كنت في عز الثبات لين شفتك وانهزمت - الفصل 167 - بقلم ريناد | روايتك

البــــــــــــــــــــ 167ـــــــــارت كان بدر يقلب بالأوراق وفجاه وقف وهو يفكر في نوف تذكر كلام عبدالعزيز وابتسم وبعدها كمل يقرا ولكن قاطعه رنين جواله رفعه وابتسم:.هلا توني كنت افكر فيك عبدالعزيز:.وش تفكر فيه ؟ بدر:.بالشي اللي ممكن اطلبه وتعطيني عبدالعزيز:.انت بالاول طلع الرجال بعدها اطلب بدر:.متاكد تعطيني اللي ابيه ؟ عبدالعزيز:.ايه متاكد بشرني تطور شي بالموضوع؟ بدر:.بكره بشوف نواف اخيرا سمحو لي اشوفه ابتسم بفرحه:.متاكد؟ ابوه بيروح معك؟ بدر:.شي اكيد عبدالعزيز:.الله يبشرك بالخير والله يا بدر ان هالقضيه مهمه ونواف لازم يطلع بدر ببتسامه:.افا عليك لا تشيل هم دامها تحت يدي عبدالعزيز:.واثق فيك بدر:.طيب لا تعطلني عن شغلي عشان نواف يرجع لكم بسرعه ابتسم عبدالعزيز:.اجل اخليك لاوصيك نواف لازم يطلع . . . نزلت شوق بخطوات هاديه لمحت ابوها وقربت منه ابو نواف:.تعالي يا بنتي اجلسي معي شوق:.يبه وين امي غريبه ما نزلت ؟ ابو نواف:.امك ماخذه موقف وزعلانه وماهي بتجي شوق:.ليش يبه؟ وش صار! ابو نواف:.تبي كلمتها تمشي شكلها نست اني الرجال وانا اللي اقرر ويوم الجمعه عقد قرآنك شوق:.يبه خذها باسلوب امي طيبه وتبي مصلحتنا مثلك ابو نواف:.امك عنيده ماتسمع لاحد عهود عقدت حواجبها وبستغراب:.مين العنيده؟ ابو نواف:.تعالي انتي وين كنتي عهود:.امرني كنت فوق عند حنين ابو نواف:.كيفها الحين؟ عهود:.على حالها وكل دقيقه تسال عن نواف ابو نواف:.بشريها انه راجع قريب عهود:.شكلك تعرف شي وما تقول لنا؟ ابو نواف:.املي بالله كبير .. ابتسمت شوق وانسحبت بهدوء طلعت لغرفتها واخذت جوالها استغربت انه ما اتصل ولا ارسل قلبت الجوال بيدها وهي تفكر تتصل فيه او لا وبعدها اتصلت اخذت نفس عميق وهي تسمع صوته المبحوح:.هلا بالزين هلا بشوق رجف قلبها وابتسمت وبعدها تكلمت وكانت تحاول بكل جهد تكون طبيعيه:.هلا عبدالعزيز كيفك! عبدالعزيز:.بخير يا عيونه انتي اللي شخبارك طمنيني عنك وكيف اهلك شوق:.انا بخير وأهلي ما عليهم بس ننتظر رجعه نواف عبدالعزيز ببتسامه:.وما تنتظرين شي ثاني؟؟ شوق بستغراب:.زي وش مثلا!! مافيه شي انتظره عبدالعزيز:.يا حسافه حماسي طلعت متحمس اكثر منك شوق:.متحمس على ايش! عبدالعزيز:.نسيتي يوم الجمعه وش راح يصير؟ شوق تسارعت نبضات قلبها والتزمت الصمت عبدالعزيز:.يوم الجمعه انتي راح تصيرين ملكي يوم الجمعه باذن الله بتكونين معي الى الممات يوم الجمعه يا شوق انا راح املك كل شي فيك وراح تصيرين ملكي للابد نزلت دموعها وهمست:.انا ملكك دائما بس كنت اتمنى اخوي يكون موجود عشان يشوف الشخص اللي اخترته ابتسم وبحنيه:.نواف بيطلع لا تخافين شوق:.عبدالعزيز انا احبك عبدالعزيز:.ما تدرين وش كثر مبسوط انا حالياً اسعد خلق الله مبسوط ان ابوك أعطاني اميرته شوق:.وانا اكثر وحده محظوظه انك بحياتي ابتسم وشوق تنفست بهدوء وهي تهدي مشاعرها اللي تضاربت مع بعضها . . . عند مي نزلت وكانت امها جالسه بالصاله جلست بهدوء وناظرت في امها السرحانه:.يمه فيك شي؟ ام مي:.لا يمه بس افكر في خالتك وكيف حالها مي:.نواف للحين ما طلع!! ام مي:.لا والله ولا بعد ابو نواف بيزوج بناته وملكه شوق الجمعه مي:.مو حلوه يفرح فيهم وولده بالسجن!! ام مي:.والله اختي زعلانه وتقول ما اخذ شورها مي:.الله يهديه بالنهايه اللي بالسجن ابنه ام مي:.ما ادري يا بنتي مي:.لا تفكرين وتشغلين بالك يمه ان شاء الله يطلع والحين بقوم اسوي لك قهوه يحبها قلبك ام مي:.والله زين تسوين يمه وقفت مي وتوجهت للمطبخ وحضرت القهوه وفجاه داهمتها ريحه عطره ابتسمت وهزت راسها بالنفي:.علامي صرت اشم ريحة عطره وهو مو حولي! . . معزوله عن كل شي وصورته بيدها بكت بالم وضمت الصوره لقلبها:.اشتقت لك كلهم يقولون بترجع بس انت ما رجعت!! متى تحن علي وترجع متى تعرف ان فيه انسانه انت كل دنيتها رفعت عيونها على عمر اللي كان يبكي وقفت ومسحت دموعها واخذته وتكلمت بصوت متعب:.لا تبكي يا روح امك يكفي دموعي لا تزيدها علي عمر نطق بصعوبه:. ب بابا لمعت عيونها وناظرت فيه بصدمه رجع يبكي وكأنه يدور على احد حضنته وهي تبكي معه:.عمر انت نطقت!! انت قلت بابا!! انت اول شي قلته بابا يا عمري ابوك بيجي ما بيخلينا وفجاه دخلت شوق وتكلمت بخوف:.عمر فيه شي ليش تبكون؟؟ حنين وهي تبتسم ودموعها تهطل على خدودها:.قال بابا عمر تكلم يا شوق وقال بابا شوق ابتسمت:.يا عمري تكلم!! حنين وهي تحضنه وتشد عليه:.تمنيت ان نواف موجود ويسمع ولده وش قال شوق بحنيه:. بيرجع كلنا ننتظره حنين:.بس عمي ما انتظره ! وبكره ملكتك وبتفرحون ونواف مو موجود .. 🔮📚 @storykaligi 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