أنت قدري - الفصل 100 - بقلم لولة الحلوة - مكتملة | روايتك

في السياره محمد : مسكينه مها شكثر تعذبت ام يوسف : والله دمعتها مانشفت طول ما كنا جالسين >>> وبكت محمد : استعين بالله يمه اذا الله كاتبها ترجع ترجع ام يوسف : انا قلبي مثل النار يمه البنت بنت يوسف وراحت ويوسف شف حاله مها تقول حتى ما سال وشلون انخطفت ولا وينها ولا كان له منها ضنا محمد : انا متاكد ان يوسف فيه شي مخدرات ..لا ماهي مخدرات انا اقول انه مسحور ام يوسف : اكشف عنه محمد : استغفر الله يمه هذا ما يجوز السحر علاجه ماهو بالسحر والشعوذه ام يوسف : انا سمعت ان السحر ماينفك الا عند ساحر محمد : لا يمه هذول قصدهم انهم يخلونك عبده لهم دايم .. ودايما تلجاين لهم في كل وقت .. وبعدين انت ماتدرين ان من اتي كاهنا او عرافا فقد كفر بما انزل على محمد ام يوسف بابتسامه : الحمدلله محمد : على ايش ام يوسف : من يصدق ان محمد ولدي اللي عمره ماركع خشمه بالارض يصير كذا الحمد الله محمد يبتسم راضي : الحمدلله يهدي من يشاء ام يوسف ترد لشفايفها الحزن : الله يشفي يوسف ويرجع بنته لامها وتقر عينها فيها محمد : امين في قسم الشرطه بعد اربع ايام انفتح التحقيق مره ثانيه الضابط : بعد تفتيش الفيلا لقينا علبة السم اداة الجريمه وعليها بصمات نوره وهذا دليل قاطع على ان نوره هي اللي ارتكبت الجريمه ماهي اقولك يانوره يوسف يقاطع : لا ياحضرة الضابط انا اللي ارتكبت الجريمه ولا معي شريك الضابط : يوسف لاتضحي بحياتك علشان انسانه هانت عليها اسمى مشاعر الانسانيه وقتلة اقرب الناس لها يوسف مصر : انا اللي حطيت السم بالاكل ومسحت بصماتي عن العلبه وقلت لنوره شيلي العلبه لان فيها سم وانا اخاف احد يعثر فيه فقامة شالته بالمكان اللي لقيتوه فيه نوره بغضب مصطنع : انت اللي ذبحت امي ياحقير انت اللي حرمتني منها الله لايسامحك يوسف وهو فاهمها : غثتني بعيشتي كل شي تدخل فيه واخذت بيتي منك انا تنازلت لك انت وش له تاخذه نوره : لان امي تدري انك حقير وخافة منك كان الضابط ماهو مقتنع حتى مع اعتراف يوسف بالجريمه وفعلا احال يوسف للنيابه العامه وافرج عن نوره بدون ضمانات وسلمها لولي امرها اللي حكت له نوره عن اللي صار وكيف يوسف ذبح امها وبغى يلزق التهمه فيها وهذا الشي زاد فهد اقتناع ان يوسف ماهو بعقله علشان يذبح العنود لاسباب تافهه وان يوسف الاولي كان عاقل ولا هذي تصرفاته شاعت نوره الخبر وطبعا اول شي سوته انها احصلت على طلاقها من يوسف بعد ماالبسته القضيه تمام بكي يوسف بشده لما المحكمه طلقة نوره منه بحكم انه متهم بقضيه كبيره وكثير طلب انه يشوفها او يحكي معها لكن كانت ترفض حتى انها تسمع اسمه في بيت ناصر مازلت غلا مفقوده والخادمه مسجونه مها حزينه جدا على فراق بنتها هدى : خالي ناصر ناصر : نعم ياهدى خير يابنتي هدى : ليه ما تتنازل عن الخدامه ونييبها اهنى ناصر: ليه نجيبها هنا هدى : انا نوره عمرها ماشافتني ولا سمعة صوتي ابيى اخذ الخدامه مغطيه لها واقعدها معانا على ابو اني خطابه او أي شي واخلي الخدامه تسمع صوت نوره زين