أنت قدري - الفصل 84 - بقلم لولة الحلوة - مكتملة | روايتك

اتصلت مها على بيت خالها مها : الو هيفا : الو مها : هيفا كيف حالك هيفا : هييييييييييه مها هلا بهالصوت مها : هلا فيك كيف حالكم هيفا : حنا بخير نسال عنك ياعمري وش هالقطاعه مها : غصب عني ياهيفا هيفا : المهم سمعنا صوتك مها : كيف حال جدتي وخوالي هيفا : كلهم بخير ودايم يسالون عنك خصوصا جدتك مها : الله يسلمهم ان شا لله سلمي عليهم وقولي اني مشتاقه لهم هيفا : ماتقدرين تجين تري يوسف طلقك دق قلبها دقه قويه وتغير لون وجهها بلعت ريها بصعوبه وقالت بصوت مبحوح : متى هيفا حست بحالها تغير : مها وش فيك ماهو هذا اللي تبغين مها : هااا ايوه .. ايوه هيفا : حاسه ان فيك شي مها صارت دموعها تجري على خدها غصب عنها : لا ولا شي وش بيكون في هيفا : وش فيه صوتك مها : ولا شي ... هيفا : انا ما قلت لك تري يوسف جاء امس يطالب خالك بحصتك من الورث مها : عطوه اللي يبغى هيفا : بسسسسسسس مها : بس ايش هيفا : خالك انكر انك متنازله له عن شي مها بستغراب وحتى دموعها نشفت : ليه ؟؟؟؟!!! هيفا : يقول حس ان يوسف هالمره طمعان وانه فيه شي متغير مها : اذا كان هذا هدفه من اخذني وش بيتغير فيه .. لا وتوج صبره بزواجه من نوره هيفا : هيييييييييه تزوجها ... ياعلها ماتهني لاهي ولاهو مها : عطوه الفلوس خلوه يستانس معاها هيفا : نعطيه وجع ان شالله والله الحين انا اللي ما اعطيه ولا فلس لو يموت مها : لكن انا تنازلت هيفا : انت خبله وبعدين خالك يقول بيشوف طريقه يرجع لك حلالك فيها ولا تطول بنت عنودوه ريال واحد منها مها وهي تتنهد بعمق : المهم سلمي على خوالي وجدتي وانا بتصل عليهم ان شالله عن قريب في يوم زواج يوسف نوره : يالله يمه صكي السحاب زين العنود : اممه اممه .. الله يهدالك يا نوره مضيقه االثوب مرره نوره بعصبيه : اووف منك ..لا ماهو بضيق بس انت شدي العنود : اخاف ينقطع نوره : اقولك شدي العنود : اهاااه .. هييييه نوره بصراخ : ايش العنود : انقطع السحاب نوره : الله ياخذاك زين .. العنود : الله ياخذك انت .. تراني امك يابنت نوره : الحين وش اسوي .. لو وريدك اللي منقطع ماهو احسن امها ت اخر زمن العنود : نوير انت فلت زمامك .. هذا كيف لو كنتي ماخذه يوسف بعقله نوره : اششش لاتفضحينا العنود : من اليوم وانا صابره عليك ترى اذا ما تعدلتي والله لاقول لحصه سر اخوها واخرب بيتك وبيت ابوك اللي ما عرف يربيك نوره : خلاص يمه انت تاخذين على حكيي وانا بهالحاله يمه انا انتظرت هالحظه سنين ولاجت بهين لازم تقدرين ارتباكي واني اتكلم ماهو من عقلي والا انت تعرفين قدرك عندي يالغاليه العنود : هذا وانا لي قدر كيف اللي ماله قدر نوره : الحين تصرفي بهالثوب اللي صار كذا >> وتاشر على السحاب المقطوع العنود : مالي شغل عساك ما عرستي نوره : الله يخليك يمه لا تخليني انا ما لي غيرك العنود : دامك تعرفين كذا وتعرفين ان اللي سويتيه ليوسف ما صار الا بمساعدتي وانك لو لحالك ومعالك سحر الدنيا ما تحصلينه تعدلي معي احسن والله اسوي شي ما يعجبك نوره : اللي تبغينه بس ساعديني العنود : شوفي يانوره دام من اولها نهرتيني قبل تصيرين ببيت أبو الشباب والله ما أأمنك ابد نوره : يمه وش