أنت قدري - الفصل 98 - بقلم لولة الحلوة - مكتملة | روايتك

اما محمد والجماعه اللي معاه وصلوا للمستشفى وسالوا عن نوره ويوسف والعنود ودروا ان العنود ماتت وان يوسف ونوره اخذتهم الشرطه لان الوفاه اتضح انها جنائيه وان الاتهام موجه لهم اولا محمد : لاحول ولاقوة الا بالله وش هالمصايب ابو عبد الرحمن : قول الحمد لله على كل حال محمد : الحمد لله .. عظم الله اجرك ياخالي ابو نوره : الا كيف الوفاه جنايه وعيوا يعطونا المره ندفنها محمد : ياخالي يعني ان خالتي العنود الله يرحمها ماماتت موتت ربها لا يعني ان احد ذبحها ابو نوره : وشلوووووووووووون!!!!! محمد : اللي سمعة ولا عطوك الجثه لانهم يمكن يضطرون انهم يشرحونها العم احمد : الله اكبر .. ابو عبد الرحمن : وثانيا انت مطلقها يعني ماانت بمحرم لها لازم المستشفى يسلمها لمحارمها ابونوره : هي مالها غير الله ثم انا وبناتها .. الله يرحمها ما جابت ولد ولا امها جابت لها اخو يعني مالها غيري ابو عبدالرحمن : لا يوسف محرم لها وهو اللي ينزلها القبر العم احمد : يوسف ...... هو يعرف الحين يعمل شي ابونوره : الله يرحمك يام نوره .. والله اوجعتينا ... الله يعين نوره وخواتها ابو عبد الرحمن : الله يعظم اجرهن ويحفظك لهن ان شالله اليوم الثاني في قسم الشرطه كان الضابط يحقق مع نوره باللي شافه بالمستشفي وانها قالت ليوسف ياريت تموت لكن يوسف ونوره انكروا هذي الكلمه وكان يوسف واقف مع نوره بشده الضابط : مافي فايده من انكاركم التهمه ثابته عليكم لان مافي غيركم بالبيت معاها نوره : انت وش قاعد تقول .. من اللي في راسه عقل ويعرف امي ويقتلها عاد فما بالك انها تكون امه الضابط : يانوره انا سامعك بنفسي وانت تقولين لزوجك ان شالله تكون ماتت نوره : هييييه انا .. حرام عليك لا ماهو صحيح يوسف : ليه تقول كذا؟؟ الضابط : بعد تشريح الجثه ثبت ان سبب الوفاه كانت نتيجة اكل ماده سامة نوره : مستحيل امي تكون سمة نفسها ليه عاد اصلن امي كانت تحب الحياه الضابط : او احد سامها يوسف : واحد من ؟؟ البيت مافيه الا انا وبنتها يعني من؟؟ الضابط : ايوه جيت لمربط الفرس .. انت وبنتها .... واحد منكم نوره : انا مستحيل ..هذى امي حبيبتي>> وصارت تصيح الضابط : نوره انا متاكد انك انت اللي سويتيها والدليل كلامك بالمستشفى يوسف : انت ليه تقول كذا نوره اطيب من على وجه الارض الضابط : احنا راح نرفع البصمات من البيت كله .. ونشوف نوره صارة عيونها تبغى تطلع من راسها وقالت في نفسها >> بصمات هذا اللي نسيته كيف طافتني اني اخفي بصماتي عن المواعين وعلبة السم اخخخ >>> الضابط لاحظ الرعب اللي صار بعيون نوره : نوره اعترفي نوره برعب : انا ماذبحتها .. انا ما ذبحتها الضابط بعد ما تعب من التحقيق وحس ان لازم يستحدث طريقه ثانيه يضغط على نوره فيها لانه عنده يقين تام ان نوره اذا ماكانت القاتله تكون لها يد في موت امها اما نوره حست ان الضابط يوجه اتهامه لها وهو على قناعه تامه ان لها يد بالموضوع وقررت تخلص نفسها من الامر طلع الضابط وترك نوره ويوسف <<وكانت هذي فرصه لهم علشان يتكلمون مع بعض يوسف : لاتخافين ياقلبي انا معاك ؟؟ نوره انهارت بالبكاء المزيف وهي تدري انها مسيطره على قلب يوسف وعقله وانه ممكن يسوي أي شي علشان ينقذها يوسف وهو حاضنها : نوره ياقلبى انا كلي فداك نوره : يوسف انا ابغى اعترف لك بحاجه !! يوسف برعب : ايش؟؟ نوره : اذا كانت امي ماتت مسمومه مثل مايقول يمكن انا بالغلط حطيت لها السم صعق يوسف من اللي سمعه : كيف بالغلط يعني ؟؟ نوره وهي للحين تمثل الندم والانهيار : امي الله يرحمها ويغفر لها كانت حاطه سم فيران بعلبة ملح ورافعتها مع الاغراض وانا المره هذي طبخة والظاهر بدال مااحط لها ملح حطية السم يوسف وهو مقتنع تماما بكلامها : وبعدين نوره : اااااه يايوسف انا ذبحت امي اكيد !! يوسف : بس هذا قتل خطاء والقانون مايعاقب على القتل الخط مثل العمد نوره : ااااه ياحسرتي اكيد بيقصوني من يبغى يصدق انه بالخطاء يوسف : هذى اكبر مصيبه نوره : والحل .. انا باعترف وخلهم يقصوني انا الذنب اكل قلبي يوسف وهو مايتحمل ان نوره تغيب عن عينه : لا ياقلبي لاتقولين شي نوره : بدون لا اقول بيعرفون لما يلقون بصماتي على العلبه يوسف : حتى لو قتلتيها متعمد انا فداك انا راح اقول اني مااعرف بغراض المطبخ واحسب انه ملح وحطيت منه لخالتي لانها تحب الاكل شوي مالح وهي اللي ارسلتني املح لها الاكل نوره : وبصماتي يوسف : انا ماعندهم أي شي على اكيد بيطلعني الضابط حتى لو بكفاله وانا اتصرف بس وين العلبه ؟؟ نوره : هااا يعني ما اطلع انا ؟؟ يوسف : عاد اذا ما طلعتي هذا اللي بيصير واذا طلعتي انت تصرفين نوره بدون شعور : العلبه حطيتها ورا الادراج اللي بالمخزن الخلفى للمطبخ ... يوسف بتعجب : يعني حطيتيها بعد ما استعملتيها ؟؟ نوره بقمة الربكه تبلع ريقها : لا يايوسف انت وش تقول انا .. يوسف : انا وعدتك ياغلاتي حتى لو تكونين متعمده انا فداى رجليك نوره تبتسم بامان : انت قلبي يا قلبي >> بعد قلبي يا ام اصطيف <<< في بيت محمد ام يوسف : هيييه العنود ماتت .. لا لا تقول العم احمد : ومتهمين ولدك ومرته بموتها حصه : كيف ؟؟ العم احمد : الوفاه جنائيه وماكان فيه احد بالبيت الا هم حصه : اكيد نوروه هي اللي ذبحتها ام يوسف : استغفري ربك ياحصه شلون تذبح امها حصه : لا ما ني مستغفره نوره هي اللي ذبحتها محمد : حصه لاتقولين كذا ((ان بعض الظن اثم )) حصه : انا قابله ذنبها محمد : استغفري ربك ياحصه حصه : اجل من اللي ذبح المره يوسف ؟؟ ام يوسف : لا انشالله وليدي ما يسويها العم احمد : الله اعلم.... الله اعلم كنى المحة بالشارع ناصر خال مها ومعاه مها حصه : ايوه عمي مها هنا ولها بنت من يوسف انت ماسمعة بالخبر محمد : من متى الخبر هذا حصه : من فتره ام يوسف : وانا ميته واشوف البنيه محمد : لك طولة العمر يالغاليه الحين اوديك تشوفينها حصه : مها لو تبغانا كان وصة علينا يامحمد العم احمد : خليها ياحصه تروح وبعدين مها بنت اجواد ماهي بطاردتها ام يوسف بلهفه : أي والله وانت تعالي معي ياوليدي حصه : انا لا تبغين تروحين انت روحي محمد : ليه ما تروحين وتشوفين بنت اخوك حصه : انا عندي شغل مره بالبيت اليوم حتى والله جيتكم وانا افكر فيه لكن اقول دايما ما ابغى اترك امي تجلس لحالها ام يوسف : الله يرضي عليك يمه والله ماقصرتي هذا انت كنك عايشه معاي ماتتركيني ابد حصه : وانا من لي غيرك محمد : يالله يالغاليه امشي احقق لك امنيتك دق قلب ام يوسف بشوق لشوف بنت ولدها : يالله يامي بس اغير ملابسي العم احمد : وش بها ملابسك ذي .. والا هذي بس تقابلين بها احمد والزينه لناس .. اقول محمد يبه دور لي مره تتزين لي .. بس اسمع ماتكون مطوعه انا ماحبهن محمد : ههههههههههههههههههههههههه الله يهداك يبه حصه : عمي تبغى احلا من امي ما فيه ام يوسف : خلوه والله مايعرف خيري لين يجرب غيري العم احمد : ايواااا انا ابغى اعرف خيرك الجميع : ههههههههههههههههههههههههههههه