أنت قدري - الفصل 85 - بقلم لولة الحلوة - مكتملة | روايتك

في بيت حصه بعد ما قال لحصه اللي صار له وكيف كان يبغي يموت وان الله بعد ماكتب له عمر جديد بيتوب ويبدى صفحه جديده مع اهله ونفسه ويبعد عن اصدقاء السوء محمد : خلاص سامحتيني حصه : الله يسامحك يامحمد .. محمد : وش نعمل مع يوسف هذا حصه: اول اتاكد ان يوسف فيه شي ماهو متغير وبس محمد : انت من كل عقلك .. انت ما تعرفين يوسف .. هذا يوسف هذا ... يوسف مايعرف يغلط على البزر علشان يغلط على امي ويسمع اهانتها ويسكت حصه : يصير خير محمد : انا اشوف بعيونك سوال قولي حصه : مها يامحمد وش اللي خلاها تترك يوسف بعد الغلا اللي بينهم .. ونوره كيف حلت محلاها بهالسرعه ؟؟ محمد : نوره ما ادري عنها .. لكن مها في موضوع اذا يهمك اقوله لك حصه : قول ابغى اعرف أي شي يوصلني ليه يوسف تغير حكى محمد الحكايه من بدايتها لحصه وش اللي صار فيها حصه : يعني تهقى نوره ذيك الليله قالت شي لمها وخلتها تصير بحالتها ذيك محمد : ماهي بعيده عنها حصه : طيب وكيف يوسف صار يحبها وتزوجها بعد انهما كان يطيقها محمد : هذا السر اللي لازم نعرفه في بيت فهد العنود تكلم نوره على التلفون : وين سافرتوا .................................................. .... العنود : ومتى يعني تحولين لي البيت .................................................. العنود : ياويلك يانورووه اذا كذبتي على ترى اسوي اللي قلت لك عليه كانت رنا جالسه تذاكر بالصاله وسمعت الكلام هذا قفلة العنود الخط بعد ما وصت نوره تجيب لها حاجات من البلد اللي هى مسافره له التفتت لرنا العنود : انت هيييه جالسه تسمعين على اشوفك تري رنا برتباك : انا لا والله اصلن انا من زمان جالسه اذاكر هنا العنود : امشي انقلعى سوي لي شاهي .. ما فيكن الصالحه الله ياخذكن قامت رنا تعمل لامها الشاهي اللي طلبت وكان فكرها مشغوووول بالموضوع اللي اسمعته من امها وش اللي امها ما سكته على بنتها وكيف تبغاها تحول بيت يوسف باسمها متى صارت نوره مسيطره على يوسف لدرجة انه يكتب بيته باسمها في امريكا هدي : تعالي نطلع بالاجازه هذى لدزني ونستانس مها وهيتعدل جلستها على وضع مريح لها : ماهي بعيد شوي هدى : راكبه جمل انت والا ماشيه على اريولج مها : هههههه يالله كيفك هدى : خلاص باجر حضري روحج مها : ان شالله في الفندق اللي نازليبن فيه نوره ويوسف نوره : يوسف يوسف : عيونه نوره : ابغى اطلب منك طلب وابغي اشوف غلاتي عندك يوسف : يالله ياروحي جربي نوره : انت طبعا حولت البيت باسمي يوسف : اممم نوره : بس انا خايفه من اخوك الارعن هذا يجبرني احوله له وانا مهما كان مره ممكن اضعف واخاف وانت ماانت موجود ... بس احسن شي واحفظ لحقي احط البيت باسم امي يوسف : اللي تشوفينه سويه اهم شي لا تخليني نوره : انا ما لقيتك علشان اخليك يوسف : خلينا من السوالف هذي .. وش رايك نروح بكره دزني نوره : وش دزني هذي بعد يوسف : هذي اكبر مدينه ترفيهيه بالعالم نوره : لا انا ابغى