أنت قدري - الفصل 96 - بقلم لولة الحلوة - مكتملة | روايتك

في قسم الشرطه جاء العسكري ومعه البرنت وجاب الارقام وعرضها على الخدامه تعرفت الخدامه على الرقم .. اتصل الضابط على ناصر اللي كان بالمستشفي عند بنت اخته ولا كان قايلها ان الخدامه اخذت البنت ناصر : الحمد لله .. والحين وش تبغون تسوون الضابط : اكيد نجيب العنوان واخذ الخدامه اللي عندهم واعرف وش قصتها بعد وان شالله خير مها بلهفه : لقوا بنتي ناصر: شكرا لمجهوداتكم ياحضرت الضابط الضابط : لاشكر على واجب .. وان شالله نلقى البنت .. والحين انا اتركك مع السلامه ناصر : مع السلامه مها بلهفه اكثر : ياخالي ياحبيبي لقوا بنتي ناصر يتنهد بقوه : لا بس لقوا الخدامه اللي حرضت لي لي تخطف بنتك مها تشهق شهقه قويه : يعني لي لي هي اللي اخطفتها الله لايسامحها .. >>تبكي بحرقه >> ابغى بنتي .. اااه ياغلا وينك حضنها خالها ناصر : الله عليك وش كثر حملتي من مصايب الله يعين قلبك .. ان شالله تجي والله تجي استعدت الشرطة الخدامة علشان تحقق معها لكن أم اصطيف خافت وأرسلت الخدامة للدمام عند اخوها في بيت يوسف نوره : يمه تعالي ياقلبي وش فيك صاير قلبك قلب طير العنود : وش تبغين انت الحين تخوفين نوره : ههههههههههههههههههههههه اخوف ليه اكل يعني العنود : لا تذيحين نوره : لا لا لاتخافين انا وياك شي واحد وبعدين اذا ذبحتك ما استفيد شي البيت وماهو لحالي اورثه يعني انا خسرانه اذا ذبحتك العنود : يعني حياتي احسن هااا..... والله مايندرى عنك نوره : ياحياتي انا اجلسي كولي معي افتحي نفسي العنود : ها اا طابخه اليوم وش الطاري لك وقت ماسويتيها نوره : اشتهيت الكبسه حقتي اليوم وسويتها لحقي عليها دامها ساخنه العنود : وين يوسف ليه ما زهمتيه نوره : نايم انت كولي واتركي عنك السوالف اكلت العنود مع نوره الوجبه الاخيره لان نوره كانت تخطط علشان تذبح امها تخلص منها علشان يموت سرها معاها العنود : ااااه .. وش ذا يانوره..... الاكل ذا وش به نوره : وش به يعني ماتشوفيني آكل مافي الا العافيه كملي اكلك العنود : اااه بطني لا ماني قادره اكمل احس سكاكين تقطع بطني نوره برود : انا ما حس في سكاكين ولا شي العنود : نوره .... اااه انت وش حطتي بالأكل نوره : ااوف ذبحتيني ترى .. وش حطيتي .. وش حطيتي ماحطيت الا الراحه الابديه لك ولي العنود : اااه .. ذبحتيني يانوره ... ذبحتيني نوره : اريح لك ولي العنود : وانا اشتريتك وبعت الناس .. وفضلتك ..ااااه .. على خواتك .. وساعتك .. وهذي جزاتي منك نوره : لاااه صدقتك عاد .. اصلن انا اللي ساعدت نفسي .. وانت كنت عله على قلبي مثل الخبل اللي فوق اللي راح ياكل سالفة موتك باردة مبرده طاحت العنود على الارض وهي تاوووه ونوره تناظر لنهاية امها ببروود ولا كانها امها في قسم الشرطه الضابط : وين الخدامتك ياحرمه ام صطيف : انحاشت من يومين الضابط : وليه ما بلغتي عنها ام صطيف : قلت ادور عليها اول يمكن هنا ولا هنا ترى هي كم مره تنحاش والقاها الضابط : وش مجلستها عندك له اذا كانت انحاشت كذا مره ام صطيف : من ازمت الخدامات صار الواحد اللي يقدم على خدامه كنه يبغى يعرس وش كثر يدفع .. هذي منطقه عندي وخادمتني وتعرف لي ولو بها شوية عوابه لكن انا اعرف لها الضابط : الخدامه هذى تقول ان خدامتك حرضتها تخطف طفلة من بيت مخدومها وش قولك ام صطيف : والله انا ماحلف على احد لكن خدامتى وش تبغى بالبنت وش علاقتها بها لا لا ماهو صحيح الضابط : يعني ما تعرفين شي عن الحكايه هذي ام صطيف :ابد الضابط : ولا شفتي احد جاء لخدامتك او انفرد فيها قبل يومين ام صطيف : لا ابدا ما شفت اصلن انا ما يدخل بيتي غريب الضابط : وين اوراق الخدامه وجواز سفرها ...