يمكن تتعرف عليها ناصر : واذا ماهي نوره هدي : انت بس طيعني انا قلبي يقول انها اهي ناصر : انا ما راح اتنازل عنها انا راح اتفق مع الضابط على اللي قلتيه في بيت ام اصطيف ام صطيف : انت لا تجين ثاني مره عندى عمر الشرطه مااعرفة طريقي وبعد ما جيتي حلت علينا المصايب نوره : ياقلبي يام اصطيف ساعديني ام اصطيف : انا ما بيني وبينك شي اذلفي وطلعي برى نوره : ام اصطيف .. ترى ان انظريت انا انت بيجيك الدور ام صطيف : وانا وش دخلني نوره : وش دخلك انت اللي سحرتي زوجي ام صطيف : ومن بيشهد ياحبيبتي نوره : انا ام صطيف : هههههههههههههههههههههه لااااه كثري منها بس نوره : اصلن انا كل جلسه معك مسجلتها على جوالي وصوتك فيها ياحبيبتي ام صطيف بخوف : انت وحده كذابه نوره : شوفي ياام زفت انا ذبحت امي ولا همتني وهي اللي ولدتني ..انت اضحي فيك شمال ام صطيف : وش تبغيني اسوي نوره : ابغاك تخلين يوسف يذبح نفسه .. ينتحر ويموت سري معاه وهمي بعد ام صطيف : انا ما اقدر يانوره نوره : ليه ام صطيف : الخدامه اللي كانت عندي هي اللي كانت تعمل لي الاسحار والحين انا مهربتها عند اخوي .. والسبب يوسف الزفت وحقدك على زوجته نوره : بسيطه روحي لها ام صطيف : خلي تخف سالفة بنت يوسف وانا اروح نوره : واذا يوسف ..غير رايه لما يشوف اني طلبت الطلاق منه ام اصطيف : لاتخافين انا سويت ليوسف اول اقوى انواع سحر المحبه اصلن يمكن يموت من شوقه لك واللي يسويه اتجاهك ترى يعتبر نفسه مجاهد وقتيل حبك هذا لو تاخذي روحه قدامه مايقول شي نوره : عله يموت واخلص ام صطيف : بيموت لاتخافين في النيابه العامه الضابط : اسبابك غير مقنعه ... لو انك معترف يوسف : انا قتلتها وبس انا اكرها يارجل ما هي نازله لي من زور الضابط : طيب أي صحن اللي حطيت لها فيه سم يوسف يبلع ريقه : هاااا وانا وش يذكرني الحين اصلن انا كنت مرتبك حتى انا رحة نمت ولا اكلت معهن لاني نسيت أي صحن حطيت به السم الضابط : ونوره كانت تدري؟؟ يوسف : نوره ابعدها عن الموضوع نوره ماتدري عن شي الضابط : طيب ليه كانت بالمستشفى تقول لك ان شالله تموت يوسف : لا الضابط ماسمع كويس اصلن كانت تقول ان شالله ماتموت .. والا في وحده تدعى على امها الضابط : يعني انت مصر على اقوالك يوسف وهو حاس نفسه يضحي علشان حبيبته : اكيد وابصم بالعشر الضابط : ما يحتاج عشر يالمسكين وحده تكفي في بيت محمد ام يوسف منهاره بعد صدور الحكم بالقصاص على يوسف وحصه حالتها صعبه مره : انا ما اصدق اخوي ما يقتل العم احمد : الله عليك يايوسف اللي رحة بزهرة شبابك ام يوسف من بين عاصفة الدموع : انا بقول لفهد يتنازل عنه محمد بحزن : ماينفع يمه لانه ماله صفه قانونيه على العنود ام يوسف : وش تقول انا ماعرف كلامك حصه : يعني ما يصير لانه طلقها ام يوسف : انا اروح احب رجلين البنات يتنازلن عن يوسف محمد : يمه الله يهداك وش ذا الكلام ام يوسف بغضب : انت من زمان تغار منه ولا تحبه حتى لو تظاهرة بالدين انت هو انت تمنى ان الله ياخذ يوسف لكن ان شالله يخيب رجاك محمد : زين ياقلبي بس اهدى ام يوسف : اتركني