الُبّارَتْ الٌُخامٌسِ
لميس: ليش بدك ياه؟
قيس: اعطيني ياه و بعدا منحكي… بدي رد
لميس: مو من حئك ترد على مكالماتي الخاصه… و نحنا من بداية علاقتنا متفئين انو كل واحد الو خصوصيتو… شايفه من اول اسبوع بلش يتغير الحكي!!
ضرب قيس ايدو بالحيط: طيب… طيب…. ماشي..
خدي خصوصيتتتتك….ردي هون لشوف..
لميس: لك ليش هيك بتعاملني صرت عم حسك بتكرهني حرام عليك انا شو عملتللللللك
قيس : موبايلك بعدو عم يرررن…
فصلت لميس الخط و طفت الموبايل…
قيس: وبعدين؟
لميس: ليك بكفي تفتح معي تحقيق لهون و بس… طلعت مريض بالشك… انا بنت بحب جوزي يوثق فيني و يحترمني ما يلاحقني عالنفس
قيس: اوك… حقك على راسي لميس خانوم… حقك على راسي.
طلع قيس من الغرفة و لميس قعدت مطرحها و الدنيا عم تلف فيها..
لميس: سامحني… بس والله انت السبب… انت السبب… انا عم اتحمل نتيجة اخطائك… و لسه عم تحاسبني!! بأي حق بس فهمني… بأي حق!!
طلع قيس عالبرندة و بلش يدخن و هو يجمع الاحداث مع بعضها و يحاول يوصل لتفسير يقنعو انو حبيبتو و مرتو بريئة وهو جد ظالمها… بس كيف ما يفكر يوصل لطريق مسدود…
قامت لميس فوراً و بدلت الخطوط و رجعت الخط مكانو…
و غيرت تيابها و رتبت حالها و عملت قهوة و طلعت لعند قيس..
لميس: بصير اقعد معك؟
قيس: تفضلي..
لميس: عملتلك قهوة
قيس:....
لميس: بكفي… والله هي مو حالة… معقول هي ايام عمرنا الي كنا نحلم فيها؟ …
قيس حط ايديه على وشو و تنهد…
قربت منو لميس و قعدت عند رجليه… : بحبك…
قيس: بعرف
لميس: اكيد؟
قيس: اكيد..
لميس: طيب لكن قوم نفذ وعدك
شال قيس ايديه عن وشو و تطلع فيا: انو وعد؟
لميس: مو مره التلي انو بس نتجوز شو ما طلبت رح يحضرلي حتى لو لبن العصفور؟
قيس: مزبوط
لميس: مشتهية كرز
قيس: هلأ!!!!
لميس: مشتهية عليه كتير من امبارح… عنجد مابعرف ليش
قيس: ليكون وحمانه!!!
لميس احمرو خدودها: مابعرف يمكن
قيس نزل عالارض وحط ايديه على وشها وعيونو بعيونها: لك لميس معقول تكوني حامل؟؟؟
لميس: مابعرف هلأ انا شاكه و عم اشتهي شغلات غريبه ومو موسمها متل الكرز هلأ.. بس لازم اعمل فحص بالاول لاتاكد
قيس: لك قومي طيب لاخدك عالدكتورة
لميس: لا لا ما بدا… فيني اعمل فحص بالبيت… هاد شغل نسوان انت ما تهتم بس بدي كرز…
قيس: لك بس كرز؟ والله لو كان باخر الدنيا لجيبو…
و قام مستعجل ليطلع من البيت.. لحقتو لميس و وقفت عباب البيت: هههههه يا مجنون نسيت تاخود مصاري
قيس: معي معي مصاري… راجعلك…
لميس: ههههه طيب ناطرتك
سكرت لميس الباب وهي مبتسمة…
لميس: بلحق روح شوف انس قبل ما يرجع بس لازم استعجل؟!!
هلأ لازم يلفكل المحلات ليلاقي كرز رح يتأخر اكيد..
لبست تيابها بسرعه و اخدت مفاتيح البيت و طلعت وهي مستعجلة…
قيس اتصل برفقاتو ليسألهن وين بيلاقي كرز بهل وقت من السنه و رفيقو قلو ارجع عالبيت انا بامنلك ياه و بجيبو و اعتبرو نقوط مني…
فات على محل الفواكي و جاب كل انواع الفواكه و رجع عالبيت عالسريع…
لميس اتصلت باختها و خبرتها انو رايحه تشوف انس لان اشتاقتلو… وخايفه يكون زعل منها لان الها شهر غايبه عنو..
اشترت لميس ورد… و شموع و ساعه رجالية غالية كتير… و غلفتهن و طلعت لعند انس…
بس خلصت زيارتها رجعت عالبيت مستعجله و مرعوبه لتكون تاخرت… كانت عم تفتح الباب و ايديها عم يرجفوو ماعم تعرف تستحكم بالمفتاح…
لميس: هاد وئتك يعني خلصنننني افتتتتح…
اووووه اخيراً فتح…
فاتت عالبيت و حطت الاغراض من ايدها و شغلت الضو
لميس: ياربي ياربي تأخرت كتيرررر
كان قيس قاعده بالصالة و حاطط راسو بين ايديه و عم يتطلع بالارض و الفواكه كلها حواليه…
شلحت لميس من رجلها و فاتت مستعجلة…. و اجت عينها على قيس…
قيس: مشتهية الكرز؟..
لميس: ح… ح… حبيبي…
قيس: طيب… طيب لميس…. خلصنا
لميس: انا كنت… كنت عم
قيس قام و وقف جنبها و انفاسو متل اللهب: عم شو؟ … عم شو حبيبتي؟ … يلا قولي
لميس: عم… عم
قيس مسكها بين ايديه: احكيييييي
لميس: ب… ب...ب
ضربها بالحيييط و هي صرخت بصوت عالي من الخوف…
لميس: مجنوووون بعدددد عنننيييي مجننووووون
قيس: لسه لميس... لسه ما شفتي شي من الجنان.... اقسم بالله العظيم.... وحياااااة الي خلقك.... ازا هلأ... ما بتحكي كل شي لكسر هالبيت فوق راسك....