أنت قدري - الفصل 99 - بقلم لولة الحلوة - مكتملة | روايتك

في قسم الشرطة الضابط : أنا راح أحجزكم على ذمة التحقيق يوسف : تحجزنا وأنت ما عندك علينا دليل الضابط : هذا ما هو شغلك نوره : المتهم برئ حتى تثبت إدانته يا حضرة الضابط الضابط بنظرات فهمتها نوره : بيثبت يا نوره بيثبت وفعلا تم حجز نوره ويوسف على ذمة التحقيق في بيت ناصر دخلت ام يوسف هيفا : الله حي ام يوسف ام يوسف : الله يحييك كانت هدى تناظر ام يوسف وقامت سلمة عليها مصافحه جلست ام يوسف وقهووها ام يوسف : عسى ما شر ياجماعه وش بها وجيهكم كذا .... هيفا : ان شالله ما في شي ام يوسف : وين مها هيفا : والله نايمه وتعبانه شوي ام يوسف : تعبانه والاتدري اني هنا ولا تبغى تقابلني هيفا : لا والله يا ام يوسف مها تعبانه ام يوسف : على كل حال انا جايه اشوف بنت ولدي .. ولو انكم ما عزمتوني وانتوا تدرون بلهفتي عليها كيف لكن قلت انا صاحبة الحاجه وجدة البنت اجي لو بدون عزيمه هيفا بارتباك تبلع ريقها : البنت ........ البنت نايمه مع امها وقافله عليها الباب ام يوسف: طقوا عليها الباب وقولوا لها اني ابغى اشوف بنت ولدي مافي داعي مها تجي اذا ماتبغى تشوفني هيفا بارتباك بان عليها : لا والله ماهذا القصد يام يوسف بس...... ام يوسف حست انه فيه شي : بس ايش صوت مها من على السلم : البنت انخطفة ياا م يوسف .. انخطفت >>> التفتت ام يوسف لقة وجه مها غرقان بحر من الدموع الحارقه وكان مبين عليه اللوعه والهم >> ام يوسف برعب : وش تقولين يامها ؟؟؟كيف انخطفة انت وين هدى : انخطفة كانها ذابت من قدام عيونا ولا لها اثر ام يوسف ..مقابله لمها : يا ويلي عليك يامها .. وياويلي على بنتي << وحضنتها وصارت تبكي معاها جلست ام يوسف وقالت لها مها وهيفا كل السالفه وكانت متاثره بالمره والدموع ما فارقة وجهها واستغربة من موقف يوسف اللي قالته مها ام يوسف : والله الولد فيه شي ماهو هذا ولدي يامها اللي ربيته وتركت الدنيا لعيونه هدى : وش اللي قلب حاله ياخالتي ام يوسف : ما ادري هو رجع من هنا بعد ما سافرة مها ودخل المستشفى وقال الدكتور ان عنده انهيار عصبي وصدمه عاطفيه ممكن تسبب له الجنون اذا ماتعالج عنها .. وعمه الله يهداه رفض انه يعالجه والظاهر ان عقله صار به شي >> مها كان قلبها يتقطع لما اعرفة اللي صار ليوسف بعدها هدى : المينون ما يسوي جذي .. هيفا : يمكن ردة فعل ام يوسف : اصلن يوسف صار غير وحتى انا يكرهني وطردني وضرب اخته مها : يوسف !!!! هدى : شمعني مع نوره تغير من كره لحب هيفا : الله يعلم ام يوسف : الخدامه الملعونه ماتعرف شي غير ان خدامه ثانيه دقة عليها واخذت البنت منها هيفا : لا ياام يوسف اللي اخذ البنت حريم ثانيات ام يوسف : الحريم وش دراهن ان في خدامه في بيت مشاري تطلع وتدخل في بيتكم ماتشكون بها هدى : أي والله ليه احنا مانفكر جذي مها : انا خلاص مافي عقل قربت انجن هدى : ارجوج مو وقته ... الحريم اللي اخذوااا غلا اكيد يقربون لكم او ليوسف ويهمهم ان غلا تختفي هيفا : من تقصدين ؟؟ هدي : الحيه وامها ام يوسف : من ؟؟ هدى : نوروه وامها ام يوسف : لا لا وليه تسوي كذا ويوسف كله لها هدى : اللي تخلي ولد يطرد امه واخته تسوي اكثر ام يوسف : العنود ماتت مها : هيييييه متى ؟؟ ام يوسف : ماتت اليوم وماتت احد ذابحها ماهو من ربها وبس هدى : يزاه هذا بالدنيا بس مها : تعوذي من ابليس ياهدى وش لك فيها ام يوسف : انا ياوليدي ماعرفتك انت من بنات سلمى مها : لا يمه هذي صديقتي كويتيه تناظر فيها ام يوسف : الله محييها هدى : الله يحييج خالتي ام يوسف : انت هنا بالسعودية هدى : لا انا عايشه ويا مها بامريكا ام يوسف : الله مير محييك هدى : الله يسلمج خالتي وتلتفت هدى لمها ..: ليش ما نخلي الخدامه حقة بيت مشاري تتكلم مع نوره اكيد الخدامه بتعرف اذا كانت هذى اللي اخذت منها الياهل والا لا هيفا : والله لاتفضحك نوره اذا طلعت ماهي بهي هدى : وش فيج هيفا احنا بنقولها على طول والله احنا شاكين فيج .. اكيد في طريقه ام يوسف : انا ما اظن ان نوره تاخذ البنيه وش تبغى فيها مها : حتى انا بعد هدى : والله كيفكم انا بقول للخال ناصر الفكره واخليه يرتب مع الضابط جلسه بين الخدامه ونوره ام يوسف : واذا ما كانت هي هدى : عاد نشوف بكت مها : والله ما اظن بترجع لي ابد خلاص بنتي راحة ام يوسف : عيني خير يمه .. الله كريم جلست ام يوسف معاهم وكانت حاسه بماساة مها واعجبتها شخصية هدى مره