او صوره لها ام صطيف : هااا .. اسرقتهن معها .. ماخلت لا صوره ولا جواز الضابط يناظر بام صطيف ماهو مصدقها : هذى مرتبه للهروب طيب وش اسمها بالجواز ام صطيف : ياخوك انا اسميها دولي غير كذا ما عرف الضابط : طيب عندك شي تبغين تضيفينه ام صطيف : وش اضيف بعد كلامك .. لابالله ماعندي شي الضابط : طيب روحي الحين وان لقينا الخدامه نجيبك تتعرفين عليها خرجت ام صطيف من القسم وهي تلعن نوره واليوم اللي عرف فيه عليها الضابط يكلم العسكري اللي كان يكتب اقوال ام صطيف : انا ماني مراح للحرمه هذي احسها ماهي بصادقه باللي قالته العسكري : انا بعد حسيت انها تلف ودور كثير الضابط:انا بعمل تحريات عن الحرمه هذي بنفسي واشوف اخرها ايش في بيت يوسف بعد ما تأكدت نوره إن أمها بلا حركه مره طلعت تصحي يوسف نوره تعمل نفسها مفزوعة : يوسف .. يوسف .. قم شف المصيبه اللي طاحت على راسي يوسف مفزوع : أي مصيبه ياكافي الشر نوره : امي يا يوسف امي يوسف : خالتي وش فيها نوره : مادري ماتتحرك تعال وشف بنفسك جري يوسف ونوره على السلم ونزلوا ولقوا ام نوره مرميه على الارض جثه هامده قامت نوره تصيح .. بصوت عالي وتصرخ :.. امي .. يايوسف امي ماتت يوسف وهو يشيلها لسياره : لاتفاولين ان شا الله إغماء عادي وتفوق نوره : لا ابدا هذي ماتت انا حاسه كذا يوسف : يابنت الحلال امشي البسي عباتك وتعالي بسرعه بعد دقايق كانت نوره بالسياره يوسف : وش ذا يا نوره بغيت امشي وأخليك نوره : ضيعت العباه أسرع يوسف للمستشفي ودخلوا بأم نوره للمستشفي ونوره تصيح استقبلوها الدكاترة والممرضات ودخلوا للعنايه المركزه لكن كانت ام نوره فارقت الحياه من ساعه ونص بعد الفحص اكتشف الدكتوران الوفاه فيها شبهه جنائية فطلب الشرطه علشان تحقق بالامر قدام بيت يوسف كان العم احمد ومحمد وابو نوره بالسيارة و معاهم الشيخ ابو عبد الرحمن محمد : يالله يابو نوره ادخل انت البيت وطلع لنا يوسف ناخذه معنا وان ما رضى نشيله غصب ابو نوره : يالله توكلنا على الله انتظر منى رنه على جوالك محمد : الله معاك انتظروا .. بعد دقايق طلع ابو نوره لهم العم احمد : افااا اطردنك محمد : يبه الله يهداك .. هااا ياخالي وين يوسف ابو نوره : مدري البيت فاضي مافيه احد محمد : يعني طالعين ؟؟\ أبو نوره : شكلهم كذا العم احمد : ننتظرهم مافي مشكله محمد : لا لا مره ثانيه مانبغى نعطل ابو عبد الرحمن عن شغله ومحمد يتكلم مر رجل جيران يوسف الرجل : ابو محمد العم احمد : الله حي ابو خالد ابو خالد : الله يحيك كيف حالك .. يارجل من نقلت بيت محمد ماقلت لي صويحب ازوره واشوف حاله العم احمد : والله مقصر يابو خالد سامحني ابو خالد : مسموح يارجل ....الا كيف حال نسيبتكم العم احمد : منهي ابو خالد : ام مرة يوسف الثانيه العم احمد : وش بها ابو خالد : مدري والله من ساعه او اكثر شوي شفتهم ناقلينها وهي ماتحرك بالسياره مع يوسف ومرته .. سالتهم وماردوا عليه ابو نوره : راحو أي مستشفى ابو خالد : والله مدري يالا خوا ما ردواعلي العم احمد : خلاص نسال عنهم بالمستشفيات القريبة دام حالتها صعبه كذا محمد : الله يستر العم احمد : جزاك الله خير يابو خالد ... وسامحنا يالجار ابوخالد : مايجي منك الا الخير انا بغيت اتطمن عليكم ..بس العم احمد : الله يسلمك ..يالله فمان الله تامر على شي ابو خالد : لاسلامتك راحوا يدورون على نوره ويوسف بالمستشفيات القريبة ورغم ان ابو نوره طلق ام نوره الا انه كان خايف عليها وكان يداري خوفه لكن كان واضح للجميع ..