يوسف ويصمت لحظات : نايف ...
نايف : امرني
يوسف: لا احد يقول او يجيب سيره ان السحر انفك عني وانا انشالله اثبت برائتي من اللي انا فيه
نايف : ابشر
يوسف : وانت وش جابك هنا
نايف : هااا .. بعدين اقولك
الضابط : الحين انا استأذن ..تامرون على شي ؟؟
يوسف : ماقصرة .. والله يقدرني ارد لك الجميل
الضابط : لاجميل ولاشي .. انا ماسويت الا الواجب
بعد ما راح الجميع عن يوسف وتركوه مع نايف ..قال نايف ليوسف كيف وليه هو دخل السجن
يوسف : انا وين القى مثلك .. المهم اتصل على عمي وقله بكره يتنازل عنك ضروري علشان نقدر نتعامل مع بنت بليس