الفصل 77
اما مها اتصلت على بيت خالها
مها : الوسلام عليكم
هيفا : هلا بهالصوت كيف حالك ياحياتي انشالله بخير
مها : لا والله ياهيفا ماني بخير وانتم عاطين يوسف رقمي
هيفا: يوسف اقسم بالله مادري عن الموضوع
مها : يعني خالي هو اللي عطاه.. بالعقل ياهيفا .. ماحد يعرف الرقم الاانت وخالي حتى خوالي وجدتي مايعرفونه
هيفا : اصبري طيب لين يجي خالك واساله
مها : ادق عليه مايرد على
هيفا: لا والله هو ناسي جواله هنا وانا مارديت احسبه واحد من اصدقاه
مها : طيب ياهيفا اعذريني انا بكسر الشريحه هذي وطلع رقم جديد دامه وصله يوسف
هيفا : طيب اذا طلعتي رقم جديد دقي امانه واعطيه لي
مها: ان شالله .. هيفا
هيفا : نعم
مها : خالي عطى الاوراق ليوسف
هيفا: ماسالته ..
مها : يعني ماتدرين .. انا كنت ضانه عندك خبر زين
هيفا : مستعجله على الطلاق ..خالك بعد اكثر منك ولو انه متحسف كل هالاموال في واحد مثل يوسف
مها : ماعليه انا مابغى شي ابغي اعيش بسلام وبس وانسي يوسف واليوم اللي عرفته فيه
هيفا : الله كريم
مها : سلمى على جدتي وخوالي وعلى بناتك ..وفمان الله الحين
هيفا : خذي بالك من نفسك
مها : على خير انشالله
في بيت فهد خال يوسف
نوره : الخطوه الاولى خلاص يمه.. الباقي عليك
العنود: وش تقصدين؟؟
نوره : انا طيرت مها .. الحين ابغى يوسف.. ابغاه لي انا وبس
العنود : وش اسوي ..يعني اروح احبه على خشمه واقوله تزوج نوره
نوره : مالي شغل .. انا ابغاه
العنود : انت قولي وانا انفذ ..ترى انت اللي امي
نوره : والله ادري ماوراك غير تمسخر والتهريج
العنود : لااااه ..انت فلت أزمامك ...
نوره : تصرفي ...ترى يوسف مافي مثله منصب وشكل واصل وكل اللي تماه أي بنت فيه
العنود : بس عقله مع مها
نوره : يصير معاي .. لانه كان يبغى مها لهدف وراح اللي يبغاه
العنود : يانوره خلك واقعيه .. مها على جمالها ماحركت قلب يوسف .. وكان متزوجها علشان فليساتها .. انت ولا تزعلين ياخذك على اش .. لا مال ,لاجمال
نوره : انت ام انت .. ويقولون القرد بعين امه غزال .. وين هالسوالف عند انت امي والا لاقيتني
العنود : رحم الله امرءن عرف قدر بنته هههههههههههههه
نوره : ابغي افهم وش يضحك بالموضوع ..
العنود : اضحك على عقلك .. ترى اللي صار مع مها كان صدفه .. ويوسف وهو ماعنده احد مااخذك
نوره : ابغاه لو انك تسحرينه ...((وتسكت شوي )) ايه ليه ما نسحره
العنود : نسحره
نوره : ايوه انا اسمع ان السحر يغير القلوب والعقول ويخلي يوسف مثل الخاتم باصبعي
العنود : وين نلقى اللي يسحرون
نوره : انا اللي القاهم .. ههههههههههههههههههههههههههههههههه
العنود : الحمدلله على العقل
نوره : بكره تشوفين
بيت يوسف
بعد صلاة العشاء
طلعت ام يوسف لجناح يوسف ودقت الباب لكن ماحد رد
افتحت الباب بشويش
ودخلت ..
الصاله مافيها احد
دخلت غرفة النوم .. مافيها احد
لقت يوسف في غرفة الملابس جالس قريب من الدولاب
ام يوسف : انت هنا يمه وانا من شوي انادي ماتسمع
لكن لما قربت منه لقته على الارض بدون حركها كان قلبها بيوقف
صارت تنادي لاحمد بصوت اشبه بالصياح
دخل احمد لجهة الصوت مفزوع
احمد : وش بك يامره
ام يوسف : ياويلي يااحمد ولدي ما دري وش به ما يتحرك
قرب منه احمد والخوف ماليه قلبه : يوسف!!! يوسف !!
ام يوسف : ااه يمه ياولدي ما يرد
احمد: يوسف يابوي رد على يوسف
ام يوسف : اتصل على الاسعاف ..
قام احمد جري واتصل على الاسعاف وبسرعه كانوا بالبيت واخذوا يوسف معهم للمستشفي .. وتبعه العم احمد وامه بالسياره