بلاك العنود : تبغيني اسكت عن البلوة اللي سويتيها اكتبي بيت يوسف بسمي من تطلعين من هالبيت واذا ما صار هالشي والله لافضح سوايك كلها نوره : خلاص لااحد يسمعك كانت رنا اخت نوره جايه تشوف نوره اذا تبغى شي وسمعت اخر الحكي اللي دار بين امها واختها نوره بهمس : كنه في احد عند الباب العنود : من نوره وهي مره خايفه ان احد سمع امها : روحي شوفي مشت العنود بشويش للباب وفتحته ولقت رنا العنود :هيييييييييه رنا وش تعملين هنا رنا بارتباك : هاااا جايه اشوف نوره تبغى شي نوره : ما بغي شي من وجهك انقلعي العنود : انت من متى هنا رنا : الحين بس العنود : طيب روحي جيبي ابره وسلك ابيض رنا للحين مرتبكه : منين العنود : من جهنم تصرفي رنا : طيب ظلت العنود واقفه على الباب لين ابعدت رنا نوره : تظنين اسمعت شي العنود : رنا خبله ما تهمها هالاشياء وحتى لو اسمعت ما راح تفهم كملت نوره لبسها بعد ما عدلت الفستان اللي طلع كنه ضاغطها يفشل .. وطلعت للمكان المخصص للعروس دخل يوسف وصورت معه وكانت جرئيه مره بالصور وحتى ان المصوره استغربت أول مره تشوف عرس بالجراءة هذي والمعرس منقاد ومستسلم حتى انه بس مبتسم ولا يستوعب الكلام .. الناس اللي حضروا العرس كانوا كثير مره ناس تبغى تشوف بديلة مها وناس حضور مجامله ليوسف وأهله وناس حاضره من طرف نوره دخلت نوره الصاله وكانت وهي تمشي تسمع بعض الحريم يتهامسون : هذي اللي بدل فيها مها وع ماعرف يختار ......: وش هالجسم ما سوت رجيم ......: الله نوره طالعه اليوم غير ......: الله يعين قلب يوسف الميزك ما كان مخبي صوت الحريم اللي بدت تعلق ونوره مره تضايقت طلبت من اختها يرفعون على صوت الاغنيه وكانت اغنيه حلوة الحلوين لمحمد عبده ........ : ههههههههه بالعون الاغنيه لايقه عليها مررررررره ههههههههههههههه دخل يوسف ياخذها .. من الكوشه وزادت التعليقات .......: الله كل هالجمال لهذي ..... : دنيا حظوظ .......: وشلون خلا مها كانت لايقه له ماطلعة نوره من الصاله الا طالعه روحها دخلوا غرفتهم بالفندق الفخم اللي كان حاجزه يوسف يوسف : مبروك حبيبتي نوره بحيا مصطنع : الله يبارك فيك يوسف : اخيرا صرتي لي لحالي الله يتم فرحتنا نوره : بيتمها لو ابعدنا عن الحساد والناس اللي متكاثريني عليك يوسف : من الحساد ذول نوره بحقد : اولهم اختك حصيص يوسف : والله طرتها ياروحي لكن هي وجها مغسل بمرق ماتفهم نوره : انا بتصرف معها يوسف : اشارتك خضرا اللي تبغينه سويه نوره : وهذا عمك النجس لا يدخل بيتي فاهم يوسف : اطرديه نوره : لا اطرده انت واذا عيا انا اتصرف يوسف : ماشي .. نوره : واخوك اللي مثل ابوه هذا يوسف : هذا كل الناس اعدائك نوره وهي تحضن يوسف بجراءه :الا انت ياقلبي يوسف : انت قلبي في الصحراء ابو إبراهيم : يعني مصر ياولدي تفارقنا محمد : انا ان شا الله ما قطع فيكم وراح اواصلكم ان شالله بس انا ضيعت كثير من ديني ودنياي ابغى الحق على اللي يقدرني الله عليه ابو إبراهيم : الله يوفقك ابراهيم : والله بنفقدك يامحمد محمد : ماتفقد غالي سلم عليهم محمد وراح مع إبراهيم لديره وصل محمد للبيت الساعة 12 بعد الظهر من اليوم الرابع لزواج يوسف دخل البيت وكان البيت هدوء محمد : هيييه يا