اروح السوق ابغى اشتري الواحد ماهو كل يوم بامريكا يوسف : طيب ياروحي ... نروح بكره للسوق وبالويك اند نروح دزني نوره : الويك اند هذي حلوه بعد يوسف : هههههههههههههههههه الويك اند يعني العطله ماهو مكان نوره : هههههههه ادري بس ابغي اشوفك تعرف والا لا هههههه يوسف : ياحياتي دمك مررره خفيف نوره : المهم بكره نروح لسوق واشتري كل اللي ابغاه يوسف : اوكيه نوره : عاد اوكيه هذي سله يعني زين صح يوسف يناظر لها ويضحك : احبك نوره: والله انا احبك في بيت خال مها هيفا بدون نفس : هلا يا حصه حصه : كيف حالك هيفا هيفا : بخير حصه : انا بدخل بالموضوع على طول دام هذا استقبالك هيفا : اذا يوسف وداك علشان الفلوس كلامنا واحد ماعندنا شي حصه : فلوس ايش اللي تتكلمين عنها انا ما دري اذا بينكم وبين يوسف فلوس هيفا : لااااه حصه : والله العظيم انا جايه بوضوع ثاني .. >>>>وتلتفت لشنطتها وتطلع ورقه منها <<< انا جايه بخصوص ذي هيفا وهي تمد يدها تاخذ الورقه وهي عاقده حواجبها وتقرا: اعرف موضوعها بس انا ما شفتها .. وش عندك جديد ياحصه حكت حصه كل الموضوع اللي عارفته وسالتها وحلفتها ليه مها خلت يوسف بعد الحب اللي كان بينهم وهي متاكده ان الورقه مع محمد ولا شافتها مها هيفا : اسالي بنت خالك حصه : الله ياخذ بنت خالي أي موضوع تدخل فيه يخرب هيفا : اقول حصه ..قبلك جاء يوسف وقطع قلب ناصر يحلف له انه مايبغى من الدنيا غير مها ومايبغى الثروه اللي اتفق هو واخوه عليها وصدقناه وما في شهرين الا هو متزوج ومنهو نوره .. حصه : انت بس قولي لي بس ايش سبب ترك مها ليوسف هيفا : انتم مافيكم صادق الا نوره مثل ما قالت انها كان زواجها بيوسف على الابواب لين جت مها وفلوسه وطمع يوسف وتركها واخذ مها ولما مالقى من مها شي تركها ورجع لنوره حصه : انت وش تقولين اقولك والله العظيم ان يوسف عمره ما كان خاطب نوره ولاغيرها هيفا : انتم ما تبغون تجننون مها لحالها تبغون تجننون العايله كلها حصه : اقسم لك ان موضوع الورقه كان مثل ما قلت لكم وقالكم يوسف اول هيفا : انا ابغي اعرف يوسف وش يبغى بكت حصه : يوسف عقله بيروح اذا ما لحقناه امانه قولي اللي تعرفينه وساعديني انا ما ابغي منك تكرميني ولا تعطيني شي الله يخليك قولي اللي تعرفينه يمكن اوصل لشي اساعد اخوي فيه حكت هيفا لحصه كل اللي تعرفه وسمعته من مها ومن ناصر وكيف يوسف رفض الفلوس اول مره وبعدين جاء يطالب فيهم حصه : لايكون عطيتوه شي هيفا : اصلن مافيه شي علشان نعطيه حصه : الحين انا عرفت منين ابدى هيفا : وش قصدك ؟؟ حصه : عند نوره مربط الفرس وانا مسكت اول الخيط هيفا : تبغين تقنعيني ان يوسف ماهو مخطط للموضوع اصلن حصه : نشوف............. انا ما بغى احلف لكن اللي اعرفه من اخوي طول عمري ان عمره ما كانت اخلاقه بهالسوء..... هو كان عصبي شوي لكن عمره مارضى على ولا على امي العود اصلن انا كنت حاسبته ابو لى ماهو اخو وبس..... لكن اذا كان دافن كل هالشر لهالعمر الله يعينا قبل مها وياجرنا عن فقد ولدنا