الفصل 91
في بيت يوسف
جاء نايف ومعاه الدكتور اللي مدعى انه صديق يوسف
العنود : نعم
نايف : كيف حالك يام نوره
العنود : بخير وش تبغى
نايف : ابغى يوسف .. انا جاي انا وصديق له نزوره
العنود : ليه قالوا لكم اني فاتحه بيتي مجلس لأصدقاء هالخبل
نايف : تعقبين يوسف ماهو خبل
العنود : ترى ازهم الشرطه عليك تهجم على وانا بيتي
نايف : ومتى صار بيتك يام بيت
العنود : اقول انقلع لازهم لك الشرطه
نايف بصوت عالي : يوسف !!!يوسف !!!!
نوره : وش هالصوت
نايف : انا نايف ولد عم يوسف خليه يطلع
نوره :اطلع برى لوسمحت >>>وتناظر امها تسال: هذا من دخله
العنود : خدامة الشر والشرير
نوره : ليه ماتعرف الاصول تدخل بيت مابه غير حريم
نايف : انا داخل بيت ولد عمي .. ازهميه احسن لك
العنود : دقي على الشرطه يانوره
نايف : يوسف !!!
نزل يوسف وكان باين عليه التعب الشديد وانه لسه صاحي من النوم : نعم
نوره : اطرده يايوسف
يوسف قام يدفع نايف بقوه : اطلع برى وش تبغى
كان نايف يقاوم
قامت نوره ودقت على الشرطه اللي بسرعه كانو ا في البيت
نوره : هذا يا حضرة الضابط تهجم علينا وضرب زوجي
نايف : انت كذابه
نوره : اخس وقطع
الشرطي : ليه انت تهجم على بيتهم وش تبغى
يوسف : ابغاك تاخذعليه تعهد مايجي هنا مره ثانيه
نايف : هذا ولد عمي وهذي يطاقتي .. وكنت جاي اشوفه لكن !!
نوره : اللي يجي يشوف احد ما يضربه
الشرطي : انت وش تبغى
نايف : هذا الكتور بدر المناع وسمعنا ان يوسف يتعاطى مخدرات وجيت بزياره وديه مع الدكتور ابغى اشوف يتعطى والا لا
نوره : هييييييييه وصلت فيكم المواصيل لذي الدرجه الله لايسامحكم
يوسف : انا مستعد للفحص وباي جهاز
نوره : لكن اذا ماطلع يتعاطى مخدرات والله ما نتنازل عنك تهجمت علينا بيتنا وتهمت رجلي زور
نايف : انا ابي اعرف ليه انقلب حالك
نوره : ليه منقلب حاله هذاهو وش حلاته
نايف: اول حلاوته انه سامحلك توقفين بدون حيا بين الرجال لسانك يلوط اذانك
يوسف : احترم نفسك ولا تغلط على مرتي
نايف: ياحيف هذا اللي اقدر اقوله
الشرطي انت مصر على الفحص
نايف : ايوه
نوره: ترى تندم
راح يوسف معهم للمستشفى ونوره معه وكشف كشف كامل وطلع سليم من تعاطي المخدرات
واخذت الشرطه نايف وحطته بالسجن
ولا تنازلوا عنه الابعد ما دفع أبوه عشر ألاف ريال ثانيه واخذوا عليه تعهد انه ما يقرب ليوسف
في بيت يوسف
العنود : الناس قامت تنبش وراء ولدها بكره يلقون علته
نوره : لا لا وش دراهم
العنود : اقول يالخبله كل العالم تعرف ان يوسف ماعمره كان كذا ولاهذي اخلاقه والله لو ماني بالسالفه ولا اعرفها كان اقول انه مسحور ميه بالميه ولا اصدق انه ماهو مسحور لو يحلفون على القران
نوره : هذا لانك تدرين
العنود : كيفك لاتطيعين
نوره : وش اسوي يعني
العنود : والله مدري
نوره : رايك ابعد هالفتره عنهم
العنود : وين تولين
نوره : مشتهيه اغث مهيه عيون البقره
العنود : كيف
نوره : امداها الحين ولدت ودي احرق قلبها عليه