عرب .. وين الناس راحلين ام يوسف طلعت على صوت ولدها وركض عليها وحضنها وسلم على رأسها ويدها : سامحيني يمه ام يوسف وهي حاسه نفسها مررره مشتاقه له : هلا يمه وين هالغيبه محمد : انا مشتاق لك حيل وحصه ويوسف وابوي ام يوسف بستغراب : انت محمد والا مبدلينك محمد : الله اللي يهدي يمه الله اللي يهدي ام يوسف :الله يتمم عليك محمد : وين حصه ابغي اتسامح منها انا غلطة عليها ام يوسف : حصه في بيتها .. نزل يوسف وهو ينزل الشناط من فوق : انت شرفت محمدوهو مقبل على يوسف مبتسم يبغى يسلم عليه : سامحني ياخوي يوسف : لا اسامحك ولا تسامحني ومن الحين اقولك بيتي يتعذرك ام يوسف : ياويلي وش هالكلام .. وين يروح محمد : من عذرك يايوسف تقول اكثر انا اطلع بحاله وحده اذا سامحتني عن اللي سويته فيك يوسف وهو يدفعه : اقولك بيتي يتعذرك انت وابوك محمد: ابوي بعد .. ليه وش اللي صار يوسف : بيتي وانا حر محمد : وين يروح هذا بيته وبيت زوجته اللي هي امك يوسف : اقول لا تكثر حكي وطلع برى محمد : انت لهالدرجه زعلان منى انا اسف ياخي وهذا راسك >>> جاء يبغى يحب راسه ودفعه بقوه لدرجه انه جلس على الكرسي اللي وراه وكان بعيد ام يوسف : يوسف ؟؟؟ يوسف : يمه مالك شغل ام يوسف : انت والله مبلي بنت عبدالله سوت فيك العجايب محمد : بنت عبدالله ؟؟ نوره كانت بنص الدرج تسمع الحكي وعجبتها هالجمله يوسف : اقول انا رجال متزوج والبيت له اهل ولهم وحرمه وماابغي أشوف أغراب هنا ماهم محارم لمرتي ام يوسف : لكن نوره بنت خاله محمد : نوره من ؟؟ ام يوسف : نوره بنت خالك فهد زوجت اخوك محمد : شلون؟؟؟؟؟؟؟؟؟ انزلت وقالت بوقاحه : زي الناس يامحمد محمد : ومها ؟؟ يوسف: الحين ليه جالس انت ماتستحي اطلع برى نوره : وخذ ابوك معك ام يوسف : وين يروحون نوره : عمه اذا تبغينهم روحي معهم وفكينا محمد بعصبيه : فك الله ارقبتك .. وانت واقف وهي تكلم كذا على امك يوسف : فك الله ارقبتك انت .. ويالله اطلع برى وخذ امك وابوك بعد انا ما بغى احد هنا ام يوسف تبكي من حال يوسف : تطردني ياوليدي محمد : يمه ما تبكين وانا حي والله لو اشحذ اللقمه امشي امشي ام يوسف : هذا بيتي ولا انا طالعه كانت ام يوسف تبغى تكون قريبه من يوسف اللي عارفه ومتاكده انه ماهو طبيعى نوره : أي بيتك هذا بيتي انا وطلعي بري يالله محمد : انثبري ياللي ماتستحين يوسف قام يدفع محمد ويضربه : اطلع برى محمد : انا طالع .. يالله يمه نوره : ايه اذلفي مع ولدك محمد : انت ما تسمع وش تقول لامك .. انت يوسف انت والله بك البلا وانا ادري وشلون اتعامل معك يوسف : اقول اذلف طلع محمد بعد ما ارفضت امه انها تطلع من البيت ترجاها محمد تجي معه لكن خوفها على يوسف خلاها تتحمل الاهانه وتجلس يوسف : يالله يروحي ترى تاخرنا على المطار نوره وهي تشيل غطاها : اوووووف عكروا مزاجي الله يخذهم يوسف : يالله نوره : وهذي يوسف : ما عليك منها خليها تولي ام يوسف : وين يبه ؟؟ يوسف : وانت وش دخلك بالموضوع ام يوسف : انا امك يوسف : اوووف لمتي يعني .. انا خلاص استغنيت بنوره عن العالم .. نوره كانت كشرتها واصله لاذنها : يالله ياروحي التفتت لام يوسف : هي انت انا الحين مسافره مابغي ارجع والقاك ابغي اتهني في بيتي فاهمه