أنت قدري - الفصل 82 - بقلم لولة الحلوة - مكتملة | روايتك

في بيت يوسف يوسف كان يكلم نوره على التلفون يوسف : هلا حبيبتي آمري نوره : ابغى عرسي كل الناس تسمع فيه لاقبله ولابعده يوسف : اللي تبغينه بيصير نوره : ما بغي حصيص تحضره يوسف : حصه ان حضرته اقطع خبرها من الدنيا وبعد يا روحي آمري نوره : ابغاك تحط اعلان عنه بالجرايد العربيه والاجنبيه يوسف : وليه كذا عاد نوره بعصبيه : لاااه اخاف تبغى تسوي لي حفله عائليه بس.. الله والعائله المتسنعه يوسف : انا اقول الجرايد ماهوالحفله نوره : ابغى مهيه عيون البقره تدري اني تزوجتك يوسف : انا اتضايق من طاريها ارجوك لاتجيبينه على لسانك نوره وهي بقمة فرحتها : خلاص ما بجيبه بس سو اللي ابغاه يوسف : حاضر ياروحي نوره : اقول فلوس شينه الحلايا وينها يوسف : أي فلوس نوره : ورثها يوسف : ايييييي ذكرتيني انا اخبر انها تنازلت لي عنهم نوره : هااا....!!! تنازلت لك .. طيب وين وديتهم يوسف : انا ما اخذت شي نوره : مالت عليك غبي الحين تروح وتجيب الأوراق .. نبغي نعيش يا غبي يوسف : وش أقول أنا قطعت الأوراق نوره : مالي شغل دبر نفسك يوسف : طيب طيب نوره : الحين تروح فاهم يوسف : طيب ... سكر يوسف التلفون ونزل علشان يروح لخال مها ويجيب منه الاوراق شاف حصه عند امها يوسف : انت وش جابك انا ماني قايل لك لاتجين هنا ولا مافي فايده حصه : ........................ ام يوسف : يوسف وش بك يوسف : انت مالك شغل .. واذا تبغينها روحي لها ام يوسف : الله يهديك يوسف وهو معصب : ايش الله يهديك انا مجنون ام يوسف : .............................. يوسف : انا مشغول الحين لكن مردود عليكم وطلع يوسف لبيت خال مها حصه : والله يوسف فيه بلا ام يوسف وهي تبكي : بعد كلامه هذا عز الله ما هو بصاحي انجن بعد ما رحت مها الله لا يوفقها وين ما توجهت جننت وليدي حصه : يمه حرام عليك مها مالها دخل البلا من نوره ام يوسف : نوره الله يسامحك نوره رضت باخوك علشانه ولدي وهو هذا عقله حصه بعصبيه : من قالك ذا الكلام ام يوسف : نوره هي قالت والله يعميمتي علشانك انا برضى بيوسف وهو هذا حالته حصه : الله يعلها لا والله البلا من تحت راسها ام يوسف : تري الظلم ماهو زين انت فاهمه خطا مها هي اللي هبلت الولد ونحاشت حصه : ايه زين زين ام يوسف : وش اللي زين زين حصه : انا اللي بعرف نوره وشلون تقبل بمهبول اذا ما هي السبب اقطع يميني ام يوسف : اقول اقطعيها من الحين نوره مالها شغل جزاها الله خير اللي ظفت اخوك بعد ما انهبل والا هذا يوسف اللي يحلف باخلاقه الصغير قبل الكبير حصه وهي تخنقها العبره : لا واله ما هو هو في بيت ناصر يوسف : ابغى الاوراق اللي بها مها تنازلت لي عن حصتها من الورث ناصر : وش الطاري اجل ما قطعتهم ورفضت تاخذهم يوسف : بس الحين ابغاهم ناصر : انت طلقت مها ؟؟ يوسف : ايوه ناصر : اجل ما لك شي عندي يوسف : ايش ؟؟؟ ناصر: كانت خطه علشان تطلق البنت والا انت مصدق إنا نعطيك فلوسنا على البارد كذا ليه حنا مهابيل يوسف : انا اقول هالوجيه مايطلع منها خير والحمد لله اني عرفتكم على حقيقتكم ناصر : الحمدلله انا حنا اللي عرفناك على حقيقتك قبل فوات الاوان والحين طلع بري من غير مطرود يوسف : طالع طالع