بس انت واذلف محمد : طيب ارتاحي ياقلبي ام يوسف : انا ارتاح اذا شفت يوسف في بيت ناصر كان ناصر مايدري كيف يقول هالخبر هيفا : وش بك كانك شايل هموم ناصر : وغياب بنت مها ماهو هم هيفا : الله يعين ما في اخبار جديده ناصر : والله ياهيفا في خبر مدري وكيف اقوله هيفا : لا لا تقول البنت ماتت ناصر : اعوذ بالله من فالك هيفا تحط يدها على صدرها بامان : اوووووووووووف الحمدلله .. اجل وش الخبر ناصر : يوسف .............. هيفا : وش به ناصر : اليوم صدر الحكم عليه هيفا : هييييه قصاص هز ناصرراسه بحزن بالغ على يوسف اللي كان قدوه لكل الشباب والكل كان يتمني يصير مثله هيفا : ياحيف ناصر : انا مادري كيف تكون ردة فعل مها لما تعرف مها مرعوبه : وش ادري به هيفا : هييه مها مها : ايه مها .. وش فيه ياهيفا ناصر : اجلسي يمه مها : خالي وش فيكم >>... برعب الدنيا .. <<في خبر ماهو زين عن بنتي؟؟؟!!! هيفا : لا والله مافي بس اهدي وجلسي جلست مها وكانها على اعصابها هيفا : الخبر ما ادري يهمك والا ... لا مها : أي ايش هو طيب ناصر : يوسف احكموا عليه بالقصاص قلب مها خفق بقوه لكن ما اظهرة احساسها :............... هيفا : انت ما سمعتي .. مها تقاطعها : سمعة ياهيفا مافي غريبه اليوم وهو اللي جابه لنفسه بس الله يعين قلب امه في بيت فهد نوره : ابشركم .. يوسف احكموه رنا : وش قصاص نوره بفرحه : ايوه رناد : ياحسافة يوسف .. نوره بغضب : انت وش تقولين هذا ذبح امي وش حسافه عليه .. لا والله يستاهل .. اليوم يمه ترتاحين رنا تناظر بنوره : هي ارتاحة من ماتت نوره : ارتاحة من من ياوقحه رنا : نوره مافي داعى نمثل على بعض .. نوره تصفقها كف : الظاهر امي خلت لي هم كبير رنا وهي ما سكه مكان الكف : في حل انت تعرفينه نوره تنهال عليها ضرب : انا ما اعرف الا هذا الحل رنا تصرخ : اتركيني انت ليه جيتي حنا ما نبغاك ابو نوره يصحى على صراخ رنا : نوره !!! نوره توقف ضربها لاختها ابونوره : ليه تضربين رنا نوره : يبه قليلة ادب تطول لسانها علي ابو نوره : متربيه واللي يمد يده عليها لا يجيني نوره : وش قصدك يبه .. هذا بيتي انا وين اروح ابو نوره : اجل اقعدى بادبك والبنات مالك دخل فيهم ما احد يضربهم وانا على وجه الارض نوره : تناظر لابوها بحقد ... >> داخت نوره >> جري عليها ابوها خايف عليها نوره وهي تبكي : ابعدوا عني انا ما احد يحبني ابو نوره : وش بك يابنت اجلسي .. اجلسي نوره : حاسه بدوخه وعيوني ما دري وش فيها ابونوره : تبغين اوديك طبيب نوره : هااا مدري ابو نوره : رنا جيبي عبايتها وتعالي معاي راحت رنا وجابة عبايتها : خذ يبه ابو نوره : لبسيها .. وانت ليه ما لبستي لبستها رنا ..: انا اسفه ما اروح معها ابو نوره : علشاني ياوليدي رواحوا ودواا نوره لطبيب وهناك عرفوا ان نوره حامل في بيت ناصر مها : ابغى اروح لام يوسف اكيد الحين حالتها صعبه بعد هالخبر هدى : ما في داعي مها : ترى فقد الضنا صعب ياهدى هيفا : يالله كلنا نروح مها : هااا ماتظنين انها راح تحسبنا نتشمت هيفا : اعوذ بالله لا هي تعرف إنا مو كذا