انها المرة الاولى - الفصل 3 - مكتملة | روايتك

الجزء 3: آسر :مستحيل سارة:هو ايه هو اللى مستحيل آسر:انتى بنت عمى أحمد عبد العليم ظهرت على ملامحها الصدمة وهى تقول:عمك آسر:ايوا عمى أحمد عبد العليم وأنا آسر جمال عبد العليم الرازي قال ذلك وهو يظهر بطاقته لها لكى تتأكد لم تستتطع أن تتكلم بأى شيئ من الصدمة فلطالما سمعت من أمها عن عائلة أبيها فقد أخبرتها أن جدها هو الذى طرد والدها من بيته عندما قرر أن يتزوج من خارج العائلة ومنذ هذا الوقت وهى تتمنى أن تنتقم من هذه العائلة وها هى الفرصة قد قدمت لها على طبق من ذهب بينما هى فى شرودها انتبهت إليه وهو يقول بحماس شديد :أنا لازم أتصل بوالدى وجدى دول هيفرحوا جدا لما يعرفوا ....ثم التفت إليها قائلا: تفتكري اللى أحسن أتصل بيهم وأفرحهم ولا نعملهالهم مفاجأة ردت عليه بصوت فيه شئ من السخرية ولكنه لم يلحظ ذلك :أظن إن الأحسن تخليها مفاجأة علشان يفرحوا أكثر استحسن فكرتها وقال :طيب أنا هتصل على الواد عمر أقله يجمعهم عشان فى خبر مهم هيعرفوه لم ينتظر ردها بل أخرج هاتفه لكى يتصل بأخيه عمر وضغط على زر الإتصال فى بيت العائلة الفخم بيت الجد عبد العليم وهو بيت محاط بحديقة واسعة مزدانة الألوان بالأزهار وأشجار الزينة كان عمر يجرى وراء أخته ياسمين قائلا :والله مهسيبك المرة دى بينما ياسمين تجرى ضاحكة وهى تقول :اللى يحصلنى يكسرنى ههههه هههههه اغتاظ عمر منها بشدة ولكنه اتجه ببصره ناحية خرطوم المياه وهو يقول بمكر :أنا هوريكى ياسو نيههاههها وذهب باتجاه خرطوم المياه وهو ينوى أن يغرقها به ولكن قاطعه رنين هاتفه فتأفف قائلا : دا مين الحمار اللى بيتصل فى الوقت ده وأخرج هاتفه : يلهوى دا وجه الأسد آه لو سمعنى كان زمانى معلق على باب زويلة ثم ضغط على زر الرد: احم أهلا يا أسورة يا روح قلبى كنت لسة بفكر فيك آسر:أنا هربيك لما أروح يا عمر عشان تتكلم معايا عدل عمر:وتهون عليك العشرة يا حبيبى آسر :اسمع ياض أنا مش فايق لهزارك اسمع اللى هقولهولك ونفذه بالكلمة عمر:تمام يا فندم أمرك مطاع آسر :بص انت تروح دلوقتى وتجمع البيت كله عشان هقولهم على خبر مهم انا معايا ربع ساعة وهاجى عمر :بس جدك نايم أصحيه ولا لع آسر :ايوا طبعا وأغلق الهاتف فى وجهه عمر :محدش علمك الأدب يا ابن جمال بتقفل فى وشى ماشى اقتربت منه ياسمين قائلة :انت اتجنيت يابنى بتكلم نفسك أكيد اتجننت عشان مش قادر تغلبنى ههههههه عمر:ابعدى عنى السعادى يا بت ورايا أوامر واجبة التنفيذ ثم اتجه إلي الداخل ياسمين :يعينى الواد اتجنن رسمى وبقت حالته صعبة كان عمر ينادى بصوت عال :يا أهل البيت انتوا يلى هنا يا قوم ولم ينتهى من كلامه حتى وجد أبيه فى وجهه ويبدو عليه الغضب :انت يا حيوان بتعلى صوتك ليه وجدك نايم عمر:جرحت مشاعرى والله يا حج وبعدين أنا كده كده هصحى جدى عشان آسر طلب منى آجمعكم كلكم عشان فى خبر مهم هيقلكوا عليه بدا على وجهه الحيرة وهو يتساءل ماهو هذا الخبر ثم قال: طيب امشى انت وانا هصحيه وروح قول لأمك وجدتك عمر :حاضر يا حجوج انت تؤمر والعبد لله ينفذ أبيه :امشى يا لمض اتجه عمر إلى الصالة الداخليةليجد أمه وجدته يتسامران فقال بصوت عال:عااا خيانة أمى وستى مع بعض من ورايا آه يا قلبى ضحكت جدته صفية وأمه ليلى على كلامه ثم جلس بجانب جدته وهو يقول :بقولك ايه يا لولو دلوقتى أنا عاوزك تعمليلى لقمة كدا عشان أنا جعان جدا نظرت إليه أمه وهى تتصنع الصدمة :انت مش لسة واكل مكملتش نص ساعة عمر : مهو أنا فى تانية ثانوى وبتعب وأشقى فى المذاكرة ودلوقتي مستخسرة فيا كام لقمة مكنش العشم يا أم أسورة ضحكت أمه وجدته عليه بشدة فلطالما كان عمر هو بهجة البيت لا يكف عن المزاح أبدا قامت أمه من مكانها متجهة إلى المطبخ لكى تعد له الطعام وفجأة خبط عمر يده على رأسه وهو يقول:اه بالحق نسيت اقولكوا ان آسر هييجى بعد ربع ساعة عشان فيه خبر مهم هيقلكوا عليه ولازم الكل يبقى موجود حتى بابا راح يصحى جدى بدا على وجه أمه حيرة ممزوجة بالقلق فهى تعلم أن آسر يأتى كل يوم قرب الفجر بطبيعة عمله إذا ما هو هذا الخبر المهم الذى سيجعله يأتى باكرا اليوم جلس الجميع في الصالة وهما يتساءلون عن هذا الخبر المهم - فى مكتب آسر وقف فجأة بعد أن أنهى اتصاله بأخيه عمر والتفت إلي سارة وهو يقول :يلا عشان الكل مستنى سارة : ماشى آسر: طيب قوليلى على العنوان اللى أمك فيه عشان نعدى عليها وناخدها معانا سارة بصوت مختنق:ماما ماتت من ثلات سنين