الفصل 80
بعد شهرين
يوسف تحسنت حالته الصحيه وصار احسن لكن الشي الغريب اللي طرا على حالته حبه المفاجئ للعنود وبنتها اللي اول ما كان يطيق يسمع اساميهم والكل لاحظ وبعد العنود ونوره كثرة روحاتهم وجياتهم معه وصار يروح لهم بالبيت اللي عمره ما ادخله صار يجلس عندهم ويسهر
وفي يوم كان جاي من السهره من عند بيت خاله
ام يوسف : انت جيت
يوسف : هلا يمه
ام يوسف: منين جيت
يوسف : من بيت خالي فهد
ام يوسف : خالك فهد هناك
يوسف : لا عنده شغل بالجبيل وهو هناك من امس
ام يوسف : اجلس ابغاك
يوسف : والله يمه تعبان ابغى اريح شوي
ام يوسف : شوي ماني معطلتك
يوسف : هاااه وهذي جلسه امري
ام يوسف : يمه يوسف انت ابو الفهم كله وتري العيب ما يجي الا من اهل العيب
يوسف : ................
ام يوسف : اشوف طلعاتك ودخالاتك لبيت خالك اكثرت على غير عادتك وتر الناس لها عيون وان ما حكت اليوم بتحكي بكره لان خالك ماله ولد واللي بالبيت ماهن محارم لك
تاذى يوسف من كلام امه : الناس من متى خلت احد بحاله
ام يوسف : بس انت عاقل وعليك مشروه وانت تدري ان اللي تسويه غلط انت بنفسك ماترضاه لو البنات هذي خواتك
يوسف : اصلن البنات ما يجلسن معانا ماتجلس الا نوره ومغطيه وجهها بعد
ام يوسف : الناس لها الظاهر وش دراهم ان نوره او غيرها يجلسن بغطاهن عندك الناس تشوفك فايت للبيت بغياب خالك يطري عليهم أي شي.. انا وانا امك واعرفك زين مستغربه من تصرفاتك
يوسف : هااا
ام يوسف : أي والله
يوسف : خلاص انا ابغى اقطع كلام الناس واتزوج نوره
ام يوسف : نوره ؟؟؟؟؟؟؟؟
يوسف : ايوه نوره وش فيها نوره
ام يوسف : مافيها شي بس وش قلب حالك مهي هذي نوره اللي ماهي عاجبتك ومت وانا اعرضها عليك
يوسف : كنت غبي نايم والحين صحيت وابغى اتزوج نوره
ام يوسف : ومها ؟؟
يوسف عقد حواجبه وصار وعصب : اطلقها طبعا
ام يوسف : برد قلبي وقلي ليه وش صار
يوسف : ما احبها اكرها ولا تجيبين طاريها تري اتهور واقول شي يمكن ماترضين عنه
ام يوسف بقمة الاستغراب من حال يوسف : لهالدرجه يعني
يوسف : واكثر
في دوانية جراح
جراح : ما شا الله .. صرت استاذ اشوف
محمد : اعجبك
جراح : كم وزعت
محمد : في الشهر اللي فات الف وخمس مية حبه
جراح : ماشالله ..والله شى
محمد : لا وابغى اعلم ساير علشان يزيد الشغل
جراح بعصبيه : غبي انا ما قلت لك لا حد يدري .. هذي الامور لازم تتم بسريه تامه .. ولعلمك ان الشي اللي خلاك تنجح بمهمتك هو انك وجه جديد ولا انت مكشوف .. والسر ياذكي اذا طلع شاع والصبح تلقى نفسك ترفس بالسجن ساعتها لا اعرفك ولا لي علاقه بك
محمد:......................
جراح : لا تنح كذا ما بغى احد يدري بالموضوع
محمد : طيب ..بس هات فلوس
جراح : نعم!!!
محمد: وش بك .. ابغى فلوس
جراح : هيه ...فوق ياحبيبي ... ماراح اعطيك ولا ريال لين تسدد اللي اخذته مني
محمد: انا سددته واكثر .. وانا الحين ما طلب الا حقي والا تبغى تاكله على
جراح : مالك شي .. بقى عليك كثير ولا تنسي اني انا صاحب هالمشروع والريئس ولا تخالف اوامري
محمد : ما احد ريئس على احد حنا اشركا
جراح : نعم نعم
محمد : نعم اشركا انا بحياتي اللي مخاطر بها وانت بالبضاعة اللي مطلوب منك انت توزعها تحسبني ما ادري
جراح : اقول دام قولك كذا ما لك شي عندى وطلع بري
محمد بقمة ثورته : وفلوسي ومجهودى ؟؟
جراح وهو يدفع محمد خارج الديوانيه : اطلع برى
محمد بقمة الثوره يدفعه وطاح جراح على الارض وصار محمد فوقه واخنقه : هات فلوسي يالحقير
جراح بصوت مخنوق : لا اموت ابعد عني ..