العنود : انت وش تبغين بالادميه يوسف واخذتيه خليها بحالها لاينقلب السحر على الساحر
نوره : هه >> تضحك بسخريه >> هذا يوسف هذا .. انا لو ادري انه كذا ما فكرت فيه
العنود : عاد هذا فعلك
نوره : العنود انت اخذتي البيت اللي من شفتيه وانت ميته عليه وخلص
العنود : اجل وش اسوي
نوره : ساعديني
العنود : بايش
نوره : ابغى ولد يوسف
العنود : وش تبغين فيه
نوره : ابغاه
العنود: انت مجنونه وش تفكرين به
نوره من بين اضراسها : ابغى احرق قلب مها على ولدها مثل ما احرقت قلبي
العنود : ما كفاك اللي سويتيه انت صار الشر يمشي بدمك اخاف بكره يطولني وتذبحيني
نوره : يمه وش تقولين ليه انت ما انت على قلبي
العنود : الله يستر منك ومن قلبك الاسود
في امريكا
مها : انا متضايقه مره
هدى : علامج
مها : الحلم اللي قلته لك جاني اكثر من مره
هدى : يووو .. انسي يبه انسي الحين احنا عندنا غلوي الحلوه تنسينا اللي خلفها
مها بضيقه : حاسه يوسف فيه شي
هدى : وانت شكوا
مها : هداااااااااى ...
هدى : وانا صاجه الريال نساج وتزوج ويمكن الحين مرته حامل وانت للحينج تفكرين فيه
مها : اااااه .. انا ابغى ارجع السعوديه
هدى : هيييه ليش
مها : لا لا .. لايروح فكرك بعيد ... ابغى اروح اسلم على خوالي وخليهم يشوفون غلاوي .. انا مشتاقه لهم ولجدتي
هدى : انت مو خايفه من يوسف ومرته النسره
مها : ليه هو وش دخله في
هدى : ما ادري انا النسره نوروه مو متطمنه لها
مها : بكيفها انا مالي دخل فيها انا رايحه لخوالي
هدى تناظر مها بخبت : لخوالج.. والا لجيران خوالج
مها : اولا يوسف ماهو جيران خوالي .. وثانيا هو وشدراه اني فالبلد اذا كنت ابغى اروح بالكثير اسبوع .. >>> تضحك مها >>يوو هدى لاتناظريني كذا علامك
هدى : اروح معاج
مها : ياليت
هدي : خلاص متى نروح
مها : اضبط مع خالي ناصر ونتوكل على الله
هدى : وش ورانا خلينا نشوف السعوديه
في السعوديه
هيفا : خالتي ابشرك مها تبغى تزورنا السبوع الجاي
الجده : انت صادقه
هيفا : الحين ناصر قفل الجوال معي يقول انها كلمته واتفقوا انها تجي السبوع اللي يجي
الجده : الحمدلله مكتوب لي اشوفها قبل لاموت
هيفا : الله يطول بعمرك ياخالتي وش ذا الكلام
الجده : اييييه الموت لابد منه
هيفا :الله يطول عمرك ياخالتي
الجده : هي وش كثر لها جايبه
هيفا : امداها كملت شهرين
الجده : ياحليلها .. الله يخليها لها
هيفا : امين
في بيت يوسف وتحديدا في غرفة النوم
نوره مسنده راسها على السرير تزين اظافرها بالمبرد
قرب لها يوسف وحضنها ادفعته بقرف وابعدت وهو رجع لمكانه وطلع سجاره
نوره : اوووف ترى غثيتني بريحتها
يوسف : خلاص اطفيها ياحياتي
نوره : اذا مره ميت عليها رح دخن برى
يوسف : عندى اكسر مية سجاره ولا افارقك دقيقه
نوره : لا وليه الخساير دخن دخن
يوسف قرب مره ثانيه لها وحضنها بحنان : لايكون فيه شي علشان كذا ماتحبين ريحة الدخان
نوره : شي ايش يعني
يوسف : نونو مثلا
نوره : ياليت ..