محمد على نفس وضعه : تموت اكيد اذا ماجبت فلوسي
جواح وهو يقاومه : اعطيك .. اتركنى اعطيك
ابعد محمد يدينه بشويش :هات
قام جراح والحقد مالي قلبه وحط يده بجيبه يطلع الفلوس ولمست يده سكين بسرعه وسوس له الشيطان سحب السكين وحطها في بطن محمد
تمتم محمد بعض الكلمات قبل لايطيح
جره جراح وحطه في شنطة السيار من ورا وهو ينزف ودخل فيه الصحراء ورماه
رجع جراح للبيت وغسل كل اثار الدم عن المكان وعن السياره وهو يحس براحه لانه انتقم من محمد .. اللي خالفه وهو يبغي يسوي ريئس عليه
في بيت يوسف
تمت خطبت يوسف من نوره اللي صارت بقمة فرحتها .. وتحققت امنيتها
الخطبه اللي ما حضرتها حصه
ام يوسف وهى راجعه من بيت اخوها بعد حفلة الملكه : حصه انت هنا
حصه : ليه يمه ليه تسوين كذا
ام يوسف : وانا وش سويت يابنت ؟؟
حصه : نوره عاد مالقيتي الا نوره
يوسف الي دخل : وش بها نوره .. ياحصه
حصه وهي تبكي : من متى هالحب ؟؟انا الموضوع هذا ماني مرتاحه له
يوسف : من اليوم وبعد ونوره هي راعية بيتي واللي ما هي عاجبته يتفضل لا يوريني وجهه
حصه : هيييه هي وصلت لكذا
يوسف : واكثر
حصه : لااااه ما انت اخوي اللي اعرف الحين 100% الموضوع فيه ان
يوسف : اقول لا تكثر علومك .. وروحي لبيتك اللي كل يوم تاركته ومقابلتني
حصه : انا جايه بيت ابوي
يوسف : هههههههههههه أي بيت ياماما هذا بيتي والا نسيتي
ام يوسف : يوسف !!
يوسف : الظاهر بنتك فاقده الذاكره وتحسب ابوها مات مليونير تري اللي عيشك عند عمك ماهو الفلوس اللي تراكها ابوك .. اللى كان يصرف عليك هو انا وتعبي طول هالسنين اعتقد وصلك حقك وزياده من البيت المكسر اللي تركه ابوك وانا اشتريت
ام يوسف : بس هي ما باعت
حصه : اتركيه يمه هذا ماهو بعقله
عطاها كف لف وجهها : ليه انا مجنون
ام يوسف وهي تحضن حصه : يوسف !!!
حصه : عز الله انك بقمة الجنون .. والله ان فيك البلا ماانت يوسف اللي اعرف
شدها من يد امها : اقول اطلعي برى ..
حصه وهي طايحه بعيد عن امه : طالعه انا ما اتشرف ان تكون انت اخوي
يوسف : بالعنه
ام يوسف : اذا طلعة حصه تر انا اطلع ولا اقعد دقيقه
يوسف وهو يلوح بيده من ورا ظهره وهو طالع لغرفته: مع السلامه
ام يوسف : هي وصلت لكذا امشي امشي ياحصه
حصه : لا يمه خلك هذا بيتك
ام يوسف : البيت اللي تنطردين منه ما اجلس به
حصه بحزم : لا بيتك ووبيت ابوي ولا تطلعين منه وانا اعرف اتصرف
وطلعت حصه مطروده من اخوها اللي عمره ما زعلها ولا يوم وكان يسوي المستحيل علشان حصه تنبسط
كانت حصه تمشي وهي تسال نفسها ياترى وش قلب حالك يايوسف وخلاك كذا ياتري
ولاهي زعلانه قد ماهي xxxxxة بحاله ودها تعرف اللي صار لاخوها اللي عمر اخلاقه ما كانت كذا