يوسف : ياقلبي يانوره تمنين مني نونو
نوره : علشان احفظ لك اسمك بالحلال ماهو بالحرام والزنا
ابعد يوسف مستغرب وعاقد حواجبه : كيف يعني
نوره : بلاك ان مابراسك عقل ولاتفكر ياحرام كنت مسحور
يوسف على نفس حالته : وش تقصدين
نوره : ليه ماتدري ان عيون البقره مهيه ملزقه باسمك اللي كان في بطنها وهو زنا وحرام ولقتك خبل ولاتفهم لاانت ولا اهلك وحطت اللي في بطنها منك ..لكن على مين انا كاشفتها
يوسف بعصبيه : كيف يعني
نوره : لانها قبل لاتطلع من بيتك كانت ماهي حامل وانا جايتها قبل تروح من بيتك بنفس اليوم اللي اذلف فيه لبيت خالها اهديها وقلت لها قومي صلي لك ركعتين وهدى بالك قالت لي انها معذوره ولاتصلي ويومها راحت بيت خالها اجل منين حملها؟؟؟
يوسف بعصبيه: انت صادقه
نوره بخبث : اجل ليه اكذب عليك
يوسف وهو يخبط بايده على السرير: الزانيه بنت الكلب
نوره :لاااه هذا اللي قدرت عليه
يوسف : وش تبغيني اسوي فيها انا قلت لك انها وهي هناك انا ما اقدر اسوي شي لكن انا اطلب تحليلdna واثبت ان الطفل ماهو منى وانفي نسبه عنى
نوره : وشو ذا dna
يوسف : ياقلبي هذا زي تحليل الدم لكن الحين العلم تطور ويقدر من التحليل هذا بكل سهوله انه يثبت او ينفي النسب
تغير لون وجه نوره وبان الربكه في كلامها : وليه التحليل والخرابيط اللي مالها داعي انا اقولك اني متاكده انه ماهولك الولد او البنت
يوسف : وكيف اطلب أنفاء نسب بدون هالتحليل ما يصير
نوره : انفيه من الدينا وينتفي نسبه
يوسف : كيف ؟؟
نوره : نسافر انا وياك وتخطف الورع وتذبح وتغسل عارك بيدك
يوسف : ههههههههههههههههه هناك بامريكا
صرخت نوره عليه لما ضحك منها : يوسف !!!! لاتضحك كذا يعني انك فاهم وانت خبل
الحريم يلزقون بزران الزنا باسمك
يوسف: ياقلبي انا ماقصدى .. لكن الكلام هذا صعب هناك
نوره : تصرف عاد
يوسف : طيب خليني افكر
في بيت فهد ابو نوره
رناد جالسه تبكي لحالها بغرفتها
صوت صرقات خفيفه على الباب
رناد ومازالت تبكي : رنا ارجوك مابغى اشوف احد
سمع فهد صوتها الباكي ودخل عليها : وش بك يمه عسى ماشر
رناد : يبه مافي شي
ابونوره : وش مافي شي وانت تبكين
رناد : امي وحشتي
ابونوره : امك ماتحبك يا رناد والطمع اعمى عيونها
لكن اللي ابغى افهمه انا كيف يوسف يتنازل لامك عن بيته
رناد : يوسف يحب نوره ويموت فيها ويمكن اهداه لامي من غلا نوره
ابونوره : أي غلا اللي يخلي الادمي يسمع اهانة امه ويسكت
دخلت رنا من الصاله
رنا يبه انا كنت ابغى اقولك شي عن هالموضوع لكن انت ما عطيتني فرصه
ابونوره : قولي
قالت رنا لابوها كل االلي سمعته من امها ونوره يوم العرس ويوم سفر نوره
رناد : ان بعض الظن اثم ليه انت كذا على امي
رنا : انا ماودي امي تاخذ ذنب اذا الشي اللي في بالي صحيح ترى جزاه عند الله النار
رناد : تقصدين ان امي ونوره ساحرين يوسف
ابونوره : لا لا ماتوصل لكذا
رنا: يبه انا ما اقول كذا ولا اتمناه لكن لازم نتاكد واذا طلع صحيح لازم يتوبن لان الدنيا ما تغني عن الاخره
رناد بغضب : انت ماتحبين نوره وامي من زمان علشان كذا تقولين هالكلام تبغين تكرهين ابوي فيهم يالظالمة >>>> وصارت رناد تبكي
ابو نوره اتزم الصمت وهدى بنته وطلع وافكاره تودي وتجيب